Jisōs im kōrā eo bōke kōn ļōn̄

Pāpode 26

Elmen An Katak ko an Rilo̧mo̧o̧r Jipan̄ N̄a Kōm̧m̧ani Jemļo̧k ko Rekwojarjar?

Matu 6–7

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe Eļap,, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta unin kōnono ko me bisoprik eo rekar kōnono kaki ilo iien kweilo̧k ko an ward ko̧o̧njeļ eo an jodikdik ro? Ta eo jej aikuji n̄an kōm̧m̧ane āinwōt juon doulul ak kūlaaj pedped wōt ilo ekōnono ko?

• Kea kōn ro rej pād ilo aikuj. Ewi wāween ad jipan̄ armej ro ilo wāween ko an Kraist n̄e jej lo juon aikuj im jejjab jeļā ta eo jen ba?

• Karuwaineneik aolep n̄an bōk gospel eo. Ta eo jej loe ilo gospel eo an Jisōs Kraist me ej bōktok n̄an kōj lan̄lōn̄? Ewi wāween ad jeere lan̄lōn̄ in n̄an ro jet?

• Kobaik baam̧le ko n̄an indeeo. Ta eo jenaaj kōm̧m̧ane n̄an lo āt ko etan ro jibūd im jim̧m̧aad ro rej aikuj kain̄i ko an tampeļ? Ta eo jemaron̄ kōm̧m̧ane n̄an jipan̄ doon lo et ko etan ro jibūd im jim̧m̧aad?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Ewōr men ko jekōnaan kōm̧m̧ani ilo kōj kajjojo—itok wōt jān wōtlak eo—n̄an ekajet e ro jet, jet iien ejjab ilo ālikinjepjep ak ilo ad ba em̧m̧anļo̧k kōj. Ak Rilo̧mo̧o̧r ekar katakin, “Koṃwin jab ekajet, bwe en jab ekajet koṃ; ak ekajet jim̧we” (Joseph Smith Translation, Matthew 7:1 [in Matthew 7:1, footnote a]). Kejōkļo̧kjeņ elmen an ko̧o̧njel kein rej elaajrak maron̄ kōjeram̧m̧an kwe im ro kwoj katakin. Rilo̧mo̧o̧r ekar kwaļo̧k ilo waanjon̄ak ta meļeļein An ba “ekajet ilo weppan̄.” N̄an waanjon̄ak, kajeon lale elmen An kar jọut kōrā eo ekar mour in lōn̄. Ekar jab liaakḷọk e, ak Ekar jab bar errā ilo jerawiwi eo an. Ekar karuwainene e n̄an “ilọk, im jab bar jerọwiwi” (Jon 8:11). Ta eo kwar ekkatak kōn ekajet ilo weppan̄ jan Rilo̧mo̧o̧r?

Ilo am̧ linūri elmen am̧ nej jipan̄ jodikdik ro meļeļe ekajet jim̧we, komaron̄ ekkatak Matu 7:1–2 im ennaan eo an Elder Lynn G. Robbins “The Righteous Judge” (Liahona, Nov. 2016, 96–98).

Ekkatak Ippān Doon

Komaron̄ jino ekōnono kōn ekajet weppan̄ ilo am̧ kajjitōk ippān membōr in kūlaaj im doulul n̄an ļōmņak kōn juon iien rekar en̄jake an ro jet bōd aer ekajet er. Elmen kar en̄jake in? Ta eo jej ekatak kōn ekajet jān katak ko an Rilo̧mo̧o̧r ilo Matu 7:1–5? (lale Joseph Smith Translation in footnote 1a). Ta meļeļe in naan eo “ekajet jim̧we”? Komaron̄ ekōnono kōn eoon kein ilo am̧ karuwainene membōr in kūlaaj ak doulul eo n̄an bar ba kajjojo eoon ilo naan ko aer make. Makūtkūt āinwōt kein rej elaajrak remaron̄ jipan̄ ro kwoj katakin n̄an ekajet jim̧we.

• Katak ko an Rilo̧mo̧o̧r ilo Matu 6–7 emaron̄ jipan̄ kōj “ekajet weppan̄ ekajet ko.” N̄an jipan̄ membōr in kūlaaj ak doulul eo jeļā kake ekkatak kein, komaron̄ leļo̧k kajjojo iaer juon iaan eoon kein n̄an linūri: Matu 6:14–15; 7:3–5; 7:12; 7:15–20. Ta eo naan ko an Rilo̧mo̧o̧r ilo eoon kein rej rōjan̄ kōn ta meļeļein n̄an ekajet jim̧we? Ta eo jemaron̄ katak jān waanjon̄ak eo an Rilo̧mo̧o̧r ilo Jon 8:1–11 im Matu 9:10–13? Ta oktak ko jej loi ikōtaan wāween an Rilo̧mo̧o̧r ekajet e kōn im wāween ad kijoor ekajet e doon?

• Kōnke aolep ewōr anemkwoj in kāālet, ej aikuj ekut ad kōm̧m̧ane ekajet ko kōn ta ko jenaaj im jenaaj ban kōm̧m̧ani. Ak āinwōr ro rej loore Rilo̧mo̧o̧r, jej kajeon n̄an jab ekajet ak kōnana armej ro jet. N̄an jipan̄ jodikdik ro meļeļe kōn oktak ko, kwaļo̧k ippāer ennaan eo jān Būreejtōn Dallin H. Oaks ilo “Kein Jipan̄ ko rej Rie.” Āinwōt juon kūlaaj im doulul, jerbal ippān doon n̄an ļōmņak kōn waanjon̄ak in ekajete juon men—āinwōt juon m̧akūtkūt, joun iien eļap, ak juon iien bwebwenato—ijeļo̧kin ekajet e juon armej eo ej ped ie. Etke em̧m̧anļo̧k n̄e jej ekajet juon men ijeļo̧kin juon armej? Jodikdik emaron̄ nej wōr aer kajjitōk ko jet kōn ekajet jim̧we (lale waanjon̄ak ko ilo “Kein Jipan̄ ko rej Rie”). Kōnono kake kajjitok ko aer ippan̄ doon ilo kōjerbali meļeļe ko ium̧win “Kein Jipan̄ ko rej Rie” n̄an kappukot uwaak ko . Karwainene jodikdik ro n̄an kwaļo̧k ta eo rej ikideelel in kōm̧m̧ane kōnke kōn ta eo rekar ekkatak.

• Ilo ennaan eo an ilo kweiļo̧k eo eļap “Developing Good Judgment and Not Judging Others” (Liahona, May 2010, 103–5), Elder Gregory A. Schwitzer ekar kwaļo̧k ruo bwebwenato—kōn eo m̧ōttan Martha im juon em̧m̧aan Elder Schwitzer jipan̄ e. Ta eo bwebwenato kein rej katakin kōn elmen ad aikuj reiļo̧k im kōm̧m̧an n̄an ro jet? Katak ta emaron̄ jipan̄ kōj erom̧ āinwōt Kraist im ekajet jim̧we? Pijan in alwoj “Looking through Windows” im “Judging Others? Stop It!” (ChurchofJesusChrist.org) remaron̄ letok kakobaba in men ko loi.

rūm̧m̧an ded ro rej bwebwenato

Ilo ad ekkatak n̄an āinwōt Kraist, jemaron̄ ekajet eļapļo̧k ilo jim̧we.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Waanjon̄ak in kajjitōk ko kōn ekajet ro jet: “Kar katakin eō n̄an lukkuun lale aō kāālet ro m̧ōtta. Ak elmen aō kōm̧m̧ane menin ilo aō jab ekajete armej?” “N̄e ij kajjieon̄ mour kōn gospel eo, rej ba ke eļap aō ekajet. Elmen aō m̧ool n̄an ta eo ij tōmak im kwaļo̧k iakwe n̄an ro rejjab errā?”

• 1 Samuel 16:7; Moronai 7:12–19; Katak im Bujen Ko 11:12

• Gospel Topics, “Judging Others,” topics.ChurchofJesusChrist.org

• Būreejtōn Dallin H. Oaks ekar katakin: “N̄e emaron̄ iien otemjej jej aikuj bōjrak jān ekajet armej im ekajet wōt men ko. Men in aorōk jabdewōt iien jej kajjieon̄ in jerbal ioon katak ko reoktak jān ro jet jej aikuj leiaia ippāer—ilo m̧weo, jikin jerbal, ak ilo jukjuk in ped eo. Jemaron̄ karōk im jerbal io̧o̧n katak ko reuteij n̄an kōj make ak im̧oko m̧ōd ilo ad jab keroro kake ro rej jab kōm̧m̧ani ejja āinwōt koj” (“‘Judge Not’ and Judging,” Ensign, Aug. 1999, 11).

Katakin ilo Wāween eo an Rilo̧mo̧o̧r

Kijejeto eo am̧ ej aikuj jipan̄ kijejeto eo an mama im baba ro. Kwaļo̧k ippan̄ jinen im jemān jodikdik ro ta ko kwoj katakin. Ko̧o̧njel ippāer n̄an ekkatak kōn aikuj ko an jodikdik rein ilo kūlaaj eo am̧ im wāween ko rem̧m̧an tata n̄an tōpare aikuj ko.