Kraist ej kōjerkak leddik eo nejin Jairōs

Neju, Jerkak, jān Simon Dewey

M̧aaj 12

Elmen An Rilo̧mo̧o̧r Jipan̄ N̄a Jelm̧ae Mijak ko Aō?

Matu 9–10; Mark 5; Luk 9

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ekōjkan ad en̄jake pein Irooj ilo mour ko ad?

• Kea kōn ro rej pād ilo aikuj. Ewi wāween ad rie doon ilo men ko jej dibuki?

• Karuwaineneik aolep n̄an bōk gospel eo. Ewi wāween an em̧m̧anļo̧k ad kōjerbal technology āinwōt juon kein jerbal n̄an kwaļo̧k gospel eo?

• Kobaik baam̧le ko n̄an indeeo. Ta eo jej kōm̧m̧ane n̄an jipan̄ baam̧le ko ad itok n̄an Kraist?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Jebta 5 ilo bok in Mark ej rekoot bwe jilu armej rekar etal ippān Jisōs eo aolep kar lōn̄ unin aer mijak. Juon em̧m̧aan kōn “jetōb ettoon” kar jelm̧ae mour make iaan, jokwe “ioon toḷ ko, im ilo wūliej ko, ej laṃōj im make bukwe kōn dekā ko.” (Mark 5:2, 5). Jairōs, ritōl in synagogue, kar mijak in luji leddik eo nejin, eo ekar “nañinmej wōt jidik” (Mark 5:23). Im juon kōrā “bōtōktōkin etọọr ḷọk iuṃwin joñoul im ruo iiō” kar jab mour ālikin an joļo̧k “ear aji ṃweien otemjej” kōn “elōñ rū wūno” (Mark 5:25–26). Kajjojo armej kwoj katakin oktak im rej jelm̧ae mijak ko aer make. Bōtaab āinwōt an Rilo̧mo̧o̧r joļo̧ke jetōb ettoon, kōjerkak eo emej, im kōmour juon nan̄inmej eken̄taanan, Emaron̄ jipan̄ kōj n̄e jej mijak. Ko̧o̧njel eo an n̄an Jairōs eļap an kajoor ilo mour ko ad rainin: “Kwōn jab lōḷñọñ, kwōn tōmak wōt” (Mark 5:36).

N̄an kōpopo n̄an katakin, ļōmņak n̄an ekkatak ennaan eo an Elder Ronald A. Rasband “Kom̧win Jab Lōļn̄o̧n̄” (Liaona, Nob. 2018, 18–21) im ennaan eo an Sister Lisa L. Harkness “Aenōm̧m̧an, Jab M̧akūtkūt” (Liaona, Nob. 2020, 80–82).

Ekkatak Ippān Doon

Komaron̄ karuwainene membōr in kūlaaj ak doulul n̄an kwaļo̧k tukadu in bwebwenato eo ilo Mark 5 kōn an Jisōs karuwainene Jairōs bwe “en jab lōļn̄on̄” (lale eoon 22–24, 35–43), ak komaron̄ etale bwebwenato eo āinwōt juon kurup. Komaron̄ kōm̧m̧an ejja wōt n̄an bwebwebnato ko jet ilo jebta in—em̧m̧aan eo kōn jetōb ettoon im kōrā kōn nan̄inmej in bōtōktōk. Elmen an torein in mijak kein āinwōt men ko jemaron̄ jelm̧ae ilo mour ko ad? Ta eo jej ekkatak jān bwebwenato kein kōn Rilo̧mo̧o̧r im elmen ad kappukot jipan̄ eo An? Makūtkūt kein rej elaajrak remaron̄ jipan̄ jodikdik ro kōļapļo̧k tōmak eo aer ilo Jisōs Kraist im ekkatak n̄an ļoor ko̧o̧njel eo An: “Kwōn jab lōḷñọñ, kwōn tōmak wōt” (Mark 5:36).

• Karuwainene eo an Irooj n̄an jab mijak, āliji ilo aolepen jeje ko rekwojarjar, enaaj kōjeraam̧m̧an jodikdik ro n̄e renaaj mijak. Karuwainene er n̄an riiti jeje ko rekwojarjar ilo “Kein Jipan̄ ko rej Rie” im kōm̧m̧ane juon poster remaron̄ kwaļo̧k ilo im̧ōko—ak juon digital poster remaron̄ kwaļo̧k ilo online—ekkar n̄an jeje ko rekwojarjar rej riiti. Ilo aer kwaļo̧k ta eo rekar kōm̧m̧an ippan̄ ro jet, karuwainene er n̄an barāinwōt kwaļo̧k ta rekar ekkatak me emaron̄ jipan̄ er eļan̄n̄e rej mijak. N̄āāt eo Rilo̧mo̧o̧r ekar jipan̄ kōj ilo iien mijak?

• Ļōmņak n̄an kwalo̧k juon pija in an Jisōs kabōjrak ļan̄ eo, āinwōt ilo ennaan eo an Sister Lisa L. Harkness “Aenōm̧m̧an, Jab M̧akūtkūt” (lale barāinwōt Gospel Art Book [2009], no. 40). Innem kwe ak juon koj jitōne emaron̄ kwaļo̧k bwebwenato eo an Rilo̧mo̧o̧r kabōjrak ļan̄ eo jān Mark 4:35–41 ak jān ennaan eo an Sister Harkness. Elmen ad jet iien āinwōt ro ilo tima eo? Ta eo jej ekkatak jān bwebwenato in kōn elmen an Rilo̧mo̧o̧r jipan̄ kōj eļan̄n̄e jej mijak? Karuwainene jodikdik ro n̄an etale ennaan eo an Sister Harkness, kappukot naan ko an jantōj ko rej jipan̄ er lōn̄ eļapļo̧k tōmak ilo Jisōs Kraist. Remaron̄ jeiki men kein ioon boot eo. Elmen an tōmak ko ad ilo Rilo̧mo̧o̧r jipan̄ kōj n̄e ejjab An kilaan n̄an kabōjrak ļan̄ ko ilo mour ko ad?

• Jejjo al rej nebar Rilo̧mo̧o̧r n̄an An kaenōm̧m̧an im kajoor ilo iien apan̄ im men ko jejaje kaki, āinwōt “Ij Aikuij Yuk Aolep Awa” ak “Abide with Me!” (Al ko, Al in Ajri,nos. 8, 223). Bōlen komaron̄ al ak riiti jejjo iaer ippān doon, kappukot elmen an Rilo̧mo̧o̧r eo jipan̄ kōj.

• Mijak im inepata rej men ko jenij baj ioon ilo mour in apan̄. N̄an jet, en̄jake kein remaron̄ pen. Kūlaaj ak doulul eo am̧ remaron̄ jeraam̧m̧an jān ekōnono kōn wāween an Rilo̧mo̧o̧r maron̄ jipan̄ ro rej apan̄ kōn jon̄an ko reoktak ilo inepata. Membōr in kūlaaj ak doulul emaron̄ etale ippān doon ennaan eo an Elder Ronald A. Rasband “Kom̧win Jab Lōļn̄o̧n̄” ak ennaan eo an Elder Erich W. Kopischke “Ekōnono kōn Nan̄inmej ilo Kōļmenļo̧kjeņ” (Liaona, Nob. 2021, 36–38), kappukot m̧ool ko ewōr meļeļein n̄an er im kwaļo̧k ta ko rej loi. Rōjan̄ jodikdik ro n̄an ekōnono ippān mama im baba ak ritōl rej lōke ak loļo̧k MentalHealth.ChurchofJesusChrist.org n̄e rej aikuj jipan̄.

likao eo ej ekkatak

Rilo̧mo̧o̧r ekar kallim̧ur n̄an jipan̄ kōj eļan̄n̄e jenaaj reiļo̧k n̄an E ilo iien mijak im men ko jejaje kaki.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Joshua 1:9; Sam Ko 56:3–4; Aiseia 41:10; Jon 14:27; 2 Timote 1:7; Katak im Bujen Ko 50:41–44; 68:6

Katakin ilo Wāween eo an Rilo̧mo̧o̧r

Ilo am̧ katakin, ijjeļo̧kin kwaļo̧k meļeļe kein, jipan̄ jodikdik pukōt m̧ool ko an gospel n̄an er make ilo jeje ko rekwojarjar im naan ko an rikanaan ro.