M̧aaj 26

Elmen an Jiron̄ ro im Ļaddik ro Jerbal Ippān Doon n̄an Jipan̄ Kalōk Aelōn̄ eo an Anij?

Matu 13; Luk 8; 13

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ekōjkan ad maron̄ lo lan̄lōn̄ im m̧oor Jisōs Kraist?

• Kea kōn ro rej pād ilo aikuj. Wōn eo ilo ward ad ak jukjuk in pād eo ad me ej aikuj jipan̄ ko ad? Ewi wāween ad jipan̄ er?

• Karuwaineneik aolep n̄an bōk gospel eo. Ewi wāween ad jipan̄ doon kōppopo n̄an jerbal in mijenede?

• Kobaik baam̧le ko n̄an indeeo. Ewi wāween ad maron̄ jipan̄ļo̧k kijejeto ko an ward eo ad n̄an kōm̧m̧ane menmenbwij an baam̧le im jerbal in tampeļ?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Kōn elōn̄ kain waanjon̄ak ko loi ilo Matu 13, Rilo̧mo̧o̧r ekar katakin m̧ool ko raorōk kōn aelōn̄ eo an Anij im eddōkļo̧k eo an ekabūlon̄lon̄ ilo raan kein ad. Ilo waanjon̄ak kein ruo, juon men edik im ļam̧ waan ewaļo̧k ilo juon men eļap. Im ekar jerbal eo an juon nejin m̧aan ak kōrā an Anij eo ekar jipan̄ kabūlon̄lon̄ eo en waļo̧k. Juon ine edik in mōstad kar edōk n̄an juon wo̧jke ekilep ebwe n̄an an bao ko “kātem babu i ra ko raan” ke “eo armej e ar bōke, im ekkat [ṇa] ilo jikin kallib eo an” (Matu 13:31–32). Im jidikin iij ekōm̧m̧an bwe en uwe aolepen pilawā eo “me juon kōrā ear bōke, im ṇooj [e] ilo jilu joñan pilawā” (Matu 13:33). Aelōn̄ eo an Anij ilo raan kein ad ej eddōk im ajeeded kōn Rikwojarjar ro An—ekoba leddik ro im ļaddik ro—jerbal ippān doon Ippān n̄an kalōk e.

Kakobaba ilo riiti Matu 13 im Luk 8; 13 wiik in, ļōmņak n̄an riiti ennaan eo an Būreejtōn M. Russell Ballard “Men and Women in the Work of the Lord” (New Era, Apr. 2014, 2–5) im ennaan eo an Būreejtōn Jean B. Bingham’s message “Ippān Doon N̄an Kōttōprak Jerbal eo an Anij” (Liaona, Māe 2020, 60–63).

Ekkatak Ippān Doon

N̄an jipan̄ jodikdik ro kwōj katakin pijakiļo̧k waanjon̄ak ilo Matu 13, ļōmņak n̄an kwaļo̧k juon pija iien in mōstad, iij, bo̧o̧r, im juon ok in eņōd. Jodikdik ro remaron etale Matu 13:31–33, 45–48 im kwaļo̧k ta kajjojo waanjon̄ak ej katakin er kōn aelōn̄ in lan̄. Ewi wāween bōki ennaan kein ilo waanjon̄ak kein ilo mour ko ad? Ta eo jej kōm̧m̧ane n̄an jipan̄ Irooj kalōk aelōn̄ eo An? En̄in jejjo m̧akūtkūt remaron̄ jipan̄ ilo ekōnono eo.

• Mokta jān kweilo̧k eo, karuwainene membōr in kūlaaj ak doulul eo n̄an katak kōn kōrā im em̧m̧aan eo rej ak raar lukkuun em̧m̧an ilo aer jipan̄ kalōk aelōn̄ eo an Anij. Armej rein remaron jān jeje ko rekwojarjar (lale “Kein Jipan̄ ko rej Rie”), jān bwebwenato eo an Kabun̄, ak jān mour ko aer make. Karuwainene kajjojo jodikdik n̄an kwaļo̧k ta eo rekar ekkatak. Wāween rōt an kar armej rein jipan̄ Irooj kalōk aelōn̄ eo An? Ewi wāween ad maron̄ in ļoor waanjon̄ak ko aer?

• Ne kwōj katakin ļaddik ro, karuwainene er n̄an etale ennaan eo an Būreejtōn Bonnie L. Oscarson “Jiron̄ ro ilo Jerbal in” (Liaona, Māe 2018, 36–38) im kappukot im kwaļo̧k wāween ko leddik ro rej bok koņaer n̄an jerbal in lo̧mo̧o̧r an Anij im mōņōņō n̄an indeeo. Leddik ro remaron̄ kōm̧m̧ane ejjab kappukot in wōt ilo ennaan eo an Brother Douglas D. Holmes “Ta eo Aolep Rikabwijer Priesthood an Aron Rej Aikuj in Jeļā” (Liaona, Māe 2018, 50–53). Elmen an eddo ko an leddik ro im ļaddik ro juon wōt? Elmen an jerbal em̧m̧anļo̧k ippān doon ilo ad kōm̧m̧ane jerbal eo an Anij?

• N̄an jipan̄ jodikdik ro meļeļe elmen an kōrā im em̧m̧aan ro jerbal ippān doon n̄an kalōk aelōn̄ in Anij, komaron̄ je kajjitōk rot kein ilo boot eo āinwōt: Etke Anij aikuj kōrā im em̧m̧an n̄an jerbal ippān doon n̄an kalōk aelōn̄ eo An? Elmen an būreejtōnji eo an kūlaaj ak doulul eo em̧m̧anļo̧k ilo jerbal ippān doon? Jodikdik ro remaron etale jidikin ennaan eo an Būreejtōn M. Russell Ballard “Men and Women in the Work of the Lord” ak ennaan eo an Būreejtōn Jean B. Bingham “Ippān Doon N̄an Kōttōprak Jerbal eo an Anij,” eļaptata ijo ej jino kōn “Kiiō ta meļeļin menin n̄an kwe im n̄a ?” Jodikdik remaron̄ kwaļo̧k uwaak ko aer rej loe n̄an kajjitōk ko.

• N̄an jipan̄ jodikdik ro meļeļe elmen aer jipan̄ kalōk aelōn̄ eo an Anij, ļōmņak n̄an kwaļo̧k juon ak eļaļo̧k pija kein “We Are Strong Together,” “A Promise for the Lord’s Battalion,” im “Youth Responsibility in the Work of Salvation” (ChurchofJesusChrist.org). Ta eo jej kōm̧m̧ane ilo im̧ōko mōd, ward ko ad, ak ilo jukjuk in ped ko ad n̄an jipan̄ ilo jerbal in an Anij? Ļōmņak n̄an kajjitōk ippān būreejtōn eo an kūlaaj ak doulul eo n̄an letok jet būrabalam ko kōnono kaki ilo kweiļo̧k ko an jodikdik ilo ward ko̧o̧njel me ekkar n̄an kwaļo̧k. Karuwainene membōr in in kūlaaj ak doulul eo n̄an kwaļo̧k men ko loi kōn elmen aer nej jipan̄ ilo būrabalam kein.

Anij aikuj kōrā im em̧m̧an n̄aj jerbal ippān doon n̄an kalōk aelōn̄ eo An.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Luk 2:21–38 (Simeon im Anna); Jerbal 9:36–41 (Tabitha, or Dorcas); Mosaia 18:1–17 (Alma); Mosaia 28:1–3 (sons of Mosiah); Alma 8:18–27 (Amulek); Alma 19:15–17 (Abish); Katak im Bujen ko 25:5–8 (Emma Smith); Moses 5:10–12 (Adam and Eve)

Katakin ilo Wāween eo an Rilo̧mo̧o̧r

N̄e kwōj leļo̧k juon karuwainene n̄an mour kake juon katak, jipan̄ rikatak ro kappukot kōjeraam̧m̧an ko Anij ekar kallim̧ur n̄an ro renaaj mour kōn katak eo.