Jisōs ej waļo̧k ļo̧k n̄an Mary Magdalene

Eprōļ 9

Elmen Aō Kōkajoorļo̧k Naan in Kam̧ool eo Aō kōn Jerkakpeje eo an Jisōs Kraist?

Ijtō

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem, n̄an kakkobaba n̄an kapilōk doon kōn aikuj ko an doulul ak kūlaaj eo, kwomaron̄ kōņaan kōnono kōn im̧we im unin tōl ko jān kweilo̧k eo eļap. Kajjitōk ko rej ellaajrak remaron̄ jipan̄.

• Ta unin tōl eo ak ennaan ko rekar jiktok ilo kōļmenļo̧kjeņ ko ad? Ta eo ej kōkajoorļo̧k tōmak eo aō ilo Jisōs Kraist?

• Ta eo ej kōkajoorļo̧k naan in kam̧ool eo aō kōn rikanaan ro remour? Ta eo jekar en̄jake im̧we n̄an kōm̧m̧ane kōnke ta eo jekar ekkatak ak en̄jake?

• Ta eo jej aikuji n̄an kōm̧m̧ane āinwōt juon doulul ak kūlaaj n̄an keememej im kōm̧m̧an ekkar n̄an kapilōk ko jej ron̄ ilo kweilo̧k eo eļap?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Rijilōk ro jimōr jemaan im raan kein rej kam̧ool bwe Jisōs Kraist emour! Ekar en̄taan im mej io̧o̧n debweel, Ekar kallib ilo juon lūb, im ilo raan eo kein kajilu Ekar bar jerkak. Kōnke E eaar anjo̧ ioon mej, jenaaj bar aolep jerkakpeje. Jerkakpeje eo an Rilo̧mo̧o̧r ekar bōktok kallim̧ur in jab wabanban im kōjatdikdik in mour in indeeo. Kallim̧ur in ej ilo būruwōn Ijtō.

Āinwōt membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata, ewōr juon wun ejenolo̧k n̄an tōmak bwe Jisōs Kraist ekar jerkakpeje. Koba lok ilo kam̧ool ko an armej jān iien ko Kallim̧ur Ekāāl, ewōr ad naan in kam̧ool kōn armej ro rekar mour ilo iien ko an Bok in Mormon, Rikanaan Josep Smith, im rikanaan im rijilōk ro an remour. Jemaron̄ bar bōke kam̧ool kein make kōn Jerkakpeje eo jān Jetōb Kwojarjar. Elmen am̧ jipan̄ jodikdik ro kōkajoor naan in kam̧ool ko aer ke Jisōs Kraist ekar jerkakpeje? Ilo am̧ kōppopo, ļōmņak n̄an ekkatak ennaan eo an Sister Reyna I. Aburto “Lōb Ejjeļo̧k An Anjo̧” (Liaona, Māe 2021, 85–86) im ennaan eo an Elder S. Mark Palmer “Ad Būrom̧ōj Enaaj Oktak n̄an Lan̄lōn̄” (Liaona, Māe 2021, 88–89).

Ekkatak Ippān Doon

Komaron̄ jino ekōnono kōn Jerkakpeje eo an Jisōs Kraist ilo am̧ karuwainene jodikdik n̄an kwaļo̧k ta eo rekark kōm̧m̧ane wiik in n̄an mōņōņō ilo Ijtō in. Komaron̄ kajjitōk ippāer ta rekar katak ak kōm̧m̧ane kajjojo ak ippān baamle ko aer n̄an kōkajoor naan in kam̧ool ko aer kōn Jerkakpeje eo an Rilo̧mo̧o̧r. Ilaļ ej m̧akūtkūt ko n̄an jipan̄ membōr in kūlaaj ak doulul kōkajoor naan in kam̧ool ko aer.

• Kōnono ippān doon etke rikamool rej aorōk kajjojo raan ilo mour in? Innem kōm̧m̧an juon elaajrak kūlaaj eo ak doulul eo maron̄ topar kōn rikamool ro kōn Jerkakpeje eo an Jisōs. Kajjojo armej innem remaron̄ kāālet juon jeje ko rekwojajar jān ko kar elaajrak ilo “Kein Jipan̄ ko rej Rie” n̄an ekkatak kōn jer iaan rikam̧ool rein. Kajjitōk ippān membōr ro an kūlaaj ak doulul eo n̄an kwaļo̧k ta eo raar ekkatak. Rōjan̄ er n̄an barāinwōt kwaļo̧k elmen ad rikamool rej kōkajoor naan in kam̧ool kein aer kōn Jerkakpeje eo an Jisōs Kraist.

• Ta jet iaan iien ko jemaron̄ kwaļo̧k ad naan in kam̧ool kōn Jerkakpeje eo an Rilo̧mo̧o̧r. Ne jabdewōt ilo kūlaaj ak doulul emōj aer kar kōnaan ippān juon armej kōn Jerkakpeje eo an Rilo̧mo̧o̧r, ļōmņak n̄an karuwainene laddik ak leddik eo n̄aj kwaļo̧k en̄jake eo aer. Rōjan̄ membōr ro an kūlaaj ak doulul eo n̄an ļōmņak kōn elmen aer naaj jipan̄ juon armej meļeļe kōn Jerkakpeje eo an Jisōs Kraist im bōk juon naan in kam̧ool bwe kōn E kōj aolep maron̄ jerkakpeje. Ta m̧ool ko reaorōk kōn Jerkakpeje eo n̄an aolep armej emaron̄ aorōk n̄an katakin ro jet? Membōr ro an kūlaaj ak doulul eo remaron̄ kabbok uwaak ilo jeje ko rekwojarjar ilo “Kein Jipan̄ ko rej Rie.”

• Ke Rikaloor ro rej ba n̄an Thomas ke rekar loe Rilo̧moor emōj jerkakpeje, Thomas ekar ba eban tōmak mae enaaj loe kōn e make. Tokālik Jisōs ekar ba n̄an Thomas, “E ṃōṇōṇō ro raar jab lo, im rej tōmak.” Etale ippān doon en̄jake eo an Thomas ilo Jon 20:24–29. Elmen ad kar jeram̧m̧an ilo ad tōmak ilo Rilo̧mo̧o̧r ilo ad jab lo E? Elmen ad kōkajoor tōmak eo an ilo Jisōs Kraist? Karwainene membōr ro an kūlaaj ak doulul eo n̄an kapukot juon ak elōn̄ļo̧k ennaan jān ritōl ro an Kabun̄ in ilo “Kein Jipan̄ ko rej Rie” im kwaļo̧k etke rej kam̧oolol kōn Jerkakpeje eo an Rilo̧mo̧o̧r. Elmen an kōlmenļo̧kjen eo ad kōn ad nej jerkakpeje jelōt wāween ad ļōmņak kōn anbwinid im kāālet ko jej kōm̧m̧ani?

Bwe Kom̧in Maron̄ Jeļā, jān Gary L. Kapp

Bwe Kom̧in Maron̄ Jeļā, jān Gary L. Kapp

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Matu 28:1–10; Luk 24:13–35; Luk 24:36–48; Jon 20:11–29; 1 Korint 15:3–8; 3 Nipai 11:1–15; Ether 12:38–39; Katak im Bujen Ko 76:19–24 (Rikam̧ool ro an Jerkakpeje eo)

• 2 Nipai 9:10–15; Mosaia 16:8–11; Alma 11:42–45; Alma 40:23–25; Katak im Bujen Ko 93:33–34 (Jeje ko Rekwojarjar rej kwalo̧k kōn Jerkakpeje an aolep armej)

• D. Todd Christofferson, “Jerkakpeje eo an Jisōs Kraist,” Liaona, Māe 2014, 111–14

• Gerrit W. Gong, “Hosanna im Hallelujah— Jisōs Kraist eo Emour: Būruwōn Jepļaaktok eo im Ijtō,” Liaona, Māe 2020, 52–55

• Reyna I. Aburto, “Lōb Ejjeļo̧k An Anjo̧,” Liaona, Māe 2021, 85–86

• S. Mark Palmer, “Ad Būrom̧ōj Enaaj Oktak n̄an Lan̄lōn̄,” Liaona, Māe 2021, 88–89

• Pija in alooj in Ijtō ko jemaron̄ loi ilo ChurchofJesusChrist.org/study/video/easter-videos.

Katakin ilo Wāween eo an Rilo̧mo̧o̧r

Juon armej eo ejeļā kilen loe meļeļe ko jān jeje ko rekwojarjar im etal n̄an i aolep raan enaaj maron̄ bōke tōl eo ekwojarjar n̄an jelm̧ae jabdewōt apan̄. Ilo am̧ katakin, kajjitōk kajjitōk ko ekōm̧m̧an bwe rikatak ro ren kappukot uwaak ko ilo jeje ko rekwojarjar.