RiSamaria eo Em̧m̧an, jān Annie Henrie Nader

RiSamaria eo Em̧m̧an, jān Annie Henrie Nader

Eprōļ 23

Elmen Aō Kwaļo̧k Eļapļo̧k Iakwe n̄an Ro ipeļaakū?

Matu 18; Luk 10

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta en̄jake kein rekāāl me rekar kepaake kōj n̄an Jemedwōj Ilan̄ im Jisōs Kraist?

• Kea kōn ro rej pād ilo aikuj. Em̧ōj ke an juon armej em̧m̧akūt tok n̄an ward eo ad ak kar kobatok n̄an Kabun̄ in? Ewi wāween ad jipan̄ er en̄jake karuwainene eo?

• Karuwaineneik aolep n̄an bōk gospel eo. Ta m̧akūtkūt ko me rej pojen bōk jikier me jemaron̄ karuwaineneik ro m̧ōttad n̄an pād ie?

• Kobaik baam̧le ko n̄an indeeo. Ta kijejeto ko jemaron̄ kōm̧m̧ane n̄an je bwebwenato ko ad make?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Ālikin an Jisōs katakin “juon rikien” aorōk in kien ko ruo reļap—iakwe Anij im iakwe ro rūtūrid—rikien eo ekar kajjitōk, ““Im wōn eo riturū?” (lale Luk 10:25–29; Matu 22:35–40). N̄an uwaak, rilo̧mo̧o̧r eo ekar kwaļo̧k juon waanjon̄ak kōn RiSamaria eo ekar kajekdoon mour eo an kōn jorāān n̄an lale juon Riju ekar kinejnej, bōke em̧m̧aan eo n̄an juon im̧ōn jokwe n̄an aer lale, im kōllā wonen an ejmourļo̧k. RiSamaria eo ekar jab pedped io̧o̧n oktak ko ikōnaan e im em̧m̧aan eo, eo ekar juon rikōjrat n̄an armej ro an, ak ekajet e ak pukōt un n̄an an kar jab nej jipan̄ e. Ekar jerbal n̄an em̧m̧aan in aikuj, jekdoon oktak ikotaaer im katok, kōn menin kwaļo̧k iakwe n̄an em̧m̧aan eo im n̄an Anij. Ilo am̧ lin̄uri bwebwenato eo an Rilo̧mo̧o̧r ilo Luk 10:25–37, ļōmņak kōn lukkuun meļeļein n̄an “iakwe … ri turuṃ āinwōt kwe” (eoon 27).

Elmen am̧ naaj jipan̄ ro kwōj katakin meļeļe elan̄e renaaj jerbal n̄an ro ipelaakier, rej kwaļo̧k aer iakwe n̄an Anij? Ta eo emaron̄ kadeel er n̄an iakwe im jerbal n̄an ro jet. Ilo am̧ kōppopo, komaron̄ etale ennaan eo an Būreejtōn Russell M. Nelson “Kien eo Eļap Kein Karuo” (Liaona, Nov. 2019, 96–100).

Ekkatak Ippān Doon

N̄an jinoe ekōnono ko kōn kwaļo̧k iakwe eļap n̄an ro ipelaakid, komaron̄ kajjitōk ippān membōr ro an kūlaaj im doulul eo n̄an kwaļo̧k ta eo rekar katak kōn iakwe ro jet n̄an waanjon̄ak eo an RiSamaria eo em̧m̧an, loe ilo Luk 10:25–37. Ta eo jej ekkatak kōn jemjera eo ikōtaan kien eo eļap kein kajuon im kein karuo jān Luk 10:27 im ennaan eo an Būreejtōn Dallin H. Oaks ilo “Kein Jipan̄ ko rej Rie”? Ļōmņak ko rej ellaajrak remaron̄ jipan̄ kwe wōnm̧aanļo̧k kōn juon ekōnono kōn kwaļo̧ke eļapļo̧k iakwe n̄an ro ipeļaakid.

• Jisōs Kraist ej waanjon̄ak eo ad eļap ilo an kwaļo̧k iakwe n̄an Anij ilo jerbal n̄an ro jet, im membōr ro an kūlaaj ak doulul eo enaaj ikdeelel ilo ekkatak waanjon̄ak eo An. Karuwainene kajjojo armej n̄an kōḷmenḷọkjeṇ kōn mour eo an Jisōs Kraist im kāālet juon en̄jake jān mour eo An ej kwaļo̧k iakwe eo An eļap n̄an jet armej. Kajjitōk ippāj kajjojo armej n̄an kwaļo̧k en̄jake eo rekar kāālet, ippān ļo̧k etke ewōr meļeļein n̄an er. Karuwainene ro kwōj katakin n̄an ļōmņak kōn juon wāween rekōnaan loore waanjon̄ak eo an Rilo̧mo̧o̧r ilo iakwe. Remaron̄ barāinwōt kwaļo̧k ļōmņak ko aer kōn juon armej rejeļā kake eo ej loore waanjon̄ak in.

• Kwaļo̧k im kōnono ippān membōr ro an kūlaaj ak doulul eo kōn ennaan eo an Būreejtōn Russell M. Nelson loe ilo “Kein Jipan̄ ko rej Rie.” Komaron̄ karuwainene membōr in in kūlaaj ak doulul eo n̄ane etale juon ak eļap ennaan jān kweiļo̧k eo eļap kwaļo̧ki ilo elaajrak in, kappukot katak ko remaron̄ tōl kōj ilo kijejeto eo ad n̄an iakwe ro jet. Remaron̄ pedped io̧o̧n elaajrak kein: waanjon̄ak in elmen ad jerbal jān “Kien eo Eļap Kein Karuo” jān Būreejtōn Nelson; jekjon 1, 2, and 6 ilo ennaan eo an Būreejtōn Oaks’s “Loving Others and Living with Differences”; im bwebwenato eo kōn rabiit ko im ko̧o̧njel n̄an jodikdik ro jān “Bōro ko Ren Kuk Ippān Doon” jān Elder Gary E. Stevenson. Komaron̄ barāinwōt riiti ippān doon Mosaia 2:17 im Moroni 7:45–48. Emaron̄ barāinwōt jipan̄ n̄an n̄an jeki katak ekōnono kaki jān jodikdik ro ilo boot eo. Innem kūlaaj ak doulul eo remaron̄ ko̧o̧njeļ ippān doon kōn wāween ko aorōk remaron̄ bōke ilo katak kein n̄an jemjera eo aer ippān membōr in baamle ko aer, ippān ro mōttaer, im ilowaan jukjuk in ped eo aer, men̄e armej epen n̄an iakwe er.

• Kijejeto eo an membōr in kūlaaj im doulul eo ilo jerbal in lo̧mo̧o̧r im m̧ōņōņo̧ n̄an indeeo enaaj lukkuun ļap meļeļein im m̧ōņōņō eļan̄n̄e rej im̧we ilo iakwe. N̄an jipan̄ er lale elmen an kajjojo meļeļe ilo jerbal in lo̧mo̧o̧r im m̧ōņōņō n̄an indeeo (lale Bok in Meļeļe, 1.2) ej kōm̧akūt kōj jān iakwe, jeki meļeļe kein emān ilo boot eo. Innem kajjitōk ippān jodikdik ro n̄an kōnono kōn elmen an obrak būruwō kōn iakwe n̄an ro jet maron̄ oktak elmen ad bōk koņaad ilo kajjojo meļeļe kein. Emaron̄ wōr aer en̄jake jān mour ko aer make ak mour ko ad ro jet remaron̄ kwaļo̧ke.

Ļaddik im leddik ro rej kainōknōk juon keek

Būreejtōn Russell M. Nelson ekar katakin, “N̄e jej iakwe Anij kōn aolepān būruwōd, E ej jipan̄ kōj en̄jake im ļōmņak kōn mour an ro jet.”

Jerbl kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Dallin H. Oaks, “Loving Others and Living with Differences,” Liahona, Nov. 2014, 25–28

• Gary E. Stevenson, “Bōro ko Ren Kuk Ippān Doon,” Liaona, Māe 2021, 19–23

• “A Good Samaritan,” “The Greatest Commandment” (pija in alooj), ChurchofJesusChrist.org

• Būreejtōn Dallin H. Oaks ekar katakin: “Ak kōttōbar eo ad [n̄an] kōjparok kien eo kein karuo ejjab aikuj kōm̧m̧an bwe jen meļo̧kļo̧k eo m̧oktata, n̄an iakwe Anij kōn aolepen būruwōd, ad, im ļōmņak. … Jej aikuj jim̧or kōjparok kien ko ruo reļļap. N̄an kōm̧m̧an āindein jej etetal ilo juon iaļ kōtaan kien im iakwe—kōjparok kien ko im etetal ilo iaļen bujen in, ilo ad iakwe ro riturur. Etetal ilo iaļen bujen in ekōm̧m̧an bwe jen pukot im̧we eo ekwojarjar kōn ta n̄an jipan̄ im ta n̄an jum̧ae im kilen iakwe im ron̄jake im wāween katakin. Etetal ilo iaļen bujen in ad me jeban keidi ilo kien ko ak kwaļo̧k juon jon̄ak in meļeļe elikio im iakwe.” (“Kein ko Ruo Reļļap,” Liaona, Nob. 2019, 73–75).

• Būreejtōn Russell M. Nelson ekar katakin: “Armej ro Rekwojarjar ilo Raan-Kein Āliktata … ilo m̧ool rej kappukot n̄an mour kōn kein eo kein kajuon im karuo reļlap. N̄e jej iakwe Anij kōn aolepān būruwōd, E ej jipan̄ kōj en̄jake im ļōmņak kōn mour an ro jet ilo juon doulul eaibojooj, im erreo. Leļo̧k n̄an ro jet—kōm̧m̧an kijejeto ko rem̧ool n̄an kea kōn ro jet jon̄an wōt an ļapļo̧k n̄e jej keā kōn kōj make—ej ad lan̄lōn̄. Eļaptata, imaron̄ bar kakobaik, n̄e eapan̄ im n̄e ej bōk kōj jān joko ekoņ ad pād ie. Mour kōn kein eo eļap kein karuo ej juon kii n̄an erom̧ juon rikam̧ool an Jisōs Kraist.” (“Kien eo Eļap Kein Karuo,” Liaona, Nob. 2019, 97, 100).

Katakin ilo Wāween eo an Rilo̧mo̧o̧r

En̄jake ko am̧ make ilo mour kōn gospel eo enaaj kōtļo̧k eok n̄an kam̧ool juon kam̧ool ekajoor kōn katak ko kwōj katakin. Kōnke kwōj mour kaki, Jetōb Kwojarjar emaron̄ kam̧ool bwe ta eo kwōj katakin ej m̧ool.