ripālele ro inabōj in tampeļ eo

Māe 14

Elmen an Irooj Jipan̄ Em̧m̧aan im Kōrā ro n̄an Jerbal Ippen Doon ilo Marre?

Matu 19–20; Mark 10; Luk 18

pija eo ej bōk jikin kapilōk doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe,, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ewi wāween ilo ad lōke Irooj maron̄ jipan̄ kōj ellā jān idajon̄jon̄ ko jej jelm̧aeiki?

• Kea kōn ro rej pād ilo aikuj. Wōn eo jejeļā ej aikuji jar ko ad im jemjerā ko ad?

• Karuwaineneik aolep n̄an bōk gospel eo. Ta karōk ko n̄an kwaļo̧k gospel eo em̧ōj kar kōnono kake ilo kweilo̧k eo an ko̧o̧ņjeļ jodikdik ro an ward? Ewi wāween an kūlaaj eo ak doulul eo ad bōk koņaer?

• Kobaik baam̧le ko n̄an indeeo. Ewi wāween an kōm̧m̧ane jerbal in menmenbwij an baam̧le maron̄ kōkajoorļo̧k kadkad ko ad ippān Jemedwōj Ilan̄ im Jisōs Kraist?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Jino jān Adam im Eve, Jemedwōj Ilan̄ im Jisōs Krasit rekar kōm̧m̧an n̄an kōkajoor im kobaik kōra im em̧m̧aan ilo marre. Rilo̧mo̧o̧r ekar katakin, “Kōn men in ṃaan enaaj likūt jemān im jinen, im enaaj pād ippān lio pāleen: im erro renaaj juon wōt kanniōk” (Matu 19:5). Ilo ijja iien eo wōt, Setan ej kajeon jon̄an wōt an maron̄ n̄an rube marre ko im kakkure baamle ko. Membōr in kūlaaj ak doulul remaron̄ jeļā kōn apan̄ ko relon̄ marre rej jelm̧ae rainin. Rekar barāinwōt loe an kōrā im em̧m̧aan jerbal ippān doon im kappukot jipan̄ an lan̄ n̄an tōpar ippān doon. Kejōkļo̧kjeņ elmen an en̄jake kein maron katakin er kōn ta eo aikuj bōk jikin bwe en toprak ippān doon ilo juon marre? Ta eo komaron̄ katakin er kōn aorōk in kōppopo kiiō n̄an jemjera in marre ilju im jeklaj?

Wiik eo lok, membōr in kūlaaj ak doulul eo ekar ewōr aer iien em̧m̧an n̄an riiti jān katak eo an Rilo̧mo̧o̧r kōn marre ilo Matu 19:4–6. N̄an kōppopo n̄an katakin, ekkatak eoon kein, ippān ļo̧k ennaan eo an Būreejtōn Dieter F. Uchtdorf “N̄an Nōbar Ro Rekar Kōjparok” (Liaona, Māe 2016, 77–80) ak ennaan ko jet kar elmakoti ilo unin tōl in.

Ekkatak Ippān Doon

Marre emaron̄ jab ped ilo kōļmenļo̧kjen an elon̄ jodikdik ro. Bōtaab, juon men aorōk emenin aikuj n̄an kōjparok kōppopo. Komaron̄ karuwainene jodikdik ro n̄an pijaik ļo̧k aer bukelōlō ilo lokatok eo ilo tampeļ n̄an liap im eo ej liap er emōj ko̧o̧n ippāer n̄an ekkatak Matu 19:4–6. Ta m̧ool ko jej loe ilo eoon kein me emaron̄ jipan̄ ruo armej rej kab marre? Elmen an leo pālele im lio palele erom̧ “juon”? Ekōjkan an Rilo̧mo̧o̧r jipan̄? Makūtkūt rōt kein emaron̄ jipan̄ kūlaaj ak doulul eo meļeļe elmen bwe en toprak ippān doon ilo juon marre?

• Adam im Eve rej letok juon waanjon̄ak eļap kōn leo pālele im lio pālele ilo jerbal ippān n̄an juon wōt. Komaron̄ pija in er (lale Gospel Art Book [2009], no. 5) im kajjitōk ippān kūlaaj ak doulul eo n̄an riiti Moses 5:1–12, kappukot wāween ko Adam im Eve rekar jerbal ippān doon n̄an juon wōt. Ta eo rekar kōm̧m̧ane bwe Ani jej kōjeram̧m̧an ped eo aeero? N̄an jipan̄ jodikdik ro ekkatak eļapļo̧k kōn juon wōt ilo marre, remaron̄ ekkatak jeje ko rekwojarjar ilo “Kein Jipan̄ ko rej Rie.”

• Būreejtōn Dieter F. Uchtdorf ekar katakin bwe ilo jabdewōt jikin rainin, “aolep men komaron̄ joloke.” Ak ļōmņak ij ejjab aikuj kōjerbal n̄an marre im baamle; ijelokin “pukōt kijejeto eo em̧m̧an tata n̄an kōjparōk im kōketak [er]” (“N̄an Nōbar Ro Rekar Kōjparok,” 77). N̄an jipan̄ kwaļo̧k meļeļe in, komaron̄ karuwainene jodikdik ro n̄an ļōmņak kōn juon men rekar jolok bwe ekar rub, potak, ak mōr. Etke marrme oktak jān men kein jemaron̄ joloki? Kūlaaj ak doulul eo remaron̄ riiti jān jekjon in ennaan eo an Būreejtōn Uchtdorf etan “Saving Our Marriages” im kwaļo̧k wāween ko leo pālele im lio pālele remaron̄ jerbal ippān doon im ippān Rilo̧mo̧o̧r n̄an kōkajoor marre eo aer. Ta eo jemaron̄ kōm̧m̧ane kiiō n̄an kōppopo n̄an kajoor, ippān doon marre?

• Ļōmņak n̄an je Juon Wōt ilo Marre ilo boot eo im karuwainene jodikdik ro n̄an jeki men ko lio pālele im leo pālele remaron̄ kōm̧m̧ane n̄an juon wōt. Innem kajjitōk ippān jodikdik ro n̄an kappukot “Baam̧le Eo: Juōn Naan in Kean̄ n̄an Laļ in” (ChurchofJesusChrist.org) n̄an idea ko remaron̄ kobaiki ilo elaajrak eo. Ta men ko rem̧m̧an membōr in kūlaaj ak doulul eo rej loe ippān doon ak ilo ruo armej rej marre rejeļā me aorōk n̄an juon wōt ilo marre? Etke aorōk n̄an dedek im bōki katak kein ilo jemjera eo ad kiiō? Pija alwoj ko ilo “Kein Jipan̄ ko rej Rie” rej letok jet waanjon̄ak ko kōn men ko rem̧m̧an ilo jerbal.

• N̄e membōr in kūlaaj ak doulul eo ewōr aer kajjitōk ak kea kōn jepel, ļōmņak n̄an etale ennaan eo an Būreejtōn Dallin H. Oaks “Divorce” (Liahona, May 2007, 70–73).

ripālele rej bo̧kwoj doon.

Jino jān Adam im Eve, Jemedwōj Ilan̄ im Jisōs Krasit rekar kōm̧m̧an n̄an kōkajoor im kobaik kōra im em̧m̧aan ilo marre.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• 1 Korint 11:11; Katak im Bujen ko 42:22; 49:15–17; Moses 3:18, 21–24 (Aorōk in juon wōt ilo marre)

• “Renaissance of Marriage,” “Let Us Be Men,” “Expressions of Love” (pijan alwoj), ChurchofJesusChrist.org

Katakin ilo Wāween eo an Rilo̧mo̧o̧r

Mwil ko raorōk ilo iakwe an Kraist ewōr aer kajoor n̄an kamed bōro ko an membōr in kūlaaj eo elan̄e rej apan̄. N̄an jipan̄ kūlaaj membōr ro en̄jake aikuj im iakwe, komaron̄ karuwainene er n̄a bōk koņaer ilo katak eo juon ilo aer kwaļo̧k aer en̄jake ak ļōmņak kōn juon eoon.