Ej Itok Bar Juon Alen n̄an Irooj im Peek, jān Mary R. Sauer

Māe 28

Ta eo Imaron̄ Kōm̧m̧ane Kiiō n̄an Kōpopo n̄an Itok eo Kein Karuo an Rilo̧mo̧o̧r eo?

Josep Smith—Matu 1; Matu 24–25; Mark 12–13; Luk 21

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta eo jekar ekōnono kake iien eo ļo̧k, im ta kūr ko ak ijjitōn̄ ko rekar kōm̧m̧an? Ta eo em̧ōj ad kar kōm̧m̧ane n̄an jerbal kōn kūr ko ak ijjitōn̄ ko?

• Kea kōn ro rej pād ilo aikuj. Ta eo jemaron̄ kōm̧m̧ane ak ba n̄an pukotļo̧k ro me remaron̄ en̄jake ajimakeke ak ettoļo̧k jān Jemedwōj Ilan̄?

• Karuwaineneik aolep n̄an bōk gospel eo. Ta jet iaan wāween ko jemaron̄ jipan̄ ro jet en̄jake iakwe eo an Jisōs Kraist?

• Kobaik baam̧le ko n̄an indeeo. Ta ļōmņak ko jemaron̄ kwaļo̧ki ippān ro jet n̄an jipan̄ kōkajoorļo̧k baam̧le ko ad?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Elmen an armej ro kwoj katakin er en̄jake kōn mour ilo raan ko āliktata m̧okta jān Itok eo Kein Karuo an Jisōs Krasit? Mool menin ke iien ko ke rekawatata, kapo, jerawiwi, im kakure. Ak ke Rilo̧mo̧o̧r ej kōmeļeļe rikaloor ro An iien eo epaak an kar jemļo̧k mour ilo an ilo laļ in, E kar letok kōjatdikdik. Ilo an ba kake marok ej itok wōt, E kar kallim̧ur bwe meram eo An enaaj “[libobo] aolepān laļ” ilo An rooltok (lale Josep Smith—Matu 1:22–26; barāinwōt lale Katak im Bujen Ko 45:34–38).

Elmen am̧ nej jipan̄ jodikdik ro eļap meļeļe kōn kōjeraam̧m̧an ko im iien em̧m̧an ilo mour ilo raan kein āliktata? Ta eo komaron̄ kōm̧m̧an n̄an im̧we er n̄an kapooj er make im laļ in n̄an Itok eo Kein Karuo an Rilo̧mo̧o̧r? Kakobaba ilo ekkatak kōn eoon ko ilo wiik in, ļōmņak n̄an etale jejjo kein jipan̄ kein elaajrak ilo “Second Coming of Jesus Christ” ilo Gospel Topics (topics.ChurchofJesusChrist.org).

Ekkatak Ippān Doon

N̄an jipan̄ jodikdik ro etale ta eo rekar riiti ilo eoon ko ilo wiik in, komaron̄ maron̄ je naan kein ilo boot: Kanaan kein Rekabūrom̧ōjm̧ōj and Aiboojoj eo Kōnono Kaki (lale Russell M. Nelson, “Jelm̧ae Ilju im Jekļaj eo kōn Tōmak,” Liaona, Nob. 2020, 73–76). Innem kajjojo armej remaron̄ etale Josep Smith—Matu 1:22–37 im kalaajrak “kabūrom̧ōjm̧ōj” im “aiboojoj” men ko remaron̄ waļo̧k m̧okta jān an Rilo̧mo̧o̧r rooltok. Etke aorōk n̄an kōj n̄an jeļā kōn m̧akūtkūt kein? N̄an jipan̄ jodikdik ro ekkatak eļap kōn elmen kōppopo n̄an itok eo an Rilo̧mo̧o̧r, ļōmņak kōn m̧akūtkūt kein ak juon am̧ make.

• Eo̧o̧n ko ilo “Kein Jipan̄ ko rej Rie” remaron̄ jipan̄ jodikdik ro meļeļe elmen an Jemedwōj Ilan̄ kōpooj ial eo n̄an Itok eo Kein Karuo an eo Nejin. Ļōmņak n̄an je juon iaan m̧akūtkūt kein kōmeļeļe ilo eoon ko ilo boot eo im kajjitōk ippān kajjojo armej n̄an riiti juon iaan ennaan ko ilo eoon eo. Kajjojo armej emaron̄ kamejaej ennaan eo n̄an m̧akūtkūt eo ilo boot eo im kōnono kake ennaan eo ippan̄ kūlaaj eo. Ta ko m̧akūtkūt kein rej rōjan̄ kōn jerbal in kōppopo n̄an Itok eo Kein Karuo an Rilo̧mo̧o̧r. Ta eo ej im̧we kōj n̄an kōm̧m̧ane āinwōt juon kūlaaj ak doulul?

• Būreejtōn Russeel M. Nelson ekar ko̧o̧njeļ: “Ewi wāween ad jelm̧ae jim̧or kanaan kein rekabūrom̧ōjm̧ōj im aiboojoj eo kōnono kaki kōn raan kein ad? Irooj ekar ba n̄an kōj elmen kōn eļam waan, ak m̧ōņōņō, lōke : ‘eļan̄n̄e kom̧ij pojak kom̧ jamin mijak.’ [Katak im Bujen Ko 38:30]” (“Jelm̧ae Ilju im Jekļaj eo kōn Tōmak,” 74). N̄an jipan̄ jodikdik ro kōppopo n̄an rooltok eo an Rilo̧mo̧o̧r, ļōmņak n̄an kajjitōk ippāer kajjojo n̄an riiti juon jān jilu katak ko kōn kōppopo Būreejtōn Nelson ekar kwaļo̧k ilo ennaan eo an. Kajjitōk ippāer n̄an kwaļo̧k ta eo rekar katak. Ta eo jej im̧we n̄an kōm̧m̧ane n̄an jerbal ilo ko̧o̧njeļ eo an Būreejtōn Nelson.

• Ilo jinoin ennaan eo an etan “Kōppopo n̄an Ro̧o̧ltok eo an Irooj,” Elder D. Todd Christofferson ej kōmeļeļe elmen nej laļ in ālikin Itok eo Kein Karuo an Jisōs Kraist (Liaona, Māe 2019, 81–84). Karwainene jodikdik ro n̄an etale kōmeļeļe eo an im keidi ippān elmen laļ in in kiiō. Remaron̄ kōnono ta eo remaron̄ kōm̧m̧ane kiiō n̄an mour ilo lal rōt eo Elder Christofferson ej kōmeļeļeiki. (Jinoin eoon ko emān in ennaan eo an ej kōn “Moktata, aorōktata n̄an ro̧o̧ltok eo an Irooj” emaron̄ jipan̄.) Elmen an Kabun̄ eo an Rilo̧mo̧o̧r jipan̄ kōpooj kōj n̄an Itok eo an Kein Karuo. Elder Christofferson ekar kōllaajrake jilu wāween ko Kabun̄ ej “ jenolo̧k ilo jerbal n̄an kadedeļo̧k kōppopo eo eaorōk n̄an Itok Kein Karuo an Irooj;.” Membōr in kūlaaj remaron̄ pukōt im kōnono kake men kein.

N̄e jepojak, jej jab aikuj mijak kōn m̧akūtkūt ko rej tōl n̄an Itok eo Kein Karuo an Rilo̧mo̧o̧r.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Katak im Bujen Ko 65:1–2 (Jepļaaktok an gospel)

• Katak im Bujen Ko 20:8–12 (Itok eo an Bok in Mormon)

• Malakai 4:5–6; Katak im Bujen Ko 110:13–16 (Jepļaaktok eo an priesthood kii ko)

• 3 Nipai 21:1, 8 (Aiintok an Israel)

• Josep Smith—Matu 1:28–30 (Tarinae, po̧k, jerawiwi)

• Josep Smith—Matu 1:31 (Kar kwaļo̧k Gospel n̄an laļ)

• Gary E. Stevenson, “Juon Pedped n̄an jelm̧ae IIen ko rej Itok,” Liaona, Māe 2020, 48–52

Ekkatak ilo Wāween eo an Rilo̧mo̧o̧r eo

Katakin rikatak ro bwe jet iien Jetōb enaaj katakin er men ko ilo iien ekōnono ko an kūlaaj ma rej jab ewōr anikien an ba.