E Ej Meram eo n̄an Ļal, jān Simon Dewey

E Ej Meram eo n̄an Ļal, jān Simon Dewey

Jānwōde 22

Elmen an Jisōs Kraist Meram ilo Mour eo Aō?

Jon 1

pija eo ej bōk jikin kapilōk doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe,, 10.2, 11.2 Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta en̄jake ko kiiō rekar kōkajoorļo̧k naan in kam̧ool ko ad?

• Kea kōn ro rej pād ilo aikuj. Wōn eo ej aikuji jipan̄ eo ad im jar ko ad? Ta eo jej im̧we n̄an kōm̧m̧ane n̄an jipan̄ er?

• Karuwaineneik aolep n̄an bōk gospel eo. Ewi wāwen jemaron̄ erom̧ juon meram n̄an ro uwaan baam̧le eo ak ro m̧ōttad ro rejjab jān Kabun̄ in ad?

• Kobaik baam̧le ko n̄an indeeo. Ewi wāween ad kwaļo̧k eļap iakwe im rie n̄an baam̧le ko im kōm̧m̧an juon oktak em̧m̧an ilo m̧ōko m̧ōd?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Rijiļo̧k Jon ej kōppeļo̧k Gospel eo an ilo ad keid Jisōs Kraist n̄an juon meram me ej “romaak ilo marok” (Jon 1:5). Membōr ro ilo kūlaaj ak doulul eo am̧ rej eddōkļo̧k ilo juon iien jetōb in marok. Ak ej barāinwōt ilo iien eo an Rilo̧mo̧o̧r “ilowaan meram eo An e men in bwilōñ” ej ped n̄an jipan̄ er lukkun loe im pukōt ial eo aer. (1 Piter 2:9).

Ilo am̧ riiti Jon 1 wiik in, linūri etke emenin aorōk meram im elmen an Rilo̧mo̧o̧r meram ilo mour eo am̧ (lale barāinwōt Ukook eo an Josep Smith, Jon 1:1–34 [ilo Bible appendix]). Elmen an nej meram eo An kōjeram̧m̧an ro kwoj katakin? Elmen am̧ nej im̧we er bwe ren etetal ilo meram eo An? N̄an jipan̄ eok linūri kajjitōk kein, komaron̄ ekkatak Katak im Bujen ko 88:5–13, 67; 93:2–9 im Ennaan eo an Sister Sharon Eubank “Kraist: Meram eo Me ej Romaak ilo Marok” (Liaona, Māe 2019, 73–76).

Ekkatak Ippān Doon

Ekkā ak kijor jipan̄ n̄e kwoj jinoe ekōnono ko am̧ io am̧ leļo̧k n̄an kūlaaj eo ak doulul eo iien n̄an kōnono kōn ta ko rej ekkatak jān aer katak jeje ko rekwojarjar. N̄an waanjon̄ak, wiik in komaron̄ kajjitōk ippāer n̄an kwaļo̧k juon naan ak jantōj jān Jon 1:1–17 me ej katakin er juon men kōn Rilo̧mo̧o̧r. Kōtļo̧k bwe ren kōnono etke rekar kalet naan ak jantōj eo im ta eo ej katakin er kōn Jisōs Kraist. Kwaļo̧k ippāer elmen an Jisōs Kraist meram eo ilo mour eo am̧? Makūtkūt kein iļal remaron̄ jipan̄ eok wōnm̧aanļo̧k kōn ekōnono eo am̧.

• N̄an jipan̄ ro kwoj katakin mōņōņō kōn meram eo an Rilo̧mo̧o̧r, emaron̄ juon membōr in kūlaaj ak doulul eo emaron kwaļo̧k en̄jake eo ilo ped ilo marok. Ewōr juon bwebwenato emaron̄ jipan̄ ilo jinoin in ennaan eo an Elder Timothy J. Dyches “Light Cleaveth unto Light” (Liaona, Māe 2021, 112–15). Etke jet armej remijak marok? Etke jej aikuj meram? Etke Jisōs Kraist ej etan Meram eo an Laļin? Komaron̄ kajjitōk ippan̄ jodikdik ro n̄an ekkatak ennaan eo an Elder Dyches ej jino kōn “N̄e imaron̄ ba bōlen en̄in ej iien eo n̄an kajjitōk ippam make.” Remaron̄ kappukot ta ko remaron̄ bōktok kōj n̄an meram eo an Rilo̧mo̧o̧r eļapļo̧k ilo mour ko ad.

• Jeje ko rekwojarjar elaajrak umwin “Kein Jipan̄ ko rej Rie” emaron̄ jipan̄ kūlaaj ak doulul eo melele eļapļo̧k kōn meram eo Jisōs Kraist ej letok. Komaron̄ riiti im ekōnono kake jejo iaan jeje ko rekwojarjar rej ippān āinwōt juon kūlaaj. Innem jeki Elmen ad bōktok meram eo an Rilo̧mo̧o̧r n̄an mour ko ad? ilo bo̧o̧t eo, im karuwainene jodikdik ro n̄an kalaajrak uwaak ko aer rekar loe ilo jeje ko rekwojarjar ko jet. Komaron̄ likūti jodikdik ilo ruo uwaan im kajjitōk ippāer bwe ren kwaļo̧k ippan̄ doon elmen an Jisōs Kraist meram ilo mour ko aer.

• Sister Sharon Eubank ekar ba, “juon iaan mennin aikuj ko raorōk ewōr ippād n̄an ad maron̄ eddōkļo̧k ej ilo ad ekkejel wōt n̄an jipan̄ eo ad jān meram eo—Jisōs Kraist.” (“Kraist: Meram eo Me ej Romaak ilo Marok,” 73). Komaron̄ pijaik ļo̧k menin kōn juon men in ekkatak—ilo am̧ kajo̧o̧e teiki eo ak juon talpoon im kōnono etke kajoor in menin aorōk. Innem membōr ro ilo kūlaaj ak doulul remaron̄ etale ennaan eo an Sister Eubank, kappukot wāween ko Setan emaron̄ “eo, kune jikin [elletok] kajoor eo.” Elmen ad dapij juon ippān doon ekajoor ippān Jisōs Kraist? Ta ko̧o̧njel ko jej loi ilo ennaan eo an Sister Eubank?

• Al ko āinwōt “The Lord Is My Light” and “Lead, Kindly Light” (Hymns, nos. 89, 97) rej kam̧ool bwe Jisōs Kraist ej meram eo ad. Ļōmņak n̄an al kōn al kein (ak ko jet kojeļā kaki) ippān doon im lale ļo̧k naan ko ak jantōj ko rej katakin kōj elmen an Jisōs Kraist āinwōt meram. Elmen an kar ro jet bōktok meram eo an Rilo̧mo̧o̧r n̄an mour ko ad? Elmen ad kwaļo̧k meram eo An ippān ro jet?

Menin Letok an Meram, jān Eva Timothy

Menin Letok an Meram, jān Eva Timothy

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Sam Ko 27:1; Aiseia 60:19–20; Jon 8:12; 3 Nipai 18:16, 24 (Rilo̧mo̧o̧r ej Meram eo)

• Jabōn Kōnaan Ko 4:18–19; 1 Jon 2:8–11; Katak im Bujen ko 50:23–24; 93:26–28; 138:20–24 (Elmen ad bōktok meram eo an Rilo̧mo̧o̧r n̄an mour ko ad)

• “Patterns of Light: The Light of Christ” (pija in alwoj), ChurchofJesusChrist.org

Teaching in the Savior’s Way

N̄e kwoj lukkuun lale ta eo ej waļo̧k ilo mour ko an membōr ro ilo kūlaaj ak doulul eo am̧, konaaj loe juon iien em̧m̧an n̄an katakin. Kakobaba ko rikatak ro rej kōm̧m̧an ak kajjitōk ko rej kajjitōk emaron̄ barāinwōt tōl n̄an iien katakin ko.