wod kaonsel miting

26 Maj

?Olsem Wanem Nao Ol Yang Woman mo Ol Yang Man Oli Wok Tugeta blong Help blong Bildimap Kingdom blong God?

Matiu 13; Luk 8; 13

kaonsel tugeta pikja bokis

Kaonsel Tugeta

Wan memba blong klas presidensi o kworom presidensi i lidim; kolosap 10–20 minit

Long stat blong miting, tugeta, ripitim Stamba Toktok blong Ol Yang Woman o Stamba Toktok blong Ol Kworom blong Aronik Prishud. Afta, lidim wan toktok storian abaot wok ia blong fasin blong sevem man mo fasin blong kam olsem wan god, mo yusum wan, o moa long wan long ol kwestin andanit ia, o yusum ol kwestin blong yuwan (luk long Jeneral Hanbuk, 10.2, 11.2). Mekem plan blong gat sam wei blong tekem aksen folem wanem yufala i toktok raon long hem.

• Laef folem gospel. ?Olsem wanem nao yumi stap glad taem yumi biaen long Jisas Kraes?

• Kea long olgeta we oli stap long nid. ?Huia long wod o blong komuniti blong yumi i nidim help blong yumi? ?Olsem wanem nao yumi save helpem olgeta?

• Invaetem evriwan blong akseptem gospel. ?Olsem wanem yumi save helpem wanwan long yumi blong rere from misinari seves?

• Joenem ol famli blong taem we i no save finis. ?Olsem wanem nao yumi save tekpat long ol hadwok blong wod blong mekem wok blong famli histri mo tempol?

Long en blong lesen, sapos i stret, mekem ol samting ia:

• Testifae abaot ol prinsipol we yu bin tijim.

• Rimaenem ol memba blong klas o blong kworom abaot ol plan mo ol invitesen we oli bin mekem long taem blong miting.

tijim doktrin pikja bokis

Tijim Doktrin

Wan adalt lida o yut i lidim; kolosap 25–35 minit

Rere long Yuwan long Saed blong Spirit

Wetem samfala parabol we oli stap long Matiu 13, Sevya i stap tijim ol impoten trutok abaot kingdom blong God mo hamas kingdom ia i stap kam bigwan long taem blong yumi tedei. Long tu (2) long ol parabol ia, i gat wan samting we i smol mo i simpol we i gogo i kam wan bigfala samting. Mo, hem i bin ol aksen blong wan boe, o blong wan gel blong God, we i bin helpem merikel ia blong i hapen. Wan smol sid blong masted, i bin groap i kam bigwan olsem wan bigfala tri we i bigwan inaf blong ol pijin oli kam slip long ol branj blong hem; hemia from wan man i tekem sid ia, mo i bin planem long garen blong hem. (Matiu 13:31–32). Mo wan smol yis nomo i mekem wan bigfala flaoa i kam bigwan; hemia from wan woman i tekem yis ia, mo i haedem insaed long trifala mak blong kaekae (Matiu 13:33). Long taem blong yumi tedei, kingdom blong God i stap gro i kam bigwan mo i stap go long evri ples from Ol Sent blong Hem—we i tekem ol yang woman mo ol yang man—we oli wok tugeta wetem hem blong bildim kingdom ia.

Ridim Matiu 13 mo Luk 8; 13 long wik ia, mo antap long hem, tingting blong ridim mesej blong Presiden M. Russell Ballard: “Men and Women in the Work of the Lord” (New Era, Apr. 2014, 2–5) mo mesej blong Presiden Jean B. Bingham: “Yumi Wan blong Mekem Wok blong God I Kamtru” (Liahona, Mei 2020, 60–63).

Stap Lan Tugeta

Blong helpem ol yut we yu stap tijim blong oli save luk long maen blong olgeta, ol parabol ia we oli stap long Matiu 13, tingting blong soem ol pikja blong wan masted sid, yis, wan perel, mo wan net blong hukum fis. Ol yut oli save luklukbak long Matiu 13:31–33, 45–48 mo serem wanem nao, wanwan long ol parabol ia i stap tijim olgeta abaot kingdom blong heven. ?Olsem wanem nao yumi save yusum ol mesej blong ol parabol ia insaed long laef blong yumiwan? ?Wanem nao yumi stap mekem blong helpem Lod blong bildimap kingdom blong Hem? Hemia samfala aktiviti we oli save helpem toktok storian ia.

• Bifo long miting, invaetem sam memba blong klas, o blong kworom, blong oli lanem abaot ol woman mo ol man we oli stap olsem ol eksampol blong stap help blong bildim kingdom blong God. Ol pipol ia, oli save kamaot long ol skripja (luk long “Ol Sapot Risos”), long histri blong Jos, o long laef blong olgetawan nomo. Invaetem ol yut blong oli serem wanem nao oli bin lanem. ?Long wanem wei nao, ol pipol ia oli bin helpem Lod blong bildimap kingdom blong Hem? ?Olsem wanem nao yumi save folem ol eksampol blong olgeta?

• Sapos yu stap tijim ol yang man, invaetem olgeta blong luklukbak long mesej blong Presiden Bonnie L. Oscarson: “Ol Yang Woman long Wok” (Liahona, Mei 2018, 36–38) mo lukaotem ol wei, mo serem ol wei we ol yang woman oli givhan insaed long wok ia blong God blong sevem man mo mekem man i kam olsem wan god. Ol yang woman oli save mekem sem samting taem oli luklukgud insaed long mesej blong Brata Douglas D. Holmes: “Wanem we Evriwan we I Kasem Aronik Prishud I Nidim blong Andastanem” (Liahona, Mei 2018, 50–53). ?Olsem wanem nao, ol responsabiliti blong ol yang woman oli kolosap semmak long hemia blong ol yang man? ?Long wanem wei nao, yumi save wok gud moa tugeta taem yumi stap mekem wok ia blong God?

• Blong helpem ol yut blong oli andastanem olsem wanem ol woman mo ol man oli stap wok tugeta blong bildimap kingdom blong God, yu save raetem ol kwestin olsem ia long bod: ?From wanem God i nidim ol woman mo ol man blong oli wok tugeta blong help blong bildimap kingdom blong Hem? ?Olsem wanem nao ol presidensi blong klas mo hemia blong kworom oli save wok tugeta long wan moa gud wei? Ol yut oli save luklukbak long samfala pat blong mesej blong Presiden M. Russell Ballard: “Men and Women in the Work of the Lord” o mesej blong Presiden Jean B. Bingham: “United in Accomplishing God’s Work,” speseli pat ia we i stat wetem: “So what does that mean for you and me?” Ol yut oli save serem ol ansa we oli faenem long saed blong ol kwestin ia.

• Blong helpem ol yut blong andastanem olsem wanem oli save help blong bildimap kingdom blong God, tingting blong soem wan o moa long wan long ol vidio ia: “We Are Strong Together,” “A Promise for the Lord’s Battalion,” mo “Youth Responsibility in the Work of Salvation” (ChurchofJesusChrist.org). ?Wanem nao yumi stap mekem insaed long ol hom blong yumi, insaed long wod blong yumi, mo insaed long komuniti blong yumi blong helpem wok blong God? Tingting blong askem presiden blong klas o blong kworom blong talem ol poen we oli tokbaot insaed long yut kaonsel miting we i stret blong serem. Invaetem ol memba blong klas o blong kworom blong serem sam niu tingting abaot wei we oli save help wetem ol problem ia.

yangfala woman i stap digim hol

God i nidim ol woman mo ol man blong wok tugeta blong stap bildimap kingdom blong Hem.

Mekem Samting Wetem Fet

Leftemap tingting blong ol memba blong klas o blong kworom blong tingting hevi mo raetemdaon wanem bae oli mekem blong tekem aksen folem ol strong tingting mo filing we oli bin kasem tedei. Sapos oli wantem, oli save serem ol aedia blong olgeta. Invaetem olgeta blong oli tingting abaot, hao, taem oli tekem aksen folem ol tingting we oli bin kasem, bae i mekem rilesensip blong olgeta wetem Papa long Heven mo Jisas Kraes i kam strong moa.

Ol Sapot Risos

• Luk 2:21–38 (Simeon mo Ana); Ol Wok 9:36–41 (Tabita, o Dokas); Mosaea 18:1–17 (Alma); Mosaea 28:1–3 (ol boe blong Mosaea); Alma 8:18–27 (Amulek); Alma 19:15–17 (Abis); Doktrin mo Ol Kavenan 25:5–8 (Ema Smit); Moses 5:10–12 (Adam mo Iv)

Tij Folem Wei blong Sevya

Taem yu stap mekem invitesen ia i go blong laef folem wan gospel prinsipol, helpem olgeta we oli stap lan blong faenemaot ol blesing we God i bin promesem long olgeta we oli stap laef folem prinsipol ia.