te ataeinnaine ae tataro

Tuun 11

N na Kanga n Rikirake ni Kaan Riki nakon Tamara are i Karawa ao Iesu Kristo?

Ioane 14–17

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,, 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. Tera te bwai ae ti a tia n rinanona mai mwaina ae e a tia ni kakorakora ara koaua?

• Tararuakiia naake iai kainnanoia. Antai ae e kainnanoa ara ibuobuoki ao ara tataro? Tera te namakin ae kakukurei ae ti kan karaoa ni ibuobuoki?

• Kaoakiia ni kabane bwa a na karekea te euangkerio. Ti na kanga n riki bwa te oota nakoia kaain ara utu ke raoraora ake aki onimakina ara koaua?

• Katiteuanakiia utu in akea tokina. Ti na kanga ni kaota riki te tangira ao boutoka ibukiia ara utu ni karaoa te tamaroa ae kaokoro inanon mweengara?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

E aki kona n riki te uaanikai iaon te mwaanga are e raurenako man te aroka. N te aro naba anne, ti bon aki kona n rikirake n te maiu n tamnei ngkana ti karaureaki mairoun te Atua (taraa Ioane 15:4–6). Ma a rangi mwaiti kairoro ake a ukora karaureakira Mairouna—n tabetai bon oin ara kainikatonga ke ara rineirne aika aki raoiroi ma angin te tai bon tii waakin te maiu n rabwata. Ngke e kaitibo Iesu Kristo ma Ana reirei n te moantai n te maiu ae mamate, E ataia bwa E na karaureaki nako mairouia. Ngaia are E reireiniia aron kakawakin te reitaki ae kaan nakoina ao Tamana—n riki ni katieuanaaki nakoia n aron te mwaanga nakon te aroka. E arana aei “maeka” Inanona. Ao E reireiniia Ana reirei aron karaoan aei. Ma ae kakawaki riki ibuakon bwaai nako, rinanon Ana anga karea ni kamaiu, E karekea te anga ni kona ni karaoa te reiataki anne.

Iangoa raoi am reitaki ma te Tama are i Karawa ao Iesu Kristo ngkai ko kamatebwaia Ioane 14–17. Iangoia naba aomata ake ko reireiniia ao nanoia ni kan kaaniaki riki nakon te Atua. Tera ae ko na kona ni karaoia ni buokiia? Ko na iangoa raoi Reirei ao Berita aika Tabu 88:62–68 ngkai ko katauraoi n anga reirei.

Te Uaia n Reirei

Iangoia ko na kanga ni kaungai nanoia kairake ni maroroakina ana reirei te Tia Kamaiu ibukin te kai ae te kurebe ao mwaangana n Ioane 15:1–12. Tao ko kona ni kabongana te korobanna, te tamnei, ke bon te mwaanga ni kai ni buokiia ni katamneia te bwai are e reiakinna Iesu. Ko kona n tuangiia bwa a na maroroakin taai are ngke a namakina bwa a kaan riki ma te Tama are i Karawa ao Iesu Kristo—ke taai are ngke a namakinna bwa a raroa nako Mairouia. Tera ae a reireia kibu aikai bwa ti na kanga ni kaan Mangaiia? Waaki ni kakukurei n aron aikai a kona n reita te marooro aei.

• E na rangi ni bongana kabanean tabeua te tai n ukebwaia te titiraki aei “Tera ae kararoaira mairoun te Tama are i Karawa ao Iesu Kristo?” Ko kona ni korea te titiraki iaon te burakibooti ao ni bubuti ibukin te kaeka. Tao ngkanne ko kona ni maroroakin tera ae ti na karaoia ni katea ana reitaki ma raoraora ke ma kaain ara utu. E kanga n ti te arona aei ma—ao ni kaokoro man—te anga are ti katea iai ara reitaki ma te Tama are i Karawa ao Iesu Kristo? E kanga Iesu Kristo ni buokiira bwa ti na kaan riki Nakoina ao Tamana? Kaungaia kaain te kiraati ke te kooram ni wareki koroboki aika tabu inanon “Reitan Bwaai n Mwakuri” ni buokiia ni kaeka te titiraki aei. E na reke aroia kairake man kamatebwaian kiibu aikai n ikatoatoa ao n tibwauai baike a reiakin.

• Akea ae kaan ma te Atua te Tama ao Natina te Tatangiraki, Iesu Kristo. Tera ae ti reiakinna mairoun te Tia Kamaiu n aron kaaniakira riki ma te Atua? A kona kaain te kiraati ke membwa n iangoa raoi te titiraki aei ngkai a wareka Ruka 22:41–43; Ioane 6:38; 17:3, 20–23; 3 Nibwaai 11:11; Reirei ao Berita aika Tabu 50:43. Ti na kanga n riki ni katiteuanaaki ma Tamara are i Karawa ao Iesu Kristo?

• N ana rongorongo “Our Personal Savior,” Unimwaane Michael John U. Teh e kauringa te tai are ngke e ataia, “Ataakin rongorongon te Tia Kamaiu e kakorakora aron mwaitin kinaakina Irou” (Riaona, Meei 2021, 99). Ko kona n titirakiniia kaain te kiraati ke kooram ni maroroakina te kaokoro imarenan ataakin rongorongon te Tia Kamaiu Iesu Kristo ao kinaakina raoi. A kona ni maroroakinna bwa tera ae a tabe ni karaoia bwa a na ataa rongorongona ao tera ae a karaoia bwa a aonga ni kinaa raoi. Ngkanne a kona n kakaea mwakoron ana maroro Unimwaane Teh ni kunei taeka n ibuobuoki ake e anga ibukin kan kinaakin raoi te Tia Kamaiu. A kanga ni kakabwaiaaki maiura n ukoukoria bwa ti na kinaa?

• N te witeo “He Knows Me,” uoman kairake mai Ghana a kabwarabwara aia kekeiaki ni kaaniaki riki nakon te Atua. A na kona kaain te kiraati ke te kooram ni mataku n te witeo ao, ngkai a karaoia, korei rinanin nako iango ake a karekeai n aron ae a na kanga ni kanakoraoa aia reitaki ma Tamaia are i Karawa. Kaoiia bwa a na tibwauai tabeua bwaai man baike a korei ni karinani iaon aia beeba. Ngkana e angaraoi, a na kona ni karaoa oin aia witeo ae kimototo ni kabwarabwara bwa a kanga ni kaaniaki riki nakon te Atua.

te ataeinnaine ae wareware ni koroboki aika tabu

Ngkai ti ataa te Tia Kamaiu ao ni kawakin Ana tua, ti na kona ni kinaa te Tia Kamaiu ao ni kawakin Ana tua, ti na maeka n Ana tangira (taraa Ioane 15:10).

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Ioane 14:6; 1 Timoteo 2:5–6; Iakobwa 4:11; Motiaea 3:19; Reirei ao Berita aika Tabu 88:63; Mote 6:52

Reirei n ana Kawai te Tia Kamaiu

E a tia ni katauraoi te Tia Kamaiu ibukin Ana mwakuri iaon te aba man te tataro ao te aki mamatam bwa E aonga ni kaan riki nakon Tamana (taraa Mataio 4:1–2; Ruka 4:1–2). Ngkai ko katauraoi n anga reirei, karekea am tai n ukora ana kairiiri te Tama are i Karawa, ibukina ngkai ko reireiniia Natina!