E a Manga Roko ni Kairiiri ao n Tautaeka, iroun Mary R. Sauer

E a Manga Oki n Tautaeka ao n Uea,, iroun Mary R. Sauer

Meei 28

Tera ae I kona ni kakaraoia ni kakatauraoi imwain Manga Okin te Tia Kamaiu?

Iotebwa Timiti—Mataio 1; Mataio 24–25; Mareko 12–13; Ruka 21

te aikaon ibukin te uaia ni marooro

Te Uaia ni Marooro

E kairaki iroun te membwa n te kooram ke te beretitentii n te kiraati, e na kabanea 10–20 te miniti

Ni moan waakin te bootaki, ikotaki ni kaokiokia n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao te karietataaki ni kabongana teuana ke e raka riki man titiraki aika inano ke aika bon am kario (tara Aeniboki ni Kabuta,, 10.2, 11.2). Babaire ao mwakuria te bwai ae maroroakinaki.

• Maiuakina te euangkerio. Tera ae ti maroroakiinna n te tai ae nako, ao tera kakao ke mwakuri ake a karaoaki? Tera ae ti a ni karaoia ni mwakurii iaon kakao akanne ke katabeakira?

• Tararuakiia naake iai kainnanoia. Tera ae ti kona ni karaoia ke n taekinna n anga te ibuobuoki nakoia ake a namakina te maroa ke n raroa mairoun Tamara are i Karawa?

• Kaoiia ni kabane bwa ana karekea te euangkerio. Tera kawai tabeua are ti kona ni buokiia tabeman n namakina ana tangira Iesu Kristo?

• Katiteuanakiia utu ibukin akea tokina. Tera iango ake ti na kona n tibwaia ma tatabeman ni buoka kakorakoraan ara utu?

N tokin te reirei, ngkana e riai, karaoi waaki aikai:

• Kaoti koauan reirei ake a reiakinaki.

• Kauringiia kaain te kiraati ke membwan te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Tera aia namakin kairake ngke ko reireiniia iaon boong aika kaitira imwain Kauaokin Iesu Kristo? E koaua a taai aika bon taai aika rawawata, man korakoran te kakaitara, te buakaka ao te urubwai. Ma ngke e kabwarabwara ara bong te Tia Kamaiu nakoia Ana Reirei ngke e uakaan tokin bongin maiu n rabwata, E anganiira te kantaninga n kariaria. Ma ataakin rokon te roo, E berita bwa Ootana ena “[rabuna] te aonaba ae bwanin” n Rokona (tara Iotebwa Timiti-Mataio 1:22-26; tara naba Reirei ao Berita aika Tabu 45:34–38.).

Ko na kanga ni buokiia kairake ni kaotaia iaon te kakabwaia ao taai aika raoiroi ngkai ti maiu n boong aika kaitira? Tera ae ko kona ni karaoia ni kaungaia bwa a na katauraoia n raonaki ma te aonaaba imwain Manga Okin te Tia Kamaiu? N ikotaki ma kamatebwaian ikota ni kibuntaeka man koroboki aika a tabu n te wiiki aio, iangoia naba n rinanon tabeua bwaai riki ni mwakuri ake a karinanaki n “Manga Okin Iesu Kristo” n Atuun Reirei n te Euangkerio (topics.ChurchofJesusChrist.org).

Te Uaia n Reirei

Ibukin buokaia kairake n rinanoakin bwaai ake a wareki ni koroboki aika tabu n te wiiki aio, ko kona n korei atuun bwaai n aron aikai n te burakibooti: Taetae ni burabeti aika Kananokawaki ao Taeka aika Mimitong (tara Russell M. Nelson, “Rabwati Taai aika Imwaim ma te Onimaki,” Riaona, Nobembwa. 2020, 73–76). Ngkane i bon irouiia n tatabemaniia nako a kona n rinanon Iotebwa Timiti-Mataio 1:22-37 ao ni karinanii bwaai aika “kananokawaki” ao aika “mimitong” aika ana riki imwain rokon te Tia Kamaiu. E aera bwa e kakaawaki ibukira bwa ti na atai bwaai aikai? Ibukin buotakaia kairake n reiakina riki aroia ni katauraoi imwain manga okin te Tia Kamaiu, iangoia ni karaoi waaki ni kakukurei aikai ke teuana ae bon am kario.

• Koroboki aika a tabu ake n “Reitan Bwaai ni Mwakuri” a kona ni buokiia kairake n oota bwa e kanga Tamara are i Karawa ni katauraoa te kawai ibukin Manga Okin Natina te Mwaane. Iangoia ni korei bwaai aika ana riki ake a kabwarabwaraaki n taian kiibu man koroboki aika a tabu iaon te burakibooti ao n tuangiia bwa a na bane ni wareka kakateuana man ikota ni kibu man koroboki aika a tabu. A kona ni katitebooi aia wareware nakon bwaai ake ana riki ake iaon te burakibooti ao ni marooro iaon te ikota ni kibuntaeka anne ma te kiraati. Tera ae a tuangiira bwaai aika a na riki aikai ibukin tibwangara ni kakarauraoi imwain Kauokin te Tia Kamaiu? Tera ae ti kaungaaki ni karaoia n te kiraati ke te kooram?

• Beretitenti Russell M. Nelson e reireiniira ae: E kanga arora ngaira ni kaitarai ni kauoua te taetae ni burabeti ae kananokawaki ao taekan mimitongin ara bong? Te Uea e tuangiira arora n ae beebete, ma ni kamimi, ma te kakoaua: ‘Ngkana kam tauraoi ao kam na aki maaku’ [Reirei ao Berita 38:30]” (“Rabwatii Taai aika Imwaim ma te Onimaki,” 74). Ibukin buokaia kairake n tauraoi imwain manga okin te Tia Kamaiu, iangoia ni butiia bwa ana wareka teuana mai ibuakon moan tua ake teniua iaon te katauraoi ake e tibwauaia Beretitenti Nelson n ana marooro. Kaoiia bwa a na tibwaua te bwai are a reiakina. Tera ae ti namakina ae kairaki iroun te tamnei bwa ti na karaoia n ira ana taeka n ibuobuoki Beretitenti Nelson?

• N moan ana marooro ae atuunaki n “Te Kakatauraoi imwain Okin te Uea,” Unimwaane D. Todd Christofferson e kabwarabwara tein te aonaaba imwin Kauaokin Iesu Kristo (Riaona, Meei 2019, 81-84). Kaoia kairake bwa ana rinanon ana kabwarabwara ao n kabootaua ma tein te aonaaba ngkai. A kona n marooroakini bwaai ae ti kona n karaoia ngkai n katauraoira n maeka n te aeka n aonaaba are kabwarabwara Unimwaane Christofferson. (Taian barakurabu aika aua n ana marooro ake a moanaki n “Te moan, ao kakawaki ibukin okin te Uea” a kona naba n ibuobuoki.) E kanga ana Ekaretia te Tia Kamaiu ni buokiira n katauraoi imwain Kauaokina? Unimwaane Christofferson e karinani kawai aika teniua are te Ekaretia e “anganaki te kariaia ao e mwiokoaki bwa e na kakoroi nanon katauraoi aika kakaawaki i mwain Manga Okin te Uea.” A kona kain te kiraati n katebenakoi man marooroakini bwaai aikane.

te ataeinnaine ae kamatebwai

Ngkana ti tauraoi, ti na aki maaku n bwaai ake ana riki n kairi rake nakon Kauaokin Okin te Tia Kamaiu.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoi a n iangoa taekana bwa e kanga mwakurian aia namakin are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Reirei ao Berita aika Tabu 65:1–2 (Kaokan te euangkerio)

• Reirei ao Berita aika Tabu 20:8–12 (Rokon ana Boki Moomon)

• Marakii 4:5–6; Reirei ao Berita aika Tabu 110:13–16 (Kaokan kingin te nakoanibonga)

• 3 Nibwaai 21:1, 8 (Ikoikotaia Iteraera)

• Iotebwa Timiti-Mataio 1:28-30 (Te buaka, te mangaongao, te bure)

• Iotebwa Timiti—Mataio 1:31 (Tibauaan te Euangkerio nakon te aonaaba)

• Gary E. Stevenson, “Te Koburake n Ran ae Tamaroa n kaitarai Taai aika A na Roko,” Riaona, Meei 2020, 48–52

Reirei n ana Kawai te Tia Kamaiu

Reiakinia am ataei bwa n tabetai ao te Tamnei ena reireiniia bwaai n tain te kabwarabwara n te kiraati aika aki taetaekina n takarua.