« ថ្ងៃទី ៩ ខែ កក្កដា ។ តើព្រះយេស៊ូវគ្រីស្ទដឹកនាំសាសនាចក្ររបស់ទ្រង់ដោយរបៀបណា ? អេសាយ ១–៥ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិឆ្នាំ ២០២៣ ( ឆ្នាំ ២០២២ )

« ថ្ងៃទី ៩ ខែ កក្កដា ។ តើព្រះយេស៊ូវគ្រីស្ទដឹកនាំសាសនាចក្ររបស់ទ្រង់ដោយរបៀបណា ? » ចូរមកតាមខ្ញុំ — សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិឆ្នាំ ២០២៣

បន្ទាប់ពីការមានព្រះជន្មរស់ឡើងវិញរបស់ទ្រង់ ព្រះអង្គសង្រ្គោះបានដឹកនាំសាសនាចក្ររបស់ទ្រង់តាមរយៈសាវករបស់ទាំងឡាយរបស់ទ្រង់ រួមទាំងពេត្រុស ។

ថ្ងៃទី ៩ ខែ កក្កដា

តើព្រះយេស៊ូវគ្រីស្ទដឹកនាំសាសនាចក្ររបស់ទ្រង់ដោយរបៀបណា ?

កិច្ចការ ១–៥

ប្រឹក្សាជាមួយគ្នា

ដឹកនាំដោយសមាជិកថ្នាក់ម្នាក់ ឬគណៈប្រធានកូរ៉ុម មានរយៈពេលប្រហែល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬសំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ១០.២, ១១.២ ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។

ការរស់នៅតាមដំណឹងល្អ ។ តើប្រធានបទអ្វីដែលគណៈប៊ីស្សពបានពិភាក្សានៅក្នុងការប្រជុំក្រុមប្រឹក្សាយុវវ័យវួដ ? តើយើងអាចធ្វើអ្វីខ្លះក្នុងនាមជាថ្នាក់ ឬកូរ៉ុមដោយផ្អែកលើការពិភាក្សាទាំងនោះ ?
ការមើលថែដល់អ្នកខ្វះខាត ។ តើយើងអាចជួយដល់មនុស្សតាមរបៀបដូចជាព្រះគ្រីស្ទ នៅពេលយើងមើលឃើញតម្រូវការមួយ ហើយមិនដឹងថាត្រូវនិយាយអ្វីយ៉ាងដូចម្តេច ?
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើយើងបានរកឃើញអ្វីខ្លះនៅក្នុងដំណឹងល្អរបស់ព្រះយេស៊ូវគ្រីស្ទដែលនាំមកឲ្យយើងនូវអំណរ ? តើយើងអាចចែកចាយអំណរនោះជាមួយនឹងមនុស្សដទៃបានដោយរបៀបណា ?
ការបង្រួបបង្រួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើយើងធ្វើអ្វីខ្លះដើម្បីស្វែងរកឈ្មោះនៃបុព្វការីជនរបស់យើងដែលត្រូវការពិធីបរិសុទ្ធក្នុងព្រះវិហារបរិសុទ្ធ ? តើយើងអាចធ្វើអ្វីខ្លះ ដើម្បីជួយអ្នកដទៃស្វែងរកឈ្មោះនៃបុព្វការីជនរបស់ពួកគេ ?

នៅចុងបញ្ចប់នៃមេរៀននេះ សូមធ្វើកិច្ចការដូចខាងក្រោម តាមការគួរ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬយុវវ័យម្នាក់ រយៈពេលប្រហែល ២៥–៣៥ នាទី

រៀបចំខ្លួនខាងវិញ្ញាណ

វាជារឿងមួយដែលត្រូវដឹងថាសាសនាចក្រនេះគឺល្អ ដែលសាសនាចក្របង្រៀនគោលការណ៍ពិត ឬថាសាសនាចក្រអាចជួយបងប្អូនឲ្យក្លាយជាមនុស្សប្រសើរជាងមុន ។ វាជារឿងមួយទៀតដែលត្រូវដឹងថា សាសនាចក្រសព្វថ្ងៃនេះគឺជាសាសនាចក្រនៃព្រះយេស៊ូវគ្រីស្ទតាមន័យត្រង់ ដែលបានបង្កើតឡើង ហើយបានដឹកនាំដោយទ្រង់ផ្ទាល់ និងបន្តដោយទ្រង់តាមរយៈព្យាការីដែលនៅរស់ ។ គម្ពីរ កិច្ចការ ផ្តល់ភស្ដុតាងជាច្រើនសន្ធឹកសន្ធាប់ថា ព្រះអង្គសង្គ្រោះមានការចូលរួមយ៉ាងជិតស្និទ្ធក្នុងការដឹកនាំសាសនាចក្ររបស់ទ្រង់ ។ នៅពេលបងប្អូនសិក្សា ជំពូក ១–៥ សូមរកមើលភស្តុតាងនោះ ហើយសូមសញ្ជឹងគិតពីរបៀបដែលបងប្អូនដឹងថា ទ្រង់បន្តដឹកនាំសាសនាចក្ររបស់ទ្រង់នៅសព្វថ្ងៃនេះ ។ តើចំណេះដឹងនេះបានផ្តល់ពរជ័យដល់បងប្អូនដោយរបៀបណា ?

តើយុវវ័យដែលបងប្អូនបង្រៀនមានទីបន្ទាល់ថា សាសនាចក្រដែលពួកគេចូលជាសមាជិកគឺត្រូវបានដឹកនាំ ដោយព្រះអង្គសង្រ្គោះទ្រង់ផ្ទាល់ដែរឬទេ ? តើទីបន្ទាល់បែបនេះផ្តល់ពរជ័យដល់ពួកគេយ៉ាងដូចម្តេច ? តើអ្នកអាចជួយពួកគេទទួល ឬពង្រឹងទីបន្ទាល់នេះយ៉ាងដូចម្ដេច ? ជាការបន្ថែមចំពោះការសិក្សា កិច្ចការ១–៥ បងប្អូនក៏អាចអានសារលិខិតរបស់អែលឌើរ ឃ្វីនថិន អិល ឃុក « The Blessing of Continuing Revelation to Prophets and Personal Revelation to Guide Our Lives » ផងដែរ ( Liahona ខែ ឧសភា ឆ្នាំ ២០២០ ទំព័រ ៩៦–១០០ ) ។

រៀនជាមួយគ្នា

ដើម្បី ចាប់ផ្តើមការពិភាក្សារបស់បងប្អូន នោះបងប្អូន អាចសរសេរនៅលើក្ដារខៀន ៖ ព្រះអម្ចាស់ដឹកនាំសាសនាចក្ររបស់ទ្រង់តាមរយៈវិវរណៈទៅកាន់សាវកទាំងឡាយរបស់ទ្រង់ ។ សមាជិកថ្នាក់ ឬកូរ៉ុមអាចចែកចាយអ្វីមួយដែលពួកគេរកឃើញពីការសិក្សារបស់ពួកគេនៅ កិច្ចការ ១–៥ ដែលគាំទ្រដល់សេចក្តីថ្លែងការណ៍នេះ ។ ( ប្រសិនបើចាំបាច់ បងប្អូនអាចណែនាំពួកគេឲ្យអាន កិច្ចការ ១:១–៨; ១:៣៦–៣៩; ៤:១–១៣, ៣១–៣៣ ) ។ តើភស្តុតាងអ្វីដែលយើងមើលឃើញថា ព្រះយេស៊ូវគ្រីស្ទដឹកនាំសាសនាចក្ររបស់ទ្រង់ដូចគ្នានៅសព្វថ្ងៃនេះ ? សកម្មភាពខាងក្រោមនេះ អាចជួយអស់អ្នកដែលបងប្អូនបង្រៀន ពង្រឹងសេចក្តីជំនឿរបស់ពួកគេលើសេចក្តីពិតដ៏សំខាន់នេះ ។

បងប្អូនអាចរៀបចំសំណួរជាច្រើនដូចជា ៖ តើព្រះយេស៊ូវគ្រីស្ទដឹកនាំសាសនាចក្ររបស់ទ្រង់ដោយរបៀបណា ? យើងអាចបង្កើនសេចក្ដីជំនឿរបស់យើងថា ព្រះយេស៊ូវគ្រីស្ទកំពុងដឹកនាំសាសនាចក្ររបស់ទ្រង់ដោយរបៀបណា ? ហេតុអ្វីបងប្អូនទុកចិត្តលើព្យាការី និងសាវកទាំងឡាយរបស់ព្រះអម្ចាស់ ? សូមផ្តល់សំណួរមួយនៃសំណួរទាំងនេះឲ្យសមាជិកថ្នាក់ ឬកូរ៉ុម ហើយអញ្ជើញពួកគេឲ្យសញ្ជឹងគិតពីសំណួរនេះ និងគិតពីខគម្ពីរដែលអាចជួយពួកគេឆ្លើយសំណួរនេះ ( ប្រសិនបើចាំបាច់ សូមមើល « ធនធានគាំទ្រ » ដើម្បីទទួលបានគំនិតខ្លះៗ ) ។ បន្ទាប់មកសូមផ្តល់ពេលឲ្យមនុស្សគ្រប់គ្នាចែកចាយ និងពិភាក្សាពីអ្វីដែលពួកគេរៀន ។
ដើម្បីជួយសមាជិកថ្នាក់ ឬកូរ៉ុម យល់ពីរបៀបដែលព្រះអម្ចាស់ដឹកនាំសាសនាចក្ររបស់ទ្រង់ នោះបងប្អូនអាចអញ្ជើញពួកគេឲ្យរំឭកឡើងវិញនូវផ្នែកទីមួយនៃសារលិខិតរបស់អែលឌើរ ឃ្វីនថិន អិល ឃុក « ពរជ័យនៃការបន្ដវិវរណចំពោះពួកព្យាការី និងវិវរណផ្ទាល់ខ្លួនដើម្បីដឹកនាំជីវិតរបស់ពួកយើង » ។ ប្រហែលជាសមាជិកថ្នាក់ ឬកូរ៉ុមម្នាក់ៗអាចចែកចាយអ្វីមួយចេញពីសារលិខិតនេះ ដែលជួយពួកគេឲ្យដឹងថា ព្រះយេស៊ូវគ្រីស្ទកំពុងដឹកនាំសាសនាចក្រទ្រង់យ៉ាងសកម្ម និងដោយផ្ទាល់ ។ តើមានការយល់ដឹងអ្វីផ្សេងទៀតដែលយើងរកឃើញនៅក្នុងព្រះគម្ពីរនៅក្នុង « ធនធានគាំទ្រ » ?
វាក៏អាចមានប្រយោជន៍ផងដែរសម្រាប់យុវវ័យ ដើម្បីរៀនអំពីរបៀបដែលព្រះអម្ចាស់កំពុងដឹកនាំនៅក្នុងវួដរបស់បងប្អូន ។ បងប្អូនអាចស្នើសុំឲ្យយុវវ័យចែកចាយឧទាហរណ៍ អំពីរបៀបដែលព្រះអម្ចាស់កំពុងដឹកនាំថ្នាក់ដឹកនាំវួដម្នាក់ៗ រួមទាំងប្រធានថ្នាក់ និងកូរ៉ុមផងដែរ ។ នៅអំឡុងសប្តាហ៍នេះពីមុនថ្នាក់ បងប្អូនអាចស្នើសុំឲ្យថ្នាក់ដឹកនាំវួដមួយចំនួនចែកចាយ—ដោយផ្ទាល់ ឬតាមអេឡិចត្រូនិច—នូវបទពិសោធន៍ដែលបង្ហាញពីរបៀបដែលព្រះអម្ចាស់ដឹកនាំពួកគាត់ ។ សមាជិកថ្នាក់ ឬកូរ៉ុមអាចរកបានគំរូបន្ថែមនៅក្នុងសារលិខិតរបស់ប្រធាន ហិនរី ប៊ី អាវរិង « The Lord Leads His Church » ( Liahona ខែ វិច្ឆិកា ឆ្នាំ ២០១៧ ទំព័រ ៨១–៨៤ ) ។ ហេតុអ្វីវាសំខាន់ដើម្បីមានសេចក្តីជំនឿថា ព្រះអម្ចាស់កំពុងបំផុសគំនិតដល់ថ្នាក់ដឹកនាំវួដរបស់យើង ?
មនុស្សខ្លះគិតថា ប្រសិនបើយើងជាមនុស្សល្អ ហើយធ្វើរឿងល្អ នោះយើងពុំត្រូវការព្រះវិហារនោះទេ ។ បងប្អូនអាចសួរយុវវ័យពីរបៀបដែលពួកគេឆ្លើយតបនឹងសំណួរនេះ ។ នៅក្នុងសារលិខិតរបស់លោក « The Need for a Church » ( Liahona ខែ វិច្ឆិកា ឆ្នាំ ២០២១ ទំព័រ ២៤–២៦ ) ប្រធាន ដាល្លិន អេក អូក បានផ្តល់ហេតុផលមួយចំនួន ដែលព្រះវិហារទាំងឡាយ រួមទាំងសាសនាចក្ររបស់ព្រះអម្ចាស់ដែលបានស្តារឡើងវិញមានសារៈសំខាន់ ។ យុវវ័យអាចស្រាវជ្រាវសារលិខិតនេះជាដៃគូ ជាក្រុមតូច ឬជាថ្នាក់ ឬជាកូរ៉ុម ហើយចែកចាយអ្វីដែលពួកគេរកឃើញ ។

ការប្រជុំរបស់ក្រុមយុវជន — ព្រះអម្ចាស់ដឹកនាំសាសនាចក្ររបស់ទ្រង់តាមរយៈវិវរណៈ រួមទាំងគណៈប្រធានថ្នាក់ និងកូរ៉ុមផងដែរ ។

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ធនធានគាំទ្រ

អេភេសូរ ២:១៩–២០; ៤:១១–១៥; គោលលទ្ធិ និងសេចក្តីសញ្ញា ១:៣៨; ២១:១–៦; មាត្រានៃសេចក្តីជំនឿ ១:៥–៦

ការបង្រៀនតាមរបៀបរបស់ព្រះអង្គសង្គ្រោះ

ដើម្បីអញ្ជើញព្រះវិញ្ញាណមកក្នុងការបង្រៀនរបស់អ្នក សូមលើកទឹកចិត្តអ្នកដទៃឲ្យចែកចាយទីបន្ទាល់ផ្ទាល់ខ្លួនរបស់ពួកគេ អំពីសេចក្ដីពិតដែលអ្នកកំពុងតែពិភាក្សា ។