« ថ្ងៃទី ២៥ ខែ មិថុនា ។ តើដង្វាយធួនរបស់ព្រះយេស៊ូវគ្រីស្ទមានអត្ថន័យយ៉ាងណាចំពោះខ្ញុំ ? ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិឆ្នាំ ២០២៣ ( ឆ្នាំ ២០២២ )

« ថ្ងៃទី ២៥ ខែ មិថុនា ។ តើដង្វាយធួនរបស់ព្រះយេស៊ូវគ្រីស្ទមានអត្ថន័យយ៉ាងណាចំពោះខ្ញុំ ? » ចូរមកតាមខ្ញុំ — សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិឆ្នាំ ២០២៣

ដង្វាយធួនរបស់ព្រះអង្គសង្រ្គោះ ៖ មូលដ្ឋានគ្រឹះពិតរបស់សាសនាគ្រិស្ត ដោយ ឃឺឃ រីឆាដ

ថ្ងៃទី ២៥ ខែ មិថុនា

តើដង្វាយធួនរបស់ព្រះយេស៊ូវគ្រីស្ទមានអត្ថន័យយ៉ាងណាចំពោះខ្ញុំ ?

ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩

ប្រឹក្សាជាមួយគ្នា

ដឹកនាំដោយសមាជិកថ្នាក់ម្នាក់ ឬគណៈប្រធានកូរ៉ុម មានរយៈពេលប្រហែល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬសំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ១០.២, ១១.២ ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។

ការរស់នៅតាមដំណឹងល្អ ។ តើបងប្អូនកាន់តែខិតជិតព្រះអង្គសង្គ្រោះដោយរបៀបណា ? តើយើងព្យាយាមប្រែក្លាយដូចជាទ្រង់យ៉ាងដូចម្តេច ?
ការមើលថែដល់អ្នកខ្វះខាត ។ តើនរណាដែលយើងគិតដល់នាពេលថ្មីៗនេះ ? តើយើងអាចជួយបុគ្គលទាំងនេះយ៉ាងដូចម្តេច ?
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើយើងអាចឆ្លើយសំណួរពីមិត្តភក្តិរបស់យើងអំពីសាសនាចក្រតាមរបៀបមួយដែលពង្រឹងសេចក្តីជំនឿរបស់យើងនៅលើព្រះអង្គសង្រ្គោះយ៉ាងដូចម្តេច ?
ការបង្រួបបង្រួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើមានវិធីណាខ្លះដែលយើងអាចភ្ជាប់ទំនាក់ទំនងបានប្រសើរជាមួយសាច់ញាតិដូចជាជីដូនជីតា និងបងប្អូនជីដូនមួយ ?

នៅចុងបញ្ចប់នៃមេរៀននេះ សូមធ្វើកិច្ចការដូចខាងក្រោម តាមការគួរ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬយុវវ័យម្នាក់ រយៈពេលប្រហែល ២៥–៣៥ នាទី

រៀបចំខ្លួនខាងវិញ្ញាណ

អែលឌើរ ដេវីឌ អេ បែដណា បានសង្កេតឃើញថា ពួកបរិសុទ្ធថ្ងៃចុងក្រោយមួយចំនួន « ហាក់មានសេចក្ដីជំនឿលើព្រះអង្គសង្គ្រោះ ប៉ុន្តែមិនជឿលើព្រះពរដែលបានសន្យាថានឹងមាន ឬកើតឡើងក្នុងជីវិតគេឡើយ » ( « បើអ្នករាល់គ្នាបានស្គាល់ខ្ញុំ « Liahona » ខែ វិច្ឆិកា ឆ្នាំ ២០១៦ ទំព័រ ១០៤ ) ។ ម្យ៉ាងវិញទៀត ទោះបីជាយើងជឿថា ព្រះយេស៊ូវគ្រីស្ទបានរងទុក្ខ និងសុគតសម្រាប់អំពើបាបនៃពិភពលោកក៏ដោយ ក៏យើងប្រហែលជាឆ្ងល់ថា តើទ្រង់បានរងទុក្ខ និងសុគតជាពិសេសសម្រាប់អំពើបាបរបស់យើងឬយ៉ាងណា ។ តើបងប្អូនធ្លាប់មានអារម្មណ៍បែបនោះដែរឬទេ ? តើមនុស្សក្នុងថ្នាក់ ឬកូរ៉ុមរបស់បងប្អូននឹងទទួលបានអត្ថប្រយោជន៍យ៉ាងណាពីការយល់ដឹងថា ដង្វាយធួនរបស់ព្រះអង្គសង្គ្រោះអនុវត្តចំពោះពួកគេផ្ទាល់នោះ ? តើបងប្អូនអាចជួយពួកគេដោយរបៀបណា ?

សូមសញ្ជឹងគិតសំណួរទាំងនេះកាលដែលបងប្អូនអានអំពីការឆ្កាងរបស់ព្រះអង្គសង្រ្គោះនៅសប្តាហ៍នេះ ។ ពេលបងប្អូនរៀបចំខ្លួនដើម្បីបង្រៀនអំពីលក្ខណៈផ្ទាល់ខ្លួននៃដង្វាយធួនរបស់ព្រះគ្រីស្ទ នោះបងប្អូនអាចសិក្សាសារលិខិតរបស់ប្រធាន ដាល្លិន អេក អូក « What Has Our Savior Done for Us? » ( Liahona ខែ ឧសភា ឆ្នាំ ២០២១ ទំព័រ ៧៥–៧៧ ) ។

រៀនជាមួយគ្នា

សូមអញ្ជើញសមាជិកថ្នាក់ ឬកូរ៉ុមឲ្យចែកចាយអ្វីមួយ ដែលពួកគេបានរៀនអំពីការឆ្កាងរបស់ព្រះអង្គសង្រ្គោះ នៅសប្តាហ៍មុននេះនៅក្នុងព្រះគម្ពីរសញ្ញាថ្មី និងអារម្មណ៍របស់ពួកគេអំពីព្រះអង្គសង្រ្គោះ ។ ដើម្បីជួយបំផុសពួកគេ នោះបងប្អូនអាចសួរសំណួរដូចជា « តើយើងរៀនអ្វីខ្លះអំពីព្រះយេស៊ូវគ្រីស្ទពីអ្វីដែលទ្រង់បានមានព្រះបន្ទូល និងបានធ្វើអំឡុងម៉ោងចុងក្រោយរបស់ទ្រង់ ? » ឧទាហរណ៍ បងប្អូនអាចស្វែងយល់ពីករណីដែលព្រះអង្គសង្គ្រោះនៅតែមើលអ្នកជុំវិញទ្រង់ដោយក្ដីមេត្តា ខណៈដែលទ្រង់រងទុក្ខសម្រាប់មនុស្សទាំងអស់ ( សូមមើល ឧទាហរណ៍ លូកា ២៣:៣៤, ៣៩–៤៣; យ៉ូហាន ១៩:២៥–២៧ ) ។ ការណ៍នេះអាចដឹកនាំឲ្យមានការពិភាក្សាមួយអំពីរបៀបដែលដង្វាយធួនរបស់ព្រះយេស៊ូវគ្រីស្ទទាំងជាសាកល និងផ្ទាល់ខ្លួន ។ សកម្មភាពដូចតទៅនេះ អាចជួយជួយបងប្អូនបន្តពិភាក្សាពីដង្វាយធួនរបស់ព្រះអង្គសង្រ្គោះតទៅទៀត ។

នៅក្នុងកថាខណ្ឌទីមួយនៃសារលិខិតរបស់លោក « តើព្រះអង្គសង្គ្រោះរបស់យើងបានធ្វើអ្វីខ្លះសម្រាប់យើង ? » ប្រធាន ដាល្លិន អេក អូក បានពិពណ៌នាការសន្ទនាមួយជាមួយស្រ្តីម្នាក់ដែលពុំជឿថា ព្រះយេស៊ូវគ្រីស្ទបានធ្វើអ្វីសម្រាប់នាងឡើយ ។ សមាជិកថ្នាក់ ឬកូរ៉ុមអាចអានកថាខណ្ឌនោះ ដោយចាត់ទុកខ្លួនពួកគេជាប្រធាន អូក ។ តើយើងនឹងនិយាយអ្វីខ្លះទៅកាន់ស្រ្តីរូបនេះ ? បងប្អូនអាចឲ្យសមាជិកថ្នាក់ ឬកូរ៉ុមនូវផ្នែកមួយនៃសារលិខិតរបស់ប្រធាន អូក ។ ដោយប្រើអ្វីដែលពួកគេរៀន រួមនឹងបទពិសោធន៍ផ្ទាល់ខ្លួនរបស់ពួកគេ នោះពួកគេអាចចែកចាយចម្លើយផ្ទាល់ខ្លួនចំពោះសំណួរ « តើព្រះយេស៊ូវគ្រីស្ទបានធ្វើអ្វីសម្រាប់ខ្ញុំ ? »
ដើម្បីបំផុសគំនិតការពិភាក្សាអំពីរបៀបដែលដង្វាយធួនរបស់ព្រះអង្គសង្គ្រោះមានឥទ្ធិពលលើយើងផ្ទាល់ បងប្អូនអាចសរសេរឃ្លាមួយនៅលើក្ដារខៀនដូចជា ពីព្រោះព្រះយេស៊ូវគ្រីស្ទបានរងទុក្ខ និងសុគតសម្រាប់មនុស្សទាំងអស់ … ។ សមាជិកថ្នាក់ ឬកូរ៉ុមអាចផ្តល់យោបល់ពីរបៀបដើម្បីបំពេញប្រយោគនេះ ។ បន្ទាប់មកបងប្អូន អាចប្តូរឃ្លាឲ្យអាន ពីព្រោះព្រះយេស៊ូវគ្រីស្ទបានរងទុក្ខ និងសុគតសម្រាប់ខ្ញុំ … ហើយអញ្ជើញឲ្យមានមតិយោបល់បន្ថែមណាមួយ ។ កាលដែលសមាជិកថ្នាក់ ឬកូរ៉ុមពិភាក្សាសេចក្តីថ្លែងការណ៍នេះ សូមលើកទឹកចិត្តពួកគេឲ្យអានខគម្ពីរនៅក្នុង « ធនធានគាំទ្រ » ។ តើខគម្ពីរទាំងនេះបង្រៀនយើងអ្វីខ្លះអំពីឥទ្ធិពលនៃដង្វាយធួនរបស់ព្រះអង្គសង្រ្គោះនៅក្នុងជីវិតរបស់បុគ្គលម្នាក់ ?
របៀបមួយទៀតដើម្បីសិក្សាខគម្ពីរនៅក្នុង « ធនធានគាំទ្រ » អាចជាការអញ្ជើញយុវវ័យឲ្យជំនួសពាក្យនៅក្នុងខគម្ពីរ ដើម្បីឲ្យខគម្ពីរត្រូវបានថ្លែងដោយផ្ទាល់ទៅកាន់ពួកគេ ។ តើការធ្វើបែបនេះជះឥទ្ធិពលដល់អារម្មណ៍របស់យើងអំពីសេចក្ដីពិតក្នុងខគម្ពីរយ៉ាងដូចម្ដេច ? តើយើងអាចបង្ហាញអំណរគុណរបស់យើងចំពោះការពលិកម្មរបស់ព្រះអង្គសង្រ្គោះសម្រាប់យើងយ៉ាងដូចម្តេច ?
តន្រ្តីពិសិដ្ឋអាចថ្លែងទីបន្ទាល់ពីព្រះយេស៊ូវគ្រីស្ទដោយអានុភាព ។ សូមពិចារណាអញ្ជើញសមាជិកថ្នាក់ ឬកូរ៉ុមឲ្យមករៀនដោយរៀបចំខ្លួន ដើម្បីចែកចាយអ្វីដែលជួយពួកគេទទួលអាម្មណ៍ ពីអានុភាពនៃដង្វាយធួនរបស់ព្រះអង្គសង្រ្គោះ នៅក្នុងជីវិតរបស់ពួកគេផ្ទាល់ ។ ( ពួកគេអាចមើលទំនុកតម្កើងសម្រាប់ពិធីសាក្រាម៉ង់ ឬអត្ថបទ « ព្រះយេស៊ូវ គ្រីស្ទ—ព្រះអង្គសង្រ្គោះ » នៅក្នុងលិបិក្រមប្រធានបទនៃ ទំនុកតម្កើង ) ។ សូមឲ្យសមាជិកថ្នាក់ ឬកូរ៉ុមស្វែងរកឃ្លានៅក្នុងទំនុកតម្កើងដែលជួយពួកគេទទួលអារម្មណ៍នៃសេចក្តីស្រឡាញ់របស់ព្រះអង្គសង្រ្គោះចំពោះពួកគេដោយផ្ទាល់ ។ បងប្អូនក៏អាចនិយាយអំពីរបៀបដែលការពលិកម្មរបស់ព្រះអង្គសង្រ្គោះជះឥទ្ធិពលលើជីវិតរបស់យើងជារៀងរាល់ថ្ងៃផងដែរ ។ ឧទាហរណ៍ តើវានឹងជះឥទ្ធិពលលើការជ្រើសរើសដែលយើងធ្វើយ៉ាងដូចម្តេច ?

ព្រះគ្រីស្ទនៅក្នុងសួនច្បារគែតសេម៉ានី ដោយ ឌេន ប៊ើរ

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ធនធានគាំទ្រ

កូរិនថូស ទី១ ១៥:២០–២២; កូរិនថូស ទី២ ១២:៧–៩; អាលម៉ា ៧:១១–១២; នីហ្វៃទី ៣ ១១:១០–១១
ថាត អរ ខាលីស្ទើរ « The Atonement of Jesus Christ » Liahona ខែ ឧសភា ឆ្នាំ ២០១៩ ទំព័រ ៨៥–៨៧

ការបង្រៀនតាមរបៀបរបស់ព្រះអង្គសង្គ្រោះ

ការបង្ហាញពីក្ដីស្រឡាញ់ដោយស្មោះដូចជាព្រះគ្រីស្ទ មានអំណាចដ៏ខ្លាំងដើម្បីបន្ទន់ដួងចិត្តរបស់សមាជិកក្នុងថ្នាក់ ដែលកំពុងមានបញ្ហាជាមួយដំណឹងល្អ ។ ជារឿយៗ បុគ្គលទាំងនេះគឺជាអ្នកទាំងឡាយដែលចាំបាច់ត្រូវដឹងដោយសាមញ្ញថា ពួកគេសំខាន់ ហើយត្រូវបានគេស្រឡាញ់ ។