Jisōs im ro rej ļoore

Jisōs im Rikaļoor ro An, © Balage Balogh/Art Resource, NY

Juļae 23

Ta Meļeļein n̄an Erom̧ Juon Rikaļoor an Jisōs Kraist?

Jerbal 10–15

pija eo ej bōk jikin kapilōk doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ekōjkan ad en̄jake pein Irooj ilo mour ko ad?

• Kea kōn ro rej pād ilo aikuj. Ewi wāween ad rie doon ilo men ko jej dibuki?

• Karuwaineneik aolep n̄an bōk gospel eo. Ewi wāween an em̧m̧anļo̧k ad kōjerbal technology āinwōt juon kein jerbal n̄an kwaļo̧k gospel eo?

• Kobaik baam̧le ko n̄an indeeo. Ta eo jej kōm̧m̧ane n̄an jipan̄ baam̧le ko ad itok n̄an Kraist?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Jepta 11 ilo Jerbal ej ba bwe ej kab kein kajuon “rū kaḷoor, ar ṇa etaer ri Kristian” (eoon 26). Ej juon nebar ekwojarjar im juon eddo n̄an jeļā āinwōt juon rikaloor an Kraist im n̄an kūr ilo Etan. Ilo an Būreejtōn M. Russell Ballard ba: “Jej ke jeļā ewi jon̄an ad jeraam̧m̧an ke jej bōk eoon etan Eo Ejiton̄bōro im Emake Nejin Anij? Jej ke meļeļe ewi jon̄an an aorōk men in? Rilo̧mo̧o̧r ej et eo de eo ium̧win lan̄ bwe armej ren maron̄ lo̧mo̧o̧r” (“The Importance of a Name,” Liahona, Nov. 2011, 79).

Ta meļeļein n̄an erom̧ Kūrijin—rikaļoor an Jisōs Kraist? Ta eo meļeļein n̄an membōr in kūlaaj eo am̧ ak doulul eo? Elmen an bōk eoon Etan n̄an kwe make im̧we eok? Komaron̄ ļōmņak juon iien kwar im̧we kōn waanjon̄ak eo an juon armej eo ekar jerbal āinwōt m̧ool in rikaļoor an Kraist.

Ilo am̧ kōppopo n̄an katakin, kobaļo̧k ilo riiti Jerbal 10–15, ļōmņak n̄an riiti juon ak eļapļo̧k ennaan ko jān kweilo̧k eo eļap loi ilo “Kein Jipan̄ ko rej Rie.”

Ekkatak Ippān Doon

N̄an jipan̄ membōr in kūlaaj ak doulul eo meļeļe ta meļeļein n̄an āinwōt rikaloor an Jisōs Kraist, komaron̄ karuwainene er n̄an kamōj jantōj in: “Juon rikaļoor an Jisōs Kraist ej juon arej eo …” Remaron̄ etale Jerbal 11:19–26, kappukot men ko raorōk ilo eoon 21, 23–24, 26 kōn elmen an membōr in Kabun̄ in kwaļo̧k ke rej rikaloor. Elmen ad rikaļoor ro an Jisōs Kraist im̧we ļōmņak im m̧wil ko ad? Makūtkūt rōt kein ellaajrak emaron̄ kakobaba ilo ekōnono in.

• Emaron̄ jipan̄ n̄an ekōnono ta in rikaļoor an Jisōs Kraist (lale ennaan eo jān Elder Robert D. Hales ilo “Kein Jipan̄ ko rej Rie”). Komaron̄ kajjitōk ippān jodikdik ro n̄an kwaļo̧k jet katak in Jisōs Kraist ej im̧we er im jet men rekar katak jān waanjon̄ak eo an. Remaron̄ kappukot jet iaan jeje ko rekwojarjar ilo “Kein Jipan̄ ko rej Rie,” ak ro jet rejeļā kake, n̄an ļōmņak ko. Remaron̄ kōllaajrake ilo boot eo ta eo rekar ekkatak kōn Rilo̧mo̧o̧r jān bwebwenato in. Innem remaron̄ kōnono kōn wāween ko remaron̄ lukkuun ļoore katak ko im waanjon̄ak ko kar ellaajrak ilo boot eo.

• Kajiitōk ippān membōr in kūlaaj ak doulul n̄an ļōmņak kake ta meļeļein n̄an erom̧ Kurijin. Remaron̄ kōm̧m̧ane juon ellaajrak in men ko rem̧m̧an rekōņaan loi ilo mour eo an juon armej eo ej ļoore Jisōs Kraist (lale, n̄an waanjon̄ak, Jon 13:34–35). Komaron̄ kōjepel jodikdik n̄an ruo kurup ko im kajjitōk ippān kajjojo kurup n̄an riiti juon iaan ennaan kein ilo aer kappukot em̧m̧an ko remaron̄ kakobaba n̄an ellaajrak eo aer: Elder Terence M. Vinson, “Rikaļoor ro Rem̧ool an Rilo̧mo̧o̧r” (Liaona, Nob. 2019, 9–11) im Elder Massimo De Feo, “Iakwe eo Erreo: Ej Kōkkaļļe eo Em̧ool an Aolep Rikaļoor ro an Jisōs Kraist” (Liaona, Māe 2018, 81–83). Karuwainene jodikdik ro linūri juon men ilo ellaajrak eo aer rekōņaan bwe en ren em̧m̧anļo̧k ilo ie.

• Kōmaron̄ kajjitōk ippān membōr in kūlaaj ak doulul eo ta meļeļein n̄an er n̄an kūr er ilo etan Jisōs Kraist? Bōlen remaron̄ kwaļo̧k en̄jake eo aer n̄e juon armej ekar jeļā ke rej membōr in Kabun̄ eo an Jisōs Kraist im Armej ro Rekwojarjar ilo Raan-Kein Āliktata. Elmen ad en̄jake ilo jeļā ke jej loore e Jisōs Kraist im membōr in Kabun̄ in An. Jodikdik ro remaron̄ barāinwōt lale jejjo iaan eoon ko ak ennaan ko ilo “Kein Jipan̄ ko rej Rie,” kappukot em̧m̧an ko rej im̧we er n̄an mour n̄an etan Jisōs Kraist, eo emōj aer bōk eoon er make. Elmen an kūr kōj ilo etan Jisōs Kraist jelet kāālet ko jej kōm̧m̧ani?

jiron̄ ro rej etetal

Āinwōt membōr in Kabun̄ eo an Kraist, jej rikaļoor ro An im kūr kōj ilo Etan.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Matu 5:38–47; 6:19–21; 7:1–5; 25:31–40; Luk 10:25–37; Jon 13:34–35; 14:15 (Katak ko an Jisōs Kraist)

• Matu 4:1–11; Mark 6:35–44; Luk 4:16–19; 22:39–42; 23:33–34; Jerbal 10:38 (Waanjon̄ak an Jisōs Kraist)

• Jeremaia 15:16; Mosaia 5:7–15; Alma 46:12–15; 3 Nipai 27:3–8 (Bōk eood make etan Rilo̧mo̧o̧r)

• Lisa L. Harkness, “Nōbar Etan,” Liaona, Nob. 2019, 60–62

• Paul B. Pieper, “Aolep Aikuj Bōk Ioer Et eo Letok jān eo Jemed,” Liaona, Nob. 2018, 43–45

• Elder Robert D. Hales ekar katkin: “Ta meļeļein n̄an rikaļoor an ad Irooj Jisōs Kraist? Juon rikaļoor ej juon eo me em̧ōj an peptaij im ej ikdeleel n̄an bōk ioon etan Rilo̧mo̧o̧r im ļoor E. Juon rikaļoor ej kajjieon̄ erom āinwōt E ilo an kōjparok kien ko An ilo mour in, ļapļo̧k an āinwōt juon rikkatak kappukot n̄an erom āinwōt an m̧aajta.

  “Elōn̄ armej rej ron̄ naan in rikaļoor im ļōmņak ej meļeļein ‘ļoore.’ Ak rikaļoor eo em̧ool ej watōke juon rikaļoor. Ļōmņak in eļapļo̧k jān ekkatak im mour kōn laajrak in m̧wil ko an juon make. Disciples live so that the characteristics of Christ are woven into the fiber of their beings, as into a spiritual tapestry” (“Becoming a Disciple of Our Lord Jesus Christ,” Liahona, May 2017, 46).

Ekkatak ilo Wāween eo an Rilo̧mo̧o̧r

Āinwōt juon rikaki, komaron̄ rōjan̄ kōnono rekabbakakkak kāājmour jān en̄jake im naan in kam̧ool ko an rikatak ro.