tembora

Indianapolis Indiana Tembora

Aokati 27

N na Kanga ni Kaotia Bwa I Ataia ae Rabwatau Bon te Bwaintangira ae e Tabu Mairoun te Atua?

1 I-Korinto 1–7

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,, 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. A kanga koroboki aika tabu ni buokiira ni kaniira riki nakon Tamara are i Karawa ao Iesu Kristo?

• Tararuakiia naake iai kainnanoia. Iai temanna ae e tia ni mwaing nakon ara uoote ke ni kaaina te Ekaretia.? Ti na kangaa ni buokiia bwa a na namakina te butimwaeaki?

• Kaoia ni kabane bwa ana karekea te euangkerio. Tera waaki ni kakukurei aika iaon kawaia ake ti kona iai ni kaoia raoraora bwa a na iria?

• Katiteuanakiia utu ibukin te maiu ae akea tokina. Tera are ti na kona ni karaoi n taui mwiin rongorongora i bon iroura?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Inanon te tamaroa ao te buakaka, a taraa n rangi ni kinaaki Aika Itiaki ni baika ti aki karaoi. Angiin baikanne “tai karaoi” iai rekerekena ma aron kawakinan rabwatara. Itinanikun rinerine akanne bwa tera ae na karaoaki bon tabeua koaua aika akea tokiia—aika ti atai. Ngkana a kairaki ara rinerine man koaua aika akea tokina, a kabebetea aron karaoan taian rinerine aikanne, a na kakukurei riki, ao n reitinako n akea tokina. Koaua aika akea tokiia a buokiira naba ni kabwarabwara ara rinerine nakoia raoraora. Tao n reita aron kinaakira ni baika ti aki karaoi, ti kona ni kinaaki riki n aron baika iai ara atatai iaona.

Iangoi koaua aika akea tokina aika ko atai ibukin rabwatara—bukin tera ngkai iai iroura, e kanga ana namakin te Atua ibukiia, ao arora ae E tangiria n ara namakin ibukiia. E kanga ataakin koaua aikai ni kakabwaiako ao n uaana nakon am rinerine? E kanga te rabakau aei ni kakabwaia kaain am kiraati ke te kooram? Ngkai ko iangoa raoi aei, wareka Karikani Bai 1:27; 1 I-Korinto 6:19–20; ao ana rongorongo Beretitenti Russell M. Nelson “Your Body: A Magnificent Gift to Cherish” (Riaona, Aokati. 2019, 50–55).

Te Uaia n Reirei

Ngkai a kamatebwai koroboki aika tabu kaain am kiraati ke te kooram n te wiiki aei, a na kona ni kareke iango iaon ana anga reirei Bauro ibukin rabwatara n 1 I-Korinto 6. Teuana te kawai ni kaoiia n tibwauai iango akanne ko na angan temanna ma temanna te mwakoro ni beeba ao tuangiia bwa a na korei teniua aia reke ni kaekaan te titiraki “A kanga rabwatara ni kabotauaki ma te tembora?” Kaungaia bwa a na wareka 1 I-Korinto 6:19–20 ngkai a iangoa raoi te titiraki aio. A kona ngkanne n tibwaua aia iango i bon imarenaia. E kanga ana reirei te Tia Kamaiu ibukin rabwatara n uaana nakon rinerine ake ti karaoi? Aikai tabeua iango ibukin waaki riki ni kakukurei tabeua iaon atuun te rongorongo aei; rineia man aikai, ke bairea teuana bon mairoun.

• Ngkana ko kan moantaai ni maroroakina taekan ana kabotau Bauro iaon te rabwata ao te tembora, iangoia kaoti tamanein tabeua tembora aika a kakaokoro. Ko kona ni kunei tabeua n temples.ChurchofJesusChrist.org. A kona kaain te kiraati ke te kooram ni maroroakin taian kakaokoro ake a noori inanon tembora aikai, n ikotaki ma bwaai ake a taneiai ni karekei. A kona naba ni maroroakinna bwa e kanga aia namakin ngkana a mena inanon te tembora. Tera te bwai ae karika te tembora bwa te tabo ae kororaoi, man tabu? Ko kona ngkanne ni kaungaia kaain te kiraati ke te kooram ni kairekerekei bwaai ake a tia ni maroroakin ibukinn taekan te tembora nakon rabwatara. A kanga anga reirei n taekan te tembora n Reirei ao Berita aika Tabu 97:15–16; 109:8, 12 n irekereke ma rabwatara?

• Taraan ae e na reke aia tai kaain am kiraati ke kooram—ke e na bon reke—ni kabwarabwara bwa bukin tera ngkai a iriira ana reirei te Tia Kamaiu ibukin taekan rabwataia. Ko kona n titirakiniia tabeman tera ae a na taekinna ngkana, n aron te katooto, temanna ae e titirakiniia bukin tera ngkai aki momooi n te ii, ke te kobee ke bukin tera ngkai aki kunnikainiia n aekan nako kunnikai aikai. Tera koaua tabeua man ana euangkerio Iesu Kristo ae roota aron kawakinan rabwatara? A kona kaain te kiraati ke te kooram ni kakaei tabeua koaua iaan “Reitan Bwaai n Mwakuri.”

• Ni buokiia naake ko reireiniia ni kananoa aia karinerine ibukin rabwatara aika a kamiimi, ko kona ni kaota te witeo “God’s Greatest Creation” (taraa naba Russell M. Nelson, “Your Body: A Magnificent Gift to Cherish,” 50–55). Te arora ana tangira Tamara are i Karawa ao Iesu Kristo n ara namakin ibukin rabwatara? Ko kona naba ni maroroakin kawai ike Tatan e kataia ni kaumakiira ke ni kaakeai kakawakira ke ni bon ribai rabwatara. Tera ae ti kona ni karaoia n tokanikai iaon ana kewe ma ana kariiri? Tera koaua ae a na kona ni buokiira? Tabeua bwaai ni mwakuri iaan “Reitan Bwaai n Mwakuri” a na kona n ibuobuoki.

kairake ae biri

Rabwatara bon bwaintangira mairoun te Atua, ao koauan te euangkerio a buokiira n tararuai raoi.

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Karikani Bai 1:27; 1 I Korinto 6:19–20; Aramwa 11:42–44; 40:23; Reirei ao Berita aika Tabu 89; 130:22

• “Te Utu: Te Katanoata nakon te Aonaabad,” ai moarara riki moan barakaraba aika teniua

• The Lord Gave Me a Temple,” Aia Boki n Anene Ataei, 153

• Rongorongo n taekan rabwatara n te Aokati 2019 New Era ke Riaona

• E reirei Beretitenti Russell M. Nelson: “N anganakira te bwaintangira n te rabwata, te Atua e a tia n anganiira te kariaia bwa tina toua te mwaneka anne bwa tina kona n riki n ai Arona. E ota n aio Tatan. … Ngaia are e mwaiti, ngkana tiaki angiina, kaririaki ake e na kawenei ni kawaira e karaoa ae ti na bwainikirinii rabwatara ke rabwataia temwaninga. … Rabwatam bon am tembora ae onoti, e karikaki bwa e na autina tamneim n aki toki [taraa 1 I Korinto 3:16–17; 6:18–20]. Am tararua n te tembora anne e rang kakaawaki. Ngkai, I bubuti nakoimi, … kam tatangiria ni kunnikaini ao ni katamaroai rabwatami bwa e na tangiraki n te aonaaba ke e na kakukureia te Atua? Am kaeka nakon te titiraki aei e kanakoa te rongorongo ae e kaineti Nakoina iaon am namakin ni kaineti ma Ana bwaintangira ae akea n ai arona nakoim”(“Ti Kona ni Karaoa ae Tamaroa ao ni KatamaroakiRiki,” Riaona, Meei 2019, 68).

• E reirei te Unimwane ae D Todd Christofferson:”Nakeke a kakoaua bwa rabwatara bon mwiin te bitaki ae maninnanti a na aki namakinan te bukintaeka iroun te Atua ke temanna n te bwai ae a karaoia nakon rabwataia. Ngaira aika iai ara kakoaua ae rababa ni koauan te maiu imwaain te maiu aei, te maiu ae mamate, te maiu imwiin te mate ae akea tokina, ni koauana, ti riai n ataia bwa iai tibwangara ibukin te Atua ma karekean te baunuea n ana karikibwai n rabwata. … Ngkai rabwatara ana bwai ni mwakuri tamneira, e kakawaki bwa ti na tararuaia raoi nakon ara kabanea n tamaroa. Ti riai ni katabua mwaakana ni beku ao ni waakina nako ana mwakuri Kristo” (“Reflections on a Consecrated Life,” Riaona, Nob. 2010, 17).

Reirei n ana Kawai te Tia Kamaiu

Ko na taratara raoi nakoia kaain am kiraati ke te kooram ao naake aki toamau ke iai tabeua kaangaanga n rabwataia. Buokiia ni kamatataia bwa rabwatan temanna ma temanna e rangi n onoti ao man kakawaki ni karineaki. Ana tangira Kristo ae ko kaotia nakoia aomata ni kabane iai ana kairoro ae moan te korakora ni kawain aia nonori kaain te kiraati ke te kooram ibukin temanna ma temanna ke ni bon nakoia.