tampeļ

Tampeļ eo ilo Indianapolis Indiana

O̧kwōj 27

Elmen Aō Kwaļo̧k Ke Anbwinū Ej Juon Menin Letok Ekwojarjar jān Anij?

1 Korint 1–7

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe,, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta en̄jake kein rekāāl me rekar kepaake kōj n̄an Jemedwōj Ilan̄ im Jisōs Kraist?

• Kea kōn ro rej pād ilo aikuj. Em̧ōj ke an juon armej em̧m̧akūt tok n̄an ward eo ad ak kar kobatok n̄an Kabun̄ in? Ewi wāween ad jipan̄ er en̄jake karuwainene eo?

• Karuwaineneik aolep n̄an bōk gospel eo. Ta m̧akūtkūt ko me rej pojen bōk jikier me jemaron̄ karuwaineneik ro m̧ōttad n̄an pād ie?

• Kobaik baam̧le ko n̄an indeeo. Ta kijejeto ko jemaron̄ kōm̧m̧ane n̄an je bwebwenato ko ad make?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Iien em̧m̧an ak iien nana, Armej ro Rekwojarjar ilo Raan Ko Āliktata rejeļā kōn ta ko jejjab kōm̧m̧ani. Elōn̄ iaan “ejjab ko” rej itōk jān wāween ad madmad e anbwinid. Likin kajjojo iaan kāālet ko kōn ta eo n̄an kōm̧m̧ane ej jet m̧ool ko indeeo—ta ko je jeļā. N̄e m̧ool ko indeeo rej tōk kāālet ko ad, kāālet kein rej erom̧ pidodo n̄an kōm̧m̧ani, eļapļo̧k lem̧ōņōņō, im eļapļo̧k niknik. Mool ko indeeo ej barāinwōt jipan̄ kōj kōmeļeļeik kāālet ko n̄an ro mōttad. Ak kakobaba ilo ad jeļā ta ko jej jab kōm̧m̧ani, jemaron̄ em̧m̧anļo̧k ilo ad jeļā ta ko jejeļā.

Ļōmņak kōn m̧ool ko indeeo kojeļā kake kōn anbwinid—etke ewōr ipped, elmen an Anij en̄jake kaki, im elmen An kōņaan bwe jān en̄jake kaki. Elmen am̧ jeļā m̧ool kein kōjeraam̧m̧an kwe im im̧we kāālet ko am̧? Elmen an jeļāļo̧kjen in kōjeraam̧m̧an membōr in kūlaaj ak doulul eo am̧? Ilo am̧ linūri menin, riiti Jenesis 1:27; 1 Korint 6:19–20; Im ennaan eo an Būreejtōn Russell M. Nelson “Your Body: A Magnificent Gift to Cherish” (Liahona, Aug. 2019, 50–55).

Ekkatak Ippān Doon

Ilo an membōr in kūlaaj ak doulul eo am̧ katak jeje ko rekwojarjar wiik in, emaron̄ wōr ļōmņak kōn katakin ko an Paul kōn anbwinid ilo 1 Korint 6. Juon wāween n̄an karuwainene er n̄an kwaļo̧k ļōmņak ko aer ej n̄an leļo̧k n̄an er juon peba im kajjitōk ippāer n̄an jeki emaron̄ jilu uwaak ko n̄an kajjitōk in “Elmen an anbwinid āinwōt tampeļ?” Rōjan̄ er n̄an riiti 1 Korint 6:19–20 ilo aer linūri kajjitōk in. Innām remaron̄ kwaļo̧k uwaak ko aer ippān doon. Elmen an katak ko an Rilo̧mo̧o̧r kōn anbwinid im̧we kāālet ko jej kōm̧m̧ani? Errein ej jet kakobaba in m̧akūtkūt ko ilo un kōnono in; kāālet jān men kein, ak pepe kōn juon am̧ make.

• N̄e kokōnaan kaitokļo̧k ekōnono ao am̧ kōn an Paul keid anbwinid n̄an tampel, ļōmņak n̄an kwaļo̧k pijan jet iaan tampeļ ko. Komaron̄ loe ilo temples.ChurchofJesusChrist.org. Membōr in kūlaaj ak doulul eo remaron̄ kōnono kōn oktak ko rej loi ilo tampeļ kein, ekobaļo̧k ippān ta ko rej āinwōt juon. Remaron̄ barāinwōt kōnono kōn elmen aer en̄jake n̄e rej ped ilo tampeļ eo. Ta eo ej kōm̧m̧an bwe tampeļ eo ej juon jikin jetōb, ekwojarjar? Innām komaron̄ rōjan̄ kūlaaj ak doulul eo n̄an keid men kein rekar kōnono kaki kōn tampeļ n̄an anbwinid. Elmen an katak ko kōn tampeļ ilo Katak im Bujen Ko 97:15–16; 109:8, 12 āinwōt anbwinid?

• Membōr in kūlaaj ak doulul eo am̧ emaron̄ wōr—ak enij lon̄—iien em̧m̧an n̄an kōmeļeļe etke rej ļoore katak ko an Rilo̧mo̧o̧r kōn kōjpārok anbwinid. Komaron̄ kajjitōk ippān jet iaer ta eo rekōnaan ba n̄e, n̄an waanjon̄ak, juon armej enaaj kajjitōk ippāer etke kwōj jab daak dān in kadōk, tii, kope, ak etke rej jab ekkōņak jet kain nuknuk ko. Ta jet iaan m̧ool ko jān gospel eo an Jisōs Kraist ej jelet elmen ad lale anbwinid? Membōr in kūlaaj ak doulul eo remaron̄ loe jet iaan m̧ool kein ium̧win “Kein Jipan̄ ko rej Rie.”

• N̄an jipan̄ ro kwōj katakin er kam̧wilaļļo̧k aorōk eo an kabūlon̄lon̄ in anbwinid, komaron̄ kwaļo̧k pijan alwoj eo “God’s Greatest Creation” (lale barāinwōt Russell M. Nelson, “Your Body: A Magnificent Gift to Cherish,” 50–55). Elmen an Jemedwōj Ilan̄ im Jisōs Kraist kōnaan kōj n̄an ļōmņak kōn anbwinid? Komaron̄ barāinwōt kōnono kōn wāween ko Setan ej kajeon ba n̄an kōj n̄an jab kea im barāinwōt dike anbwinid. Ta eo jemaron̄ kōm̧m̧ane n̄an jelm̧ae riab im kapo ko an? Ta m̧ool ko renaaj jipan̄ kōj? Jet iaan kein jipan̄ ko ium̧win “Kein Jipan̄ ko rej Rie” remaron̄ jipan̄.

jodikdik ej ettōr

Anbwinid ej menin letok jān Anij, im m̧ool ko ilo gospel in ej jipan̄ kōj kea kake er?

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Jenesis 1:27; 1 Korint 6:19–20; Alma 11:42–44; 40:23; Katak im Bujen Ko 89; 130:22

• “Baam̧le Eo: Juōn Naan in Kean̄ n̄an Laļ in,” eļaptata eoon ko jilu jinoin tata.

• “The Lord Gave Me a Temple,” Children’s Songbook, 153

• Ennaan ko kōn anbwinid O̧kwōj 2019 New Era ak Liaona

• Būreejtōn Russell M. Nelson ekar katakin: “Ilo an kar letok mennin letok eo an juon ānbwin, Anij ekar kōtļo̧k ad bōk bun̄tōn eo eaorōk m̧ae ad erom̧ āinwōt E. Setan emeļeļe menin. … Men̄e elōn̄, eļan̄n̄e ejjab aolep, kapo ko ej likūti im̧aan ad iaļ rej kōm̧m̧an ad kakkure ānbwinnid ak ānbwin ko an ro jet. … Anbwinim ej tampeļ eo am̧ make [lale 1 Korint 3:16–17; 6:18–20]. Am̧ kōjparok tampeļ ņe ej aorōk. Kiiō, ij kajjitōk ippemi, … kwoj ke nuknuk im kōm̧anm̧ane ānbwinnūm̧ n̄an kwaļo̧k n̄an laļ in eļapļo̧k jān am̧ kam̧ōņōņōik Anij? Uwaak eo am̧ n̄an kajjitōk in ej jilkinļo̧k juon ennaan kajju n̄an E kōn en̄jake ko am̧ kōn mennin letok em̧m̧anm̧ōn in n̄an kwe.” (“Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k,” Liaona, Māe 2019, 68).

• Elder D. Todd Christofferson ekar katakin: “Ro rej tōmank bwe anbwinid ejeļo̧k tokjen eļap ļo̧k jān ta ko katak ilo lal in enaaj en̄jake ejelok eddo n̄an Anij ak jabdewōt kōn ta eo rej kōm̧m̧an ippan̄ ak n̄an anbwinin. Kōj ro emōj kam̧ool kōn lukkuun m̧ool in mour eo m̧okta, mour in, im mour eo m̧okta jān mour indeeo, ijelok, ej aikuj jeļā bwe ewōr ad eddo n̄an Anij n̄an kauteij jemļo̧k eo kar kadedeļo̧k ilo kōm̧anm̧an eo An. Āinwōt an anbwinid kein kōjan̄jan̄ ko n̄an jetōn eo ad, elukkuun aorōk bwe jān kea kake jon̄an wōt an maron̄. Jej aikuj kakwojarjar kajoor eo n̄an kōm̧m̧ane im kaitokļo̧k jerbal eo an Kraist” (“Reflections on a Consecrated Life,” Liahona, Nov. 2010, 17).

Teaching in the Savior’s Way

Lukkuun lale lo̧k ro ilo kūlaaj ak doulul eo am̧ ewōr an m̧ōjno ilo abwin ak apan̄ ko jet. Jipan̄ er meļeļe bwe ānbwinin aolep aorōk im kwojarjar n̄an kauteij. Iakwe eo an Kraist kwōj kwaļo̧k n̄an aolep emaron̄ lon̄ juon im̧we ekajoor ilo wāween membōr in kūlaaj ak doulul eo loe kajjojo im er make.