kōrā ro ej etetal

Jeptōm̧ba 10

Elmen Aō Pukōt Aenōm̧m̧an ilo Jisōs Kraist N̄e juon Ij Iakwe Emej?

1 Korint 14–16

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ewi wāween ilo ad lōke Irooj maron̄ jipan̄ kōj ellā jān idajon̄jon̄ ko jej jelm̧aeiki?

• Kea kōn ro rej pād ilo aikuj. Wōn eo jejeļā ej aikuji jar ko ad im jemjerā ko ad?

• Karuwaineneik aolep n̄an bōk gospel eo. Ta karōk ko n̄an kwaļo̧k gospel eo em̧ōj kar kōnono kake ilo kweilo̧k eo an ko̧o̧ņjeļ jodikdik ro an ward? Ewi wāween an kūlaaj eo ak doulul eo ad bōk koņaer?

• Kobaik baam̧le ko n̄an indeeo. Ewi wāween ilo ad kōm̧m̧ane jerbal in menmenbwij eo kōkajoorļo̧k jem̧jerā ko ad ippān Jemedwōj Ilan̄ im Jisōs Kraist?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

N̄e juon armej jej kea kake emej, elukkuun kabūromōjmōj. Jepel jān ro jej iakwe eboktok en̄jake ko reddo in metak im būromōj. Ak Paul ej katakin bwe ilo m̧ool “Mej e orañḷọk ilo anjọ” (1 Korint 15:54) kōnke kōn Jerkakpeje eo an Jisōs Kraist. Ilo bar jet naan “kein ire an mej”—metak im ejeļo̧k kōjatdikdik jej en̄jake ilo mour in—“iej oran̄ļo̧k ilo Kraist.” (Mosaia 16:7–8; lale barāinwōt 1 Korint 15:54–57).

Juon iien, aolep armej renaaj en̄jake mej an juon eo rej iakwe. Elmen an naaj jipan̄ ro kwōj katakin er kappukot aeņōm̧m̧an ilo iien ko repen ilo tōmak eo aer ilo Jisōs Kraist? Ļōmņak kōn kajjitōk in ilo am̧ kōppopo n̄an katakin ilo am̧ riiti 1 Korint 15, Mosaia 16:7–9, im Katak im Bujen Ko 42:44–46.

Ekkatak Ippān Doon

Komaron̄ karuwainene membōr in kūlaaj ak doulul eo n̄an kwaļo̧k juon iien rekar en̄jake an juon men kiji er ak ire ippāer. Komaron̄ kajjitōk ippāer etke rej ļōmņak Paul ekar kōjerbale naan eo “kein ire” n̄an kōmeļeļe mej (lale 1 Korint 15:54–56). Leļo̧k jejjo minit n̄an aer etale 1 Korint 15 im kwaļo̧k m̧ool ko rekar loi kōn elmen kein ire in mej maron̄ jelm̧ae. Innām ļōmņak kōn m̧akūtkūt ko āinwōt kein laļ n̄an jipan̄ jodikdik ro meļeļe eļapļo̧k kōn elmen an Rilo̧mo̧o̧r kaeņōm̧m̧an kōj n̄e juon armej jej kea kake ej mej.

• Komaron̄ kōjepel membōr in kūlaaj ak doulul eo n̄an ruo armej juon kurup im kajjitōk ippān kajjojo kūrup n̄an etale ippān doon jet iaan ennaan ko ilo “Kein Jipan̄ ko rej Rie.” Remaron̄ jeki uwaak ko n̄an kajjitōk āinwōt “Ta m̧ool ko raorōk ij kōjatdikdik n̄an keememej n̄e ejako juon ij iakwe?” Kajjitōk ippāer n̄an kobaik meļeļe ko jān jeje ko rekwojarjar ilo uwaak ko aer. Innām karuwainene er n̄an kwaļo̧k ippān kūlaaj m̧ool ko aorōk tata meļeļein ko aer ippāer im etke.

• Ļōmņak n̄an etale ippān doon juon ennaan jān kweiļo̧k eo eļap eo ej kwaļo̧k elmen an juon armej kar kappukot kōjatdikdik ilo Jisōs Kraist ke juon armej rej kea kake er ekar mej. Waanjon̄ak ko ekoba ennaan eo an Sister Reyna I. Aburto “Lōb Ejjeļo̧k An Anjo̧” (Liaona, Māe 2021, 85–86) ak ennaan eo an Elder S. Mark Palmer “Ad Būrom̧ōj Enaaj Oktak n̄an Lan̄lōn̄” (Liaona, Māe 2021, 88–89). Komaron̄ kwaļo̧k am̧ make en̄jake ak karuwainene juon jodikdik n̄an kwaļo̧k elmen aer kar loe aeņōm̧m̧an im kōjatdikdik ilo Jisōs Kraist ālikin an kar juon eo rej iakwe mej.

• Ālikin am̧ ļōmņak kōn aikuj ko an membōr in kūlaaj ak doulul eo am̧, kwaļo̧k juon ak elon̄ļo̧k pijan alwoj ko ilo “Kein Jipan̄ ko rej Rie.” Karwainene jodikdik n̄an kwaļo̧k ļōmņak ko aer. Elmen ad jeļā bwe Jisōs Kraist ekar jerkakpeje jelet elmen ad loļo̧k mej? Karwainene membōr in kūlaaj ak doulul eo am̧ n̄an kwaļo̧k aer naan in kam̧ool kōn Rilo̧mo̧o̧r im Jerkakpeje eo An im elmen an jeļāļo̧kjen in bōktok kōjatdikdik n̄an er.

• Jon 11 ej kōmeļeļe en̄jake eo an Rilo̧mo̧o̧r kōn mej eo an juon eo ej iakwe—eo Mōttan Lazarus. Bōlen kūlaaj ak doulul eo emaron̄ riiti eoon 1–45 ippān doon, ilo ilo aer riit, remaron̄ kwaļo̧k men ko rej ekatak jān waanjon̄ak eo an Rilo̧mo̧o̧r. Ta eo jej ekkatak jān bwebwenato in eo emaron̄ letok n̄an kōj aeņōm̧m̧an ne juon armej jej kea kake emej? Elmen ad loore waanjon̄ak eo an Rilo̧mo̧o̧r ilo “j[an̄] ippān ro rej j[an̄]; aaet, im kaenōm̧[m̧an] ro rej pād ilo aikuj in aenōm̧[m̧an],”? (Mosaia 18:9). Ta eo jej ekkatak jān Katak im Bujen ko 42:45–46 me emaron̄ jipan̄ kōj kōm̧m̧ani men in? Komaron̄ kwaļo̧k pija in alooj eo “One-on-One (Ministering with Love)” (ChurchofJesusChrist.org).

juon likao ej lukkuun katak

Naan in kam̧ool ko ad kōn Jerkakpeje eo an Jisōs Kraist emaron̄ letok kōjatdikdik n̄e juon eo jej iakwe ej mej.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Aiseia 25:8; 1 Korint 15:20–22; Mosaia 16:7–9; Alma 7:11–12; 11:42–44; 22:14; 28:12–14; 40:11–12

• Dallin H. Oaks, “Ta eo Ad Rilo̧mo̧o̧r Ekar Kōm̧m̧ane n̄an Kōj?,” Liaona, Māe 2021, 75–77

• Moisés Villanueva, “Utiej Ippān Irooj ilo Raan Ko Aō,” Liaona, Nob. 2021, 44–46

• Pija in alooj ko: “Dealing with Death: Sunday Will Come,” “Finding Hope through the Resurrection of Christ,” “He Will Give You Help,” “Until We Meet Again” (ChurchofJesusChrist.org)

Katakin ilo Wāween eo an Rilo̧mo̧o̧r

Katakin ekoba jerbal in karejar kōn iakwe im jipan̄ ro jet bōke kōjeraam̧m̧an ko an gospel in, im menin ekkā an jipan̄ lukkuun ta eo juon membōr ejaniknik itok aikuji. Kōj aolep aikuj jerbal ippān doon n̄an etal ippān ro rej apan̄, im āinwōt juon rikaki, komaron̄ pād ilo juon jikin eo ejeja n̄an jipan̄.