aine aika a inga

Tebetembwa 24

N na kanga n iriira Ana Banna ni Katooto te Tia Kamaiu n aron Buokaia Ake a Kainnano?

2 I-Korinto 8-13

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao te karietataaki ni kabongana teuana ke e raka riki man titiraki aika inano ke aika bon am kario (tara Aeniboki ni Kabuta,, 10.2, 11.2). Babaire ao mwakuria te bwai ae maroroakinaki.

• Maiuakina te euangkerio. Tera ae ti maroroakiinna n te tai ae nako, ao tera kakao ke mwakuri ake a karaoaki? Tera ae ti a ni karaoia ni mwakurii iaon kakao akanne ke katabeakira?

• Tararuakiia naake iai kainnanoia. Tera ae ti kona ni karaoia ke taekinna n anga te ibuobuoki nakoia ake a namakin te maroa ke n raroa mairoun Tamara are i Karawa?

• Kaoiia ni kabane ni karekea te euangkerio. Tera kawai tabeua are ti kona ni buokiia tabeman n namakina ana tangira Iesu Kristo?

• Katiteuanakiia utu ibukin te maiu ae akea tokina. Tera iango ake ti na kona n tibwaia ma tatabeman ni buoka kakorakoraan ara utu?

N tokin te reirei, ngkana e riai, karaoi waaki aikai:

• Kaoti koauan reirei ake a reiakinaki.

• Kauringiia kaain te kiraati ke membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Tera anga ae ngkoe ma kaain am kiraati ke kooram kamwa tia n beku ibukiia kainnano ake irarikimi? N te tai teuana are Aika a itiaki i Ierutarem a rawawata man kainnanoa te ibuobuoki, e koroboki Bauro nakoia I-Korinto ni kaungaia bwa ana angab’ai n aron are e karekea nanona iai, “n aki rawawata, ao tiaki n ai aron ae tebonaki ba e na anga: ba te Atua E tangira te aomata ae waerake nanona n kan angab’ai.” E berita nakoia bwa ngkana a karaoa aio, te Atua ena “kabati b’ai n akoi ni kabane [nakoia]” bwa aonga n manga “kabati makuri aika raraoi ni kabane” (2 I-Korinto 9:7-8).

E katea naba Bauro ana katooto Iesu Kristo, are “ngke e kaub’ai, ao e riki n aki kaub’ai ibukimi, ba kam aonga ni kaub’ai n ana aki kaub’ai” (2 I-Korinto 8:9). E kukurei n katikui kaubwain karawa E aonga n kona n beku ao n buokiira bwa tina karekei kaubwaia ake akea tokiia. Iangoi katooto man Maiuna ngke E beku ibukiia ake Irarikina. N raonaki ma warekan 2 I-Korinto 8-9 ngkana ko katauraoi n angareieri, iangoia n wareka ana rongorongo Titita Michelle D. Craig “Maata aika Nooraba” (Riaona, Nobembwa. 2020, 15–17).

Te Uaia n Reirei

N waakinan am kabwarabwara, tuangiia kain te kiraati ke kooram bwa ana karinanii tabeua bukin rawan temanna n beku ibukiia aika kainnano. Tera ae ti reiakinna man ana reirei Bauro n 2 I-Korinto 8:9; 9:7-8 ae kaungaira bwa tina karaoi riki aika bati ibukiia aika kainnano? A kona waaki ni kakukurei aikai ni buokiia naake ko reireiniia n ataa riki aron tabeakinaia kaain rarikiia.

• Taai tabetai inanon koroboki aika a tabu, e a tia te Uea n kaota Ana namakin iaon tabeakinaia rarikin ao kainnano. Tabeua katooto a karinanaki inanon “Reitan Bwaai ni Mwakuri Teuana te anga n rinanon reirei aikai bon man katannakoaia kaain am kiraati ke kooram ni kakauoman ao tuangiia bwa a na kamatebwai tabeua kiibu man koroboki aika a tabu. Tuangiia bwa ana kabwarabwara bwa tera ae a reireiniira ikota ni kibuntaeka aikane ibukin tabeakinaia rarikin ao kainnano. E aera kai e rangi n kakawaki iroun Tamara are i Karawa ao Iesu Kristo tabeakinaia rarikin ao kainnano? Kaoiia kairake bwa a na bairei anga ae a na kona ni buokiia iai kainnano n tatabemaniia nako.

• Tabetai tia rangi n tabe ma oin ara kangaanga ao tia aki noori kainnanoia kaain rarikira. N ana rongorongo “Maata aika Nooraba, “ Titita Michelle D Craig e rinanon teuana te karaki iaon kaukan matan te mwaane temanna iroun te Atua (tara 2 Uea 6:15-17). Tera ae ti kona n reiakinna man te rongorongo aei? Tera ae ti kona n reiakinna man karaki ake tabeua are e tibwauaia iaon nooran kainnanoia aomata ao n anga te ibuobuoki nakoia? (mataku naba n te witeo “Pray for Eyes to See as He Sees” iaon ChurchofJesusChrist.org). A kona kaain te kiraati ke kooram n tibwauai aia taneiai are a noora iai kainnanon temanna ao a karaoa te mwakuri n ibuobuoki nakoina. Ningai taai ae ti a tia n noora kainnanoia tabeman ao ni karaoa te mwakuri n ibuobuoki nakoia? Tera ara namakin ngkana ti karekea te ibuobuoki ke ti anga te ibuobuoki?

• A oota kain am kiraati ke kooram iaon kakoroan nanon tabeia n tabeakiniia aika kainnano? Iangoia n bootaki n marooroakina Motiaea 4:16-21 ao 18:8-10, ao n raonaki ma mwakoro aika kakawaki n te Aeniboki ni Kabuta (10.2.2 ibukin te Kooram n te Nakoanibonga ae te Aaron ke 11.2.2 ibukiia ataeinnaine). Tera ae ko namakinna bwa ko na karaoia i mwin kamatebwaian reirei aikai? Iangoia n bairei aanga ae kam kona n ikotaki n anga baimi n buokiia ake a kainnano n oin am kiraati ke kooram, uoote, ke te komiunite. Taeka ake inanon “Reitan Bwaai ni Mwakuri” a kona ni katauraoi iango tabeua. Ibukin mwakuri ni ibuobuoki n am aono, tara JustServe.org.

te ataeinnaine ae e ira buakon te mwakuri ni ibuobuoki

Ara mwakuri n aika n ai aron Kristo a kona n kakabwaiaa maiuia ake irarikira.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakin are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Mataio 25:31–45; Iakobo 1:27; Motiaea 2:17; Aramwa 34:27–28; Moomon 8:35–39; Reirei ao Berita aika Tabu 104:14–18 (Kakawakin tabeakinakiia raarikin ao kainnano)

• Jeffrey R. Holland, “Are We Not All Beggars,” Riaona,, Meei 2014, 40–42

• “Michelle’s Story,” “Caring for the Poor and Needy,” “I Was a Stranger: Love One Another,” “Fast Offerings: Are We Not All Beggars” (witeo), ChurchofJesusChrist.org

Reirei n ana Kawai te Tia Kamaiu

Koroboki aika tabu ao aia taeka burabeti ao abotoro aika ngkai bon oin taian koaua ake ti reireia. Inanon taai ngkana e kona, karekea inanoia te koraki ake ko reireiniia bwa a na nakon ana taeka te Atua ibukin kairakiia, kaekaan aia titiraki, ao te boutoka.