te tabo ni bwabetito

Nobembwa 26

N na Kanga ni Buokiia Au Bakatibu Bwa a na Kaan Riki nakon Iesu Kristo?

1 ao 2 Betero

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,, 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. Tera atuun reirei ae e a tia ni maroroakinna te bitiobiriki ni bootakin kauntira ni kairake n te uoote? Tera ae ti kona ni karaoia n te kiraati ke n te kooram ae boboto iaon marooro aikanne?

• Tararuakiia naake iai kainnanoia. Ti na kanga ni karoko nakoia aomata n ana kawai Kristo ngkana ti noora kainnanoana ao n aki ata te bwai ae ko na taekinna?

• Kaoia ni kabane bwa ana karekea te euangkerio. Tera ae ti kunea n ana euangkerio Iesu Kristo ae uota te kimwareirei nakoira? Ko na kanga n tibwaua te kimwareirei anne ma tabeman?

• Katiteuanakiia utu ibukin te maiu ae akea tokina. Tera ae ti karaoia ni kakaei araia ara bakatibu aika a kainnanoi otenanti n te tembora? Tera ae ti kona ni karaoia ni buokiia tabeman ni kakaei araia aia bakatibu?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Tera ae na riki nakoia aomata aika birion mwaitiia ake a mate n aki reke raoi aia tai n ongora ana euangkerio Iesu Kristo ke ni karekei otenanti ni kamaiu? Ti kona ni kunea te bwai ae kinika rarikin te reke ae mena n 1 Betero 3:18–20; 4:6, ike e taetae Betero n tataekinan te euangkerio nakoia ake a tia ni mate. Ngkanne Reirei ao Berita aika Tabu 138 a kaota te koaua ae bwanin—a kona ara bakatibu n roko nakon Iesu Kristo n ae bwanin riki ngkana iai aia onimaki Irouna ao ni butimwaea Ana euangkerio ao ti karaoi otenanti aika tauraoi nakoia inanon te tembora. Te kakabwaia aei e kainnanoira bwa ngaira—kanoaia are e reke irouia te euangkerio—kakaei aia aara, nako n te tembora, ao ni karekei otenanti ni kamaiu n tei ibukiia.

Tera am taneiai ae buokiia am bakatibu bwa a na kaan riki nakon Kristo? Ko na kanga ni buokiia naake ko reireiniia bwa a na rangi ni kakukureiaki riki ibukin rongorongon te utu ao te mwakuri n te tembora ao n onimakin riki aia konabwai ni karaoia? Ngkai ko katauraoi, ko kona ni wareka ana rongorongo Unimwaane Dale G. Renlund “Rongorongon te Utu ao te Mwakurin te Tembora: Kabaebae ao Kamarurung” (Riaona, Meei 2018, 46–49).

Te Uaia n Reirei

A kanga ni kaeka kaain am kiraati ke te kooram nako temanna are e miimi bwa a kanga aomata aika a raraoi ake a tuai karekea te euangkerio ni kona ni kamaiuaki? Tera ae a kunea n 1 Betero 3:18–20; 4:6 ni buoka ni kaeka te titiraki aei? N te witeo “Will I Do My Part?,” e katauraoi tabeua riki atatai Unimwaane Enrique R. Falabella. Ko kona n reita nako am marooro ma temanna ke ae mwaiti riki man waaki ni kakukurei aikana imwiina.

• Te reirei ibukin kamaiuaia maate e onoti nakon Ana Ekaretia Iesu Kristo ibukiia Aika Itiaki ni Boong aika Kaitira. Kaoiia kaain te kiraati ke te kooram bwa a na kamatebwaia Reirei ao Berita aika Tabu 138:25–39 n aroia aomata n tatabemaniia ke n te kurubu ao n tibwauai baike a reiakinn (taraa “Reitan Bwaai n Mwakuri” ibukin tabeua riki koroboki aika tabu iaon atuun te rongorongo aei). Tera kaoti iango iaon kiibu aikai aika a kaota ana namakin te Tama are i Karawa ibukiia Natina? E kanga te bwabetito ibukiia maate ni buokiia ara bakatibu bwa a na kaaniaki riki nakon Kristo? E kanga ni buokira ni kaaniaki riki nakon Kristo ao ni karikirakea ara onimaki Irouna?

• Tera ae na kona ni kaunga nanoia kairake bwa ana rangi ni kairekerekeia riki n te mwakuri n te tembora ao rongorongon te utu? A na kona ni mataku n teuana ke ni kauoua witeo are a reke n “Reitan Bwaai n Mwakuri” ao ni kakaei kawai ike a na kona ni kakabwaiaki iai n te mwakuri n rongorongon te utu. A kona naba ni kakaei kakabwaia ake a koreaki ni karinanaki n ana marooro Unimwaane Dale G. Renlund “Rongorongon te Utu ao te Mwakurin te Tembora: Kabaebae ao Kamarurung.” Kaoiia bwa a na tibwauaia baika kakabwaia aika a rangi ni uaana nakoia ao bukin tera. Ko kona naba ni maroroakin tabeua bwaai n totoko ake a na konaa ni kararoaira n ira waakinan te mwakuri ibukin rongorongon te utu. E na kanga ni kona ni buokiira te Tia Kamaiu n tokanikai iaon bwaai n totoko aikai?

• Ngkana a kona n rin kaain am kiraati ke te kooram nakon bwaai n reitaki aika a maiu man te iti, ko na bae n anaa tabeua te tai ni kaotia nakoia bwa e kanga te Uea ni kabebetea aron kakaeaia bakatibu ake a kainnanoi otenanti ni kamaiu (taraa “Reitan Bwaai n Mwakuri”). Ko kona ni kaoa te tia rabakau ibukin rongorongon te utu ibukin te uoote n te tembora bw a e na buokiia kairake bwa a na mataata n reitan bwaai n mwakuri aikai. Ko kona ni naba ni kaungai kairake bwa a na karaoi babaire n noori reitan bwaai ni mwakuri aikai n te mweenga ao ni mang ribooti n oki n te boowi aikai a na roko.

ataeinnaine aika a marooro

Ngkai ti karai otenanti aika tabu inanon te tembora, ti buoka ni katauraoi ana kakabwaia te euangkerio nakoia naake a tia ni mate.

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Maraki 4:5–6; Mataio 16:18–19; Ioane 5:25; 1 I-Korinto 15:29; Reirei ao Berita aika Tabu 137:7–9 (Te reirei ibukin kamaiuaia maate)

• The Promised Blessings of Family History 1” ao “The Promised Blessings of Family History 2” (witeo), ChurchofJesusChrist.org

• Te family Tree app (e kainnanoia kairake bwa a na rinnako man kabonganaan aia akaunti n te Ekaretia)

• RootsTech (A kona kairake n neweabai tetere man taian maungatabu ake a kaotaki iaon te intanete.)

• FamilySearch.org (Ko kona n nakon FamilySearch.org/discovery ao uaia neweabai waaki ni kakukurei aikai.)

Reirei n ana Kawai te Tia Kamaiu

Ngkana ko kaoiia kairake bwa ko na reireiniia, karekea am tai ni buokiia ni katauraoiia raoi. Kabwarabwara tera ae ko na karaoia n am katauraoi nakon te anga reirei. N te kawai aei ko na kona ni buokiia kairake tiaki tii ibukin teuana te reirei ma inanon waakin te maiu ibukin reiakinan te euangkeio n ana kawai te Tia Kamaiu.