Katotongan Kristo n te boua ae kaaraki

Ritembwa 10

E kanga Iesu Kristo ni Kakoroa Nanon ana Kainibaire Tamara are i Karawa?

Te Kaotioti 1-5

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao te karietataaki ni kabongana teuana ke e raka riki man titiraki aika inano ke aika bon am kario (taraa Aeniboki ni Kabuta,, 10.2, 11.2). Babaire ao mwakuria te bwai ae maroroakinaki.

• Maiuakina te euangkerio. Ti kanga n tia n nora bain te Uea inanon maiura?

• Tararuakiia naake iai kainnanoia. Ti na kanga ni buokiira i bon iroura inanon bwaai ake ti rinanona?

• Kaoiia ni kabane ni karekea te euangkerio. Ti na kanga ni katamaroa kabonganakin bwaai n rabakau aika boou bwa bwaai ni mwakuri n tibwaua te euangkerio?

• Katiteuanakiia utu ibukin te maiu ae akea tokina. Tera ae ti na karaoia ni buokiia ara utu n roko nakon Kristo?

N tokin te reirei, ngkana e riai, karaoi waaki aikai:

• Kaoti koauan reirei ake a reiakinaki.

• Kauringiia kaain te kiraati ke membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

N te mii ni burabeti, Ioane te Tia kaotioti e noora te boki ae” akea te aomata i karawa, ke iaon te aba, ke iaan te aba” ae tau ni kaukia, ao aio e karika tangina (tara Te Kaotioti 5:3-4). Te boki aio etei ibukin “ana mwakuri te Atua,” n ikotaki ma Ana kainibaire aki ibukin aki mamatera ao maiura ae akea tokina (tara Reirei ao Berita 77:6: Moote 1:39). Ma ngkanne n ana mii ni burabeti Ioane, te Tiibu te tei temana e “tau bwa e na anaa te boki, ao ni kabara kabaeana” (Te Kaotioti 5:9). Te rongorongo ae mimitong aio e karikia “tebubua teea ao ngaa ma ngaa” anera bwa ana anene ao n tatakarua n kimwareirei (Te Kaotioti 5:11). Iesu Kristo, ana Tiibu te Tei te Atua, “e kabooi maiura nakon te Atua [n] Raraana” (Te Kaotioti 5:9) ao e kakoroi nanon kakabwaia ake n ana kainibaire Tamara are i Karawa.

Iangoi raoi bwaai are e a tia ni karaoia te Tia Kamaiu ibukim. Koa tia n nanamakina aia namakin naake n ana mii ni burabeti Ioane ake “a katorobubua ni bobaraki ao taromauriia”? (Te Kaotioti 5:14). Iangoia bwa ko na kanga ni buokiia kaain am kiraati ke te kooram oota raoi n tibwangan Iesu Kristo n ana kainibaire Tamara are i Karawa. Irarikin riki Te Kaotioti 1-5, ko kona naba n wareka 2 Nibwaai 9; “The Living Christ: The Testimony of the Apostles” (ChurchofJesusChrist.org); ao ana marooro Unimwaane Ulisses Soare “Iesu Kristo: Te Tia Tararua Tamneira” (Riaona, Meei 2021, 82-84).

Te Uaia n Reirei

Kaain te kiraati ke te kooram a na kona n unga n riki bwa aongkoa taan karao birim ake a tuangaki bwa a na karaoa birimin ana mii ni burabeti Ioane are n Te Kaotioti 5. Angania tabeua te miniti n rinanon te mwakoro ao n rinei mwakorona ake a na tangiria ni karaoa birimina. Tera ae a namakinna bwa kanga taai aika korakora? E na kanga te birim aio ni buoka karikirakean ara onimaki iroun te Tia Kamaiu? Ibukin reitan buokaia kaain am kiraati ke kooram n reiakina riki taekan tibwangan Iesu Kristo n ana baaire ni kamaiu Tamara are i Karawa, aika tabeua iango:

• Ko kona ni korei atuun marooro aikai iaon te burakibooti: Maiu i mwain te maiu aei, Te Maiu ae Maamate, ao Te Maiu imwiin te Mate. Kaoia kairake bwa ana rinanon ikota ni kibuntaeka ni koroboki aika a tabu iaan “Reitan Bwaai ni Mwakuri” ao n reiakina taekan ana mition te Tia Kamaiu inanon Maiuna imwain te maiu aio, maiuna iaon te aba, ao imwiin Mangautina are kakoroa nanon ana kainibaire Tamana. A kona ni kauarerekei bwaai ake a reiakina iaan atuun marooro ake iaon te burakibooti. Anganiia kaain te kiraati ke kooram aia tai bwa a na tibwauai aia namakin ibukin baike e a tia ni karaoi te Tia Kamaiu ibukiia.

• Ibukin buokaia kairake ake ko reireiniia n oota raoi iaon bwaai ake e karaoi Iesu Kristo n kakoroa nanon ana kainibaire Tamara are i Karawa, korea tamnein te kawai iaon te burakibooti ae tei ibukin kawaira n okira Tamara are i Karawa. Korei tamnein bwaai aika ana kakaitara ma te kawai nakon te mate n rabwata ao te mate n tamnei. (Ngkana e kainnanoaki, a kona kairake n wareki kabwarabwaraia iaan “Mate, Te Rabwata” ao “Mate, Tamnei” n te Kairi nakon Booki aika Tabu [scriptures.ChurchofJesusChrist.org]). E kanga te Tia Kamaiu ni kakoroa nanon karekean te tokanikai iaon kangaanga aikai ibukira? (tara 2 Nibwaai 9:7–10). Kairake a kona n rinanon ana rongorong Unimwaane Soares “Iesu Kristo: Te Tia Tararua Tamneira” ao korei kibuntaeka man te rongorongo anne irarikin te kawai are kaota ana ibuobuoki Iesu nakoira n okiran te Atua.

• Ngkana aomata tabeman a titirakiniira iaon ara koaua ao rinerine ake ti karaoi, ti kona n karekea bwa ara tai n tibauaa kakawakin Iesu Kristo nakoira. Teuana te kawai ae ti kona ni katauraoia iai kairake ibukin taai aikanne bon man kaoaia bwa a na rinanon ana rongorongo Unimwaane Dieter F. Utchdorf “Behold the Man!” (Riaona, Meei 2018, 107-10) n kakaei koaua aika a kona n tibwauaia ibukin Iesu Kristo. Ko kona ni korei ni karinani koaua aikai iaon te burakibooti. Ko kona n anganiia kairake aia tai n kataneiai ni kabwarabwaia imarenaia bwa e aera kai ti kainnanoa Iesu Kristo ao e kanga n tia ni kakabwaiaaki maiuia ngkai a kina te Tia Kamaiu.

Taurakin Kristo, iroun Louise Parker

Taurakin Kristo, iroun Louise Parker

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi ni mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakin are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Ioane 1:1–3, 10; Ita 3:14; Mote 4:1–2 (Ana mition te Tia Kamaiu n te maiu i mwain te maiu aei)

• Motiaea 3:5–11; Aramwa 7:11–13; Reirei ao Berita aika Tabu 19:16–19 (Ana mition te Tia Kamaiu ni Maiuna iaon te Aba)

• Ioane 14:2–3; 2 Nibwaai 9:15–17; Reirei ao Berita aika Tabu 45:3–5; 138:28–31 (Ana mition te Tia Kamaiu imwin Matena ao Mangautina)

Reirei n ana Kawai te Tia Kamaiu

Aomata nako inanon am kiraati bon bwain kakorakoraan te kakoaua, atatai n noori koauan bwaai aika raba, ao taneiai ni maiuakinan te euangkerio. Kaoiia bwa a na ibuobuoki ao n tabekiia rake i bon imarenaia.