Nobembwa 12

N na Kanga ni Kaaniaki Riki nakon Iesu Kristo rinanon Otenanti ao Berita aika Tabu?

Ebera 7–13

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta,, 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. Ti kanga n roko ni kaan riki nakon te Tia Kamaiu? Ti kanga ni kataia n riki n Arona?

• Tararuakiia naake iai kainnanoia. Antai ae a mena n ara iango? Ti na kanga ni buokiia aomata n tatabemaniia nako aikai?

• Kaoia ni kabane bwa ana karekea te euangkerio. Ti na kanga ni kaekai aia titiraki raoraora ibukin te Ekaretia n te kawai are e na kakorakorai aia onimaki iroun te Tia Kamaiu?

• Katiteuanakiia utu ibukin te maiu ae akea tokina. Tera tabeua kawai aika ti kona iai n reitaki ma kaain ara utu ake tabeman, n aroia tenaan tibu ao ai te tari aine ao mwaane?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Ibukin bubua n ririki, tibun Iteraera, n tabetai ao a aranaki bwa i Ebera, a tia ni botumwaaka ira karaoan taian otenanti ake a reitaki ma te tabaenako ao ana tua Mote. E ngae n anne ma angiina ibuakoia aki ataia ae bwaai aikai “baini karawa”—“baika a raraoi aika na roko” (Ebera 9:23; 10:1). A kantaningaaki taian otenanti bwa a na reireinaki iai n taekan Iesu Kristo. Aio te bwai ae kabwarabwara Bauro n ana Reta nakoia i Ebera. E kakawaki ana marooro n te bong aei ibukina bwa iai iroura otenanti aika tabu ma te kantaninga ae ti te arona. Ngaia are e rangi ni kakawaki ti na bon titirakiniira i bon iroura titiraki aikai: Otenanti aikai a buokiira n uringa Iesu Kristo? Iai riki ae ti kona ni karaoia n rinanon mwaakan Iesu Kristo rinanon otenanti n te euangkerio? Ke ngaira, n ai aroia i Ebera, a kabuai oin kakawakiia?

Iangoi titiraki aikai ngkai ko wareka Ebera 7–13 ao ngkai ko katauraoi n reireia taekan ae a na kanga otenanti ao berita aika tabu ni kaanira riki nakon Iesu Kristo. Ko na kona ni kamatebwai tabeua marooro man te maungatabu ake a koreakin te kamataata aei.

Te Uaia n Reirei

Ni buokiia naake ko reireiniia n nooria bwa a na kanga ni kaaniaki riki nakon Iesu Kristo rinanon otenanti ao berita aika tabu n Ana euangkerio, ko kona ni kaoiia bwa a na korei ni karinani tabeua otenanti n te tembora ao berita aika tabu aika a irekereke mangaiia iaon te burakibooti (taraa Gospel Topics, “Ordinances,” “Covenant,” topics.ChurchofJesusChrist.org). Tera ae ti reireinaki iai n otenanti ao berita aikai ibukin Ana Mwakuri ni Kamaiu? Ana taetae Unimwaane David A. Bednar inanon “Reitan Bwaai n Mwakuri” e katauraoia nanon te taeka ae otenanti ao tabeua atatai aika a kakawaki. Waaki ni kakukurei n aron aikai a rangi n ibuobuoki naba.

• Ko kona ni kaoiia kairake bwa a na wareka Reirei ao Berita aika Tabu 84:19–22 ao maroroakin titiraki n aron aikai: E kangara “mwaakan te aro n Atua? A kanga otenanti ao berita aika tabu ni buokiira n rinanon te mwaaka anne? Tera te bitaki ae riki nakon maiura man taian koaua aikai? A kanga ni buokiira n teimatoa n toma ma te Tia Kamaiu? Ni buoka ni kaeka te titiraki aei, ko kona ni wareka moan barakaraba aika aua n ana marooro Unimwaane Kent F. Richards “The Power of Godliness” (Riaona, Meei 2016, 118) ke ana marooro Unimwaane Bednar “Let This House Be Built unto My Name” (Riaona, Meei 2020, 84–87), ai moarara riki te mwakoro “From the Inside Out.”

• Iangoia titirakiniia naake ko reireiniia bwa a kanga ni kamataata otenanti n te toa nakon temanna akea ana atatai iaona. Te mwakoro “Experience and Testimony” n ana marooro Unimwaane Taniela B. Wakolo “Saving Ordinances Will Bring Us Marvelous Light” (Riaona, Meei 2018, 39–41) e katauraoa te katooto. A na bae kairake ni kunei anga reirei aika a kakawaki inanon te witeo aei “Always Remember Him” (ChurchofJesusChrist.org). E kanga te toa n uootira ni kaanira riki nakon Iesu Kristo? Tera tibwanga aika ti karekei bwa ti na reireiniia tabeman taekan aei?

• Rinanon nimaua kaotiango n ana marooro Unimwaane Peter F. Meurs“The Sacrament Can Help Us Become Holy” (Riaona, Nob. 2016, 85–87) e kona ni buokiia kairake ni mataata raoi bwa a na kanga ni katauraoiia ibukin te toa. Ke, ngkana ko a tia ni buoka aron katauraoaia kairake bwa a na reke aia entaumente, uaia n rinanoa te mwakoro ae atuunaki n “About the Temple Endowment” n temples.ChurchofJesusChrist.org. Maroroakinna bwa a kanga otenanti aika tabu aikai ao berita aika tabu aika a irekereke mangaiia ni kona ni buokiira ni kaaniiaki riki nakon te Tia Kamaiu.

• Iangoia korei taeka aika te Toa, Bwabetito, ao te Tembora iaon te burakibooti. Iaan teuana ma teuana, kaoiia kairake bwa a na korei ni karinani berita aika tabu ake ti karaoi. Te bwai n ibuobuoki aei e kuneaki inanon “Reitan Bwaai n Mwakuri” e kona n ibuobuoki. Uaia maroroakinna bwa a kanga berita aika tabu aikai ni buokiira bwa ti na kaan riki nakon Iesu Kristo.

• Ko kona ni bwenauaia kaain am kiraati ke te kooram nakon taian kurubu ao katabeia kurubu n tatabeua nako bwa a na rinanoa mwakoron ana marooro Unimwaane Ronald A. Rasband “Standing by Our Promises and Covenants” (Riaona, Nob. 2019, 53–56) ke ana marooro Unimwaane D. Todd Christofferson “Why the Covenant Path” (Riaona, Meei 2021, 116–19). Kaungaia bwa a na tibwaua baike a reiakin bwa e kanga kawakinan berita aika tabu ni kakorakora aia reitaki ma Iesu Kristo.

Otenanti aika tabu n te euangkerio a uota “mwaakan te aro n atua” nakon maiura (taraa Reirei ao Berita aika Tabu 84:19–22).

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Motiaea 18:8–10 (Te berita ae tabu n te bwabetito)

• Moronaai 4–5 (Te berita ae tabu n te Toa)

• E reirei Unimwaane David A. Bednar: “Otenanti aika a tabu moan baan te kakawaki n ana euangkerio te Tia Kamaiu ibukin te oki Nakoina ao n ukoukoran te manga bungiaki n te tamnei. Otenanti bon mwakuri aika a tabu ake iai kakawakiia n te tamnei, ao a irekereke ma ana tua ma ana moti te Atua. …

  Otenanti ni kamaiu ao te karietataaki are e karaoaki n ana Ekaretia te Uea are e a tia ni kaokaki a kakawaki riki nakon bukamaru ke mwakuri aika iai kanikinaeaia. Riki, a karaoi aanga aika a kariaiakaki rinanona ike kakabwaia ma mwaakan karawa a riki bwa mwakoron maiura n aomata. …

  “Otenanti ake a reke ao ni karineaki ma e etieti a kakawaki nakon karekean mwaakan te aro n atua ao kakabwaia ni kabane ake a tauraoi rinanon ana Mwakuri ni Kamaiu te Tia Kamaiu” (“Always Retain a Remission of Your Sins,” Riaona, Meei 2016, 59–60).

Reirei n ana Kawai te Tia Kamaiu

Ngkai ko kaoiia naake ko reireiniia bwa a na kamwakuri reirei aika a koaua, ko buokiia ni karababai aia taneiai n reiakinaia nakon mweengaia ao te maiu ni katoa bong.