kairake aika a rianna

Okitobwa 22

N na Kanga n Teimatoa ni Korakora n Au Motinnano nakon Iesu Kristo?

1 ao 2 I-Tetaonike

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao te karietataaki ni kabongana teuana ke e raka riki man titiraki aika inano ke aika bon am kario (tara Aeniboki ni Kabuta,, 10.2, 11.2). Babaire ao mwakuria te bwai ae maroroakinaki.

• Maiuakina te euangkerio. Tera te bwai ae ti a tia n rinanona mai mwaina ae e a tia ni kakorakora ara koaua?

• Tararuakiia naake iai kainnanoia. Antai ae e kainnanoa ara ibuobuoki ao ara tataro? Tera ae ti namakina iai te kukurei ni kan buokiia?

• Kaoakiia ni kabane bwa a na karekea te euangkerio. Ti na kanga n riki bwa te oota nakoia kaain ara utu ke raoraora ake aki onimakina ara koaua?

• Katiteuanakiia utu ibukin te maiu ae akea tokina. Ti na kanga ni kaota riki te tangira ao boutoka ibukiia ara utu ni karaoa te tamaroa ae kaokoro inanon mweengara?

N tokin te reirei, ngkana e riai, karaoi waaki aikai:

• Kaoti koauan reirei ake a reiakinaki.

• Kauringiia kaain te kiraati ke membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

E rawata iroura ae kina temanna ae n te tai teuana ao e taraa ni korakora nanona nakon Iesu Kristo ma e a tia ni bwaka man ana onimaki. E bon ririki ae ko a manga bon titiraki ni kangai, “E na kona n riki naba anne nakoiu?” Bauro e kakatiauiia I-Tetaronike ake a Itiaki ibukin aia kakaonimaki ma e namakinna n kairaki iroun te tamnei bwa e na kauringiia iaon reirei aika kewe ao tabeua riki bwaai aika a na kona n kamemerea aia onimaki. E ngae ngkana e korakora ara anganano nakon te Tia Kamaiu n te tai aio, n taainako ao e na bon iai ae ti kona ni karaoia “ni kakoroa ae tuai ni koro n [ara] onimaki” (1 I-Tetaronike 3:10).

Ngkana ko tataro ibukiia kaain am kiraati ke kooram, kakauongo nakon taeka n namakin ake te Uea e kanakoi nakoim. Tera ae ko namakinna bwa e na rangi n ibuobuoki iaon kateimatoaia n kakaonimaki nakon te Tia Kamaiu e ngae ngkana a kaitara ma kangaanga? Tera ae e a tia n ibuobuoki nakoim? Ngkai ko katauraoi n angareirei, ko kona n rinanon ana rongorongo Unimwaane Dale G. Renlund “Unwavering Commitment to Jesus Christ” (Riaona, Nobembwa. 2019, 22–25) n raonaki ma 1 ao 2 I-Tetaronike.

Te Uaia n Reirei

N buokiia kairake n rinanon ake a tia n warekia n 1 ao 2 I-Tetaronike ao ni karina atuun te reirei are te teimatoa n ara motinnano nakon te Tia Kamaiu, kam kona n ikotaki ni wareka 2 I-Tetaronike 2:1-3. Marooro bwa tera ae nanonaki n “te bwaka”. N ae onoti, tera ae nanonaki iroun temanna ae bwaka mai iroun Iesu Kristo? Ko kona ni kabootaua te taeka aio ma mwakoro n taeka ake e kakabonganai Bauro, n aron “teimatoa i nanon te Uea” (1 I-Tetaronike 3:8) ao “tai botu ni karaoa ae raoiroi” (2 I-Tetaronike 3:13). Ko kona ngkanne n rinanon 1 I-Tetaronike 5:15-23. E na kanga iriran ana taeka n ibuobuoki Bauro ni kiibu aikai ni buokiira bwa ti na aki bwaka man ara onimaki iroun Iesu Kristo—e ngae ngkana ti aitara ma kangaanga? Kabonganai waaki ni kakukurei n aron teuana man aikai ni buoka te kiraati ke membwa n te kooram n teimatoa ni korakora n aia motinnano nakon te Tia Kamaiu.

• E kona n rangi ni kaunganano te reirei man aia katooto tabeman ake aki tiotionako man aia motinnano nakon Kristo. N arona teuana, ko kona n ikotaki ni kamatebwaia aia katooto Aentaai-Nibwaai-Riaai, ake a tia n riki bwa “aomata aika moaanti ma ni matoatoa ma n iowawa” ma “aki manga tannako” imwin ae a “rairaki nakon te Uea” (Aramwa 17:14; 23:6-8). Tera ae taekinaki n Aramwa 24: 8– 18 ibukin riain teimatoara ni kakaonimaki? Tera oin raoi rinerine aika kakawaki aika a karaoi? E kangaa te Tia Kamaiu ni buokiia? A kona katooto riki tabeua n reke n ana rongorongo Unimwaane Dale G. Renlund “Unwavering Commitment to Jesus Christ.” Tao a kona tabeman kairake ni wareki katooto tabeua ao n tibwauai bwaai ake a reiakinna iaon te teimatoa ni koaua nakon Kristo. Ti kanga n tia teimatoa n ara motinnano nakon te Uea ribuakon nakon kabwakara?

• N ara kekeiaki ni kakorakora ara onimaki, e rangi n ibuobuoki ataakin bwaai ake a ukora kamemeereana. Miin Riaai n te kai ni kamaiu e kabwarabwarai tabeua bwaai aikanne. Ko kona ni kaota tamnein te mii anne (taraa Bokin Tamnein te Euangkerio [2009], nambwa.69) ao n rinanon taekana, ake n 1 Nibwaai 8:10–34. N te mwii aio, tera ae tukiia aomata man kanakin uaan te kai? Tera ae buokiia aomata bwa ana roko n te kai ao n tiku iai? A tei ibukin tera bwaai aikai inanon maiura?

• N ana rongorongo “Te Mwaka n Tokanikai riaon te Kangaanga” (Riaona, Nob. 2019, 110-12), Unimwaane Peter M. Johnson e karinanii teniua kawai ae e kamwemwereira iai Tatan. Ko kona n anganiia kairake bwa ana wareka teuana mai ibuakon aikai ao n tibwauaia ma te kiraati ke te kooram te katooto iaon aron Tatan n kaboonganai bwaai aikai n kaitaraia kairake n boong aikai. Ngkane a kona n warekii ana iango n ibuobuoki Unimwaane Johnson ake aua ibukin te tokanikai iaon ana kawai te kaitara ao n tibwauai bwaa ake a tia n reiakinna.

Iesu Kristo

Be Not Afraid,, iroun Michael Malm

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakin are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• 1 Nibwaai 2:9–10; Aramwa 17:1–3; Ereman 5:12

• Jeffrey R. Holland, “Te Uea, I Kakoaua;” Riaona, Meei 2013, 93-95

• Neil L. Andersen, “Never Leave Him,” Riaona, Nobembwa 2010, 39-42

• Becky Craven, “Te Taratara Raoi ni Kaitaraaki Raoi ma te Mamanikangare,” Riaona, Meei 2019, 9–11

Reirei n ana Kawai te Tia Kamaiu

N taai tabetai ao e na raoiroi ngkana a kaoaki taan kamatebwai bwa a na ibuobuoki imarenaia ni kakaei kaekaan aia titiraki. Man ana kairi te Tamnei, ko kona ni iangoia ni karaoa aei e ngae ngkana ko ataa te kaeka.