jikin peptaij

Nobōm̧ba 26

Elmen Aō Jipan̄ Ro Jibū im Jim̧m̧aaō Epaakeļo̧k Jisōs Kraist?

1 im 2 Piter

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta unin kōnono ko me bisoprik eo rekar kōnono kaki ilo iien kweilo̧k ko an ward ko̧o̧njeļ eo an jodikdik ro? Ta eo jej aikuji n̄an kōm̧m̧ane āinwōt juon doulul ak kūlaaj pedped wōt ilo ekōnono ko?

• Kea kōn ro rej pād ilo aikuj. Ewi wāween ad jipan̄ armej ro ilo wāween ko an Kraist n̄e jej lo juon aikuj im jejjab jeļā ta eo jen ba?

• Karuwaineneik aolep n̄an bōk gospel eo. Ta eo jej loe ilo gospel eo an Jisōs Kraist me ej bōktok n̄an kōj lan̄lōn̄? Ewi wāween ad jeere lan̄lōn̄ in n̄an ro jet?

• Kobaik baam̧le ko n̄an indeeo. Ta eo jenaaj kōm̧m̧ane n̄an lo āt ko etan ro jibūd im jim̧m̧aad ro rej aikuj kain̄i ko an tampeļ? Ta eo jemaron̄ kōm̧m̧ane n̄an jipan̄ doon lo et ko etan ro jibūd im jim̧m̧aad?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Ta eo ej waļo̧k n̄an bilien armej ro rej mej ilo aer jab bōk m̧ool in iien eo em̧m̧an n̄an ron̄ gospel eo an Jisōs Kraist ak bōke kain̄i ko n̄an lo̧mo̧o̧r? Komaron̄ loe jidik in uwaak eo 1 Piter 3:18–20; 4:6, ijo Piter ej kōnono kōn gospel eo kwaļo̧k kake n̄an ro remej. Innām Katak im Bujen ko 138 ej kwaļo̧ke aolepen m̧ool eo—rūtto ro jibūd im jim̧m̧aad remaron̄ itōk n̄an Kraist eļan̄n̄e ewōr aer tōmak ilo E im bōke gospel eo An jej kōm̧m̧ani kain̄i ko ewōr n̄an er ilo tampeļ. Kōjeram̧m̧an kein emenin aorōk bwe kōj—ro bujier ewōr gospel eo ippāer—kappukot etāer, etaļ n̄an tampeļ, im bōki kain̄i ko ilo etāer.

Ta en̄jake ko em̧ōj am̧ jipan̄ rūtto jibum im jim̧m̧aam itōk n̄an epaakeļo̧k Kraist? Elmen am̧ jipan̄ ro kwōj katakin em̧ōņōņōļo̧k kōn baam̧le menmenbwij im jerbal in tampeļ ak peranļo̧k ilo maron̄ eo aer n̄an kōm̧m̧ani men in? Ilo am̧ kōppopo, komaron̄ etale ennaan eo an Elder Dale G. Renlund “Menmenbwij im Jerbal an Tampeļ: Liāp im Kōmour” (Liaona, Māe. 2018, 46-49).

Ekkatak Ippān Doon

Elmen an membōr in kūlaaj ak doulul eo uwaake juon armej eo ej lōmņak kōn elmen an armej ro rem̧m̧an ro rekar jab lōn̄ aer iien n̄an bōke gospel eo maron̄ bōk lo̧mo̧o̧r? Ta eo rej loe ilo 1 Piter 3:18–20; 4:6 n̄an jipan̄ uwaake kajjitōk in? Ilo pijaan alooj eo “Will I Do My Part?,” Elder Enrique R. Falabella ej letok kakkobaba ko raorōk. Komaron̄ wōnm̧aanļo̧k kōn ekōnono eo am̧ kōn juon ak elōn̄ļo̧k m̧akūtkūt ko rej elaajrak.

• Katak eo kōn lo̧mo̧o̧re ro remej ej juon men ejenoļo̧k ilo Kabun eo an Jisōs Kraist im Armej ro Rekwojarjar ilo Raan-ko Āliktata. Karuwainene kūlaaj ak doulul eo n̄an ekkatak Katak im Bujen ko 138:25–39 ippāer make ak ilo kurup im kwaļo̧k ta rej katak (lale “Kein Jipan̄ ko rej Rie” n̄an jeje ko rekwojarjar ko jet ilo unin kōnono in). Ta eo eo̧o̧n kein rej rōjan̄ kōn wāween an Jemedwōj Ilan̄ en̄jake kōn aolep ajri ro Nejin? Elmen an peptaij kōn ro remej jipan̄ rūtto jibūm̧ im jim̧m̧aam itōk n̄an epaakeļo̧k Kraist? Elmen an jipan̄ kōj itok n̄an epaakeļo̧k Kraist im kōļapļo̧k tōmak eo ad ilo E?

• Ta eo emaron̄ im̧we jodikdik ro n̄an bōk kwoņaaer eļapļo̧k ilo tampeļ im jerbal in menmenbwij an baam̧le? Bōlen remaron̄ alooje juon ak jim̧ōr pijaan alooj ko ruo loe ilo “Kein Jipan̄ ko rej Rie” im kapukōt wāween ko tampeļ im jerbal in menmenbwij an baam̧le emaron̄ kōjeram̧m̧an er. Remaron̄ barāinwōt kappok kōjeram̧m̧an ko kar kallim̧ūr kaki ilo ball jidik ko elaajrak ko ilo ennaan eo an Elder Dale G. Renlund “Menmenbwij im Jerbal an Tampeļ: Liāp im Kōmour.” Karuwainene er n̄an kwaļo̧k ewi iaan kōjeram̧m̧an ko ewōr meļeļein n̄an er im etke. Komaron̄ barāinwōt kōnono kōn jet iaan apan̄ ko emaron̄ kapōjrak kōj jān ad bōk koņaad ilo tampeļ ak jerbal an menmenbwij an baam̧le. Elmen an Rilo̧mo̧o̧r jipan̄ kōj anjo̧ ioon apan̄ kein?

• N̄e membōr in kūlaaj eo ak doulul eo ewōr aer digital device ko, komaron̄ bōk jidik iien n̄an kwaļo̧k elmen an Irooj kar kapidodoik n̄an kapukōt rutto ro jibūd im jim̧m̧aad ro reaikuj kain̄i n̄an lo̧mo̧o̧r (lale “Kein Jipan̄ ko rej Rie”). Komaron̄ karuwainene juon eo ej bōk eddo in ward tampel im baam̧le menmenbwij n̄an jipan̄ jodikdik ro meļeļe kōn kein jipan̄ kein. Komaron̄ barāinwōt rōjan̄ jodikdik ro n̄an kōm̧m̧ane pepe ko n̄an etale kein jipan̄ kein ilo im̧ōko im reboot tok ilo kweiļo̧k eo ilju im jeklaj.

jiron̄ ro rej bwebwenato

Ilo ad kōm̧m̧ani kain̄i ko rekwojarjar ilo tampeļ, jej jipan̄ n̄an kōm̧m̧ani kōjeram̧m̧an ko an gospel rej peļļo̧k n̄an ro remej.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Malakai 4:5–6; Matu 16:18–19; Jon 5:25; 1 Korint 15:29; Katak im Bujen ko 7–9 (Katak kōn pinmuur n̄an ro remej)

• “The Promised Blessings of Family History 1” im “The Promised Blessings of Family History 2” (videos), ChurchofJesusChrist.org

• Baam̧le Menmenbwij app (menin aikuj bwe jodikdik ro rej delon̄e kōn akkaun eo ilo Kabun̄ in)

• RootsTech (Jodikdik remaron̄ etale kweiļo̧k kein jān virtual kweiļo̧k ko.)

• FamilySearch.org (Komaron̄ loļo̧k FamilySearch.org/discovery im etale akūtkūt kein ippān doon.)

Katakin ilo Wāween eo an Rilo̧mo̧o̧r

N̄e kwōj karuwainene n̄an jodikdik ro n̄an katakin, bōk am̧ iien n̄an jipan̄ er kōppopo ilo jim̧we. Kōmeļeļe ta eo kwōj kōm̧m̧ane n̄an kōppopo n̄an katak. Ilo wāween in komaron̄ nej jipan̄ jodikdik ro ejjab ilo juon wōt katak ak katakin ilo wāween eo an Rilo̧mo̧o̧r ilo aolepen mour eo aer.