Nobōm̧ba 12

Elmen Aō Epaakeļo̧k Jisōs Kraist ilo Kain̄i im Bujen ko Rekwojarjar?

Hibru 7–13

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ewi wāween ad epaakeļo̧k Rilo̧mo̧o̧r? Ewi wāween ad kajjieon̄ erom̧ āinwōt E?

• Kea kōn ro rej pād ilo aikuj. Wōn eo eļakkar pād ilo ļōmņak ko ami? Ewi wāween ad maron̄ jipan̄ armej rein kajjojo?

• Karuwaineneik aolep n̄an bōk gospel eo. Ewi wāween ad uwaake kajjitōk ko an ro m̧ōttad kōn Kabun̄ in ilo juon wāween eo me enaaj kōkajoorļo̧k tōmak ko aer ilo Rilo̧mo̧o̧r?

• Kobaik baam̧le ko n̄an indeeo. Ta jet iaan wāween ko emaron̄ em̧m̧anļo̧k ad ekkejel ippān ro uwaan baam̧le eo, ro āinwōt ro jibūd im jim̧m̧aad im ro nej jeid im jatid?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Um̧win elon̄ epepen ko, ajri ro nejin Israel, jet iien ņae etāer Ri Hibru ro, kar kijejeto ilo aer bōk kwoņaer ilo kain̄i ko ekoba ippān tabernacle eo im kien an Moses. Ak elon̄ iaad rekar jab kile bwe jet iaan men kein kar “men in kajjion̄e ko an men ko i lan̄”—“annan̄in men ko renaaj itok” (Hibru 9:23; 10:1). Kain̄i ko kar kōm̧m̧ane n̄an er bwe ren katak kōn Jisōs Kraist. Menin ej ta eo Paul ekar kōmeļeļeik ilo Leta eo an n̄an Ri Hibru ro. Ennaan eo ebarāinwōt aorōk n̄an kōj rainin kōnke kōj barāinwōt ewōr kain̄i ko rekwojarjar kōn un ko ejja āinwōt. Innām ewōr tokjen n̄an kajjitōk ipped make kajjitōk kein: Kain̄i kein rej ke jipan̄ kōj keememej Jisōs Kraist? Ewōr ke men jemaron̄ kōm̧m̧an n̄an en̄jake kajoor eo an Jisōs Kraist ilo kain̄i ko an gospel? Ak jej ke, āinwōt Ri Hibru ro jem̧aan, meļo̧kļo̧k aorōk eo em̧wilaļ?

Kejōkļo̧kjeņ kajjitōk kein ilo am̧ riiti Hibru 7–13 im ilo am̧ kōppopo n̄an katak kōn elmen an kain̄i ko im bujen kepaakļo̧k kōj n̄an Jisōs Kraist. Komaron̄ barāinwōt katak jet iaan ennaan ko jān kweilo̧k eo eļap kwaļo̧k ilo katak in.

Ekkatak Ippān Doon

N̄an jipan̄ ro kwōj katakin elmen aer epaakeļo̧k Jisōs Kraist ilo kain̄i im bujen ko ilo gospel eo An, komaron̄ karuwainene er n̄an kōm̧m̧ane juon elaajrak in jet iaan kain̄i ko im bujen ainwōt ippān kain̄i ko ilo boot eo (lale Gospel Topics, “Ordinances,” “Covenant,” topics.ChurchofJesusChrist.org). Ta eo kain̄i im bujen ko rej katakin kōj kōn Kraist im Pinmuur eo an? Ennaan eo jān Elder David A. Bednar ilo “Kein Jipan̄ ko rej Rie” ej letok meļeļe eo an kain̄i ko im men ko jet aorōk. M̧akūtkūt rōt kein rej ellaajrak remaron̄ jipan̄.

• Komaron̄ karuwainene jetōb n̄an riiti Katak im Bujen Ko 84:19–22 im kōnono kōn kajjitōk rōt kein: Ta meļeļein “kajoor in āinwōt anij”? Elmen an kain̄i im bujen ko jipan̄ kōj en̄jake kajoor in? Ta oktak eo kain̄i im bujen ko rej kōm̧m̧ane ilo mour ko ad? Elmen aer jipan̄ kōj ekkeijelļo̧k ippān Rilo̧mo̧o̧r? N̄an jipan̄ uwaake kajjitōk kein, jodikdik ro remaron̄ riiti jān eo̧o̧n ko jinoin tata in ennaan eo an Elder Kent F. Richards “Kajoor eo an Anij” (Liaona, Māe 2016, 118) ak ennaan eo an Elder Bednar “Kōtlo̧k Bwe Mwiin En Ekkal n̄an Āt eo Eta” (Liaona, Māe 2020, 84–87), eļaptata jekjen eo “Jān Tulowa.”

• Ļōmņak in kajjitōk ippān ro kwōj katakin er elmen aer nej kōmeļeļe kain̄i eo an kwojkwoj eo n̄an juon armej eo ejaje jabdewōt kake. Jekjen eo “En̄jake im Naan in Kam̧ool” ilo ennaan eo an Elder Taniela B. Wakolo “Kain̄i in Lo̧mo̧o̧r ko Naaj Letok n̄an Kōj Meram Aeboojoj” (Liaona, Māe 2018, 39–41) ej kwaļo̧k waanjon̄ak ko. Jodikdik ro remaron̄ kapukōt katakin ko reaorōk ilo pijan alooj eo “Always Remember Him” (ChurchofJesusChrist.org). Elmen an kwojkwoj eo kepaakeļo̧k Jisōs Kraist? Ta iien ko rem̧m̧an ewōr ipped n̄an katakin ro jet kōn men in?

• Etale ļalem rōjan̄ ko ilo ennaan eo an Elder Peter F. Meurs “The Sacrament Can Help Us Become Holy” (Liahona, Nov. 2016, 85–87) emaron̄ jipan̄ jodikdik ro meļeļe elmen n̄an em̧m̧anļo̧k kōppopo n̄an kwojkwoj eo. Ak, n̄e ewōr jodikdik ro rej kōppopo n̄an bōke menin letok kwojarjar eo, etale ippān doon jekjon eo etan “About the Temple Endowment” ilo temples.ChurchofJesusChrist.org. Kōmeļeļe elmen an kain̄i ko ekwojarjar im bujen ko aer maron̄ jipan̄ boktok kōj epaakeļo̧k Rilo̧mo̧o̧r.

• Ļōmņak n̄an jeki naan ko Kwojkwoj, Baptise, im Tampeļ ilo boot eo. Um̧win kajjojo, karuwainene jodikdik n̄an elaajrak bujen ko jej kōm̧m̧ani. Kein jipan̄ loe ilo “Kein Jipan̄ ko rej Rie” remaron̄ jipan̄. Kōnono ippān doon elmen an bujen kein jijpan̄ kōj epaakeļo̧k Jisōs Kraist?

• Komaron̄ kōjepel kūlaaj ak doulul eo n̄an kurup ko im leļo̧k n̄an kajjojo kurup n̄an etale jekjen in ennaan eo an Elder Ronald A. Rasband “Jutak ilo Kallim̧ur ko im Bujen ko Ad” (Liaona, Nob. 2019, 53–56) ak ennaan eo an Elder D. Todd Christofferson “Etetal ilo Iaļen Bujen” (Liaona, Māe 2021, 116–19). Rōjan̄ er n̄an barāinwōt kwaļo̧k ta rekar katak kōn elmen an kōjparōk bujen ko kōkajoor jemjera eo aer ilo Jisōs Kraist.

Kain̄i ko rekwojarjar ilo gospel rej boktok “kajoor in āinwōt anij” n̄an mour ko ad (lale Katak im Bujen Ko 84:19–22).

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Mosaia 18:8–10 (Bujen in peptaij)

• Moronai 4–5 (Bujen in kwojkwoj)

• Elder David A. Bednar ekar katakin: “Kain̄i ko rekwojarjar rej pād io̧lepen gospel eo an Rilo̧mo̧o̧r im n̄an jerbal eo n̄an itok n̄an E im pukōt bar ļotak ilo jetōb. Kain̄i ko rej jerbal ko raorōk me ewōr ie jibadbad eo an jetōb, indeeo eo eaorōk, im kien ko im wāween ko rekkar n̄an Anij. …

  “Kain̄i ko an lo̧mo̧o̧r im mour indeeo rej waļo̧k ilo Kabun̄ eo an Irooj eļap tokjāer jān jabdewōt ikitōltōl ak kōm̧m̧an. Ijoke, rej jerbal kōn mālim kōn kōjeram̧m̧an ko im kajoor ko an lan̄ maron̄ itok n̄an mour ko ad kajjojo. …

  “Kain̄i ko buki im kauteij kōn mo̧o̧l rej aorōk n̄an buki kajoor in ainwōt anij im aolepen kōjerm̧m̧an ko kōm̧m̧ani n̄an kōn Pinmuur an Rilo̧mo̧o̧r” (“Iien Otemjej Jeorļo̧k Jero̧wiwi ko Ami,” Liaona, Māe 2016, 59–60).

Katakin ilo Wāween eo an Rilo̧mo̧o̧r

Ilo am̧ karuwainene ro kwōj katakin n̄an jerbal ilo katak ko rem̧ool, komaron̄ jipan̄ er n̄an kōlapļo̧k en̄jake in ekkatak ko aer ilo im̧ōko im mour ko aer kajjojo.