jodikdik ro rej etetal

Oktoba 22

Elmen Aō Kajoor Wōt ilo Kallim̧ur eo Aō n̄an Jisōs Kraist?

1 im 2 Tessalonika

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; tarrin 10–20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innem tōl juon iien ekōnono kōn jerbal in lo̧mo̧o̧r im mour indeeo ippān Anij ijo eutiejtata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ta en̄jake ko kiiō rekar kōkajoorļo̧k naan in kam̧ool ko ad?

• Kea kōn ro rej pād ilo aikuj. Wōn eo ej aikuji jipan̄ eo ad im jar ko ad? Ta eo jej im̧we n̄an kōm̧m̧ane n̄an jipan̄ er?

• Karuwaineneik aolep n̄an bōk gospel eo. Ewi wāwen jemaron̄ erom̧ juon meram n̄an ro uwaan baam̧le eo ak ro m̧ōttad ro rejjab jān Kabun̄ in ad?

• Kobaik baam̧le ko n̄an indeeo. Ewi wāween ad kwaļo̧k eļap iakwe im rie n̄an baam̧le ko im kōm̧m̧an juon oktak em̧m̧an ilo m̧ōko m̧ōd?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Elōn̄ iaad jejeļā kōn juon armej eo ekar lukkuun leļo̧k aolepan̄ an n̄an Jisōs Kraist ilo kar juon tōre ak kiiō em̧ōj an wōtļo̧k jān tōmak eo aer. Ej juon men eo ekkā ad lōm̧nak, “Menin emaron̄ ke waļo̧k n̄an n̄a?” Paul ekar nebar RiTessalonika ro Rekwojarjar kōn tōmak ko aer ak kar im̧we e n̄an kakōl er kōn riab in katak ko im im̧we ko jet emaron̄ nej kamōjņo̧ tōmak ko aer. Jekdoon ewi jon̄an kijejeto eo ad n̄an Rilo̧mo̧o̧r kiiō, ewōr wōt eļap jemaron̄ kōm̧m̧ane n̄an “koweeppān [ami] tōmak” (1 Tessalonika 3:10).

Ilo am̧ jar kōn armej ro ilo kūlaaj ak doulul eo, ron̄jake im̧we ko Irooj ej jilkinwaj n̄an kwe. Ta eo koj ļōmņak emaron̄ jipan̄ er tōmak wōt ilo Rilo̧mo̧o̧r jekdo̧o̧n māllijon̄ ko renaaj jelm̧ae? Ta eo ekar jipan̄ kwe? Ilo am̧ kōppopo, komaron̄ etale ennaan eo an Elder Dale G. Renlund “Wujlepļo̧k eo Edim n̄an Jisōs Kraist” (Liaona, Nob. 2019, 22–25) kobaļo̧k 1 im 2 Tessalonika.

Ekkatak Ippān Doon

N̄an jipan̄ jodikdik ro etale ta eo rekar riit ilo 1 im 2 Tessalonika im kwaļo̧k n̄an er unin kōnono eo kōn kajoor ilo kallim̧ur ko ad n̄an Rilo̧mo̧o̧r, komaron̄ riit ippān doon 2 Tessalonika 2:1–3. Kōnono kōn ta eo emaron̄ meļeļein “wōtļo̧k”. Ilo jejjōt in, ta eo emaron̄ meļeļein n̄an juon armej make n̄an otlo̧k jān Jisōs Kraist? Komaron̄ keidi naan in ippān naan ko jet Paul ekar kōjerbale, āinwōt “pen ami jutak ilo Irooj” (1 Tessalonika 3:8) and “koṃwin jab ṃōk ilo ami kōṃanṃan eṃṃan” (2 Tessalonika 3:13). Innām komaron̄ etale 1 Tessalonika 5:15–23. Elmen an loore ko̧o̧njel kein an Paul ilo eo̧o̧n kein jipan̄ kōj kapōjrak jān ad wōtļo̧k jān tōmak eo an ilo Jisōs Kraist—men̄n̄e jej jelmae oktak ko? Kōjerbale m̧akūtkūt kein āinwōt an elaajrak n̄an jipan̄ membōr in kūlaaj ak doulul kajoor wōt ilo kallim̧ur eo aer n̄an Rilo̧mo̧o̧r.

• Emaron̄ bar menin im̧we n̄an atak jān waanjon̄ak ko an ro jet ro rekar jab em̧m̧akūt jān kallim̧ur eo aer n̄an Kraist. N̄an waanjon̄ak, komaron̄ katak ippān doon kōn waanjon̄ak eo an Antai- Nipai-Liai, ro rekar “arawiia im kijn̄en̄e im juon armej rellāj” ak “raar bjamin raar bun̄.” ālikin aer kar “oktak tok n̄an Irooj:” (Alma 17:14; 23:6–8). Ta eo Alma 24:8–18 ej rōjan̄ kōn etke rekar ped wōt ilo aer tōmak? Ta kāālet ko reaurōk rekar kōm̧m̧ani? Elmen an kar Rilo̧mo̧o̧r jipan̄ er? Kakkobaba in waanjon̄ak ko maron̄ loi ilo ennaan eo an Elder Dale G. Renlund “Wujlepļo̧k eo Edim n̄an Jisōs Kraist.” Bōlen jejjo jodikdik remaron̄ riiti jet iaan waanjon̄ak kein im kwalo̧k ta eo rej katak kōn ped wōt ilo aer m̧ool n̄an Kraist. Ekōjkan ad kar dāpij ad tiljek n̄an Irooj jekdo̧o̧n likjab ko ad?

• Ilo kijejeto eo ad n̄an kōkajoor tōmak ko ad, ejipan̄ n̄an kile eddo ko rej kappukōt n̄an kamojņo̧ ki. Ettōņak eo an Liai kōn wōjke in mour ej kōmeļeļeik jet iaan eddo kein. Bōlen komaron̄ kwaļo̧k juon pija ilo ettōņak eo (lale Gospel Art Book [2009], no. 69) im etale dipidik in kōmeļeļe ko ippān doon, loe ilo 1 Nipai 8:10–34. Ilo ettōņak eo, ta eo ekar kapōjrak armej ro jān aer lem̧ōņōņō kōn leen wōjke eo? Ta eo ekar jipan̄ armej ro tōpar wōjke eo im ped wōt ie? Ta ko men kein rej kakōllāik ilo mour kein ad?

• Ilo ennaan eo “Kajoor n̄an Anjo̧ Ioon Rijum̧ae eo” (Liaona, Nob. 2019, 110–12), Elder Peter M. Johnson ekar kalaajrak jilu wāween ko Setan ej kajjeon̄ kamōjņo̧ik kōj. Komaron̄ leļo̧k n̄aj kajjojo jodikdik n̄an riiti juon iaan men kein im kwaļo̧k ippān kūlaaj ak doulul eo waanjon̄ak ko elmen an Setan kōjerbal kein jerbal in ņae jodikdik ro rainin. Innām remaron̄ kajjojo riiti juon iaan naan in rōjan̄ ko emen an Elder Johnson n̄an jelm̧ae pepe ko an rikapo eo im kwaļo̧k ta eo rekar katak.

Jisōs Kraist

Jab Mijak, jān Michael Malm

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• 1 Nipai 2:9–10; Alma 17:1–3; Hilamōn 5:12

• Jeffrey R. Holland, ““Irooj, Ij Tōmak”,” Liaona, Māe 2013, 93–95

• Neil L. Andersen, “Never Leave Him,” Liaona, Nov. 2010, 39–42

• Becky Craven, “Tiljek ņae Jatiljekl,” Liaona, Māe 2019, 9–11

Katakin ilo Wāween eo an Rilo̧mo̧o̧r

Ilo elōn̄ wāween ko, em̧m̧an n̄an karuwainene rikkatak ro n̄an jipan̄ doon kappukot uwaak ko n̄an kajjitōk ko aer. N̄e im̧we jān Jetōb, kwomaron̄ kāālet n̄an kōm̧m̧ane menin jekdo̧o̧n n̄e kwōj en̄jake bwe kwojeļā uwaak eo.