“Irooj, Ij Tōmak”
Jen Elder Jeffrey R. Holland
Jen Doulul eo an Jon̄oulruo Rijilōk ro
Lukkuun jeļā kajjitōk ko am im inepata ko, ak m̧oktata im en indeeo kaurur tōmak eo am, kōnke men otemjej rej pidodo n̄an ro rej tōmak.
Juon iien Jisōs eaar ioon juon kumi in Skraib ro rej iakwelel eļap ippān rikaļoor ro An. Ke Rilo̧mo̧o̧r eo eaar kajjitōk ta eaar kōjarjar iakwelel eo, jemān ajri eo enan̄inmej eaar wōnm̧aantak, ba bwe eaar jibadōkļo̧k rikaļoor ro an Jisōs kōn juon kōjeram̧m̧an n̄an ļaddik eo nejin, ak raar jab maron̄ leļo̧k. Kōn an ļaddik eo kij wōt dōkā in n̄iin, kapilo eaar wōtlo̧k jān lon̄iin, im wōtlo̧k ioon bwidej, jemān eaar kajjitōk ippān Jisōs kōnke eaar kabūrom̧ōjm̧ōj ilo ainikien:
“A eļan̄n̄e Kwōj maron̄ jabdewōt, Kwōn tūriam̧o kake kōm, im jipan̄ kōm.”
“Jisōs e ba n̄an e, “Eļan̄n̄e Kwōj maron̄!’ Eo ej tōmak ej maron̄e men otemjej.”
“Im e m̧ōkaj an jemen ajri eo lam̧ōj im ba, “Ij tōmak; Kwōn jipan̄ eō kōn aō jab tōmak!”1
Kareel in an em̧m̧aan in, jen an make mālim n̄an deļo̧n̄, ejjab bwe. Ak ewōr juon an menin ekkairir, ikdelel eļap kōn ajri eo nejin. Jaar ron̄ bwe ebwe im em̧m̧an n̄an eo ej jinoe. “Em̧ool eļan̄n̄e kom̧ maron̄ jab bar kōņaan in tōmak,” Alma ej kwaļo̧k, “kōtlo̧k bwe kōņaan in ej jerbal ilo kom̧, em̧ool m̧ae iien kom̧ij tōmak.”2 Ilo an ejjeļo̧k an bar kōjatdikdik, jemān ej leļo̧k kain tōmak in eaar ippān im kar akweļap ippān Rilo̧mo̧o̧r eo an laļ, “Eļan̄n̄e Kwōj maron̄ e jabdewōt, Kwōn tūriam̧o kake kōm, im jipan̄ kōm.” 3Epen aō maron̄ riiti naan kein ijjelo̧kin imaron̄ wōt jan̄. Plural pronoun eo kōj em̧ool kōjerbale ilo ekkar. Em̧m̧aan in ej ba ilo kōjerbal: “Aolepān baam̧le eo am̧ rej akweļap. Kakkōt eo am̧ eaar jab bōjrak. Kōm̧ pād ilo jemļo̧kin in kōjatdikdik eo am. Kōm̧ij jab jeļā bar ia n̄an etal n̄ane. Komaron̄ ke jipan̄ kōm̧? Kōm̧ naaj kam̧ool kōn men otemjej—jimettan in kōjeram̧m̧an eo ej jidikin kōjatdikdik in, jet iaan men ko reddik rej jako jen an jinen ļaddik in kotaki aolep raan in an mour.”
“Eļan̄n̄e Kwōj maron̄e,jabdewōt” jemen ej konono n̄an E “Eļan̄n̄e kwōj maron̄ tōmak,” M̧aajta eo eaar ba. Jelm̧ae kajjitok in, Kraist ej wōnm̧aanļo̧k, im “Eo ej tōmak ej maron̄ men otemjej.”4
“Emōkaj,” jeje ko rekwojarjar rej ba—jab kadikdik ak kajnet ak ekkairir ak “emōkaj”—jemān, ajri eo ej lam̧ōj im ba, “Irooj, ij tōmak; jipan̄ Kwōn jipan̄ eō kōn aō jab tōmak.” Ilo uwaak n̄an eo ekāāl im ejimettan an tōmak, Jisōs ej kōmour ļaddik eo, āinwōt n̄e Eaar kōjerkak e jān ro remej āinwōt an Mark kōmeļeļeik ilo wāween in.5
N̄an kile bwebwenato in eim̧we jān jeje ko rekwojarjar, ikōņaan kajju kōnono n̄an jodikdik ro an Kabun̄ in—dik ilo iiō ak dik iiō in membōr ak dik ilo iiō in tōmak. Juon iaļ ak bar juon, eo eaikuj kitbuuji enan̄in kōj aolep.
Men eo jinoin tata n̄an kile kōn bwebwenato in ej bwe n̄e jej kwaļo̧k apan̄ eo n̄an bōk tōmak eo, jemād ej kwaļo̧k kajoor eo An moktata im n̄an wōt kile jekjek eo ekkar n̄an E. An kōmlet ekajoor im ejjeļo̧k pere: “Irooj, ij tōmak.” Inaaj ba n̄an aolep ro reaikuj eļapļo̧k tōmak, keememej em̧m̧aan in! Ilo iien mijak ak pere ak iien jorrāān, kōjparok tōmak eo emōj am kadede ejaake, aaet men̄e tōmak eo ejjab bwe. Ilo eddōkļo̧k in, kōj aolep jej aikuj in en̄jake ilo mour wabanban in, juon men enaaj waļo̧k n̄an kōj aolep bwe jetōb enaaj einļo̧k wōt jorrāān in an ļaddik in ak rein jinen im jemān reburom̧ōj. N̄e iien kein rej itok im jorrāān ko rej waļo̧k, im uwaak ko n̄an jorrāān kein rej jab waļo̧k mōkaj, kōjparok wōt n̄an ta eo emōj am jeļā kadede im jutak pen m̧ae iien jeļāļo̧kjeņ ej bar itok. Ekar kōn m̧akūtkūt in, kabwilōn̄lōn̄ in ejenolo̧k, bwe Jisōs eaar ba, “Eļan̄n̄e ewōr ami tōmak āinwōt juon ine in mustad, kom̧ naaj ba n̄an tōl in, Kwōn ruwaak n̄an ijjuweo, im enaaj ilo̧k, im ejjeļo̧k men ko kom̧ naaj bane.”6 Jon̄an tōmak eo am ak jon̄ok jeļāļo̧kjeņ eo am ej jab men eo eaorōk—ej m̧ool eo kwoj kwaļo̧k n̄an tōmak eo ippām im m̧ool eo emōj an jeļā kadede.
Men eo kein karuo ej oktak in aorōk an men eo kein kajuon. N̄e jorrāān ko rej waļo̧k im kajjitōk ko rej jarjar, jab jino kajjitōk kōn tōmak eo am jen ba ewōr jeteejjeļo̧k ippam, jino jen am “jab tōmak” Menin ej juon men epen! Kiiō, kōm̧m̧an bwe in kōmeļeļeik jekjek in: Ij jab kajjitōk ippam bwe kwōn kwaļo̧k etan n̄e ewōr tōmak in ejjeļo̧k ippam. Ij kajjitōk ippam n̄an m̧ool ilo tōmak in am. Jet iien jej m̧akūtkūt eļan̄n̄e juon kōmlet em̧ool kōn pere ej juon waļo̧k in m̧wil eperan jen juon kōmlet em̧ool kōn tōmak. Ej jab! jen aolep keememej ennaan eo ealikkar an eoon in: Kom̧in m̧ool kōn n̄urbōktak ko ami āinwōt kom̧ij aikuj in; mour eobrak kōn er ilo juon unin kōnono ak bar juon. Ak eļan̄n̄e kwe im baam̧le eo am rekōņaan in ājmour, jab kōtļo̧k bwe kajjitōk in jutak ņae tōmak eo ej jerbale kabwilōn̄lōn̄ eo an.
Barāinwōt, kom̧ eļapļo̧k ami tōmak jen ami ļōmņak kōnke ta eo Bok in Mormon ej ņaetan “ļap in kein kam̧ool ko raar būki.”7 “Kom̧ naaj jeļā kajjieir kōn leir,” Jisōs eaar ba,8 im ej waļo̧k in mour ekkar n̄an leen ko an ko̧jpeļ eo rej kam̧ool ilo mour ko an Armej ro Rekwojarjar ilo Raan-ko Āliktata aolep jikin. Āinwōt an Piter im Jon kar ba n̄an Phraisees ro, ij ba n̄an kom̧, “Bwe kōm jab maron̄ in jab kōnono men ko kōm ar loi im ron̄jake,” im ta eo kōm ar ron̄ im loe ej bwe “juon kabwilōn̄lōn̄ eaar kōm̧m̧an: ilo mour an milien membōr ro an Kabun̄ in. Jab maron̄ kariab menin.9
Ro jeiū im jatū, en̄in ej jerbal eo ekwojarjar ej wōnm̧aanļo̧k, kōn kōjeram̧m̧an ko an rej waļo̧k aolep jikin, kōn menin jab jino lukkuun inepata eļan̄n̄e jorrāān ej waļo̧k jen iien n̄an iien, unin kōnono ko kwaļo̧k aikuj eo n̄an etale, meļeļe, im uwaake. Rej waļo̧k im renaaj. Ilo Kabun̄ in ta eo jejeļā enaaj aolep iien kanjo̧ik ta eo jej jab jeļā. Im keememej, ilo laļ in telestial aolep rej etetal mour kōn tōmak.
Bwe kain kile in kōn mōjņo̧ an armej—mōjņo̧ eo am make barāinwōt eo an ro jet rej jerbal ilo juon Kabun̄ eo ej tōl jen em̧m̧aan im kōrā ro rej palinteer. Ijjelo̧kin ilo jekjek in Nejin Ear keotak, armej ro rejjab wāppen rej aolep ro Anij eaar aikuj jerbal ippāer jen tōre eo jinoin. Emaron̄ kar kabwerer n̄an E, ak Ej jerbale, jej aikuj in barāinwōt. Im n̄e kom̧ij lo bōd, keememej bwe likjab ejjab pād ilo kwojarjar eo an jerbal in. Āinwōt juon rijeje emāletlet eaar kwaļo̧k, n̄e tarlep eo eļap ej waļo̧ktok, ej an wael eo bōd eļan̄n̄e ewōr wael elutōk kōnke wa ko relikab rejjab maron̄ kanne.10 Wa ko relikjab ekoba kwe im n̄a, kōn menin kijenmej im jeorļo̧k bōd.
Men eo āliktata n̄an kile: n̄e pere ak eppen ej itok, jab mijak n̄an kajjitōk jipan̄. Eļan̄n̄e jipan̄ āinwōt eo ettā im m̧ool āinwōt an baba in kar kōm̧m̧ane, jemaron̄ bōke. Naan eo ilo eoon in āinwōt m̧ool in ikdelel āinwōt “m̧wilaļ in būruō,” “jibadbad” kōn bōro em̧ool, ejjeļo̧k etao im ejjeļo̧k m̧oņ im̧aan Anij.”11 Ij kam̧ool ilo uwaak bwe kain kajjitōk rot in Anij aolep iien ej jilikinļo̧k jipan̄ jān turājet ko ruo in lōn̄ōr eo n̄an kōkajoorļo̧k tōmak eo ad.
Iaar ba iaar kōnono n̄an kom̧ jodikdik ro. Ij wōt. Juon ļaddik 14 iiō rūttoon eaar jiron̄ tok eō bwe eaar jidik pere, “Brother Holland, imaron̄ ke ba bwe ijeļā bwe Kabun̄ in ej m̧ool, ak ij tōmak bwe ej.” Iaar lukkuun keeņ im bakwij ļaddik in. Iaar jiron̄ ļo̧k e ilo m̧ōņōņō jen jetōb eo aō bwe tōmak ej juon naan eaboojoj, juon m̧akūtkūt eļapļo̧k an aiboojoj, innām ej jab aikuj in joļo̧k an bōd kake. Iaar jiron̄ ļo̧k bwe Kraist Make eaar ba, “Kwōn jab lōļn̄on̄, kwōn tōmak wōt.”12 juon naan eaar jipan̄ Gordon B. Hinckley ilo mijen eo an.13 Iaar jiron̄ ļo̧k ļaddik in bwe tōmak eaar aolep iien juon bun̄tōn nee m̧aanļo̧k n̄an tōmak em̧ool im bwebwenato in kōn tōmak ej kōmeļeļeik tōmak eo kōj aolep rej kwaļo̧k e eo ej jino kōn naan in “Kōmij tōmak.”14 Im iaar jiron̄ļo̧k ewi jon̄ok aō utiej bōro kake e kōn an m̧ool in kate n̄an jeļā bwe Kabun̄ in em̧ool.
Kiiō ālkin aō kar mour im ekkatak ium̧win 60 iiō ko jen tōre eo iaar juon ļaddik 14 iiō rūttoon eo eaar tōmak wōt, iaar kwaļo̧k jet men ko ijeļā kiiō. Ijeļā bwe Anij ej pād aolep iien im ilo aolep iaļ ko im aolep jekjek ko Jemed ilo Lan̄ eo eakwe. Ijeļā Jisōs eaar e wōt Nejin ewāppen, mour eo An kar m̧ōņōņō in leļo̧k jen ankilan jim̧or Jemed im Nejin kōn pinmuur eo An, kōj aolep ro rej jab wāppen. Ijeļā E bwe eaar jān ro remej n̄an mour bar juon alen, kōnke Eaar kōm̧m̧ane, kwe im n̄an naaj barāinwōt. Ijeļā bwe Joseph Smith, eo ejeļā bwe eaar jab wāppen,15 mekarta ekar kein jerbal kālete ilo pein Anij n̄an kōjepļaaktok ko̧jpeļ eo ejjeļo̧k jem̧ļo̧kin ioon laļ in. Im iaar barāinwōt jeļā bwe ilo kōm̧m̧an wāween in—eļaptata jen ukōt Bok in Mormon eo—E eaar katakin eō eļapļo̧k kōn an Anij iakwe, kwojarjar eo an Kraist, m̧ool eo ejjeļo̧k jem̧ļo̧kin, kajoor an priesthood jen rikanaan ro jet ro iaar riiti, jeļā kar ron̄, ilo tōre en mour in n̄an pukōti. Ijeļā bwe Būreejtōn Thomas S. Monson, eo ewujlepļo̧k im m̧ōņōņō āinwōt kein 50 ānibōrjōre in ekkapit eo an āinwōt juon Rijilōk, ej jim̧we an eo ej ļoor mālim an rikanaan rainin. Ijeļā bwe 14 em̧m̧aan ro jet ro rej rejtak āinwōt rikanaan ro, rilolo, im rikkwaļo̧k revelesōn ro rej rejtak e ilo peir, buruweer, im kii ko make an rijilōk.
Men kein ij kwaļo̧k n̄an kom̧ ippān kam̧ool eo an Piter ņae etan “ipped naan in rūkaanij e penļo̧k.”16 Ta eo eaar juon iien juon ine jidikdik in tōmak n̄an n̄a emōj an eddōkļo̧k n̄an juon wōjke in mour, kōn menin eļan̄n̄e tōmak eo am ej idajon̄jon̄ jidik ilo an iien ak ilo jabdewōt iien ilo am mour, ij karuwaineneik kom̧ n̄an pedped wōt ioon tōmak eo. Ijeļā jerbal in ej an Anij em̧ool. Enaaj wōt kauwōtataļo̧k n̄an kōj n̄e jej kōtļo̧k ad pere ak men ko renana n̄an kōm̧m̧an bwe jen jab mour ekkar n̄an pedped ko an im katak ko. Wōnm̧aanļo̧k im kōjatdikdik. Etal m̧aanļo̧k wōt. M̧ool kile kajjitōk im nūrbōktak ko am ak m̧oktata tile tōmak eo edik eo ippam kōnke men otemjej rej pidodo n̄an ro rej tōmak. Ilo etan Jisōs Kraist, amen.