Jemen im Nejin

Jen Elder Christoffel Golden

Jen Jiljilimjuonn̄oul

Ilo m̧wilal in ko̧jpeļ eo an Jisōs Kraist im kajoor eo an n̄an lo̧mo̧o̧r ej juon meļeļe eo ejim̧we an Jemān im Nejin.

Ro jeiū im jatū, ilukkuun m̧ōņōņō n̄an kōnono n̄an kom̧ ālkin rālep in rainin ilo karōk in eim̧we an kweilo̧k eo eļap!

Ij kōnono ennaan eo me n̄an ļōmņak e aō elukkuun ekwojarjar, ikōņaan m̧o̧kta kūle kōn kam̧m̧oolol wujlepļo̧k eo an elōn̄ Rikūrijiin ro kōn bwebwenato ekoba ro jibū im jim̧maō jen Protestant im Irish Catholic. Kōn wōt aer tōmak im kabun̄jar n̄an Anij, elōn̄ iaad raar wujlepļo̧k kōn jerbal im men ko m̧weier, im barāinwōt mour ko aer ilo jojomar e aer Anij im aer tōmak.¹

Ilo jerbal ko ad āinwōt Armej ro Rekwojarjar ilo Raan-ko Āliktata im āinwōt Rikūrijiin ro, jej jim̧or bōk juon tōmak ekajoor im m̧wilaļ ilo Anij Jemed Indeeo im Nejin, Jisōs Kraist. Wujlepļo̧k n̄an Anij ej juon men ekwojarjar ikōtaad wōj kajjojo im ad Rikōm̧anm̧an.

Ad pukōt n̄an mour indeeo ej baj juon kappukōt wōt n̄an meļeļe wōn Anij im n̄an kōj n̄an jepļaak n̄an mour Ippān. Rilo̧mo̧o̧r ej jar n̄an Jemān, “Im men in mour indeeo, bwe ren jeļā Kwe juon wōt Anij em̧ool, im Jisōs Kraist, eo Kwaar jilkintok.”²

Aaet ilo meram eo an kōmlet in jen ad Rilo̧mo̧o̧r Make, ekkatak in ebun̄bun̄ kōn piktokin Jemen im Nejin jen elōn̄ epepen ko im ilubwilijin armej ejjab jokkin wōt juon ippān ekkatak ko an jeje ko rekwojarjar.

Jej ilo kauteij leļo̧k pedped in katak eo ioļapļap in ko̧jpeļ eo an Jisōs Kraist im an kajoor n̄an lo̧mo̧o̧r ej juon meļeļe ejim̧we kōn Jemen im Nejin.³

Aorōk eo an pedped in katak in ko̧jpeļ eo an Jisōs Kraist bwe ej kapen e kōn Visōn eo Kein Kajuon an Rikanaan Joseph Smith ilo 1820: Iaar lo ruo armej ro, eo meram eo aer im aibojooj eo aer Iar pen kōmeļeļeik, jutak ilōn̄ in bōra ilo mejtatoto. Juōn iaaer kar kōnono tok n̄an eō, kūr eō kōn etan im ba, jitōn̄ļo̧k eo juōn―En̄in Nejū Jitenbōro. Ron̄jake E!”⁴

En̄jake in jen ļaddik eo Joseph Smith, ālkin elōn̄ bar visōn im revelesōn ko jet, kwaļo̧k bwe Anij ej lukkuun mour, Jemen im Nejin, Jisōs Kraist, rej ruo armej rejenolo̧k; armej kar kōm̧m̧an jen nememein Anij, Jemedwōj Ilan̄ ej lukkuun Jemen Jisōs Kraist, Anij ej wōnm̧aanļo̧k n̄an kwaļo̧k Emake n̄an armej; Anij iien otemjej ej pād epaake im eitoklimoin ilo kōj; im Ej uwaake jar ko ad.

Men̄e waļoktok ko reinwōt juon an Jemen im Nejin ilo jeje ko rekwojarjar relukkuun jeja, m̧ool eo em̧m̧an kōn Visōn eo Kein Kajuon ej bwe ej errā ļo̧k wōt ippān rekoot ko jet ilo jeje ko rekwojarjar.

Ilo Kallim̧ur M̧okta, n̄an waanjon̄ak, jej riit kōn naan in kam̧ool ko an Stephen āliktata ilo mej eo an. Eaar ba “Lo, ij lo lan̄ epeļļok, im Nejin armej ej jutak ianmooņōn Anij.”⁵

Tōre eo ilo visōn eo ekajoor ilo aelōn̄ in Patmos, Rijilōk Jon ar lo“Irooj Anij Ri Ekajoor otem Kajoor”⁶ bārāinwōt Lamb eo an Anij, eo ar “wiaik n̄an Anij kōn Bōtōktōkom̧.”⁷

Ilo Bok in Mormon, katak eo an Jemen im Nejin rej jutak ilo kajoor in naan in kam̧ool turājet in Baibōl eo Ekwojarjar. Bok in Mormon ej rekoote loļo̧k eo an Rilo̧mo̧o̧r n̄an RiNipai ro, eo ainikien Jemen, ilo im̧aan mejān 2,500 RiNipai ro, ej kwaļo̧k kadkad in Kraist eo eaar jerkakpej: “Lo in Nejū Jitenbōro, eo ilo E, Ebun̄buruō, ilo E Iaar kaiboojoj Eta―kom̧in ron̄jake E.”⁸

Ilo Emen Ko̧jpeļ ko, Kraist Make ar kōnono kōn Jemen ilo Lan̄ 160 kōttan, tōre eo Eaar katakin ilubwiljin RiNipai ro ium̧win jilu raan ko rekkadu, āinwōt rekoote ilo Bok in Mormon, Eaar kwaļo̧k Jemen 122 kōttan.

N̄an waanjon̄ak, ilo Matu, Jisōs ar ba, “Jab otemjej rej ba n̄an Eō, Irooj, Irooj, renaaj deļo̧n̄tok ilo aelōn̄ ilo lan̄, a eo ej kōm̧anm̧an ankilaan Jema ej pād ilan̄.”⁹

Ilo Jon, Eaar kam̧ool, “Nejin ejab make maron̄ kōm̧anm̧an jabdewōt, a men eo Ej lo Jemān kōm̧mane.”¹⁰

Im ilo Luk, Eaar kwaļo̧k, “Jema Ij, lewōj Aō ilo peim̧.”¹¹

Aolep iien ad Irooj ej kōnono n̄an Jemedwōj Ilan̄, Ej kōm̧m̧an ainikien kōn eļap kauteij im ettā.

Ilo ba menin, Ij kōtmene bwe ejjeļo̧k enaaj tarpok. Jisōs Kraist ej Jeova eļap, Anij an Israel, Messaia kar kallim̧ur kake, im kōn wōt Pinmuur eo An eļap, E ej ad Rilo̧mo̧o̧r im Ripinmuur an laļ. Kōn E Rjilōk Paul ar kwaļo̧k, “Innām jem̧ļo̧ko̧n, n̄e Ej ļeļo̧k n̄an Anij, aet, Jemān, n̄e enaaj em̧ōj An kaļotļo̧k kajoor otemjej an Irooj raņ kab kitier im aer maron̄ otemjej.”¹²

Bon̄on eo M̧okta jen Pinmuur eo an Rilo̧mo̧o̧r eo, Eaar kōm̧m̧ane jar eo An kōn ro jet n̄an Jemān. Eaar jar:

“Ak Ij jar kōn reinwōt ilo naan ko jet, a barāinwōt kōn ro renaaj lōke Eō kōn aer in naan;

“Bwe er otemjej ren juon; āinwōt Kwe, Jema ilo N̄a, im N̄a ilo Kwe, bwe er barainwōt renjuonilo Kōj: bwe laļ en tōmak bwe Kwaar jilkintok Eō.

“Im aiboojoj eo Kwaar letok n̄an Eō, Iar leļo̧k n̄an er, bwe ren juon, āinwōt Kōj juon.”¹³

Jemen im Nejin reoktak, ak Rej juon wōt im juon ilo kajoor im kōttōpar. Aer ippān doon ar jab kōm̧m̧an n̄an er Make, Rekōņaan ejja ippān doon in wōt ippān n̄an aolep ro renaaj, kōn wujlepļo̧k, ļoor im pokake kien ko Aer.

Ekōjkan an ro rej kijorjor in pukōt Anij maron̄ jineet ippān Jemen im Nejin? Ad Rilo̧mo̧o̧r ar kallim̧ur, “A RiKaaenōm̧m̧an, E Jetōb Kwōjarjar, … Enaaj katakin kom̧ men otemjej.”¹⁴

Ilo Bok in Mormon, Nipai ke eaar kōnono kōn katak an Kraist, kar kwaļo̧k bwe Jetōb Kwojarjar “Ej kam̧ool kōn Jemān im Nejin.”¹⁵

Elukkuun m̧ool bwe kajoor ak kareel eo an Jetōb Kwojarjar maron̄ en̄jake, ekkar n̄an ankilaan Irooj, jen jabdewōt armej kōn tōmak eo an armej eo. Ak jon̄an eo epooļ, ak menin letok, an Jetōb Kwojarjar ej itok ālkin an juon armej bōke “kōn bōro eo erup im jetōb ettā”¹⁶ kain̄i ko an peptaij im bōk menin letok an Jetōb Kwojarjar kōn likūt pā ko ioon bar.¹⁷ Men kein im kain̄i ko jet rekwojarjar maron̄ kōm̧m̧ani ium̧win wōt tōl im kajoor eo an priesthood an Anij. Ilo menin eo jej katak kake.

Im priesthood in eļapļo̧k ej kwaļo̧k kōn ko̧jpel eo im kabwijer kii in jerbal ko an aelōn̄ in kiin̄, aaet kii in jeļāļo̧kjeņ an Anij.

Kōn menin, ilo kain̄i ko im ko jet, kajoor eo an men ko kōn Anij ej waļo̧k.¹⁸

Loe ilo meram eo em̧ool ilo e, katak eo an Jemen im Nejin ej katak eo an baam̧ļe indeeo. Aolep armej rekar mour m̧okta āinwōt juon jetōb ajri ippān ro jinen im jemen lan̄¹⁹ippāņ Kraist āinwōt M̧anjien Jemen ilo baam̧le in ilan̄.²⁰

Kōn menin epād ippād aolep. Jej ajri ro nejin Jemedwōj Ilan̄.

Būreejtōn Ezra Taft Benson kōn kanaan ar ba, “Ejjeļo̧k men enaaj kailpōk kōj eļapļo̧k n̄e jej eļļā ļo̧k jen ren̄ōl in nuknuk eo n̄an turājet eo juon innām kūle ekōjkan an em̧m̧an ad jeļā [Jemedwōj Ilan̄] im ekōjkan ad maron̄ kile mejān.”²¹

Em̧ōj Aō katak bwe ejjab em̧m̧an n̄an leto letak ilo kajin an armej men kein ko kar jeļā kaki wōt kōn Jetōb Kwojarjar im kajoor an Anij. Ej ilo jetōb in me Ij kwaļo̧k aō naan in kam̧ool kōn dipio in, epaakin, im em̧m̧an an Jemedwōj Ilan̄ im Nejin Ekwojarjar, Jisōs Kraist. Ilo etan Jisōs Kraist, amen.

Kakeememej ko

1. Lale Kenneth Scott Latourette, A History of Christianity: Beginnings to 1500, Volume 1, rev. ed. (1975) and A History of Christianity: Volume 2: Reformation to the Present (1975); see also Diarmaid MacCulloch, The Reformation (2003).

2. Jon 17:3.

3. Lale Lectures on Faith(1985), 38–44.

4. Joseph Smith—History 1:17.

5. Jerbal 7:56.

6. Revelesōn 4:8.

7. Revelesōn 5:9.

8. 3 Nipai 11:7.

9. Matu 7:21; meļeļe eo kobaiki.

10. Jon 5:19; meļeļe eo kobaiki.

11. Luk 23:46; meļeļe eo kobaiki.

12. 1 Korint 15:24. N̄an meļeļe eo eļapļo̧k kōn Rilo̧mo̧o̧r im mijen eo An, bar lale “The Living Christ: The Testimony of the Apostles,” Ensign ak Liahona, Apr. 2000, 2–3.

13. Jon 17:20–22; meļeļe eo kobaiki.

14. Jon 14:26.

15. 2 Nipai 31:18.

16. 3 Nipai 9:20; Moronai 6:2.

17. Lale Jon 3:5; ; 3 Nipai 11:31–38.

18. Doctrine and Covenants 84:19–20.

19. Lale “The Family: A Proclamation to the World,” Ensign ak Liahona, Nob. 2010, 129.

20. Lale Kolosse 1:15; Doctrine and Covenants 93:21.

21. Ezra Taft Benson, “Jesus Christ—Gifts and Expectations,” in Speeches of the Year, 1974 (1975), 313; lale barāinwōt “Jesus Christ—Gifts and Expectations,” Ensign, Dec. 1988, 6; Tambuli, May 1977.