Bōk Kuņaam̧ ilo Itok Limo eo

Jen Elder Russell M. Nelson

Jen Doulul eo an Jon̄oulruo Rijilōk ro

Ij kam̧oolol Anij im Nejin, Jisōs Kraist, kōn Jepļaaktok eo im kajoor eo n̄an ejaake juon ļapļo̧k eaiboojoj ilo m̧ool eo im jim̧we eo aolepān laļ in.

Ro jeiū im jatū jitōn bōro, ij kobaik ainikiō ippān Būreejtōn Thomas S. Monson im ro jet ilo nōbar ro me raar uwaake kūr eo an rikanaan eo kōn kajjitōk eo n̄an kōļapļo̧k oran mijenede ro rerreo. Kiiō juon laudin̄din̄ eļap n̄an jerbal in mijenede ej ererakrak ilo aolepān laļ in. Jān kar kōjeļļā eo epād ilo bwebwenato an Būreejtōn Monson Oktoba eo ļo̧k, taujin elder ro im sister ro, im ripālele ro em̧ōj kar kūr, im elōn̄ļo̧k rej m̧aanjap popo.¹ Kiiō kōm̧j bōk kajjitōk ko āinwōt, “Ta eo jenaaj kōm̧m̧ane n̄an aolep mijenede rein?” Uwaak eo epidodo. Renaj kōm̧m̧ane ta eo mijenede ro raar iien otemjej kōm̧m̧ane. Renaaj kwaļo̧k ko̧jpeļ eo! Renaaj kōjeram̧m̧an ajri ro nejin Anij Kajoor Pōtata!

Elōn̄ iaami likao im jiron̄ ro renaaj bōk kuņaami ilo laudin̄din̄ in ilo ami kajieon̄ erom erreo an mijen kūr ko. Kom̧ij lo menin āinwōt juon ajeded in m̧ool im jim̧we. Kom̧ij lo iien eo emm̧an n̄an kajeded.

Kom̧ jodikdik ro, kanooj bōk im ļoor laajrak in kein katak in eo ami ekāāl im katakin doon katak eo an Jisōs Kraist. Kiiō ej ami iien n̄an m̧aanjappopo n̄an katakin ro jet kōn em̧m̧an eo an Anij.

Likao im jrion̄ ro, jikin ami jikuuļ ej iien otemjeļo̧k aorōk—n̄an kōm, n̄an kom̧, im n̄an Anij. N̄e emaron̄, eļan̄n̄e kom̧ij kōņaaan etal n̄an juon college ak universityālkinmijen eo ami, kōmij kōketak kom̧ n̄an kanne ami peba in jikuuļ n̄an jikuul eo kom̧ij kālet m̧okta jan jino mijen eo ami. Elōn̄ jikin jikuuļ n̄an bōk eļāpļo̧k jeļāļo̧kjeņ enaaj kōtļo̧k karum̧wijļo̧k 18 n̄an 30 raan ko ālkin bōke n̄an jikuuļ eo. Menin enaaj kōtļo̧k bwe kom̧ elder ro im sister ro n̄an jerbal ilo ejjeļo̧k inepata kōn ia eo kom̧ naaj jino kōļapļo̧k jeļāļo̧kjeņ eo amil. Eļap am kanooj kam̧oolol n̄an ritōl ro an jikin jeļāļo̧kjeņ ko me raar kōm̧m̧ane kain karōk in epidodo!

Ro jememi im jinemi, rūkaki ro, im ro jet, rej bōk kuņaer ilo itok limo eo ilo ami kōpooj diktak in epepen eo ad n̄an erreo n̄an jerbal in mijenede. Ilo tōre in, ami waanjon̄ak em̧m̧an enaaj kan̄ōltok itok limo eo an ro m̧ōttami im rūturūmi. Pojak n̄an leļo̧k juon uwaak n̄an ro me rej kajjitōk etke kom̧j mour āinwōt ami mour. Pojak n̄an leļo̧k juon uwaak eo kōn kōjatdikdik im lan̄lōn̄ me rej lo ilo kom̧.² N̄e kain kajjitōk rōt kein rej itok, kom̧in maron̄ uwaak im ba, “Jen kajjitōk ippān mijenede ro! Remaron̄ jipan̄ kōj! Im eļan̄n̄e kom̧j ikdelel, inaaj pād iturejetimi ilo an mijenede ro uwaak im katakin kom̧.”

Kom̧ rūtto ro, bōk kuņaam ilo itok limo eo kōn jipan̄ ilo kōppopo ilo jetōb, ānbwin, im jāān n̄an mijenede ilju im jekļaj. Ej erom iminene kake n̄an kom̧ n̄an kōjparok jāān. Kom̧ ripālele ro rōrūtto, kom̧ij ļōmņak n̄an raan eo n̄e kom̧ maron̄ etal n̄an mijen ko ami. Enaaj kanooj ļap am kam̧oolol kōn jerbal in jipan̄ eo ami. Iien eo, bōlen jet iaami maron̄ jilkinļo̧k taļa ko ami n̄an mijen ko kōn leļo̧k n̄an General Missionary Fund eo, āinwōt kar kwaļo̧k jān Būreejtōn Monson bar juon alen kiiō jibbon̄. ³

Kōļapļo̧k nōm̧ba ko an kālet em̧m̧aan ro im kōrā ro pāleer jitōn bōro n̄an bōk kuņaer ilo itok limo eo ilo aer kūr n̄an tōl mijen ko an Kabun̄ in. Ilo jerbal jab in, renaaj kareel jem̧ļo̧k eo an epepen ko rej mour im ro rejjan̄n ļotak. Mijen būreejtōn ro rej kabwijer kii ko an eddo ko n̄an jeram̧m̧an, ineem̧m̧an, im wejepedik eo an mijenede ro aer. Ālkin ekōnono ippān stake im district būreejtōn ro ilo mijen eo an, kajjojo mijen būreejtōn ej jitōn̄ mijenede ro n̄an jerbal ilo stake ko, ward ko, im branch ko.

Stake būreejtōn ro im bisop ro rej bōk kuņaer ilo itok limo ilo aer joļo̧k elōn̄ļo̧k im lōn̄ļo̧k awa ko intōrpiuik ro repojak in mijenede. Ritōl rein an priesthood rej kabwijer kii ko an eddo an jerbal in mijenede ilo iunit ko aer im rej im̧we membōr ro n̄an bōk kuņaer.

Ro jeiū im jatū ilo kajjojo ward ko̧o̧ņjeļ ko rej jino bōk kuņaer ilo itok limo eo. Ilo ko̧o̧njeļ eo ej ritōl eo an mijen ilo ward eo. ⁴ Ikōņaan kōnono eļaptata n̄an kom̧ kajjojo ritōl ro an mijen ilo ward ko ami. Em̧ōj kūr kom̧ jān bisop eo ami n̄an tōl jerbal in mijenede ilo ward eo. Im jet iaami rej kanooj wejepedik jon̄an juon rijippan̄ kar barāinwōt kūr n̄an jipan̄ kom̧. Ippān ro jet ilo ward ko̧o̧njeļ eo, kom̧ij kile membōr ro rejeniknik, baam̧le ko juon wōt ej membōr, im ro rituriid rej itok limo. Kwoj kweilo̧k aolep iien ippān mijenede ro rej jerbal aolep raan kar jitōn̄ er. Kwoj rejan̄ im jipan̄ mijenede ro. Jouj im jipan̄ er n̄an kobrak iien ko aer kōn iien ko rem̧m̧an an katakin kōn raorōk. En̄in ej eddo eo am̧. Jerbal eo am̧ eaorōk, em̧ool aorōk n̄an wejepedik eo an jerbal in. Eļan̄n̄e kwoj bōk kuņaam ilo itok limo eo kōn tōmak im itok limo, ro jet renaaj barāinwōt. Kom̧, āinwōt ritōl an mijen ilo ward eo rej ekkeijel eo ikōtaan membōr ro im mijenede ro ilo jerbal in ekwojarjar an lo̧mo̧o̧r an ajri ro nejin Anij.⁵

Ro m̧ōttad im rūturiid me rejjab membōr in tōmak in ad remaron̄ barāinwōt bōk kuņaer ilo itok limo eo. Jej kōketak er n̄an dāpij aolep men ko rem̧m̧an im m̧ool ilo mour ko aer. Im jej karuwaineneik er n̄an bōk eļapļo̧k, eļaptata m̧ool eo eaiboojoj me kōn karōl indeeo an Anij, baam̧le ko remaron̄ ippān doon n̄an indeeo. ⁶

Itok limo in im jim̧we eo ekabwilōn̄lōn̄! Ejjab kōm̧m̧an in armej! Ej itok jān Irooj, eo eaar ba bwe Enaaj kōm̧ōkaj jerbal eo aō ilo iien eo an. ⁷ Itok limo in ej kajoor jān juon kōjeļļā ekwojarjar kar kōm̧m̧ane ilo 193 iiō remootļo̧k. Eaar an Anij kwaļo̧k kadkad in Nejin Ejitōnbōro Emake Wōt im kōmeļeļeik Joseph Smith n̄an ron̄jake E.⁸ Kar kōnono jān Anij Kajoor Pōtata, kōjeļļā in kar kwaļo̧k kadkad in Joseph Smith eo edik n̄an Irooj Jisōs Kraist. Naan ko jiljilimjuon kar jino Jepļaaktok eo an ko̧jpeļ eo. Etke? Kōnke ad Anij emour ej juon Anij in iakwe! Ekōņaan bwe ajri ro Nejin ren jeļā E im Jisōs Kraist, eo Eaar jilkintok! ⁹ Im Ekōņaan bwe ajri ro Nejin rej bōk mour jab wabanban im mour indeeo!¹⁰

Kōn un in eaiboojoj, mijenede ro ad rej katakin kōn Jepļaaktok eo. Rejeļā bwe jet 2,000 iiō ko remootļo̧k, Irooj eaar kajutak Kabun̄ eo an. Ālkin Debāāl eo An im mej eo an Rijilōk ro An, em̧m̧aan ro raar ukōt Kabun̄ eo an im katak ko. Innām, ālkin epepen ko an maroklep eo ilo jetōb, im āinwōt kar kōnono jān rikanaan ro m̧oktaļo̧k,¹¹ Jemedwōj Ilan̄ im Jisōs Kraist kar kōjepļaaktok Kabun̄ in, katak eo an, im mālim an priesthood eo an. Kōn Jepļaaktok eo, jeļāļo̧kjeņ im kain̄i ko remenin aikuj n̄an lo̧mo̧o̧r im mour āinwōt Anij rej bar pād n̄an aolep armej. ¹² Āliktata, bwe mour āinwōt Anij ej kōm̧m̧an bwe kajjojo iaad en jokwe ippān baam̧le ko ad ilo im̧aan mejān Anij im Jisōs Kraist n̄an indeeo!

Ijjab maron̄ kōnono kōn Jepļaaktok eo ilo aō jab kōnono kōn itok limo. M̧ool in an bwebwenato eo ekanooj in kabwilōn̄lōn̄! Ejej uwaan! Ekaitoktok limo! Ewi jon̄an an kabwilōn̄lōn̄ bwe rikwoj meļan in lan̄ ro raar itok n̄an letok mālim eo im kajoor eo n̄an jerbal in?

Jemedwōj Ilan̄ Indeeo im Jisōs Kraist kar waļo̧k elōn̄ alen n̄an Rikanaan Joseph Smith. ¹³ Ium̧win tōl eo Aer, rikwoj meļan ro jet an lan̄ raar itok, kajjojo kōn un ko rejeno̧lo̧k. N̄an waanjon̄ak:

• Enjeļ Moronai kar kwaļo̧k Bok in Mormon.¹⁴

• Jon Ripaptaij eaar kōjepļaaktok Priesthood eo an Aaron.¹⁵

• Piter, Jemes, im Jon kar kōjepļaaktok Priesthood eo an Melkisedek.¹⁶

• Moses eaar letok kii ko n̄an koba tok eo an Israel.¹⁷

• Elias eaar leļo̧k kiiō ko an jeļāļo̧kjeņ eo kōn Ebream.¹⁸

• Elijah eaar kōjepļaaktok kii ko an mālim in liāp.¹⁹

Ilo kakobaba, Jepļaaktok eo eaar kobaik tok jeļāļo̧kjeņ eo me ro Rekwojarjar eaar wōr aer. Irooj eaar letok juon bok in jeje ko rekwojarjar ekāāl. N̄an Baibōļ eo Ekwojarjar Eaar kobaik tok Bok in Mormon: Bar Juon Kallim̧ur kōn Jisōs Kraist. Ej juon ļo̧o̧k in kanaan ko im jerbal in kwaļo̧k eo an jerkakpeje Irooj n̄an armej in America ro etto. Ej kōmeļeļeik karōk in m̧ōņōņō eo eļap an Anij²⁰—karōk in lo̧mo̧o̧r.²¹0 Bok in Mormon eo ej lukkuun in jokkun wōt juon ippān Baibōļ eo. Ļo̧o̧k ko rekwojarjar jim̧or rej kapen m̧ool eo an ko̧jpeļ eo an Jisōs Kraist im aorōk eo an Pinmuur eo An.²²

Jepļaaktok eo ej kakūrm̧ool elōn̄ kanaan ko an baibōļ. N̄an waanjon̄ak, Aiseia eaar kanaan bwe m̧weo im̧ōn Irooj enaaj jutak ilo jabōn toļ ko.²³ Diwōjļo̧k eo an Mormon pioneer ro n̄an toļ ko iturilik in America ej juon iien eļap en̄taan im tōmak me ej kakūrm̧ool kanaan eo. Aiseia eaar barāinwōt kanaan bwe Anij enaaj kōm̧m̧ane juon “jerbal im men in bwilōn̄.” .”²⁴ Kiiō em̧ōj an kūrm̧ool kōn jerbal eo ekwojarjar an eddōkļo̧k eo an mijenede ro ad.

Katak ko an Kallim̧ur M̧okta kōn juon m̧ōttan jon̄oul emōj an jepļaaktok.²⁵ Āinwōt juon tōprak, elōn̄ļo̧k rikōļļā juon m̧ōttan jon̄oul ro rej jeram̧m̧an kōn pokake eo aer. Kōnono ko kōn Melkesidek rej kalikkar jān jeje ko rekwojarjar an Jepļaaktok eo.²⁶ Kanaan ko bwe aļaļ in Joseph (Bok in Mormon) im aļaļ in Judah (Baibōļ eo) naaj erom juon wōt ilo pein Anij em̧ōj kiiō an kūrm̧ool.²⁷

Jepļaaktok eo ej barāinwōt kalikkar eoon ko an Kallim̧ur Ekāāl. Ej kōnono kōn peptaij kōn ro remej ej kiiō ļapļo̧k an meļeļe.²⁸ Kain̄i ko n̄an rūtto ro ad remej rej kiiō kōm̧m̧ani ilo tampeļ ko 141 aolepān laļ in! Ejjeļo̧k bar juon iaļ n̄an leļo̧k lo̧mo̧o̧r n̄an rūtto ro ad me raar mej ilo an ejjeļo̧k aer jeļā kōn ko̧jpeļ eo²⁹ Visiōn eo an Jon Revelesōn kōn “bar juon enjeļ ej [kelo̧k] i mejatoto, im ippān gospel ej indeeo, bwe en kwaļo̧k e n̄an ro rej jokwe ioon laļ,” kar jiron̄ kōn mijen eo an enjeļ Moronai im Bok in Mormon.³⁰

Jepļaaktok eo ej barāinwōt kalikkar eoon ko an Kallim̧ur Ekāāl. Ej kōnono kōn peptaij kōn ro remej ej kiiō ļapļo̧k an meļeļe. ³¹ Kain̄i ko n̄an rūtto ro ad remej rej kiiō kōm̧m̧ani ilo tampeļ ko 141 aolepān laļ in! Ejjeļo̧k bar juon iaļ n̄an leļo̧k lo̧mo̧o̧r n̄an rūtto ro ad me raar mej ilo an ejjeļo̧k aer jeļā kōn ko̧jpeļ eo!28 Visiōn eo an Jon Revelesōn kōn “bar juon enjeļ ej [kelo̧k] i mejatoto, im ippān gospel ej indeeo, bwe en kwaļo̧k e n̄an ro rej jokwe ioon laļ,” kar jiron̄ kōn mijen eo an enjeļ Moronai im Bok in Mormon.³²

Ippān doon, membōr ro im mijenede ro rej kūr aolep n̄an katak kōn Anij, kōn Jisōs Kraist, im ko̧jpeļ eo An. Rein kajjojo reitok limo rej aikuj pukōt ilo m̧ool im kije ilo jar kōn kallim̧ur eo me men kein rej m̧ool. M̧ool eo naaj kwaļo̧k kōn kajoor eo an Jetōb Kwojarjar. .³³

Ij kam̧oolol Anij im Nejin, Jisōs Kraist, kōn Jepļaaktok eo im kajoor eo n̄an ejaake juon ļapļo̧k eaiboojoj ilo m̧ool eo im jim̧we eo aolepān laļin. Kōm̧m̧an bwe jān bōk kuņaad ilo itok limo in im kakūrm̧ool ijjitōn̄ eo an Irooj n̄an bōk ko̧jpeļ n̄an “aoelp kain armej, bweij, kajin, im aelōn̄,” ³⁴ ij jar ilo etan Jisōs Kraist, amen.

Kakeememej ko

1. Lale Thomas S. Monson, “Riwainene n̄an Kweilo̧k in,” Ensign ak Kweilo̧k Eo Eļap, Nob. 2012, 4–5.

2. Lale 1 Piter 3:15.

3. Lale Thomas S. Monson, “It’s Conference Once Again,” Ensign ak Liahona, Māe 2011, 6.

4. Lale Bok in Bōk Meļeļe 2: Tōl Kabun̄ eo (2010), 5.1.

5. Jej kam̧oolol kōn ro Rekwojarjar me rej m̧ool in kajieon̄ wujlepļo̧k. Rej kajieon̄ in ekwojarjarļo̧k. Rej pujōt “m̧okta n̄an kalōk aelōn̄ in Anij, im n̄an kajutak jim̧we eo an” (Joseph Smith Translation, Matthew 6:38 [in Matthew 6:33, footnote a]).

6. Lale “Families Can Be Together Forever,” Hymns, no. 300; lōn̄ļo̧k in kōmeļeļe ej pād ilo Doctrine and Covenants 132:7, 19.

7. Lale Doctrine and Covenants 88:73.

8. Joseph Smith—History 1:17.

9. Lale Jon 17:3.

10. Lale Moses 1:39.

11. Lale Matu 17:11; Jerbal 3:20–21; Epesōs 1:10; 2 Nipai 30:8; Doctrine and Covenants 132:40, 45.

12. Lale 3 Nipai 27:13–14, 21; Doctrine and Covenants 39:6; Laajrak in Tōmak ko 1:4.

13. Lale Karl R. Anderson, The Savior in Kirtland (2012), 228–43.

14. Lale Doctrine and Covenants 27:5; bar lale Joseph Smith—History 1:33–34.

15. Lale Doctrine and Covenants 13.

16. Lale Doctrine and Covenants 20:2–3; 27:12; 128:20; bar lale Larry C. Porter, “Dating the Restoration of the Melchizedek Priesthood,” Ensign, Juun 1979, 4–10.

17. Lale Doctrine and Covenants 110:11.

18. Lale Doctrine and Covenants 110:12.

19. Lale Doctrine and Covenants 110:13–16.

20. Lale Alma 42, eļaptata eoon 8.

21. Lale, n̄an waanjon̄ak, Alma 12:28–30.

22. Lale, n̄an waanjon̄ak, 1 Korint 15:22; Alma 34:9.

23. Lale Aiseia 2:2.

24. Aiseia 29:14.

25. Lale Jenesis 14:18–20; Malachi 3:8–10; Doctrine and Covenants 119–20.

26. Lale Jenesis 14:18; Sam Ko 110:4; bar lale Alma 13:14–18; Doctrine and Covenants 84:14–22.

27. Lale Ezekiel 37:16, 19; Doctrine and Covenants 27:5.

28. Lale 1 Korin 15:29; Doctrine and Covenants 128.

29. Lale Doctrine and Covenants 137:7; 138:31–34.

30. Revelesōn 14:6; bar lale Doctrine and Covenants 133:36–39.

31. Taitōļ peij eo an Bok in Mormon, kar je jān Moronai; Doctrine and Covenants 135:3.

32. Teachings of Presidents of the Church: Joseph Smith (2007), 522.

33. Lale Moronai 10:4–5.

34. Revelesōn 14:6; bar lale 1 Nipai 19:17; Doctrine and Covenants 133:37.