Karuwainene n̄an Kweilo̧k in

Jen Būreejtōn Thomas S. Monson

Ij rōjan̄ kom̧ bwe kom̧in lukkuun im m̧ōņōņō in ron̄jake ennaan ko jenaaj ron̄jaki. Ej aō jar bwe jen maron̄ kōm̧m̧an āindein.

Ro jeiū im jatū jitōn bōro, ij m̧ōņōņō in karuwaineneik tok kom̧ n̄an 183rd Annual Kweilo̧k eo Eļap an Kabun̄ in.

Ilo allōn̄ ko jiljino jen iien eo ļo̧k jaar kweilo̧k ippān doon, eaar wōr aō iien em̧m̧an n̄an kōm̧m̧ani jet ito itak ko n̄an ioon jet iami ilo eria ko ami. Ālkin kweilo̧k eo eļap ilo Oktoba eo, iaar ito itak n̄an Germany, iaar jeram̧m̧an n̄an kweilo̧k ippān membōr ro ad ilo jejjo jikin ko ilo laļ in, barāinwōt jikin ko jet ilo Austria.

Ilo jem̧ļo̧kin Oktoba eo, iaar aje Calgary Alberta Temple ilo Canada, kōn jipan̄ eo an Elder im Sister M. Russell Ballard, Elder im Sister Craig C. Christensen, im Elder im Sister William R. Walker. Ilo Nobōm̧ba eo iaar bar aje Boise Idaho Temple eo. Barāinwōt kar itok ippa tok im kar bōk koņaer ilo aje eo ekar Elder im Sister David A. Bednar, Elder im Sister Craig C. Christensen, im Elder im Sister William R. Walker.

Kōjeram̧m̧an ko ilo manit raar ilele jim̧or ippān doon, aje kein ko raar wājepdik. Iaar jab pād ilo kōjeram̧m̧an eo ilo manit ilo Calgary, itok wōt jen kar kaļok eo kein 85 birthday an Sister Monson im iaar en̄jake ke ij aikuj in kar pād ippān. Mekarta, e im n̄a kar jeram̧m̧an n̄an alooje kōjeram̧m̧an eo ilo living ruum̧ eo am ilo tipi, innām iaar kelo̧k n̄an Calgary jibbon̄ōn̄ eo juon n̄an aje eo. Ilo Boise, elōn̄ļo̧k jen 9,000 jodikdik ro raar bōk koņaer kōm̧m̧an bwe en ejjeļo̧k ruum̧ n̄an membōr in baam̧le ko n̄an pād ilowaan im̧ōn ikkure eo ijo raar ikkure ie.

Allōn̄ eo ļo̧k Būreejtōn Dieter F. Uchtdorf kar mije jen Sister Uchtdorf, Elder im Sister Jeffrey R. Holland, im Elder im Sister Gregory A. Schwitzer, kar etal n̄an Tegucigalpa, Honduras, n̄an aje tampeļ eo ad ekāāl ijeņ. Juon kōjeram̧m̧an em̧m̧an an jodikdik eaar bōk jikin joten eo m̧okta jen aje eo.

Ewōr bar tampeļ ko jet ko emōj kōjjeļļā kaki im ko rej pād ilo jerbal in ijjino ko ilo ekkal ak ko rej pād ilo jerbal in ekkal.

Ej aō jeram̧m̧an jibbon̄ in n̄an kōjjeļāik ruo bar tampeļ ko, ko ilo allōn̄ kane im iiō kane rej itok naaj ekkal ilo jikin kein rej ellaajrak: Cedar City, Utah, im Rio de Janeiro, Brazil. Ro jeiū im jatū, ekkal an tampeļ ko rej jab dikļo̧k.

Ilo ami jeļā, ilo Oktoba kweilo̧k eo eļap iaar kōjjeļā kōn oktak ko ilo iiō ko me likao im jiron̄ remaron̄ jerbal āinwōt mijenede ro rej jerbal aolep raan, kiiō likao ro remaron̄ jerbal ilo 18 im jiron̄ ro ilo 19.

Uwaak eo jen jodikdik ro ad ekabwilōn̄lōn̄ im eim̧we. Āinwōt jen Eprōļ 4—ruo raan em̧ootļo̧k—eaar wōr ippād 65,634 mijenede ro rej jerbal aolep raan, ippān elōn̄ļo̧k jen 20,000 ro emōj aer bōk kūr ko aer ak rejjan̄in deļo̧n̄e juon jentōr in kamminene an mijenede im elōn̄ļo̧k jen 6,000 ro jet repād ilo jerbal in intōrpiu ippān bisop ro aer im stake būreejtōn ro. Eaar menin aikuj n̄an kōj bwe jen kalōk 58 mijen ko rekāāl n̄an kabwe jikin n̄an lōn̄ļo̧k in oran mijenede ro.

N̄an jipan̄ kōwōnm̧aanļo̧k jerbal in mijenede, im kōnke elōn̄ mijenede ro ad rej itok jān jekjek ko rejjab ļap ilo jāān, kōm̧ij kūr n̄an kom̧, āinwōt kom̧ ro remaron̄, n̄an jipan̄ ļo̧k General Missionary Fund eo an Kabun̄ in.

Kiiō, ro jeiū im jatū, jenaaj ron̄jake ennaan ko reim̧we rainin im ilju. Ro renaaj kōnono n̄an kōj kar pukōt ilo jar n̄an jeļā ta eo Irooj ekōņaan bwe jen ron̄jake ilo iien in.

Ij rōjan̄ kom̧ bwe kom̧in lukkuun im m̧ōņōņō in ron̄jake ennaan ko jenaaj ron̄jaki. Ej aō jar bwe jen kōm̧m̧an āndein ilo etan Jisōs Kraist, amen.