annan̄ in Kraist

Tijem̧ba 10

Elmen an Jisōs Kraist Kōm̧m̧an Bwe Karōk eo an Jemedwōj Ilan̄ en Maron̄ Tōprak?

Revelesōn 1–5

pija eo ej bōk jikin ko̧o̧njeļ ippān doon

Ko̧o̧njeļ Ippān Doon

Tōl jān eo juon uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron. Innem tōl juon iien ekōnono kōn jerbal in lo̧mo̧o̧r im mour indeep ippān Anij ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap,, 10.2, 11.2) Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ekōjkan ad en̄jake pein Irooj ilo mour ko ad?

• Kea kōn ro rej pād ilo aikuj. Ewi wāween ad rie doon ilo men ko jej dibuki?

• Karuwaineneik aolep n̄an bōk gospel eo. Ewi wāween an em̧m̧anļo̧k ad kōjerbal technology āinwōt juon kein jerbal n̄an kwaļo̧k gospel eo?

• Kobaik baam̧le ko n̄an indeeo. Ta eo jej kōm̧m̧ane n̄an jipan̄ baam̧le ko ad itok n̄an Kraist?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

pija ej bōk jikin katakin katak eo

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Ilo juon etōņak, Jon Rikwaļo̧k revelesōn eo ekar loe juon bok me ejjeḷọk en ilo lañ, ak ilo laḷ, ak iuṃwin laḷ” ewāppen n̄an kōpeļļo̧ke, im menin ekar kōm̧m̧an menin an jan̄ (lale Revelesōn 5:3–4). Bok in ej bōk jikin “jerbal ko an Anij,” ekoba pepe eo An n̄an jab wabanban im mour indeeo (lale Katak im Bujen ko 77:6; Moses 1:39). Ak ilo etōņak eo an Jon, juon Ļaam kar loe bwe ej “ekkar ñan bōk bok eo, im kapeḷḷọk sil ko an” (Revelesōn 5:9). Nuuj in aiboojoj ekar kōm̧m̧an bwe “joñoul tọujin alen joñoul tọujin im tọujin ko alen tọujin ko” enjel ro rekar al im lam̧ōj kōn lan̄lon̄ (Revelesōn 5:11 Jisōs Kraist, Ļaam an Anij, “wiaik ñan Anij [kōn] bōtōktōkōṃ” (Revelesōn 5:9) im kōm̧m̧an bwe kōjeraam̧m̧an ko an pepe eo an Jemedwōj Ilan̄ en maron̄ tōprak.

Kejōkļo̧kjeņ ta eo Rilo̧mo̧o̧r em̧ōj an kōm̧m̧ane n̄an eok. Emōj ke am̧ en̄jake āinwōt ro ilo etōņak eo an Jon im rekar “buñ im kabuñ ”? (Revelesōn 5:14). Ļōmņak elmen am̧ nej jipan̄ kōkm̧anm̧anļo̧k an membōr in kūlaaj ak doulul eo meļeļe kōn jerbal eo an Jisōs Kraist ilo karōk eo an Jemedwōj Ilan̄. Kakkobaba ilo Revelation 1–5, komaron̄ barāinwōt riiti 2 Nipai 9; “Kraist eo Emour: Naan in Kam̧ool eo an Rijilōk ro” (ChurchofJesusChrist.org); im ennaan eo an Elder Ulisses Soares “Jisōs Kraist: Rikāājmour Jetōb eo Ad” (Liaona, Māe 2021, 82–84).

Ekkatak Ippān Doon

Membōr eo an kūlaaj ak doulul eo remaron̄ m̧ōņōņō n̄an arin ro rej kōm̧m̧an pija ro rej kajjitōk n̄an kōm̧m̧ane juon pija in alwōj in visiōn eo an Jon ilo Revelesōn 5. Leļo̧k jejjo minit n̄an er n̄an etale jepta eo im kāālet paat rōt rekōņaan kōm̧m̧ane juon pija jān e. Ta eo rej en̄jake emaron̄ nej juon iien ekajoor? Elmen an nej pija in jipan̄ kalōk tōmak ilo Rilo̧mo̧o̧r? N̄an wōnm̧aanļo̧k n̄an jipan̄ kūlaaj ak doulul ekkatak kōn jerbal eo an Jisōs Kraist ilo karōk in lo̧mo̧o̧r eo an Jemedwōj Ilan̄, en̄in ej jejjo elmakot ko:

• Komaron̄ jeki naan kein ilo boot eo: Mour eo Mokta, Mour eo Kiiō, im Mour ālikin Mej. Karuwainene jodikdik ro n̄an etale eo̧o̧n ko um̧win “Kein Jipan̄ ko rej Rie” n̄an katak elmen an mijen eo an Rilo̧mo̧o̧r ilo mour eo An m̧okta, mour eo An ilo laļin, im ālikin An Jerkakpeje kōm̧m̧an bwe karōk eo an Jemen en maron̄ tōprak. Remaron̄ jeki tukaduin ta eo rekar ekkatak um̧win naan ko ilo boot eo. Leļo̧k n̄an membōr in kūlaaj ak doulul eo am̧ iien em̧m̧an n̄an kwaļo̧k en̄jake ko aer kōn ta eo Rilo̧mo̧o̧r em̧ōj an kōm̧m̧ane n̄an er.

• N̄an jipan̄ jodikdik ro ekkatak eļapļo̧k kōn ta eo Jisōs Kraist ekar kōm̧m̧ane n̄an kakūrmool karōk eo an Jemedwōj Ilan̄, jin̄aiki juon iaļ ilo boot eo ej kwaļo̧k iaļ eo in ad rool ļo̧k n̄an Jemed ilo Ilan̄. Jin̄aki apan̄ ko ilo iaļ eo ņae etāer mej ilo ānbwin im mej ilo jetōb. (N̄e aikuj, jodikdik ro remaron̄ riiti meļeļe ko um̧win “Death, Physical” and “Death, Spiritual” ilo Guide to the Scriptures [scriptures.ChurchofJesusChrist.org]). Elmen an kar Rilo̧mo̧o̧r kōm̧m̧an bwe jen maron̄ anjo̧ jān apan̄ kein? (lale 2 Nipai 9:7–10). Jodikdik remaron̄ etale ennaan eo an Elder Ulisses Soares “Jisōs Kraist: Rikāājmour Jetōb eo Adl” im jeki jantōj ko jān ennaan eo tūrin wōt iaļ eo ej kwaļo̧k elmen an Jisōs jipan̄ kōj rool ippān Anij.

• N̄e jet armej rej kajjitōk kajjitōk ko kōn tōmak ko ad im kāālet ko jej kōm̧m̧ani, jemaron̄ bōk iien in em̧m̧an n̄an kwaļo̧k etke Jisōs Kraist aorōk ipped. Juon wāween n̄an kapooj jodikdik ro n̄an iien em̧m̧an rōt in ej n̄an karuwainene er n̄an etale enaan eo an Elder Dieter F. Uchtdorf “Lo Armej eo!” (Liaona, Māe 2018, 107–10) kapukōt m̧ool ko n̄an kwaļo̧k kōn Jisōs Kraist. Remaron̄ kalaajrak jet iaan m̧ool kein ilo boot eo. Innām komaron̄ leļo̧k iien n̄an jodikdik ro n̄an kōmelmel ippān doon etke jej aikuj Jisōs Kraist im elmen an mour ko aer jeram̧m̧an kōnke rejeļā kajeen Rilo̧mo̧o̧r.

Iien Debwāāl eo an Kraist, jān Louise Parker

Iien Debwāāl eo an Kraist, jān Louise Parker

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• Jon 1:1–3, 10; Ether 3:14; Moses 4:1–2 (Mijen eo an Rilo̧moor ilo mour eo m̧okta)

• Mosaia 3:5–11; Alma 7:11–13; Katak im Bujen Ko 19:16–19 (Mijen eo an Rilo̧mo̧o̧r torein in mour eo An ilo laļ in)

• Jon 14:2–3; 2 Nipai 9:15–17; Katak im Bujen Ko 45:3–5; 138:28–31 (Mijen eo an Rilo̧mo̧o̧r ālikin An mej im Jerkakpeje)

Katakin ilo Wāween eo an Rilo̧mo̧o̧r

Kajjojo armej ilo kūlaaj eo am̧ ewōr juon aer naan in kam̧ool, meļeļe ko, im en̄jake ko ilo aer mour kōn gospel eo. Kajjitōk ippāer n̄an kwaļo̧k ippān doon im kōketak doon.