K’a’ut naq wankeb’ li ch’utam re li molam ut li Komonil re Tenq’ank?

Sa’eb’ li roso’jik li kutan a’in, li Dios kixk’ojob’ wi’chik li tijonelil ut kixk’uub’eb’ li molam re li tijonelil ut li Komonil re Tenq’ank re te’tenq’anq chixtz’aqob’resinkil ru lix k’anjel re li kolb’a-ib’. Xb’aan a’in, rajlal domingo naq naqach’utub’ qib’ sa’ li ch’utam re lix molameb’ li xb’eenil ut li Komonil re Tenq’ank, noko’aatinak ut naqak’uub’ qana’leb’ chirix li taqab’aanu re tenq’ank chixtz’aqob’resinkil ru lix k’anjel li Dios. Re naq te’wanq xwankil, moko k’a’aj ta wi’ tzoleb’aalaqeb’ li ch’utam a’in. A’aneb’ li hoonal re k’uub’ank na’leb’ chirix li k’anjel re li kolb’a-ib’, re xtzolb’aleb’ sa’ komonil chirix li k’anjel a’an sa’ lix k’utumeb’ laj jolominel re li Iglees, ut re xk’uub’ankil qana’leb’ ut xk’uub’ankil qib’ chixtz’aqob’resinkil ru.