Miin Riaai,, iroun Steven Lloyd Neal

Tianuare 15–21: “Nakomai ao Katoonga te Uaanikai”

1 Nibwaai 6–10

Miin Riaai—ma te kai te biti, te bubu n nang ae roo, te kateitei ae moan te korakora ma ni buubura, te aroka ma karewerewen uaana e riaon karewen bwaai nako—bon te kakao ae kaunganano ni butimwaei kakabwaia man ana tangira te Tia Kamaiu ao ana mwakuri ni kamaiu. Ibukin Riaai, i bon irouna, te mii aio bon ibukiia ana utu: “Ibukin bwaai ake I a tia n noori, e reke bukin kukurein nanou iroun te Uea ibukin Nibwaai ao Taam. … Ma noria, Reimwan ao Remuera, I rangi ni maaku ibukimi” (1 Nibwaai 8:3-4). Ngke e motika taekinan miina ni burabeti Riaai, e bubutiia Reimwan ao Remuera bwa a na “ongo n ana taeka, bwa e aonga n nanoangaia te Uea” (1 Nibwaai 8:37). E ngae ngke ko a tia ni kamatebwaia miin ni burabeti Riaai n te tai ae mwaiti, n te tai aio iangoia n aron are e iangoia Riaai—iangoa temanna ae ko tangiria. Ni karaoan aei, ana kamwengaraoi te kai te biti, kangaangan te kateitei ae moan te korakora ma ni bubura, ao karewerewen uaan te aroka e na reke nanoia ae boou. Ao ko na oota n ae nano riki “n ana namakin ni kabane te karo [ae] amarau” are e karekea te mii ni burabeti ae kamiimii aei.

Iango ibukin Reiakinana n te Mweenga ao n te Taromauri

1 Nibwaaii 7:6–21

I kona ni kabwarai aia bure tabemwaang.

Tera ae kaungaa nanom n ana banna ni katooto Nibwaai n? 1 Nibwaai 7:6–21? A kanga ara utu ni kakabwaiaaki ngkana ti “kabwarabure ni koaua raoi” imarenara? Te witeo “The Lord Delivers Nephi from His Rebellious Brothers” (Gospel Library) e kona n ibuobuoki n am kamatebwai.

1 Nibwaai 8

Kamatoaan tauan ana taeka te Ana e kairai nakon te Tia Kamaiu ao e buokai n namakina Ana Tangira.

Miin Riaai e anga te kakao bwa kona taraia bwa ko a bwaka iaa n oin mwanangam n riki n aron te Tia Kamaiu. E taku Beretitenti Boyd K. Packer: “Ko mena inanona; ti bane ni mena inanona. Miin Riaai ke miina ni burabeti ibukin te kai te biti iai inanona bwai ni kabane … A riai ni mataata Aika Itiaki ni Boong aika Kaitira n te kataaki n te maiu” (“Miin Riaai ao Ngkoe,” New Era, Tianuare. 2015, 2).

Ngkai ko kamatebwai, iangoia ni kanoaa te tiaata n aron ae teuana aio.

Kabotau man miin Riaai	Nanoia	Titiraki aika a na iangoaki raoi
Kabotau man miin Riaai Aroka ao uaana (1 Nibwaai 8:10-12)	Nanoia	Titiraki aika a na iangoaki raoi Tera ae I karaoia ni kaoia tabeman bwa a na katoonga ana tangira te Atua?
Kabotau man miin Riaai Karaanga (1 Nibwaai 8:13)	Nanoia	Titiraki aika a na iangoaki raoi
Kabotau man miin Riaai Te kai te biti (1 Nibwaai 8:19–20, 30)	Nanoia	Titiraki aika a na iangoaki raoi
Kabotau man miin Riaai Te bubu n nang ae roo (1 Nibwaaii 8:23)	Nanoia	Titiraki aika a na iangoaki raoi
Kabotau man miin Riaai Te kateitei ae moan te korakora ma ni buubura (1 Nibwaai 8:26-27, 33)	Nanoia	Titiraki aika a na iangoaki raoi
Kabotau man miin Riaai	Nanoia	Titiraki aika a na iangoaki raoi

Ko kona naba n ukori kiibu aika a oti i nano n reiakina taekan aua te kurubu n aomata are e nooria Riaai: 1 Nibwaai 8:21–23, 24–28, 30, ao 31–33. Tera kakaokoro aika ko noori imarenan kurubu aikai? Bukin tera tabeman aomata a nako imwiin rokoia n te kai ao kanakin te uaanikai (tarai kiibu 24–28)? Tera ae ko reiakinna man te bwai ae riki aei?

Taraa naba Kevin W. Pearson, “Stay by the Tree,” Riaona, Meei 2015, 114–16; “Lehi Sees a Vision of the Tree of Life” (witeo), Gospel Library.

Tuangiia ake a reiakinaki bwa a na tibwai aia kukune. Bairea kaoakiia naake a reiakinaki ni ukori koroboki aika a tabu i bon irouia ibukin koaua ake a kunei. Te katooto, ko kona ni kaoia bwa a na ukori bwaai n ibuobuoki n koroboki aika a tabu n te tiaata ae i eta i bon irouia ke n aia kurubu ae uarereke. A na uringnga ao ni kawakini koaua ake a kunei.

Common Thread, iroun Kelsy ao Jesse Barrett

1 Nibwaai 10:2–16

Burabeti ngkoa a ataa bukin ana mwakuri Iesu Kristo ao ni kakoaua Irouna.

Bukin tera n am iango ngkai te Uea e tangiriia ana utu Riaai—ao ngaira ni kabane—bwa ti na atai koaua ake a kuneaki n 1 Nibwaai 10:2–16? Iangoia bwa ko na kanga ni buokiia ake ko tangiria ni kaoa te Tia Kamaiu i nanon maiuia.

1 Nibwaai 10:17–19

E na kaota te koaua nakoiu te Atua man mwaakan te Tamnei ae Raoiroi. 

E na kanga am kaeka ngkana ko tuangaki bwa ko na maiuakina ana reirei te euangkerio ae ko aki ota iai? N koroboki aika a tabu aikai, noora te kakaokoro imarenan ana kaeka Nibwaai nakon miin Riaai ni burabeti (taraa 1 Nibwaai 10:17–19; 11:1) ao ana kaeka Reiman ao Remuera (taraa 1 Nibwaai 15:1–10). Tera koaua aika e atai Nibwaai are e kairia ni kaeka n aron ae e karaoia?

Ma ana katooto Nibwaai n am iango, karaoa rinanin reirei n te euangkerio are ko tangiria bwa ko na ota riki iai. Tera ae ko kona ni karaoia bwa ko aonga ni kunei kaeka i bon ibukim? (Taraa naba “Truth Will Make You Free” n Ibukin Kakorakoraia Kairake: Te Kairi ibukin Karaoan Rinerine, 30–33.)

N aron are e bon kunea Nibwaai ibukina bwa a koaua ana taeka tamana, ti kona ni karaoa aekan anne ngkana ti ongo aia taeka burabeti ma abotoro ni boong aikai. Tera ae a reireiniira burabeti ao abotoro n te maungatabu ae e a tibwa nako? Ko kanga ni karekea am kakoaua n are a reireia?

Taraa naba 1 Nibwaai 2:11–19; Reirei ao Berita aika Tabu 8:1–3; “Search, Ponder, and Pray,” Aia Boki n Anene Ataei, 109; Gospel Topics, “Revelation,” Gospel Library.

Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

1 Nibwaai 8

Kamatoaan tauan ana taeka te Atua e kairai nako Ina ao e buokai n namakina Ana tangira.

• A na bae ni kukurei am ataei ni korea tamnein miin Riaai ni burabeti ngkana kam wareka 1 Nibwaai 8 ni bootaki. Tuangiia bwa a na tibwai aia taamnei, ao ni buokiia ni kunei kanikinaa ae n te mii bwa a tei ibukin tera (taraa 1 Nibwaai 11:21–22; 12:16–18; 15:23–33, 36 ao te iteraniba n te waaki ni kakukurei n te wiiki aei). Tuangiia bwa a na tibwai kaeka ake a kona nakon te titiraki aei: Tera ae ti reiakinna manmiin Riaai ni burabeti?

• Iai iroum te bwai ae e kona n tei ibukin te kai te biti n miin Riaai ni burabeti, n aron te bwaibu ke te kai? Tuangiia am ataei bwa a na taua ni kamatoa ngkai ko kairiia ni katobibia te ruu nakon tamnein te Tia Kamaiu. Bukin tera bwa e rangi ni kakawaki te kai te biti ni miin Riaai? (Taraa 1 Nibwaai 8:20, 24, 30). E kanga te kai te biti n titebo ma ana taeka te Atua?

• Kaoiia tabeman am ataei bwa a na wareka 1 Nibwaai 8:10–12 ao n kabwarabwaraa are e nooria Riaai. Tuangiia tabeman bwa a na wareka 1 Nibwaai 11:20–23 ao n kabwarabwaraa bwa tera are e nooria Nibwaai. Bukin tera te anera e kaota nakon Nibwaai Iesu te teei n reireinna taekan ana tangira te Atua? Marooro ma am ataei bwa a kanga n namakina ana tangira te Atua ni maiuia. Te anene n aron: “I Feel My Savior’s Love“ (Aia Boki n Anene Ataei, 74–75) e kona ni buokia n iangoi taian katooto.

1 Nibwaai 10:17–19; 11:1

E na kaota te koaua nakoiu te Atua man mwaakan te Tamnei ae Raoiroi.

• Ko na kanga ni buokiia am ataei ni kaotaia bwa tera ae reireia Nibwaai n 1 Nibwaai 10:19? Tao ko kona ni rukuma tamnein te Tia Kamaiu ke te bwai ae kakawaki i nanon te burangketi ao kaoia am ataei bwa ana kaukia. Ngkai ko wareka 1 Nibwaai 10:19, a kona ni katei baia ngkana a ongo taeka aika “kaukaki” ao “Te Tamnei ae Raoiroi.” Imwiina ko kona n tibwaa te taneiai ngke e buokiko te Tamnei ae Raoiroi ni kaota te koaua.

• Tuangiia am ataei bwa a na taetae bwa tera ae a karaoia ae a kona iai ni kunei kaeka nakon te titiraki. Tera ae na kona n taekinna Nibwaai ngkana temanna e titirakinna bwa e na kanga ni karekea kaekaan te titiraki ibukin te euangkerio? Kaungaiia ataei bwa a na kunea man warekan 1 Nibwaai 10:17–19; ao 11:1.

• A tia n namakinna am ataei bwa a buokaki iroun te Tamnei ae Raoiroi n ataia bwa te bwai teuana e koaua? Tuangiia bwa a na tibwaa te bwai are a rinanona. Tera ae ti na taekinna nakon raoraora are e taku n ana iango bwa teuanne ke neienne e aki kona ni karekea te kaeka rinanon te Tamnei ae Raoiroi? Tera ae ti kunea n 1 Nibwaai 10:17–19 ao 11:1 ae kona ni buoka te rao anne?

Ibukin iango riki tabeua, taraa te beeba ni kaongora n te namwakaina aio n te Rao maekatiin.

Te Kai ni Kamaiu,, iroun Avon Oakeson