Lehi’s Dream [Damgo ni Lehi], ni Steven Lloyd Neal

Enero 15–21: “Dali kag Magkaon sang Prutas”

1 Nefi 6–10

Ang damgo ni Lehi—upod ang barandilya nga salsason, mga alupuop sang kadulom, maligwa nga bilding, kag kahoy nga may “sa pagkatam-is” nga prutas—isa ka makainspirar nga imbitasyon nga batunon ang mga bugay sang pagpalangga kag nagapasag-uli nga sakripisyo sang Manluluwas. Para kay Lehi ugaling, ang ining palanan-awon parte man sa iya pamilya: “Tungod sang butang nga akon nakita, may kabangdanan ako sa pagkasadya sa Ginuo tungod kay Nefi kag subong man kay Sam. … Apang yari karon, Laman kag Lemuel, tuman ako nga nahadlok tungod sa inyo” (1 Nefi 8:3–4). Sang matapos ni Lehi nga malaragway ang iya palanan-awon, ginpangabay niya si Laman kag Lemuel nga “magpamati sa iya mga pulong, agud basi pa lang nga ang Ginuo maluoy sa ila” (1 Nefi 8:37). Bisan pa nga natun-an mo na ang palanan-awon ni Lehi sing madamo nga beses, sini nga tion pamensara ini pareho kay Lehi—pamensara ang isa ka tawo nga palangga mo. Sa paghimo mo sini, ang seguridad sang barandilya nga salsalon, ang mga peligro sang maligwa nga bilding, kag ang katam-is sang prutas makaangkon sang bag-o nga kahulugan. Kag maintiendihan mo sing mas madalom “ang bug-os nga balatyagon sang [isa ka] mapinalanggaon nga ginikanan” nga nagbaton sining dako nga palanan-awon.

Mga Ideya sa Pagtuon sa Puluy-an kag sa Simbahan

1 Nefi 7:6–21

Sarang ako magpatawad sa iban.

Ano ang nanamian mo parte sa ehemplo ni Nefi sa 1 Nefi 7:6–21? Sa ano kita ginabugayan kon kita “sinsero nga nagapatawad” sa isa kag isa?

The Lord Delivers Nephi from His Rebellious Brothers | 1 Nephi 7:6–22

1 Nephi 7:6–22 | Laman and Lemuel rebel against Nephi and bind him with cords. Nephi is miraculously saved and the brothers reunite.

1 Nefi 8

Ang pagpanghawid sing hugot sa pulong sang Dios nagadala sa akon padulong sa Manluluwas kag nagabulig sa akon nga mabatyagan ang Iya pagpalangga.

Ang palanan-awon ni Lehi nagatanyag sang imbitasyon nga panumdumon kon sa diin ka karon sa imo personal nga pagpanglakaton agud mangin pareho kay Cristo. Si Pangulong Boyd K. Packer nagsiling: “Ato ka didto; ato kita tanan didto. Ang damgo ukon palanan-awon ni Lehi sang barandilya nga salsalon nagalakip sang tanan nga … kinahanglan sang isa ka Santos sa Ulihing-mga-Adlaw agud maintiendihan ang pagtilaw sang kabuhi” (“Lehi’s Dream and You,” New Era, Ene. 2015, 2).

Sa imo pagtuon, pamensara ang pagsulat sa isa ka tsart pareho sini.

Simbolo gikan sa palanan-awon ni Lehi	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Kahoy kag iya mga bunga (1 Nefi 8:10–12)	Mga kahulugan	Mga pamangkot nga dapat hunahunaon Ano ang ginahimo ko agud imbitaron ang iban nga mag-ambit sang pagpalangga sang Dios?
Simbolo gikan sa palanan-awon ni Lehi Suba (1 Nefi 8:13)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Barandilya nga salsahon (1 Nefi 8:19–20, 30)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Alupuop sang kadulom (1 Nefi 8:23)	Mga kahulugan	Mga pamangkot nga dapat hunahunaon
Simbolo gikan sa palanan-awon ni Lehi Dako kag maligwa nga bilding (1 Nefi 8:26–27, 33)	Mga kahulugan	Mga pamangkot nga dapat hunahunaon

Pwede mo man pangitaon ang masunod nga mga bersikulo para tun-an ang apat ka grupo sang tawo nga nakita ni Lehi: 1 Nefi 8:21–23, 24–28, 30, and 31–33. Ano ang mga kinalain nga imo natalupangdan sa sining mga grupo? Ngaa nga naghalin ang iban nga mga tawo pagkatapos nga makalambot sa puno kag matilawan ang prutas (tan-awa sa bersikulo 24–28)? Ano ang imo matun-an sa sini nga eksperiyensya?

Para sa interactive nga eksperiyensya agud buligan ka nga magtuon parte sa panan-awon ni Lehi, i-klik diri.

Lehi Sees a Vision of the Tree of Life | 1 Nephi 8

1 Nephi 8 | Lehi has a vision filled with symbolism. Central to his vision is the tree of life and the eating of its fruit.

Tugoti ang mga nagatuon nga ipaambit ang ila kaugalingon nga mga nadiskubrehan. Pamensara ang paghagad sang mga nagatuon nga usisaon sa balaan nga mga kasulatan ang mga kamatuoran nga ila makita nga sila lang. Halimbawa, pwede mo sila hagaron nga pangitaon ang ginsambit nga balaan nga mga kasulatan sa tsart nga sila lang ukon sa gagmay nga mga grupo. Matandaan nila kag pakamahalon ang mga kamatuoran nga ila madiskubrehan.

Common Thread [Komon nga Higot], ni Kelsy and Jesse Barrett

1 Nefi 10:2–16

Ang dumaan nga mga propeta nakahibalo sang misyon ni Jesucristo kag nagsaksi parte sa Iya.

Ngaa sa banta mo nga gusto sang Ginuo nga mahibal-an sang pamilya ni Lehi—kag naton tanan—ang mga kamatuoran nga makita sa 1 Nefi 10:2–16? Pamensara kon paano mo buligan ang imo mga pinalangga nga imbitaron ang Manluluwas sa ila mga kabuhi.

1 Nefi 10:17–19

Ipahayag sang Dios ang kamatuoran sa akon paagi sa gahum sang Balaan nga Espiritu.

Paano mo aksyunan kon pangabayon ka nga ipangabuhi ang isa ka prinsipyo sang ebanghelyo nga wala mo naintiendihan? Sa masunod nga balaan nga mga kasulatan, tandai ang mga kinalain sa reaksyon ni Nefi sa palanan-awon ni Lehi (tan-awa sa 1 Nefi 10:17–19; 11:1) kag sa reaksyon nanday Laman kag Lemuel (tan-awa sa 1 Nefi 15:1–10). Ano nga mga kamatuoran ang naintiendihan ni Nefi kon ngaa nag-akto sia sang amo sadto?

Nga ginatandaan ang ehemplo ni Nefi, maglista sang mga prinsipyo sang ebanghelyo nga gusto mo nga mas maintiendihan pa sing maayo. Ano ang pwede mo himuon para pangitaon ang mga sabat para sa imo kaugalingon? (Tan-awa man sa “Hilwayon Kamo sang Kamatuoran” sa Para sa Kusog sang mga Lamharon: Giya sa Paghimo sang mga Pagpili, 30–33.)

Pareho sang paghibalo ni Nefi para sa iya kaugalingon nga ang mga pulong sang iya amay matuod, pwede man naton ini himuon kon mabatian naton ang mga pulong sang moderno nga mga propeta kag mga apostoles. Ano ang ginatudlo sa aton sang mga propeta kag mga apostoles sa pinakaulihi nga pangkabilogan nga komperensya? Paano ka nakaangkon sang personal nga saksi sa ila mga gintudlo?

Tan-awa man sa 1 Nefi 2:11–19; Doktrina kag mga Kasugtanan 8:1–3.

Para sa dugang nga mga ideya, tan-awa sa mga isyu sini nga bulan sang mga magasin nga Liahona kag Para sa Kusog sang mga Lamharon.

Mga Ideya para sa Pagtudlo sang mga Kabataan

1 Nefi 8

Ang pagpanghawid sing hugot sa pulong sang Dios nagadala sa akon padulong sa Iya kag nagabulig sa akon nga mabatyagan ang Iya pagpalangga.

• Mahimo nga masadyahan ang imo kabataan sa pagdrowing sang mga litrato sang palanan-awon ni Lehi samtang ginabasa ninyo ang 1 Nephi 8 sing ululupod. Tugoti sila nga ipakita ang ila mga litrato, kag buligi sila nga diskubrehon kon ano ang ginarepresentar sang mga simbolo sa damgo (tan-awa sa 1 Nefi 11:21–22; 12:16–18; 15:23–33, 36 kag sa pahina para sa kahiwatan sini nga semana). Pangabaya sila nga ihambal ang tanan nga pwede nila isabat sa sining pamangkot: Ano ang matun-an naton sa palanan-awon ni Lehi?

• May ara ka bala sang gamit nga pwede magrepresentar sang barandilya nga salsalon sa palanan-awon ni Lehi, pareho sang tubo ukon lipak? Tugoti ang imo kabataan nga magkapyot diri samtang ginalibot mo sila sa kuwarto padulong sa litrato sang Manluluwas. Ngaa importante ang barandilya nga salsalon sa palanan-awon ni Lehi? (Tan-awa sa 1 Nefi 8:20, 24, 30). Sa ano nangin kaangay ang barandilya nga salsalon sa pulong sang Dios?

• Agdaha ang iban sa imo kabataan nga basahon ang 1 Nefi 8:10–12 kag ilaragway kon ano ang nakita ni Lehi. Pangabaya ang iban nga basahon ang 1 Nefi 11:20–23 kag ilaragway kon ano ang nakita ni Nefi. Ngaa ginpakita sang anghel kay Nefi ang lapsag nga Jesus para tudloan sia parte sa gugma sang Dios? Hambali upod sa imo kabataan kon paano nila nabatyagan ang pagpalangga sang Dios sa ila mga kabuhi.

1 Nefi 10:17–19; 11:1

Ipahayag sang Dios ang kamatuoran sa akon paagi sa gahum sang Balaan nga Espiritu.

• Paano mo buligan ang imo kabataan nga maintiendihan ang pinanudlo ni Nefi sa 1 Nefi 10:19? Basi pwede mo putson ang litrato sang Manluluwas ukon ang isa pa ka espesyal nga bagay sa sulod sang habol kag agdaha ang imo kabataan nga buksan ini. Samtang inyo ginabasa ang 1 Nefi 10:19, pwede man nila alsahon ang ila mga kamot kon mabatian nila ang mga tinaga nga “igapahayag” kag “Balaan nga Espiritu.” Dayon pwede ka man mag-istorya sang imo eksperiyensya sang ginbuligan ka sang Balaan nga Espiritu nga madiskubrehan ang kamatuoran.

• Pangabaya ang imo kabataan nga hambalan kon ano ang ila ginahimo para magpangita sang mga sabat sa isa ka pamangkot. Ano ayhan ang ihambal ni Nefi kon may magpamangkot sa iya kon paano magpangita sang mga sabat sa pamangkot parte sa ebanghelyo? Paisoga ang mga kabataan nga pangitaon ang mga sabat paagi sa pagbasa sang 1 Nefi 10:17–19; 11:1.

• Nakabatyag na bala ang imo kabataan nga ginbuligan sila sang Balaan nga Espiritu nga mahibal-an kon ang isa ka butang matuod? Tugoti sila nga iistorya ang ila eksperiyensya. Ano ang aton isiling sa abyan nga nagapamensar nga indi sila makabaton sang mga sabat paagi sa Balaan nga Espiritu? Ano ang aton makita sa 1 Nefi 10:17–19 kag 11:1 nga makabulig sa sina nga abyan?

Para sa dugang nga mga ideya, tan-awa sa mga isyu sang Abyan nga magasin sini nga bulan.

The Tree of Life [Kahoy sang Kabuhi], ni Avon Oakeson