Minerva Teichert (1888–1976), Ammon before King Limhi, 1949–1951, oil on masonite, 35 15/16 × 48 inches. Brigham Young University Museum of Art, 1969.

Māe 6–12: “Ilo Kajoor an Irooj”

Mosaia 7–10

Ke armej ro an Kiin̄ Mosaia raar lem̧ōņōņō kōn an “wōnm̧anļo̧k in aenōm̧m̧an” ilo Zaraemla (Mosaia 7:1), ļōmņak ko aer raar oktakļo̧k n̄an kumi in armej in Nipai ro jet, ro raar em̧m̧akūt n̄an jokwe ilo ānen in Liai-Nipai elōn̄ iiō ko m̧oktaļo̧k. Epepen ko raar eļļāļo̧k, im armej ro doon Mosaia raar jab ron̄ jabdewōt jān er. Kōn menin, Mosaia eaar kajjitōk ippān Ammōn n̄an tōl juon kumi in kappok edik n̄an pukōt armej in Nipai ro raar em̧m̧akūt. Kumi in kappok eo raar lo bwe armej in Nipai ro, “kōnke nana” (Mosaia 7:24), raar pād ilo kōm̧akoko n̄an armej in Laman ro. Bōtaab kōn itakļo̧k eo an Ammōn im m̧aan ro jein im jatin, ejjab to eaar wōr kōjatdikdik kōn diwōjļo̧k.

Jet iien jej āinwōt armej in Nipai ro raar kalbuuj, en̄taan kōnke kōn jerawiwi ko ad, ļōmņak ekōjkan ad naaj lo aenōm̧m̧an bar juon alen. Jet iien jej āinwōt Ammōn, en̄jake im̧we n̄an pukōtļo̧k ro jet im āliktata lo bwe kijejeto ko ad raar im̧we er n̄an “kotak [bōraer], im lan̄lōn̄, im likūt [aer] kōjatdikdik ilo Anij” (Mosaia 7:19). Jekdo̧o̧ņ ta jekjek ko ad, jej aolep aikuj in ukweļo̧k im “oktak tok n̄an Irooj kōn aolepān m̧wilaļ in būruōmi” kōn tōmak bwe “enaaj … kōtļo̧k [kōj]” (Mosaia 7:33).

Ļōmņak ko n̄an Ekkatak ilo M̧weeo im ilo Kabun̄ in

Mosaia 7:14–33

Jisōs Kraist ewōr an kajoor n̄an kōtļo̧k eō.

Ammōn eaar leļo̧k kōjatdikdik n̄an Kiin̄ Limai, im ekar kōņaan bwe kōjatdikdik in en bar etal n̄an armej ro an. Bōlen naan ko an remaron̄ bar lewaj n̄an eok kōjatdikdik. N̄an waajon̄ak, ļōmņak in lale jekjek eo an armej ro an Limai ilo Mosaia 7:20–25. Innām ļōmņaki kajjitōk kein ilo am̧ riiti Mosaia 7:14–33:

• Ta eo Limai eaar ba n̄an kōkajoor tōmak eo an armej ro an im kōjatdikdik ilo Kraist?

• Ta naan ko rejipan̄ eok en̄jake kōjatdikdik? (lale eoon 19, 33).

• Ta en̄jake ko raar jipan̄ eok lōke bwe Anij emaron̄ im enaaj kōtļo̧k eok?

Bar lale “Dri Binmuur Israel,” Al,, no. 2.

Mosaia 7:26–27

Kar kōm̧anm̧an eō ilo “nememein wōt Anij.”

Ilo Mosaia 7:26–27, Limai eaar kwaļo̧k jet iaan m̧ool ko kar kwaļo̧ki jen Abinadai. Ta m̧ool ko kwomaron̄ kalikkari ilo eoon kein? Ewi wāween an m̧ool kein jelet wāween am̧ loe Anij im kwe make?

Bar lale Russell M. Nelson, “Your Body: A Magnificent Gift to Cherish,” Liaona, Aug. 2019, 50–55.

Mosaia 8:13–19

Irooj ej letok rikanaan ro, rilolo ro, im rikwaļo̧k revelesōn ro n̄an kōjeraam̧m̧an armej.

Ke Limai eaar ron̄ kōn naan in kam̧ool eo an Ammōn bwe Irooj eaar kwaļo̧k juon rilolo, Limai “eaar m̧ōņōņō otem m̧ōņōņō, im leļo̧k kam̧m̧oolol n̄an Anij” (Mosaia 8:19). Etke kwoj ļōmņak eaar en̄jake jekjek jab in? Ta eo kwoj katak kōn rilolo ro jān naan ko an Ammōn ilo Mosaia 8:13–19?

Rainin, jej rejtak Būreejtōnji eo Kein Kajuon im Doulul eo an Jon̄oulruo Rijilōk ro āinwōt rikanaan ro, rilolo ro, im ribōk revelesōn ro. Elmen aer “juon kōjeraam̧m̧an eļap” n̄an kwe? (Mosaia 8:18). Ta eo rekar katakin eok kōn Jisōs Kraist?

Ewi wāween am̧ maron̄, āinwōt Ammōn, kōnono kōn peran kōn aikuji rikanaan ro, rilolo ro, im rikwaļo̧k revelesōn ro? (lale Mosaia 8:13–18). N̄an waanjon̄ak, ta eo kwomaron̄ kwaļo̧k kake n̄an baam̧le eo am̧ ak ilo social media.

• M̧ool ko me em̧ōj aer kar jepļaaktok ilo tōre in ad kōn Josep Smith im rikanaan ro jet an Irooj (āinwōt paoktokin Anij, kwojarjar eo ad make, ak paoktok in baam̧le indeeo). Lale “Jepļaaktok eo an Tarlep in Gospel eo an Jisōs Kraist” ak “Baam̧le Eo” (Gospel Ļāibrāre) emaron̄ jipan̄ eok ļōmņaki jet iaan m̧ool kein.

• Kōjeraam̧m̧an ko an kien ko ak kain̄i ko (āinwōt Naan in Māletlet, kien erreeo, ak liāp an baam̧le ko).

Allōn̄ eo ļo̧k, jaar ron̄ jān rikanaan ro, rilolo ro, im ribōk m̧adenļo̧k ro ilo kweilo̧k eo eļap. Ta ennaan ko raar im̧we eok? Ta eo kwonaaj kōm̧m̧ane eoktakļo̧k pedped ioon ta eo kwaar ekkatak? Ta eo rilolo ro an Irooj rej ba kōn “men ko renaaj itok”? (Mosaia 8:17).

Bar lale Gospel Topics, “Prophets,” Gospel Ļāibrāre.

Mosaia 9–10

Imaron̄ jelm̧ae apan̄ ko aō “ilo kajoor an Anij.”

Zeniff eaar kwaļo̧k bwe bōd ko an raar likūt armej ro an ilo juon jekjek epen. Ak tokālik, ilo iien tariņae eo ņae riLeman ro, eaar jipan̄ armej ro an jelm̧ae apan̄ ko kōn tōmak ilo Irooj. Ilo am̧ riiti Mosaia 9–10, pukōt ta eo armej an Zeniff raar kōm̧m̧ane n̄an kwaļo̧k tōmak eo aer. Elmen an Anij kar kōkajoor er? Elmen An kōkajoor eok? Ta meļeļe in n̄an eok n̄an wōnm̧aanļo̧k “ilo kajoor an Irooj”? (Mosaia 9:17; 10:10–11).

Mosaia 10:11–17

Kālet ko aō remaron̄ kareel epepen ko.

Ilo am̧ riiti Mosaia 10:11–17, kalikkar elmen an mour im m̧wiļ ko an epepen ko ļo̧k an riLeman ro kar jelet epepen eo tok juon. Ta eo ej ba kōn wāween an kālet ko am̧ maron̄ jelet ro jet—n̄an em̧m̧an ak nana—ekitbuuj armej ro rejjan̄in lo̧tak.

Kōjerbal men ko kein katakin. Ekalimomo kōjerbal men ko kein katakin. Bōlen ļain in domino ko ren kwaļo̧k elmen an kālet ko an armej ro jelet ro bwijjier (lale Mosaia 10:11–17).

Ļōmņak ko n̄an Katakin Ajri ro

Mosaia 7:19

Anij ekar jipan̄ armej ro ilo jeje ko rekwojarjar, im E emaron̄ jipan̄ eō.

• Ke armej ro an raar pād ilo jorrāān, Kiin̄ Limai ekar kwaļo̧k jeje ko rekwojarjar n̄an kōkajoor tōmak eo aer. Kajjitōk ippān ajri ro nejum̧ kōn bwebwenato ko an jeje ko rekwojarjar me ejipan̄ er bōk tōmak. Innām kwomaron̄ riiti Mosaia 7:19 n̄an er im etale bwebwenato ko kar kwaļo̧ki ilo eoon in (lale“Kwojkwoj in Kijone eo” im “Riisrael ro ilo Āne Jem̧aden” ilo Bwebwenato ko jān Kallim̧ur M̧okta, 70–76). Bōlen ajri ro nejum̧ remaron̄ kōņaan ikkure jeni. Elmen an Irooj kar jipan̄ armej ro ilo bwebwenato kein? Elmen An maron̄ jipan̄ kōj?

• N̄an elōn̄ waanjon̄ak kōn wāween an Irooj jipan̄ kōj, kālet jet iaan eoon ko ilo “Bwebwenato ko jān Bok in Mormon” ak “Nephi’s Courage” (Children’s Songbook, 118–19, 120–21) n̄an al ippān ajri ro nejum̧. Jipan̄ er kalikkar elmen an Irooj kar jipan̄ armej ro ilo Bok in Mormon—im elmen An maron̄ jipan̄ kōj.

Mosaia 8:16–18

Anij ekar letok n̄an kōj rikanaan, rilolo, im rikwaļo̧k revelesōn.

• Juon wāween n̄an kwaļo̧k kōn rilolo ro ej n̄an keidi er n̄an men ko me ejipan̄ kōj loe em̧m̧anļo̧k, āinwōt māj kūlaaj, baikūlaaj, ak juon microscope. Innām ilo am̧ riiti Mosaia 8:17 n̄an ajri ro nejum̧, remaron̄ likūt peier ilo mejeer āinwōt n̄e rej reilo̧k kōn baikūlaaj aolep iien rej ron̄ naan eo “rilolo” (bar lale Moses 6:35–36). Kōnono ippāer kōn men ko me Irooj ej jipan̄ rikanaan ro “loe” men eo jejjab loe. Ta rikanaan ro ad ak rilolo ro, āinwōt Josep Smith, em̧ōj aer kwaļo̧k n̄an kōj?

• Ālkin riiti Mosaia 8:16–18 ippān ajri ro nejum̧, kwomaron̄ jipan̄ er ļōmņaki wāween ko n̄an kadedeļo̧k jentōj in āinwōt Juon rilolo ej āinwōt juon … eo ej jipan̄ kōj … . N̄an waanjon̄ak, juon rilolo ej āinwōt juon kōkaļļe in traffic jain eo ej jitōn̄ļo̧k kōj n̄an Jisōs.

• Kwomaron̄ bar kōm̧m̧an annan̄in ne ilo peba im kajjitōk ippān ajri ro nejum̧ n̄an jin̄a pija ioer kōn men ko me rikanaan ro, rilolo ro, im ribōk revelesōn ro raar kapilōk kōj n̄an kōm̧m̧ane. Likūt annan̄in ne ko ilo juon iaļ ipeļakin ruum̧ eo, im kōm̧m̧an bwe ajri ro nejum̧ ren etetal ioon annan̄in ne kein. Elmen an juon rilolo maron̄ in “juon kōjeraam̧m̧an eļap” n̄an kōj? (lale Mosaia 8:17–18).

Mosaia 9:14–18; 10:10–11

N̄e ij mōjņo̧, Irooj emaron̄ kōkajoor eō.

• N̄e ajri ro rej jelm̧ae apan̄ ko, jet iien rej en̄jake m̧ōjņo̧ im ban jipan̄ er make. Elmen am̧ naaj jipan̄ ajri ro nejum̧ pedped wōt ioon kajoor eo an Irooj? Kwomaron̄ kajjitōk ippāer ta eo jemaron̄ kōm̧m̧ane n̄an erom̧ kajoor ilo ānbwin. Ta meļeļein n̄an bōk “kajoor an armej”? (lale Mosaia 10:11). Ta meļeļein n̄an bōk “kajoor an Irooj”? (lale Mosaia 9:17–18; 10:10). Ewi wāween ad bōk kajoor an Irooj? Ajri ro nejum̧ remaron̄ jin̄aik juon pija in men ko me ejipan̄ er bōk kajoor an Irooj.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Visiōn n̄an Josep Smith, jān Clark Kelley Price