“Eprōļ 29–Māe 5: ‘ Juon Oktak Ekajoor.’ Mosaia 4–6,” Itok, Ļoor Eō—N̄an M̧weeo im Kabun̄ in: Bok in Mormon 2024 (2024)
“Eprōļ 29–Māe 5. Mosaia 4–6,” Itok, Ļoor Eō—N̄an M̧weeo im Kabun̄ in: Bok in Momron 2024 (2024)
Ilo Jerbal eo Am̧ n̄an Anij, jān Walter Rane
Eprōļ 29–Māe 5: “Juon Oktak Ekajoor”
Mosaia 4–6
Em̧ōj ke am̧ kar ron̄ an juon kōnono im en̄jake im̧we eo n̄an ukōt mour eo am̧? Bōlen kwaar kālet, kōnke kōn ta eo kwaar ron̄, n̄an mour oktakļo̧k jidik—ak lukkuun oktak eļap. Kwaļo̧k eo an Kiin̄ Benjamin eaar kain kwaļo̧k eo, bwe m̧ool ko eaar kwaļo̧ki eaar wōr kain jelet ioon armej ro raar ron̄jaki. Kiin̄ Benjamin eaar kwaļo̧k ippān armej ro an ta eo juon enjeļ eaar katakin e—bwe kōjeraam̧m̧an ko raiboojoj raar pidodo būki kōn “bōtōktōkin pinmuur eo an Kraist” (Mosaia 4:2). Kōn ennaan eo an, raar oktak ilo wāween ļōmņak eo aer make (lale Mosaia 4:2), Jetōb eaar ukōt ikdeelel eo aer (lale Mosaia 5:2), im kar bujen ippān Anij bwe renaaj kar iien otemjej kōm̧anm̧an Ankilaan (lale Mosaia 5:5). En̄in ej wāween an naan ko an Kiin̄ Benjamin kar jelet armej ro an. Ekōjkan aer naaj kar jelet eok?
Ļōmņak ko n̄an Ekkatak ilo M̧weeo im ilo Kabun̄ in
Kōn Jisōs Kraist, imaron̄ bōk im dāpij wōt juon jeorļo̧k in jerawiwi ko aō.
Jet iien, jekdo̧o̧n n̄e kwaar en̄jake jeorļo̧k bōd in jerawiwi ko am̧, kwomaron̄ in kakkōt n̄an kōjparok en̄jake jab eo im pād ilo iaļ ejim̧we. Kiin̄ Benjamin eaar katakin armej ro an ekōjkan n̄an jim̧or bōk im dāpij wōt juon jeorļo̧k in jerawiwi ko. Ilo am̧ ekkatak jebta 4 in Mosaia, ļōmņak in kajjitōk kajjitōk kein āinwōt:
-
Eoon ko 1–8.Ta jekjek ko me Anij ej jeo̧rļo̧k jerawiwi ko am̧? Ta eo kwoj ekkatak kōn E ilo eoon kein me reim̧we eok n̄an ukweļo̧k? Elmen am̧ jeļā ke em̧ōj am̧ ukweļo̧k?
-
Eoon ko 11–16.Ekkar n̄an eoon kein, ta eo ej waļo̧k ilo mour ko ad eļan̄n̄e jej kōm̧m̧ane men ko kar kōmeļeleik ilo eoon 11? Elmen am̧, ak ro jet kwoj iakwe, kar en̄jake oktak kein? Keidi oktak kein n̄an oktak ko kōmeļeļeiki ilo Mosaia 3:19.
-
Eoon ko 16–30.Elmen leļo̧k ta eo ewōr ippam̧ n̄an ro jet ejipan̄ eok erreeo jān jerawiwi ko am̧? Ekōjkan am̧ maron̄ kōjerbal eoon 27 n̄an kijejeto ko am̧ n̄an erom̧ āinwōt Kraist?
Ilo jekjek rōt jej aolep ruwar? Ekkar n̄an eoon kein, ekōjkan ad aikuj kōm̧m̧an n̄an aolep ajri ro nejin Anij? (lale Mosaia 4:26). Wōn eaikuji am̧ jipan̄?
Bar lale Becky Craven, “Dāpij Oktak eo,” Liaona, Nob. 2020, 58–60.
Ij tōmak im lōke ilo Anij.
Kūr eo an Kiin̄ Benjamin n̄an tōmak im lōke Anij eaorōk rainin āinwōt an kar ilo tōre ko etto. Ilo am̧ riiti Mosaia 4:5–10, pukot m̧ool ko kōn Anij me ej lewaj n̄an eok un n̄an lōke E. Keememej kūr ko an Kiin̄ Benjamin ej waļo̧k ilo eoon 10. Etke lōke Anij ekapidodoik n̄an kōm̧m̧ane ta eo Kiin̄ Benjamin ej kūr?
Ļōmņak in pukot jet iaan kakkobaba in jeje ko rekwojarjar n̄an kōm̧m̧ane juon laajrak in paoktokin Anij: Jeremaia 32:17; 1 Jon 4:8; 2 Nipai 9:17; Alma 32:22; Mormon 9:9; Ether 3:12; Katak im Bujen Ko 19:1–3; 88:41 (bar lale pija eo “Christlike Attributes,” Gospel Library). Kwomaron̄ kōjerbal laajrak eo am̧ im itok kōn wāween ko n̄an kadedeļo̧k jentōj in āinwōt in: “Kōnke ijeļā Anij ej , eo imaron̄ lōke E .”
Ad lōke ilo Anij ej ļapļo̧k ilo ad bōk ad en̄jake Ippān. Ilo Mosaia 4:1–3, ta eo ekar jipan̄ armej ro an Kiin̄ Benjamin “itok n̄an juon jeļāļo̧kjeņ kōn em̧m̧an eo an Anij”? (eoon 6). Ļōmņak kōn en̄jake ko ilo jetōb kwaar būki ippān Anij. Ta eo en̄jake kein raar katakin eok kōn E? Ta bun̄ten nee ko kwoj būki (ak kwomaron̄ būki) n̄an kapenļo̧k tōmak ak lōke eo am̧ ilo Anij?
Bar lale Jeffrey R. Holland, “The Grandeur of God,” Liahona, Nov. 2003, 70–73; Gospel Topics “God the Father,” Gospel Library; “I Know My Father Lives,” Hymns, no. 302.
Kwaļo̧k en̄jake ko rekwojarjar. Jet en̄jake ko rekwojarjar ak an juon make n̄an kwaļo̧k. N̄e kwoj karuwaineneik ro jet n̄an kwaļo̧k en̄jake ko, jab pojeer n̄an kwaļo̧ke n̄e rejjab kōņaan.
Ij aikuj lale ļōmņak ko aō, naan ko, im kōm̧m̧an ko.
Anij ejjab letok n̄an kōj juon laajrak in aolep jerawiwi. Ekkar n̄an Mosaia 4:29–30, ta eo Ej kōm̧m̧ane ijello̧kin? Kōļmenļo̧kjeņ elmen an ļōmņak ko, naan ko, kōm̧m̧an ko am̧ jelet eok make im ro jet. Elmen aer jelet jemdo̧o̧n eo am̧ ippān Anij? Elmen “lale [eok make]”?
Jetōb eo an Irooj emaron̄ kōm̧m̧ane juon oktak in bōro ekajoor ilo būruwō.
Emakijkij an armej ba, “iban oktak. Bwe en̄in ej jekjek eo aō in.” Ilo jim̧we, en̄jake eo an armej ro an Kiin̄ Benjamin ej kwaļo̧k n̄an kōj ekōjkan an Jetōb eo an Irooj maron̄ lukkuun in ukōt būruwōd. Ilo am̧ riiti Mosaia 5:1–5, ļōmņak ekōjkan an “oktak ekajoor” tōl n̄an oktak eo em̧ool eaar waļo̧k—ak maron̄ waļo̧k—ilo mour eo am̧. Ļōmņak kōn men eo emera, oktak ko jidikjidik aer waļok barāinwōt en̄jake ko “rekajoor.” Elmen an en̄jake kein jipan̄ eok n̄e kwoj ioon kapo?
Bar lale Ezekiel 36:26–27; Alma 5:14; “A Change of Heart,” “The People of King Benjamin Make a Covenant” (videos), Gospel Library.
Pein Kōmour ko, jān Adam Abram
Ij bōk ioō make etan Kraist n̄e ij kōm̧m̧ani bujen ko Ippān.
Ta eo kwoj katak jān Mosaia 5:7–9 kōn ta meļeļe in n̄an bōk ioom̧ make etan Kraist? Ta eo jar in kwojkwoj eo (lale Moronai 4–5) ej katakin kōn menin? Ekōjkan am̧ maron̄ kwaļo̧k bwe kwoj “an” Rilo̧mo̧o̧r eo?
Bar lale D. Todd Christofferson, “Etetal ilo Iaļen Bujenj,” Laiona, Māe 2019, 81–84.
Ļōmņak ko n̄an Katakin Ajri ro
Ukweļo̧k ej bōktok lan̄lōn̄.
-
N̄an kwaļo̧k kōn lan̄lōn̄ eo an ukweļo̧k, kwomaron̄ kōtļo̧k an ajri ro nejum̧ kaddāpe peier ak kattoonone im kile ewi aer en̄jake ālkin aer kwaļe. Innām kwomaron̄ kedi wāween an armej ro ilo Mosaia 4:1–3 kar en̄jake m̧okta im ālkin jeo̧rļo̧k jerawiwi ko aer. Kwaļo̧k am̧ naan in kam̧ool kōn jetōb in karreeo eo ekajoor an Rilo̧mo̧o̧r.
-
Ajri ro nejum̧ rejeļā ke elmen lukkuun ukweļo̧k jen jerawiwi? Jipan̄ er pukot ta eo armej ro an Kiin̄ Benjamin rekar kōm̧m̧ane ilo Mosaia 4:1–3, 10. Remaron̄ bar lale “Ukweļo̧k, Ukweļo̧k” ilo Unin Tōl eo n̄an Jeje ko Rekwojarjar. Ekōjkan an Jisōs Kraist kar kōm̧m̧an bwe en pidodo ukweļo̧k?
Gospel eo an Jisōs Kraist ej im̧we eō bwe in jouj n̄an ro jet ilo iakwe im jouj.
-
Jerbal n̄an ro jet ekōm̧m̧an bwe jen en̄jake em̧m̧an. Bōlen ajri ro nejūm̧ remaron̄ ekōnono kōn juon iien rekar iakwe ak jerbal n̄an bar juon im ekōjkan an en̄jake jab eo kar kōm̧m̧an bwe ren en̄jake. Ta jet iaan un ko armej remaron̄ in jab kōņaan jerbal n̄an ro jet? Ta eo jemaron̄ ba n̄an ro jet n̄an kajjitōk ippāer n̄an jipan̄ armej ro rej aikuj? Pukot ļōmņak ko ilo Mosaia 4:16–26.
-
Kiin̄ Benjamin eaar katakin bwe n̄e jej itok n̄an Kraist im bōk jeorļo̧k in jerawiwi ko ad, jej “obrak kōn iakwe eo an Anij” (Mosaia 4:12). Menin ej tōlļo̧k kōj n̄an iakwe im jouj n̄an ro jet. Kwe im ajri ro nejum̧ maron̄ lale Mosaia 4:13–16, 26 (ak al juon al “I’ll Walk with You,” Children’s Songbook, 140–41) im pukot eoon ko me rej kōmeļeļeik elmen ad maron̄ jerbal n̄an ro jet. Innām remaron̄ kōm̧m̧ani men kein ak jin̄aik pijaik er im kajjidedeik naan ko an doon. Ekōjkan ad maron̄ kwaļo̧k iakwe im jouj ilo m̧weo, ilo jikuuļ, im ilo m̧ōn jar eo?
Jisōs Kraist eaar katakin kōj n̄an jouj n̄an ro jet.
Ilo aō ij kōm̧m̧ani bujen ko ippān Anij, ij bōk ioō make etan Kraist.
-
Emaron̄ em̧m̧an ippān ajri ro nejum̧ n̄an kōm̧m̧an pāāj im kwaļo̧k etan “Jisōs Kraist” im kōņaki iturin menono eo aer (lale peij in m̧akūtkūt eo an wiik in). Ilo aer kōm̧m̧ane, kwomaron̄ riit n̄an er Mosaia 5:12 im kōnono kōn elmen an kōm̧m̧ani bujen ko, ak kallim̧ur ko, ippān Anij ej āinwōt bōk etan Kraist “jeje iien otemjej ilo [bū]ruwōd.”
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.
Ilo Kōjparok Eo An Ejjab Jokod, jān Greg K. Olsen