மினர்வா கே. டெய்ச்சர்ட் (1888–1976), Ammon before King Limhi (லிம்கி இராஜாவின் முன்பு அம்மோன்,) 1949–1951, மாசனைட்டில் ஆயில், 35 15/16x48 அங்குலங்கள். பிரிகாம் யங் பல்கலைக்கழக கலை அருங்காட்சியகம், 1969.

மே 6–12: “கர்த்தருடைய பெலத்தாலே”

மோசியா 7–10

சாரகெம்லாவில் மோசியா இராஜாவின் ஜனங்கள் “தொடர்ச்சியான சமாதானத்தை” அனுபவித்துக்கொண்டிருந்தபோது, (மோசியா 7:1), லேகி–நேபி தேசத்தில் தங்க பல ஆண்டுகளுக்கு முன்பே சென்ற மற்றொரு நேபிய குழுவினர் மேல் அவர்களது சிந்தனை திரும்பியது. தலைமுறைகள் கடந்திருக்கின்றன, மோசியாவின் ஜனம் அவர்களிடமிருந்து எதையும் கேள்விப்படவில்லை. ஆகவே விட்டுச்சென்ற நேபியர்களைக் கண்டு பிடிக்க ஒரு தேடுதல் குழுவை நடத்திச் செல்ல, மோசியா அம்மோனிடம் கேட்டான். அந்த நேபியர்கள் “அக்கிரமத்தினாலே” (மோசியா 7:24) லாமானியரிடத்திலே சிறையிருப்புக்குள்ளிருந்தார்கள் என தேடுதல் குழு கண்டு பிடித்தது. ஆனால் அம்மோன் மற்றும் அவனது சகோதரர்களின் வருகையால் திடீரென அங்கு ஒரு விடுதலையின் நம்பிக்கை வந்தது.

சில சமயங்களில் நாம் அந்த சிறைப்பட்ட நேபியரைப் போல, நமது பாவங்களுக்காக பாடுபட்டு, நாம் மீண்டும் எவ்வாறு சமாதானத்தைக் காண்போம் என ஆச்சரியப்படுகிறோம். சில சமயங்களில் நாம் அம்மோன் போல பிறரை அணுக உணர்த்தப்பட்டதாக உணர்ந்து, முடிவில் நமது முயற்சிகள் அவர்களை “[தங்கள்] தலைகளை உயர்த்தி, களிகூர்ந்து, [தங்கள்] தேவனிடத்தில் நம்பிக்கையாயிருக்க” உணர்த்தியதைக் காண்கிறோம்.(மோசியா 7:19) நமது சூழ்நிலைகள் எதுவானாலும், நாமனைவரும் மனந்திரும்பி, “இருதயத்தின் முழு நோக்கத்தோடு” “அவர் [நம்மைத்] … தப்புவிப்பார் என்ற விசுவாசத்துடன் கர்த்தரிடத்தில் திரும்ப வேண்டும்” (மோசியா 7:33).

வீட்டிலும் சபையிலும் கற்றுக் கொள்வதற்கான ஆலோசனைகள்

மோசியா 7:14–33

என்னை விடுவிக்கும் வல்லமை இயேசு கிறிஸ்துவுக்கு உண்டு.

அம்மோனைச் சந்தித்தது, லிம்கி இராஜாவுக்கு ஒரு நம்பிக்கையைக் கொடுத்தது, அவன் அந்த நம்பிக்கையை தன் ஜனத்துக்கு கொடுக்க விரும்பினான். ஒருவேளை அவனுடைய வார்த்தைகள் உங்களுக்கும் நம்பிக்கையைத் தரலாம். கருத்துக்கு மோசியா 7:20–25ல் லிம்கியின் மக்களின் நிலைமையை மறுபரிசீலனை செய்வதைக் கருத்தில் கொள்ளவும். மோசியா 7:14–33, நீங்கள் வாசிக்கும்போது இந்த கேள்விகளைப்பற்றி சிந்தியுங்கள்:

• கிறிஸ்துவின் மீதுள்ள தம்முடைய மக்களின் விசுவாசத்தையும் நம்பிக்கையையும் பலப்படுத்த லிம்கி என்ன சொன்னான்?

• எந்த சொற்றொடர்கள் நம்பிக்கையை உணர உதவுகின்றன? (வசனங்கள் 19, 33 பார்க்கவும்).

• தேவன் உங்களை விடுவிப்பார் என்று நம்புவதற்கு என்ன அனுபவங்கள் உதவியுள்ளன?

மோசியா 7:26–27

நான் “தேவனின் சாயலில்” சிருஷ்டிக்கப்பட்டேன்.

மோசியா 7:26-27இல், அபிநாதி கற்பித்த சில உண்மைகளை லிம்கி விளக்கினான். இந்த வசனங்களில் நீங்கள் என்ன உண்மைகளை அடையாளம் காண முடியும்? தேவனையும் உங்களையும் நீங்கள் பார்க்கும் விதத்தை இந்த உண்மைகள் எவ்வாறு பாதிக்கின்றன?

மோசியா 8:13–19

மனுக்குலத்துக்கு ஆதாயமாக கர்த்தர் தீர்க்கதரிசிகளையும், ஞானதிருஷ்டிக்காரர்களையும், வெளிப்படுத்துபவர்களையும் அளிக்கிறார்.

ஒரு ஞானதிருஷ்டிக்காரனை கர்த்தர் எழுப்பியிருக்கிறார் என்ற அம்மோனின் சாட்சியை லிம்கி கேட்டபோது, லிம்கி “மிகவும் களிகூர்ந்து தேவனுக்கு நன்றி செலுத்தினான்” (மோசியா 8:19). அவன் அவ்விதமாக உணர்ந்தான் என ஏன் நீங்கள் நினைக்கிறீர்கள்? மோசியா 8:13–19ல் அம்மோனின் வார்த்தைகளிலிருந்து ஞானதிருஷ்டிக்காரர்களைப்பற்றி நீங்கள் என்ன அறிந்துகொள்கிறீர்கள்?

இன்று, பிரதான தலைமை, மற்றும் பன்னிரு அப்போஸ்தலர் குழுமத்தினரை தீர்க்கதரிசிகளாகவும், ஞானதிருஷ்டிக்காரர்களாகவும், வெளிப்படுத்துபவர்களாகவும் நாம் ஆதரிக்கிறோம்? அவை உங்களுக்கு எப்படி “ஒரு பெரிய ஆதாயமாக” இருந்தன? (மோசியா 8:18). இயேசு கிறிஸ்துவைப் பற்றி அவர்கள் உங்களுக்கு என்ன கற்பித்தார்கள்?

தீர்க்கதரிசிகள், ஞானதிருஷ்டிக்காரர்கள் மற்றும் வெளிப்படுத்துபவர்களின் தேவையைப் பற்றி அம்மோனைப் போல நீங்கள் எப்படி தைரியமாகப் பேச முடியும்? (மோசியா 8:13–18 பார்க்கவும்). எடுத்துக்காட்டாக, உங்கள் குடும்பத்தினருடன் அல்லது சமூக ஊடகங்களில் எதைப் பற்றி நீங்கள் பகிரலாம்:

• ஜோசப் ஸ்மித் மற்றும் கர்த்தரின் பிற தீர்க்கதரிசிகளால் நம் நாளில் மறுஸ்தாபிதம் செய்யப்பட்ட சத்தியங்கள்(தேவனின் இயல்பு, நமது தெய்வீக அடையாளம் அல்லது குடும்பத்தின் நித்திய இயல்பு போன்றவை) . “இயேசு கிறிஸ்துவின் சுவிசேஷத்தின் முழுமையை மறுஸ்தாபிதம் செய்தல்” அல்லது “குடும்பம்: உலகிற்கு ஒரு பிரகடனம்” (சுவிசேஷ நூலகம்) பற்றிய மதிப்பாய்வு, இந்த உண்மைகளில் சிலவற்றை நீங்கள் சிந்திக்க உதவும்.

• கட்டளைகள் அல்லது நியமங்களின் ஆசீர்வாதங்கள் (ஞான வார்த்தை, கற்புடைமை நியாயப்பிரமாணம் அல்லது குடும்பங்களை முத்திரித்தல் போன்றவை).

கடந்த மாதம், பொது மாநாட்டில் தீர்க்கதரிசிகள், ஞானதிருஷ்டிக்காரர்கள் மற்றும் வெளிப்படுத்துபவர்களிடமிருந்து கேட்டோம். என்ன செய்திகள் உங்களை உணர்த்தியது? நீங்கள் கற்றுக்கொண்டவற்றின் அடிப்படையில் வித்தியாசமாக என்ன செய்வீர்கள்? “வரவிருக்கும் காரியங்களைப் பற்றி” கர்த்தருடைய ஞானதிருஷ்டிக்காரர்கள் என்ன சொன்னார்கள்? (மோசியா 8:17).

மோசியா 9–10

“கர்த்தருடைய பெலத்தினால்” நான் என் சவால்களை எதிர்கொள்ள முடியும்.

சீனிப் தனது தவறுகள் தனது மக்களை கடினமான சூழ்நிலையில் ஆழ்த்தியது என்று ஒப்புக்கொண்டான். ஆனால் பின்னர், அவன் லாமனியர்களுக்கு எதிராக போருக்குச் சென்றபோது, கர்த்தர் மீதுள்ள விசுவாசத்துடன் தங்களுடைய சவால்களை எதிர்கொள்ள அவன் தனது ஜனங்களுக்கு உதவினான். நீங்கள் மோசியா 9–10 வாசிக்கும்போது, தங்கள் விசுவாசத்தைக் காட்ட சீனிப்பின் ஜனம் என்ன செய்தார்கள் என்பதைத் தேடவும். தேவன் அவர்களை எவ்வாறு பெலப்படுத்தினார்? அவர் உங்களை எப்படி பெலப்படுத்தினார்? “கர்த்தருடைய பெலத்தாலே” முன் செல்வது என்றால் என்ன அர்த்தமென நீங்கள் நினைக்கிறீர்கள்? (மோசியா 9:17; 10:10–11).

மோசியா 10:11–17

என் தேர்ந்தெடுப்புகள் தலைமுறைகளுக்கு செல்வாக்கு ஏற்படுத்தும்.

மோசியா 10:11–17 நீங்கள் வாசிக்கும்போது, லாமனியர்களின் முந்தைய தலைமுறையினரின் செயல்கள் மற்றும் அணுகுமுறைகள் பின்வந்த தலைமுறைகளை எவ்வாறு பாதித்தன என்பதை அடையாளம் காணவும். இன்னும் பிறக்காதவர்கள் உட்பட, உங்கள் தேர்வுகள் மற்றவர்களை—நல்லதோ கெட்டதோ—எப்படிப் பாதிக்கலாம் என்பதைப் பற்றி இது என்ன சொல்கிறது?

பொருள்சார் பாடங்களைப் பயன்படுத்தவும். பொருள்சார் பாடங்கள் கற்றலை வேடிக்கையாகவும் மறக்கமுடியாததாகவும் ஆக்குகின்றன. மக்களின் தேர்வுகள் அவர்களின் சந்ததியினரை எவ்வாறு பாதிக்கலாம் என்பதை டோமினோக்களின் வரிசை காட்டலாம் (மோசியா 10:11–17 பார்க்கவும்).

பிள்ளைகளுக்கு போதிப்பதற்கான ஆலோசனைகள்

மோசியா 7:19

தேவன் வேதத்தில் மக்களுக்கு உதவினார், அவர் எனக்கு உதவ முடியும்.

• அவரது மக்கள் பிரச்சனையில் இருந்தபோது, ​​ராஜா லிம்கி அவர்களின் நம்பிக்கையை வளர்க்க வேதவசனங்களைப் பகிர்ந்து கொண்டான். உங்கள் பிள்ளைகளிடம் நம்பிக்கையை வளர்க்க உதவும் வேதக் கதைகள் அல்லது கதாபாத்திரங்களைப் பற்றி கேளுங்கள். பிறகு நீங்கள் மோசியா 7:19ஐ அவர்களுக்கு படித்து அந்த வசனத்தில் குறிப்பிட்டுள்ள கதைகளை விமர்சனம் செய்யலாம். ஒருவேளை உங்கள் குழந்தைகள் அவர்களைப்போல் நடிக்க விரும்புவார்கள். இந்தக் கதைகளில் மக்களுக்கு கர்த்தர் எவ்வாறு உதவினார்? அவர் நமக்கு எப்படி உதவுவார்?

• மார்மன் புஸ்தகத்தில் கர்த்தர் மக்களுக்கு எப்படி உதவினார்—அவர் நமக்கு எப்படி உதவ முடியும் என்பதை அடையாளம் காண அவர்களுக்கு உதவுங்கள்.

மோசியா 8:16–18

தேவன் நமக்கு தீர்க்கதரிசிகளையும், ஞானதிருஷ்டிக்காரர்களையும், வெளிப்படுத்துபவர்களையும் கொடுத்துள்ளார்.

• ஞானதிருஷ்டிக்காரர்களைப் பற்றிக் கற்பிப்பதற்கான ஒரு வழி, கண்ணாடிகள், தொலைநோக்கிகள் அல்லது நுண்ணோக்கி போன்றவற்றை நமக்கு நன்றாகப் பார்க்க உதவும் விஷயங்களுடன் ஒப்பிடுவதாகும். நீங்கள் உங்கள் பிள்ளைகளுக்கு மோசியா 8:17ஐ வாசிக்கும்போது, “ஞானதிருஷ்டிக்காரர்” என்ற வார்த்தையைக் கேட்கும் ஒவ்வொரு முறையும் தொலைநோக்கியைப் பார்ப்பது போல் அவர்கள் கண்களுக்கு மேல் கைகளை வைக்கலாம் (மோசே 6:35–36 ஐயும் பார்க்கவும்). தீர்க்கதரிசிகளுக்கு நம்மால் பார்க்க முடியாதவற்றை “பார்க்க” கர்த்தர் உதவும் விஷயங்களைப் பற்றி அவர்களிடம் பேசுங்கள். ஜோசப் ஸ்மித் போன்ற நமது தீர்க்கதரிசிகள் அல்லது ஞானதிருஷ்டிக்காரர்கள் நமக்கு என்ன வெளிப்படுத்தியுள்ளனர்?

• உங்கள் குழந்தைகளுடன் மோசியா 8:16–18 வாசித்த பிறகு, இது போன்ற ஒரு வாக்கியத்தை முடிப்பதற்கான வழிகளைப் பற்றி சிந்திக்க நீங்கள் அவர்களுக்கு உதவலாம் ஒரு ஞானதிருஷ்டிக்காரர் … நமக்கு உதவுபவர் போன்றவர்… . உதாரணமாக, ஒரு ஞானதிருஷ்டிக்காரன் நம்மை இயேசுவிடம் சுட்டிக்காட்டும் போக்குவரத்து அடையாளத்தைப் போன்றவன்.

• தீர்க்கதரிசிகள், ஞானதிருஷ்டிக்காரர்கள் மற்றும் வெளிப்படுத்துபவர்கள் நமக்கு அறிவுரை வழங்கிய விஷயங்களைக் காகிதத்தில் கால்தடங்களாக வரைய உங்கள் குழந்தைகளை நீங்கள் அழைக்கலாம். அறையைச் சுற்றி ஒரு பாதையில் கால்தடங்களை வைக்கவும், உங்கள் குழந்தைகளை இந்த கால்தடங்களில் நடக்க அனுமதிக்கவும். ஒரு ஞானதிருஷ்டிக்காரர் நமக்கு எப்படி “பெரிய நன்மையாக” இருக்க முடியும்? (மோசியா 8:17–18 பார்க்கவும்).

மோசியா 9:14–18, 10:10–11

நான் பலவீனமாக இருக்கும்போது, கர்த்தர் என்னைப் பலப்படுத்துவார்.

• குழந்தைகள் சவால்களை எதிர்கொள்ளும்போது, சில சமயங்களில் அவர்கள் பலவீனமாகவும், உதவியற்றவர்களாகவும் உணர்கிறார்கள். உங்கள் பிள்ளைகள் கர்த்தருடைய பலத்தில் சார்ந்திருக்க நீங்கள் எவ்வாறு உதவுவீர்கள்? உடல் வலுவாக இருக்க நாம் என்ன செய்கிறோம் என்று அவர்களிடம் கேட்கலாம். “மனுஷருடைய பெலம்” என்றால் என்ன? (மோசியா 10:11 பார்க்கவும்). “கர்த்தருடைய பலம்” பெற்றிருப்பது என்றால் என்ன? (மோசியா 9:17–18; 10:10பார்க்கவும் ). கர்த்தருடைய பெலத்தை நாம் எப்படி பெறுகிறோம்? உங்கள் பிள்ளைகள் கர்த்தரின் பலத்தைப் பெற உதவும் விஷயங்களைப் படம் வரையலாம்.

Vision to Joseph Smith (ஜோசப் ஸ்மித்துக்கு தரிசனம்) – க்ளார்க் கெல்லி ப்ரைஸ்