Pikja i soem Alma mo Amulek we tufala i kam fri long kalabus, i kam long Andrew Bosley

24–30 Jun: “Go Insaed long Kingdom blong Lod”

Alma 13–16

Long plante wei, laef long Amonaeha i no bin gud long Amulek mo long Siesrom. Amulek i wan “man we oli save nem blong hem” we hem i gat “plante famli mo fren,” mo plante rij samting” (Alma 10:4). Siesrom, hem i wan “nambawan man” long medel blong ol loya mo hem i gat plante bisnis” (Alma 10:31). Afta, Alma i kasem Amonaeha wetem tabu invitesen ia blong sakem sin mo “save go insaed long kingdom blong Lod” (Alma 13:16). Long Amulek, Siesrom mo ol narawan, blong akseptem invitesen ia, i minim blong mekem wan sakrifaes, mo iven, i lidim olgeta blong fesem plante agens.

Be yes, stori ia i no stop ia. Long Alma 13–16, yumi lanem wanem i hapen long en long olgeta we oli stap biliv “long paoa blong Kraes, blong kasem fasin blong sevem man” (Alma 15:6). Samtaem, man i kam fri, samtaem, man i kam hiling—mo samtaem, ol samting oli no kam isi moa long laef ia. Be oltaem, “Lod i tekem olgeta long hem bakegen, long glori” (Alma 14:11). Oltaem, Lod i “givim paoa, folem fet blong [yumi] … long Kraes” (Alma 14:28). Mo oltaem, “fet long Lod” ia i givim yumi “hop se bae [yumi] save kasem laef we i no save finis” (Alma 13:29). Taem yu stap ridim olgeta japta ia, yu save gat kamfot long ol promes ia, mo yu save kam blong andastanem gud moa wanem we Alma i minim taem hem i tokbaot blong go Insaed long Kingdom blong Lod.”(Alma 13:16).

Ol tingting blong stap lan long Hom mo Jos

Alma 13:1–19

Ol odinens blong prishud i helpem mi blong luk long Jisas Kraes from fasin blong pemaot man.

Ol toktok blong Alma long Alma 13 i talemaot trutok wetem paoa abaot prishud paoa blong God mo stamba tingting blong hem—blong mekem rere yumi blong go Insaed long Kingdom blong Lod” o laef we i no save finis (Alma 13:16). Maet yu save raetemdaon wan trutok long wanwan ves long Alma 13:1–19. Hemia samfala tingting we yu save stat wetem:

Ves 1:Prishud, oli singaotem tu “oda blong Pikinini blong [God]” (luk tu long Doktrin mo Ol Kavenan 107:1–4).

Ves 2.God i stap odenem ol pris blong helpem ol pipol blong lukluk long Pikinini blong Hem from fasin blong pemaot man.

?Wanem samting moa yu faenem? ?Yu filim olsem wanem abaot prishud taem yu stap tingting hevi long olgeta trutok ia?

Yu bin tingbaot wan taem long laef blong yu abaot ol prishud odinens olsem wan presen we i kam long God blong helpem “lukluk fowod from Pikinini blong Hem from fasin blong pemaot man”? (ves 2; luk tu long ves 16). Ating bae yu save mekem wan lis blong ol odinens we yu kasem, olsem baptaes, konfemesen, sakramen, setapat from wan koling, wan blesing blong kamfot o hiling, wan petriakel blesing, mo ol tempol odinens. Tingting hevi long ol eksperiens blong yu wetem ol odinens olsem olgeta ia. Tingting long ol simbol o saen we i go wetem mo Spirit we yu bin filim. ?Olsem wanem nao wanwan long ol odinens ia i poenem yu i go long Jisas Kraes from fasin blong pemaot man?

Sam man oli mekem mistek taem oli biliv se ol odinens—mo prishud atoriti blong mekem ol odinens ia—oli no impoten. ?Olsem wanem nao bae yu ansa long tingting ia? Hemia tu mesej blong jeneral konfrens we i save givim moa infomesen long yu; pikimap wan, mo raetemdaon eni ansa we i kam long yu: Russell M. Nelson, “Spiritual Treasures,” Liahona, Nov. 2019, 76–79; Dale G. Renlund, “The Priesthood and the Savior’s Atoning Power,” Liahona, Nov. 2017, 64–67.

Luk tu long Doctrine and Covenants 84:19–22; Gospel Topics, “Covenant,” Gospel Library.

Ol odinens blong prishud i helpem yumi blong lukluk i go long Kraes from fasin blong pemaot man.

Alma 13

Lod i stap invaetem yumi blong go insaed long kingdom blong Hem.

Invitesen blong “go Insaed long Kingdom blong Lod” (Alma 13:16) oli ripitim plante taem long Alma 13. Ating yu save lukaotem long evri ves toktok ia “kingdom” i stap long hem mo tingting hevi long wanem we wanwan ves i tijim yu abaot wanem “kingdom blong Lod” i minim. ?Olsem wanem nao hemia i defren long spel long saed blong bodi? ?Olsem wanem yumi faenem hemia?

Luk tu long Russell M. Nelson, “Winim Wol ia mo Faenem Pis,” Liahona, Nov. 2022, 95–98; “Come unto Jesus,” Hymns, no. 117.

Alma 14

Long ol taem blong tes mo bigfala aksiden o trabol, yumi mas trastem Lod.

Maet yu askem yuwan, olsem we plante oli mekem, ?from wanem ol rabis samting i stap hapen long ol pipol we oli stap traehad blong laef long wan stret mo gud fasin? Maet bae yu no faenem evri ansa long ik had kwestin ia long Alma 14, be i gat fulap samting blong lanem aot long wei we Alma mo Amulek oli ansa long ol bigfala trabol. ?Wanem nao ol toktok mo ol aksen blong olgeta oli tijim yu abaot from wanem, samtaem Lod i stap letem ol stret mo gud pipol oli safa? Wanem advaes nao yu ting se Alma mo Amulek i givim long yumi taem yumi stap eksperiensem ol had taem?

Luk tu long Rom 8:35–39; 1 Pita 4:12–14; Dktrin mo Ol Kavenan 122:5–9; Dale G. Renlund, “Fasin blong Mekem I No Stret long Man we I Mekem Man I Kros,” Liahona, Mei 2021, 41–45.

Stap rere oltaem. Ol taem blong tij oli pas kwiktaem, mekem se yu tekem janis taem oli kamkamaot. Eksampol wan bigfala trabol long wol, bae i save wan janis blong serem ol prinsipol long Alma 14 abaot from wanem, samtaem, Lod i stap letem olgeta we oli no gat rong oli stap safa.

All Things for Our Good

Elder Gong offers reassurance that in our Heavenly Father’s plan, even tragedies and other difficult trials can be for our good.

Alma 15:16, 18

Fasin blong stap olsem disaepol i nidim blong mekem sakrifaes.

Bae i intresting blong mekem wan lis blong ol samting we Amulek i givap long hem blong akseptem gospel (luk long Alma 10:4–5; 15:16) mo komperem long wan lis blong wanem samting hem i bin winim afta (luk long Alma 15:18; 16:13–15; 34:8). ?Wanem nao yu wiling blong givim olsem sakrifaes blong kam wan moa fetful disaepol blong Jisas Kraes?

Blong moa tingting, luk long namba blong manis ia blong Liahona mo Blong Ol Yut Oli Kam Strong magasin.

Sam Tingting blong Tijim Ol Pikinini

Alma 13:1–2, 16

Prishud paoa i helpem mi kam kolosap moa long Kraes.

• Wan wei blong helpem ol pikinini blong yu luk hao prishud paoa i poen i go long Kraes i blong soem olgeta ol pikja long ol wei oli yusum prishud paoa (luk long Gospel Art Book, nos. 103–110). Ol pikinini blong yu i save helpem yu tingting long ol wei we Jisas i yusum paoa blong Hem (eksampol, luk long, Matiu 26:26–28; Mak 5:22–24, 35–43; Gospel Art Book, nos. 38–41). Afta yu save ridim Alma 13:2 tugeta mo tokbaot hao prishud paoa i helpem yumi “lukluk fowod i go long Pikinini blong [God ” mo kam moa olsem Hem.

• ?From wanem God i givim ol prishud odinens? Helpem ol pikinini blong yu blong faenem wan ansa insaed long Alma 13:16. Sapos oli nidim help blong save wanem ia wan odinens, i gat ol lis i stap long Jeneral Hanbuk, 18.1 mo 18.2. Ating yu mo ol pikinini blong yu i save tokbaot ol eksperiens we yufala i kasem ol odinens ia. ?Olsem wanem nao, ol odinens ia oli helpem yumi blong “luk fored long [Jisas Kraes] blong kam klin aot long ol sin blong [yumi]”? Wan singsing olsem “When I Am Baptized” (Children’s Songbook, 103) i save helpem ol pikinini blong yu blong tingbaot sam nara risen blong stap talem tangkyu from ol prishud odinens.

Alma 13:10–12

Jisas Kraes i save mekem mi kam klin.

• Afta ridim ol ves ia tugeta, tingting long ol wei blong helpem ol pikinini blong yu i pikjarem wanem ol ves ia i stap tijim. Ating yufala i save wasem wan samting tugeta. ?Yumi filim olsem wanem taem yumi doti? ?Yumi filim olsem wanem taem yumi kam klin bakegen? ?Olsem wanem nao ol filing ia oli semmak long wanem yumi stap filim taem yumi sin, mo afta, taem yumi sakem sin mo kam klin tru long Atonmen blong Sevya?

Alma 14:18–29

Papa long Heven i mekem mi kam strong moa taem mi gat fet long Jisas Kraes

• Aktiviti pej blong wik ia i save helpem yu—ol pikinini blong yu—talem stori long olgeta, soem ol pikja olsem olgeta ia long Alma 14:18–29 (luk tu long “Japta 22: Misin blong Alma I Go long Amonaea,” Ol Stori long Buk blong Momon, 58–63). Mekem i klia gud se Alma mo Amulek i bin kasem paoa from “fet blong [tufala] we i stap long Kraes” (Alma 14:26). Yu save tokbaot wan taem we God i bin givim paoa “folem fet blong [yu].” ?Olsem wanem nao yumi save stap fetful olsem Alma mo Amulek?

Alma 15:3–12

Jisas Kraes i save jenisim ol hat.

• Fasin blong jenisim hat blong Siesrom trhu Jisas Kraes, hem i insperesen. Tingting blong luklukbak wetem ol pikinini blong yu long wanem we oli bin lanem las wik abaot Siesrom. Afta yu save ridim tugeta Alma 15:3–12 blong faenemaot olsem wanem nao hem i bin jenis. ?Wanem nao yumi lanem aot long eksperiens blong Siesrom abaot paoa blong Lod? (Luk long “Zeezrom Is Healed and Baptized” [vidio], Gospel Library).

Blong moa tingting, luk long namba blong manis ia long Fren magasin.

Alma mo Amulek long Kalabus, i kam long Gary L. Kapp