தீமைக்காகவும், நன்மைக்காகவும் வார்த்தைகளின் வல்லமையை ஆல்மா 30–31லிலுள்ள விவரங்கள் தெளிவாகக் காட்டுகின்றன. கோரிகோர் என்ற பெயருடைய ஒரு பொய்யான போதகனின் “இச்சகமான மற்றும்”, “உரக்கப்பேசும் வார்த்தைகள்” “அநேக ஆத்துமாக்களை அழிவிற்காகக் கொண்டுபோக” அச்சுறுத்தியது ( ஆல்மா 30:31, 47). இதே போன்று பிரிந்துபோன ஒரு எதிர்ப்பாளனான, நேபியனான சோரம் என்ற பெயருடையவனின் போதனைகள் “பெரும் தவறுக்குள் விழவும்”, “கர்த்தருடைய வழிகளைப் புரட்டவும்” ஜனங்களின் ஒரு முழு குழுவையும் நடத்தியது” (ஆல்மா 31:9, 11).
இதற்கு நேர்மாறாக, தேவனுடைய வார்த்தை “பட்டயம் அல்லது வேறு எதையும் விட ஜனங்களின் மனதில் அதிக வல்லமைவாய்ந்த தாக்கத்தை ஏற்படுத்தும்” (ஆல்மா 31:5) என்பதில் ஆல்மா அசைக்க முடியாத நம்பிக்கை கொண்டிருந்தான். ஆல்மாவின் வார்த்தைகள் நித்திய சத்தியத்தை வெளிப்படுத்தியது மற்றும் கோரிகாரை மௌனமாக்க இயேசு கிறிஸ்துவின் வல்லமைகளை ஈர்த்தது (ஆல்மா 30:39–50 பார்க்கவும்), மேலும் சோரமியர்களை மீண்டும் சத்தியத்திற்கு கொண்டு வர அவனுடன் சென்றவர்களுக்கு ஆசீர்வாதத்தை அவை வேண்டின (ஆல்மா 31:31–38 பார்க்கவும்). இன்று கிறிஸ்துவைப் பின்பற்றுபவர்களுக்கு தவறான செய்திகள் பொதுவானதாக இருக்கும்போது இவை மதிப்புமிக்க எடுத்துக்காட்டுகள். “தேவ வார்த்தையின் நன்மையை” ( ஆல்மா 31:5) ஆல்மா செய்ததைப்போல நம்புவதால் சத்தியத்தை நாம் கண்டுபிடிக்கலாம்.
தவறான போதனைகளால் சத்துரு என்னை ஏமாற்ற முயற்சிக்கிறான்.
ஆல்மா 30ல் கோரிகோர் “அந்தி-கிறிஸ்து” என்றழைக்கப்படுகிறான் (வசனம் 6) இயேசு கிறிஸ்துவுக்கும் அவருடைய சுவிசேஷத்துக்கும் எதிராக வெளிப்படையாகவோ அல்லது இரகசியமாகவோ இருக்கும் எவரும் அல்லது எதுவும் அந்திக் கிறிஸ்து ஆவர். ஆல்மா 30:6–31ல் உள்ள எந்த வசனங்கள் இந்த விளக்கத்திற்கு கோரிகோர் பொருந்துகிறான் என்பதைக் காட்டுகிறது? கோரிகோரின் தவறான போதனைகளைப் படிப்பது, இதே போன்ற போதனைகளை அடையாளம் கண்டு நிராகரிக்க உதவும். பின்வரும் செயல்பாடுகள் உங்கள் படிப்பிற்கு உதவக்கூடும்:
இரட்சகரின் போதனைகளுக்கும் சாத்தானின் தவறான போலித்தனங்களுக்கும் இடையே உள்ள வித்தியாசத்தை நன்றாகப் புரிந்துகொள்ள நீங்கள் என்ன பொருள்சார் பாடங்களைப் பற்றி சிந்திக்கலாம்? சில எடுத்துக்காட்டுகள் மீன்பிடித்தல், போலி பணம் மற்றும் தவறான விளம்பரங்களுக்கு பயன்படுத்தப்படும் ஒரு கவர்ச்சியாகும். ஏதாவது போலியானது என்று எப்படி சொல்ல முடியும்? உண்மையை எப்படி அடையாளம் காண முடியும்?
ஆல்மா 30:6–31ல் கோரிகோர் போதித்த பொய்யான கோட்பாடுகளை ஒரு பட்டியலிடுவதை கருத்தில்கொள்ளவும். அவனுடைய போதனைகளில் எது இன்று கவர்ந்திழுப்பதாக இருக்கும்? (ஆல்மா 30:12–18, 23–28 பார்க்கவும்). இத்தகைய கருத்துக்களை ஏற்றுக்கொள்வதால் என்ன தீங்கு விளையும்? இன்று உங்களை ஏமாற்றுவதற்கு சத்துரு என்ன தவறான செய்திகளைப் பயன்படுத்துகிறான்?
கோரிகோரின் போதனைகளை சத்தியத்துடன் எதிர்க்க ஆல்மா என்ன செய்தான்? (ஆல்மா 30:31–54 பார்க்கவும்). இதே கொள்கைகளை உங்கள் வாழ்க்கையில் எவ்வாறு பயன்படுத்தலாம்?
ஆல்மாவைப் போலவே, தற்கால தீர்க்கதரிசிகளும் அப்போஸ்தலர்களும் சத்தியத்திற்கும் சாத்தானின் பொய்களுக்கும் உள்ள வித்தியாசத்தை அறிய உதவுகிறார்கள். இந்த செய்தியில் எந்த ஆலோசனையை நீங்கள் காண்கிறீர்கள்: காரி இ. ஸ்டீவென்சன், “என்னை ஏமாற்றாதே” (லியஹோனா, நவ. 2019, 00–00).
படம்
கோரிகோர் ஆல்மாவுடன் பேசுதல்
Korihor Confronts Alma (கோரிகோர் ஆல்மாவை எதிர்கொள்கிறான்) – ராபர்ட் டி. பாரெட்
இன்று பலர் கடவுள் இல்லை என்று நம்புகிறார்கள். தேவன் உண்மையானவர் என்பதை அறிய உதவும் ஆல்மா 30:39–46ல் நீங்கள் எதைக் காண்கிறீர்கள்? அவரை அறிந்து கொள்வதிலிருந்து நம்மைத் தடுப்பது எது? தேவன் ஜீவிக்கிறார் என்பதற்கு வேறு என்ன சாட்சியங்களை கொடுத்திருக்கிறார்?
பிசாசானவன் அவனைப் பின்பற்றுகிறவர்களை எவ்வாறு நடத்துகிறான் என்பதைப்பற்றி ஆல்மா 30:56–60லிருந்து நீங்கள் என்ன கற்றுக்கொள்கிறீர்கள்? அவனுடைய செல்வாக்குக்கு எதிராக உங்கள் வீட்டைப் பாதுகாக்க நீங்கள் என்ன செய்யமுடியும்?
நீதிக்கு நேராக ஜனங்களை நடத்த தேவனுடைய வார்த்தைக்கு வல்லமையிருக்கிறது.
நேபியரிடமிருந்து சோரமியர்கள் பிரிந்துபோவதன் பிரச்சினைக்கு ஒரு அரசியல் அல்லது இராணுவ தீர்வு அவசியமானதென சிலர் விரும்புவதாகத் தோன்றக்கூடும் (ஆல்மா 31:1–4 பார்க்கவும்). ஆனால் “தேவ வார்த்தையின் நன்மையை” (ஆல்மா 31:5) நம்புவதற்கு ஆல்மா கற்றுக்கொண்டான். தேவ வார்த்தையின் வல்லமை குறித்து ஆல்மா 31:5லிருந்து நீங்கள் என்ன கற்றுக்கொள்கிறீர்கள்? (எபிரெயர் 4:12; 1 நேபி 15:23–24; 2 நேபி 31:20; யாக்கோபு 2:8; ஏலமன் 3:29–30ஐயும் பார்க்கவும்).
ஆல்மா 31ஐ நீங்கள் படிக்கும்போது, உங்கள் வாழ்க்கை அனுபவங்களுக்குப் பொருந்தும் வேறு என்ன சுவிசேஷ உண்மைகளை நீங்கள் காணலாம்? உதாரணமாக:
நீதியானவற்றை ஜனங்கள் செய்ய தேவ வார்த்தை நடத்துகிறதென நீங்கள் எவ்வாறு பார்த்தீர்கள்?(வசனம் 5 பார்க்கவும்).
ஆல்மாவின் மனப்பான்மை, உணர்வுகள் மற்றும் பிறரைப் பற்றிய செயல்களை (வசனங்கள் 34–35ஐப் பார்க்கவும்) சோரமியர்களுடையவற்றுடன் (வசனங்கள் 17–28ஐப் பார்க்கவும்) ஒப்பிடவும். நீங்கள் எப்படி ஆல்மாவைப் போல் இருக்க முடியும்?
ஆல்மா 31:30–38 இல் மற்றவர்களின் பாவங்களுக்காக வருந்துபவர்களுக்கு உதவக்கூடியது என்ன?
இயேசு கிறிஸ்துவின் நிமித்தம், யாராலும் மாறமுடியும்.
சோரமியர்களுக்கு சுவிசேஷத்தைக் கற்பிக்க ஆல்மா தன்னுடன் அழைத்துச் சென்ற ஜனக்குழுவைக் கவனியுங்கள் (ஆல்மா 31:6 பார்க்கவும்). (மோசியா 27:8–37; 28:4; ஆல்மா 10:1–6; 11:21–25; 15:3–12ல் இந்த ஜனங்களின் வாழ்க்கையைப்பற்றி நீங்கள் என்ன கற்கிறீர்கள்? அவர்களின் அனுபவங்களில் உங்களுக்கு என்ன செய்தி இருக்கலாம்?
மார்மன் புத்தகம் தவறான போதனைகளுக்கு எதிராக என்னை எச்சரிக்கிறது.
சில பொருட்கள் (பணம் அல்லது உணவு போன்றவை) மற்றும் இந்த பொருட்களின் பொம்மைகளின் போலிகளைக் காண்பிப்பதைக் கருத்தில் கொள்ளவும். இது உண்மையான விஷயங்களுக்கும் பொய்யான விஷயங்களுக்கும் உள்ள வித்தியாசத்தை எவ்வாறு அறிந்து கொள்வது என்பது பற்றிய கலந்துரையாடலுக்கு வழிவகுக்கும். கோரிகோர் தேவனைப் பற்றி கற்பித்த பொய்கள் அல்லது தவறான போதனைகளை ஆல்மா 30:12–18 இலிருந்து உங்கள் பிள்ளைகள் அடையாளம் காண உதவலாம். அல்மா 30:32–35ல், அந்தப் பொய்களுக்கு ஆல்மா எவ்வாறு பதிலளித்தான்? நேபியின் எடுத்துக்காட்டிலிருந்து நாம் என்ன கற்றுக்கொள்ளுகிறோம்?
தேவன் ஜீவிக்கிறார் என்று வானத்திலும் பூமியிலும் உள்ள விஷயங்கள் எவ்வாறு சாட்சியமளிக்கின்றன என்பதைப் பற்றி ஆல்மா பேசினான். முடிந்தால், உங்கள் குழந்தைகளுடன் வெளியே நடந்து செல்லுங்கள் அல்லது ஆல்மா 30:44ஐ வாசிக்கும்போது ஜன்னலண்டை நிற்கவும். தேவன் உண்மையானவர் என்பதையும் அவர் அவர்களை நேசிக்கிறார் என்பதையும் அறிய உதவும் விஷயங்களை சுட்டிக்காட்டும்படி அவர்களிடம் கேளுங்கள். அவர்கள் கண்டறியும் விஷயங்களின் படங்களையும் வரையலாம் (இந்த வார செயல்பாடு பக்கத்தைப் பார்க்கவும்).
அவ்வப்போது இசையை நிறுத்திவிட்டு, அந்தப் பொருளை வைத்திருக்கும் குழந்தையிடம், அவன் அல்லது அவள் நன்றி தெரிவிக்கக்கூடிய பரலோக பிதா உருவாக்கிய ஒன்றைப் பகிர்ந்து கொள்ளச் சொல்லுங்கள்.
குழந்தைகள் காட்சிகள் மூலம் கற்றுக்கொள்கிறார்கள். காட்சிகள் உங்கள் பிள்ளைகள் நன்றாகப் புரிந்துகொள்ளவும், அவர்கள் கற்பிக்கப்பட்டவற்றை நீண்ட நேரம் நினைவில் வைத்துக் கொள்ளவும் உதவும். இந்த குறிப்பில் உள்ள குழந்தைகளுக்கான பெரும்பாலான நிகழ்ச்சிகள் காட்சிகளைப் பயன்படுத்த பரிந்துரைக்கின்றன. உங்கள் பிள்ளைகள் கற்றுக்கொண்டதை நினைவில் வைத்துக் கொள்ள உதவ, எதிர்காலத்தில் அதே காட்சிகளை மீண்டும் காண்பிப்பதைக் கருத்தில் கொள்ளவும்.
தேவனுடைய வார்த்தை “வேறெதையும்” விட மிக வல்லமை வாய்ந்தது என்பதை உங்கள் பிள்ளைகளுக்கு எப்படிப் புரிந்துகொள்ள உதவலாம்? (ஆல்மா 31:5). வல்லமை வாய்ந்த ஒன்று அல்லது ஒருவரைப் பற்றி சிந்திக்க அல்லது சில வல்லமைவாய்ந்த விஷயங்களின் படங்களைக் காட்டும்படி அவர்களிடம் கேட்பதைக் கருத்தில் கொள்ளவும். எது அவர்களை வல்லமைவாய்ந்ததாக ஆக்குகிறது? ஆல்மா 31:5ஐ ஒன்றாக வாசித்து, இந்த வசனத்தின் அர்த்தம் என்ன என்று உங்கள் பிள்ளைகளிடம் கேளுங்கள். தேவனுடைய வார்த்தை உங்கள் மீது வல்லமைவாய்ந்த தாக்கத்தை ஏற்படுத்திய அனுபவத்தைப் பகிர்ந்து கொள்ளுங்கள்.
ஆல்மா 31:8–35 வசனங்களைப் பயன்படுத்தி, ஆல்மா மற்றும் சோரமியர்களின் கதையை சுருக்கமாகச் சொல்லவும். பிளாக்குகள் அல்லது கற்கள் கொண்ட ராமியம்தோம் கோபுரத்தை உருவாக்க அவர்கள் உங்களுக்கு உதவும்போது, சோரமியர்கள் தங்கள் ஜெபத்தில் சொன்ன விஷயங்களை அடையாளம் காண உங்கள் பிள்ளைகளுக்கு உதவுங்கள் (ஆல்மா 31:15–18 பார்க்கவும்). நாம் இப்படி ஜெபிக்கக்கூடாது என்பதை விளக்குங்கள். நாம் எப்படி ஜெபிக்க வேண்டும் என்பதைப் பற்றி நீங்களும் உங்கள் குழந்தைகளும் பேசும்போது, அவர்கள் ஒவ்வொரு பிளாக்குகள் அல்லது கற்களை அகற்றட்டும். தினமும் காலையிலும் இரவிலும் ஜெபம் செய்ய நினைவூட்டுவதற்காக அவர்கள் படுக்கையில் கற்களில் ஒன்றை வைத்திருக்கலாம். தங்களுடைய கல்லை அலங்கரிப்பதை அவர்கள் ரசிக்கக்கூடும்.