அம்மோனும் லாமோனி இராஜாவும் – ஸ்காட் எம். ஸ்நோ

ஜூலை 1–7: “உங்களை நான் ஒரு கருவியாக்குவேன்”

ஆல்மா 17–22

சுவிசேஷத்தை பகிர்ந்துகொள்ளாததற்கு ஜனங்கள் கொடுக்கிற அனைத்துக் காரணங்களையும்பற்றி சிந்தியுங்கள்: “எனக்குப் போதுமான அளவுக்குத் தெரியாது” அல்லது “அவர்களுக்கு ஆர்வமிருக்கிறதாவென எனக்கு நிச்சயமாகத் தெரியாது” அல்லது “நான் நிராகரிக்கப்படுவேன் என நான் பயப்படுகிறேன்” சிலநேரங்களில் இதேபோன்ற காரியங்களை நீங்கள் நினைத்துக் கொண்டிருந்ததை நீங்கள் கண்டிருக்கலாம். லாமானியர்களோடு சுவிசேஷத்தைப் பகிர்ந்துகொள்ளாததற்கு நேபியர்களுக்கு கூடுதலான காரணமிருந்தது: அவர்கள் “மூர்க்கமாயும், கடினமாயும், கொடிய ஜனங்களுமாயிருந்து நேபியர்களைக் கொலை செய்ய களிகூருகிற ஜனங்களுமாயிருந்தார்கள்” என அவர்கள் விவரிக்கப்பட்டிருந்தனர் (ஆல்மா17:14; ஆல்மா26:23–25 ஐயும் பார்க்கவும்). ஆனால், லாமானியர்களோடு சுவிசேஷத்தைப் பகிர்ந்துகொள்ளவேண்டுமென்று ஏன் அவர்கள் உணர்ந்தார்களென்பதற்கு மோசியாவின் குமாரர்களுக்கு ஒரு வலிமையான காரணமிருந்தது: “இப்பொழுதும் அவர்களால் எந்த ஒரு மனுஷ ஆத்துமாவும் அழிந்துபோவதை தாங்கிக்கொள்ள முடியாததால் எல்லா சிருஷ்டிக்கும் இரட்சிப்பு அறிவிக்கப்படவேண்டும் என்று வாஞ்சித்தார்கள்” (மோசியா28:3) அம்மோனுக்கும் அவனுடைய சகோதரர்களுக்கும் உணர்த்திய இந்த அன்பு, உங்கள் குடும்பத்தாருடனும், உங்கள் நண்பர்களுடனும், இதை ஏற்றுக்கொள்ளுவார்கள் என தோன்றாத பரிச்சயமானவர்களுடனும் கூட சுவிசேஷத்தைப் பகிர்ந்துகொள்ள உங்களுக்கும் உணர்த்தலாம்.

வீடு மற்றும் சபையில் கற்பதற்கான ஆலோசனைகள்

ஆல்மா 17:1–4.

கிறிஸ்துவின் மீதான எளிய, சீரான அர்ப்பணிப்பின் செயல்கள் அவருடைய வல்லமையைப் பெற எனக்கு உதவுகின்றன.

இயேசு கிறிஸ்துமீது உங்கள் சாட்சியையும் ஒப்புக்கொடுத்தலையும் வலுவாக வைத்திருப்பது எப்படி என ஆல்மா 17:1–4லிருந்து நீங்கள் என்ன கற்றுக்கொள்கிறீர்கள்? மோசியாவின் குமாரர்கள் என்ன செய்தார்கள், கர்த்தர் அவர்களை எவ்வாறு ஆசீர்வதித்தார்?

ஆல்மா 17–22ல், மோசியாவின் குமாரர்களின் அனுபவங்களைப் பற்றி நீங்கள் படிக்கும்போது அவர்களின் ஆவிக்குரிய ஆயத்தம் லாமனியர்களிடையே அவர்களின் சேவையை எவ்வாறு பாதித்தது என்பதைக் கவனியுங்கள் (உதாரணமாக, ஆல்மா 18:10–18, 34–36; 20:2–5; 22:12–16 பார்க்கவும்). அவர்களுடைய எடுத்துக்காட்டைப் பின்பற்ற நீங்கள் என்ன செய்யவேண்டுமென உணர்த்தப்படுகிறீர்கள்?

ஆல்மா 17:6–12; 19:16–36

நான் தேவனின் கைகளில் ஒரு கருவியாக இருக்க முடியும்.

வேதங்களில் நாம் படிக்கும் மனமாற்றத்தைப்பற்றிய பதிவுகள் பெரும்பாலும் வியத்தகு நிகழ்வுகளை உள்ளடக்கியிருந்தாலும், அவற்றின் மையத்தில் பேசுவதற்கும் மற்றவர்களுடன் இயேசு கிறிஸ்துவில் தங்களின் விசுவாசத்தின் சாட்சியைப் பகிர்ந்து கொள்வதற்கும் தைரியம் கொண்ட தனிப்பட்டவர்களை நாம் பொதுவாகக் காணலாம். இந்த வாரம் அபிஷ் மற்றும் மோசியாவின் குமாரர்களைப் பற்றி நீங்கள் படிக்கும்போது இதைப் பற்றி சிந்தியுங்கள்.

தேவனின் கைகளில் ஒரு கருவியாக இருப்பதன் அர்த்தம் என்ன என்று நீங்கள் நினைக்கிறீர்கள்? உங்கள் அன்றாட வாழ்க்கையில் நீங்கள் பயன்படுத்தக்கூடிய உபகரணங்கள் அல்லது கருவிகளைப் பற்றி சிந்திக்க இது உதவக்கூடும். ஆல்மா17:6–12ல் அவர்கள் தேவனுடைய கரங்களில் கருவிகளாக இருக்கமுடியும்படியாக மோசியாவின் குமாரர்கள் என்ன செய்தார்கள் என்பதைத் தேடுங்கள். மற்றவர்கள் கிறிஸ்துவிடம் வர உதவுவதில் நீங்கள் எவ்வாறு மிகவும் பயனுள்ள கருவியாக மாற முடியும்?

ஆல்மா 19:16–36ல் அபிஷ் பற்றி உங்களை கவர்ந்தது எது? கிறிஸ்துவில் விசுவாசத்தை வளர்க்க மற்றவர்களுக்கு உதவுவது பற்றி அவளிடமிருந்து நீங்கள் என்ன கற்றுக்கொள்கிறீர்கள்? உதாரணமாக, நீங்கள் விரும்புபவர்கள் “தேவனின் வல்லமையை நம்புவதற்கு” எது உதவும் என நீங்கள் உணர்கிறீர்கள்? (ஆல்மா 19:17).

அபிஷின் அனுபவங்களை மூப்பர் டியட்டர் எப். உக்டர்ப் கற்பித்த கொள்கைகளுடன் நீங்கள் ஒப்பிட்டுப் பார்க்கலாம். “ஊழியப் பணி: உங்கள் இருதயத்தில் உள்ளவைகளை பகிர்ந்து கொள்ளுதல்” (லியஹோனா, மே 2019, 15–18). மூப்பர் உக்டர்பின் “ஐந்து எளிய பரிந்துரைகளை” அபிஷ் எவ்வாறு எடுத்துக்காட்டுகிறாள்? இயேசு கிறிஸ்துவைப் பற்றி நீங்கள் சொல்லக்கூடிய சில விஷயங்களை எழுத முயற்சிக்கவும். உதாரணமாக, “எனக்கு, இயேசு கிறிஸ்து …” அல்லது “இரட்சகர் எனக்கு உதவுகிறார் …”

Come and See

Come and Help

Come and Belong

பொருள்சார் பாடங்களைப் பயன்படுத்தவும். எந்த நேரத்திலும் மக்கள் தாங்கள் கற்றுக்கொள்வது தொடர்பான ஒன்றைப் பார்க்கவோ அல்லது தொடவோ முடியுமானால், அவர்கள் அதை நீண்ட நேரம் நினைவில் வைத்திருக்க வாய்ப்புள்ளது. உதாரணமாக, நீங்கள் ஆல்மா 17:11ஐப் பற்றிக் கற்பிக்கிறீர்கள் என்றால், தேவனின் கரங்களில் ஒரு கருவியாக இருப்பதைப் பற்றிய கலந்துரையாடலை ஊக்குவிக்க இசைக்கருவிகளையோ அல்லது எழுதும் கருவிகளையோ காட்டுவதைக் கருத்தில் கொள்ளவும்.

ஆல்மா 17–19

நாம் மற்றவர்களுக்கு அன்பு காட்டும்போது, இயேசு கிறிஸ்துவின் சுவிசேஷத்தைப் பெற அவர்களுக்கு உதவலாம்.

ஆல்மா 17–19ல் உள்ள வசனங்களைத் தேடுங்கள், இது லாமானியர்கள் மீதான அம்மோனின் அன்பு இயேசு கிறிஸ்துவின் சுவிசேஷத்தைப் பகிர்ந்து கொள்வதற்கான அவனது முயற்சிகளை எவ்வாறு உணர்த்தியது என்பதைக் காட்டுகிறது. அவனது எடுத்துக்காட்டிலிருந்து நீங்கள் சுவிசேஷத்தைப் பகிர்ந்துகொள்ளும் என்ன பிற உண்மைகளை கற்றுக்கொள்கிறீர்கள்?

Ammon Serves and Teaches King Lamoni | Alma 17–19

மினர்வா டெய்செர்ட் (1888–1976), Ammon Saves the King’s Flocks (அம்மோன் இராஜாவின் ஆடுகளைப் பாதுகாத்தல்) 1949–1951, oil on masonite, 35 15/16 × 48 inches. பிரிகாம் யங் பல்கலைக்கழக கலை அருங்காட்சியகம், 1969.

ஆல்மா 19:36

மனந்திரும்புவதற்கு கர்த்தர் எனக்கு உதவுவார்.

லமோனி மற்றும் அவனது ஜனங்களின் மனமாற்றத்தை விவரித்த பிறகு, இயேசு கிறிஸ்துவைப்பற்றிய ஒரு அவதானிப்புடன் விவரத்தை மார்மன் சுருக்கமாகக் கூறினான். கர்த்தருடைய தன்மையைப்பற்றி ஆல்மா 19:36 உங்களுக்கு என்ன கற்பிக்கிறது? ஆல்மா 19:16–36ல் உள்ள விவரம் அவரைப்பற்றி வேறு என்ன கற்பிக்கிறது? உங்களை நோக்கி கர்த்தரின் கரம் நீட்டப்பட்டதை நீங்கள் எப்போது உணர்ந்தீர்கள்?

ஆல்மா 20:23; 22:15–18.

தேவனை அறிவது எந்த தியாகத்திற்கும் தகுதியானது.

லாமோனியின் தகப்பன் தனது உயிரைக் காப்பாற்றுவதற்காக விட்டுக்கொடுக்கத் தயாராக இருந்ததை (ஆல்மா 20:23 பார்க்கவும்) அவன் பின்னர் சுவிசேஷத்தின் மகிழ்ச்சியைப் பெறுவதற்கும் தேவனை அறிந்து கொள்வதற்கும் விட்டுக்கொடுக்கத் தயாராக இருந்ததுடன் ஒப்பிடவும் (ஆல்மா 22:15, 18 பார்க்கவும்). தேவனை முழுமையாக அறிந்து கொள்வதற்காக நீங்கள் என்ன தியாகம் செய்ய தயாராக இருக்கிறீர்கள் என்று சிந்தியுங்கள்.

பிள்ளைகளுக்குப் போதிப்பதற்கான ஆலோசனைகள்

ஆல்மா 17:2–3

நான் வேதங்களை வாசிக்கும்போதும், ஜெபிக்கும்போதும், உபவாசம் பண்ணும்போதும் இயேசு கிறிஸ்துவைப்பற்றிய என்னுடைய சாட்சியம் அதிகரிக்கிறது.

• உங்கள் பிள்ளைகள் இயேசு கிறிஸ்துவின்மீது சாட்சிகளை பெலப்படுத்த மோசியாவின் குமாரர்களின் எடுத்துக்காட்டுகள் எவ்வாறு உதவலாம்? ஆல்மா 17:2–3ல் உள்ள ஆவிக்குரிய பலத்தைக் கட்டியெழுப்ப மோசியாவின் குமாரர்கள் என்ன செய்தார்கள் என்பதைக் கண்டறிய உங்கள் பிள்ளைகளுக்கு நீங்கள் உதவலாம். பின்னர் அவர்கள் படங்களை வரையலாம் அல்லது இந்த விஷயங்களைக் குறிக்கும் பொருட்களைக் கண்டுபிடிக்கலாம். இரட்சகரில் சாட்சிகளைப் பலப்படுத்த அவர்கள் என்ன செய்வார்கள் என்பதைத் திட்டமிட அவர்களுக்கு உதவுங்கள்.

ஆல்மா 17–19

நான் இயேசு கிறிஸ்துவின் சுவிசேஷத்தை மற்றவர்களுடன் பகிர்ந்து கொள்ள முடியும்.

• மோசியாவின் குமாரர்களைப் போலவே தேவனின் கைகளில் ஒரு கருவியாக இருப்பதைப் பற்றி அறிய, நீங்களும் உங்கள் குழந்தைகளும் ஒரு உபகரணம் அல்லது கருவியைப் பார்த்து, அது எதற்காகப் பயன்படுத்தப்படுகிறது என்பதைப் பற்றி பேசலாம். பிறகு, நீங்கள் ஆல்மா 17:11ஐப் படித்து, இயேசு கிறிஸ்துவைப் பற்றி மக்கள் அறிந்துகொள்ள உதவும் பரலோக பிதாவின் கருவிகள் என்றால் என்ன என்பதைப் பற்றி பேசலாம்.

• இந்த வார நிகழ்ச்சி பக்கத்தில் அம்மோன் லாமோனி ராஜாவுக்குக் கற்பித்த சத்தியங்களைக் குறிக்கும் படங்கள் உள்ளன. ஆல்மா 18:24–40ல் உள்ள இந்த சத்தியங்களைக் கண்டறிய உங்கள் பிள்ளைகளுக்கு நீங்கள் உதவலாம். உங்கள் பிள்ளைகள் ஊழியக்காரர்கள் போல் நடிக்கலாம் மற்றும் இந்த சத்தியங்களைப் பற்றி தங்களுக்குத் தெரிந்ததைப் பகிர்ந்து கொள்ளலாம்.

• உங்கள் குழந்தைகளுடன் அபிஷைப் பற்றி வாசித்த பிறகு (ஆல்மா 19:16–20, 28–29 பார்க்கவும்), அவர்கள் நின்ற இடத்தில் ஓடி, கதவுகளைத் தட்டுவதன் மூலம் அபிஷ் போல நடிக்க முடியும் மற்றும் ஆல்மா 19:1–17ல் நடந்ததைப்பற்றி சொல்லலாம். நாம் எப்படி அபிஷைப் போல இருக்க முடியும் மற்றும் இயேசு கிறிஸ்து மற்றும் அவருடைய சுவிசேஷத்தைப் பற்றி நமக்குத் தெரிந்தவற்றை எப்படி பகிர்ந்து கொள்ளலாம்?

ஆல்மா 17:21–25; 20:8–27; 22:1–3

மற்றவர்களிடம் என் அன்பைக் காட்டுவதன் மூலம் கிறிஸ்துவிடம் வர நான் அவர்களுக்கு உதவ முடியும்.

• முதலில், லாமோனி ராஜா மற்றும் அவனது தகப்பன் இருவரும் சுவிசேஷத்தின் மீது கடினமான இருதயங்களைக் கொண்டிருந்தனர். பின்னர், அவர்களின் இருதயங்கள் மென்மையாக்கப்பட்டன, அவர்கள் இயேசு கிறிஸ்துவை நம்பினர். இது எப்படி நடந்தது? அம்மோனின் அனுபவங்களை நீங்கள் மதிப்பாய்வு செய்யும்போது இந்தக் கேள்விக்கான பதில்களைக் கண்டறிய உங்கள் பிள்ளைகளுக்கு உதவுங்கள். அல்லது உங்கள் பிள்ளைகள் கதையின் வெவ்வேறு பகுதிகளின் படங்களை வரையவும், கதைகளைச் சொல்ல படங்களைப் பயன்படுத்தவும் விரும்பலாம். லாமோனியும் அவனது தகப்பனும் இயேசு கிறிஸ்துவின் சுவிசேஷத்துக்கு இருதயத்தைத் திறக்க அம்மோன் என்ன செய்தான்? (ஆல்மா 17:21–25; 20:8–27; 22:1–3 பார்க்கவும்).

• ஒருவேளை நீங்களும் உங்கள் பிள்ளைகளும் இயேசு கிறிஸ்துவைப் பற்றி தெரிந்துகொள்ள வேண்டிய ஒருவரைப் பற்றி நினைக்கலாம். அம்மோன் லாமோனிக்கும் அவனது தகப்பனுக்கும் செய்ததைப் போல, அவர்கள் நல்ல முன்மாதிரியாக இருக்கக்கூடிய வழிகளைப் பற்றி சிந்திக்கவும், அந்த நபரிடம் அன்பைக் காட்டவும் அவர்களுக்கு உதவுங்கள்.

An illustration of Abish (அபிஷைப்பற்றிய பட விளக்கம்), டில்லீன் மார்ஷ்