Ea Tia N Uti, iroun Del Parson

Aokati 5–11: “Te Babaire ni Kakukurei Are e Korakora”

Aramwa 39–42

Ngke iai ae ti tangiria ae e a tia ni karaoa te bure ae kakaiaki, e kona ni matoatoa aron te bwai ae ti na buokia iai. Mwakoron te bwai ae karika Aramwa 39–42 ae e rangi ni kakawaki bwa e kaota aron Aramwa—ana reirrei Kristo are iai ngkoa ana bure ae moan te kaangaanga ae raira nanona mai iai—ni karaoa mwakurian te kaangaanga anne. Natin Aramwa ae Korianton e karaoa te wene ni bure, ao Aramwa, n aron are e a tia n reiakinna ni karaoia n ana mwakuri, e onimakina mwaakan te tua ae koaua n angan natina te mwaane nooran te kaantaninga mai karawa ao ae kaungaa te rairannano (taraa Aramwa 4:19; 31:5). Inanon mwakoro aikai, ti noora aron matoatoan Aramwa ni kabuakaka karaoan te bure ao ana akoi ao ana tangira ibukin Korianton. Ao n tokina, ti namakina ana onimaki Aramwa bwa te Tia Kamaiu “e na bon roko n anaa buren te aonaaba [ao] n taekina te rongorongo ni kamaiu ae kakukurei nakoia ana aomata” (Aramwa 39:15). Te koaua are n tokina e raira nanona Korianton ao n oki nakon te mwakuri (taraa Aramwa 49:30) e kona n anganiira te kaantaninga ibukin te kakabwarabure ao te kamaiuaki ngkana ti karawawataaki n oin ara bure ke aia bure tabeman ake ti tangiriia (taraa Aramwa 42:29).

Taraa naba “Ana Reirei Aramwa nakoia Natina Mwaane” (witeo), Gospel Library.

Iango ibukin Reiakinana n te Mweenga ao n te Taromauri

Aramwa 39

I kona n totokoa te bure man te wenenibure.

Ana reirei Aramwa nakon natina te mwaane ae Korianton n Aramwa 39 e katauraoa te tai ae korakora n reiakina taekan buakakan mwiiin karaoan te bure ni wenenibure, ni ikotaki ma taamnei n tangako. Tao ae kakawaki riki, e kona naba ni buokiko bwa ko na oota n aron ana waaki te tia Kamaiu n anga kabwaraan bure ao ana kamaiu nakoia aomata ake a rairi nanoia. Titiraki ao waaki ni kakukurei aikai a kona ni ibuobuoki:

• Tera buure ake a kaira Korianton bwa e na urua tuan te itiaki? (taraa Aramwa 39:2–4, 8–9). Tera mwiin ana mwkauri ake e karaoi? (tarai kiibu 5–13). Tera kakoaua iroura bwa e raira nanona Korianton? (taraa Aramwa 42:31; 49:30; 48:18). Tera ae ko reiakinna ibukin te tia Kamaiu man taneiai aikai?

• Wareka iteraniba 19–20 man Kakorakoraia Kairake: Te Kairi ibukin Karaoan Rinerine. Imwiina korea am kamataata bwa tera taamnei n tangako, bukin tera e kakamaaku, ao tera ae ko na karaoia ngkana ko kaitibo ma ngaia. (Taraa naba Mataio 5:27–28 ao Reirei ao Berita aika Tabu 63:16.)

• Ko na kanga ni kabwarabwara nakon raraom bwa bukin tera ko rineia bwa ko na totokoi taamnei n tangako ao ni maiuakina tuan te itiaki? Tera atatai ae ko kona ni tibwaia man “Your Body Is Sacred” in For the Strength of Youth: A Guide for Making Choices (iteraniba 22–29)?

• Kam kona naba ni mataku n te witeo “To Look Upon” (Gospel Library). Katoka te witeo ni katoaa te tai are e karaoa te rinerine ae kaokoro Tawita. A kangaa ana rinerine Tawita n ti tearona ma rinerine ake ko kaaitarai?

Tooki teuana ao iangoia raoi. N am tai ni mataku n te witeo, tao ngkana ko anga reirei ke ni kamatebwai i bon iroum, katoka moa te witeo ao titiraki, “Tera ae I reakinna?” Aei e kona ni karekei nonori aika a kakawaki mairoun te Tamnei ae Raoiroi.

Taraa naba Bradley R. Wilcox, “Te Aro n Tau Bon Tiaki ae A Na Akea Barekam,” Riaona, Nobembwa 2021, 61–67; “Pornography” in the “Life Help” collection of the Gospel Library.

Aramwa 40–41

Tera ae na riki imwin mateu?

Iai ana titiraki tabeua Korianton bwa tera ae na riki imwiin te mate. Ana raraoma e kaira Arama n reireia te reirei ae kuneaki n Aramwa 40–41. N am tai ni kamatebwai, karaoa rinanin koaua ake ko kuneai ibukin bwaai n aron te aonaaba n tamnei, mangauti, ao te motikitaeka. Iangoia ni wareki mwakoro aikai man ana taratara temanna, n aron Korianton, are e kainanoa te rairannano—are, e bon koaua naba nakoira ni kabane.

Aramwa 40

I kona ni ukori kaekaan au titiraki n te euangkerio ma te onimaki iroun Iesu Kristo.

N tabetai ti taku bwa Burabeti ataa te kaeka nakon titiraki ni kabane iaon te euangkerio. Ma noora te titiraki ae aki kaekaaki ae reke n Aramwa mwakoro 40. Tera ae e karaoia ni kakaai kaekaaia? Tera ae karaoia ngke akea kaekaan titiraki irouna? E kanga ni buokiko ana katooto Aramwa aio?

Te tataro bon teuana te kawai ae ti kona iai ni kunei kaekaan titiraki n te euangkerio

Aramwa 42

Ana Mwakuri ni Kamaiu Iesu Kristo e karika reken te kamaiuaki.

E kakoaua Korianton bwa rekenikai ibukin buure e aki motiraoi (taraa Aramwa 42:1). N Aramwa 42, e kanga Aramwa ni kaeka nakon raraomana? Ko konaa ni barongai karaki n te mwakoro aei nakon uoua te kurubu: “E momotiraoi te Atua” ao “E nanoanga te Atua.” E kanga ana mwakuri ni kamaiu te tia Kamaiu ni karekea ni kauoua te motiraoi ao te nanoanga? Kakaei riki nonori tabeua man te witeo “The Mediator” (Gospel Library).

Taraa naba “Ai Batira Te Tangira,” Anene n taromauri, 17.

Ibukin iango riki tabeua, taraa te beeba ni kaongora n te namwakain aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Aramwa 39:1, 10–11

Au katooto aika a tamaroa a kona ni kairiia aomata nakon Kristo.

• Ana reirei Aramwa nakon Korianton e kona ni buokia ni kamatataia ami ataei kakawakin karaoan banna aika a raraoi. Bootaki wareka Aramwa 39:1. E kanga tarin Korianton are Tiburon n riki bwa te banna ae raoiroi? A kona naba ami ataei ni kuneai tabeua kaeka nakon te titiraki n Aramwa 38:2–4.

• Ko kona naba n takakarona te takakaro ma ami ataei ni karaoa katotoongan are e karaoia temanna. Kabongana te takakaro aei ni kamataata aron ara mwakuri bwa a kona ni buokia tabeman ni karaoi rinerine aika a raraoi. Anenea “I am like a star” (Aia Boki n Anene Ataei, 163), ao buokia ami ataei bwa a na iangoi kawai ake a kona n riki iai bwa banna aika a raraoi.

• Uota te tooti ke tamnein taai, ao kabotaua te oota nakon korakoran te banna ni katooto ae raoiraoi. Ngkoe ma ami ataei kam kona naba n tarai tamnein Iesu ngke e karaoi bwaai aika a raraoi ao n marooroa te katooto ae raoiroi are E kateia ibukira. Witeo “Shine Your Light So Others May See” ao “Lessons I Learned as a Boy” a kona ni buokiia ataei n marooroa aron banna ni katooto ni kairiia aomata nakon Kristo.

Aramwa 39:9–13

Ibukin Iesu Kristo, I kona n raira nanou ngkana I karaoi kaairua.

• N aki kabwarabwara raoi bwa tera ana bure, kamatata bwa Korianton e karaoa te rinerine ae kairua. Tera ae a kona n taekinna ni buokia? Iangoa warekan Alma 39:9 nakoia ami ataei, ao buokiia bwa a na oota bwa tera nanon te rairannano ao mwanuokina. Kaota am koaua bwa e roko te rairannano rinanon Iesu Kristo man Ana Mwakuri ni Kamaiu.

• Aio te reirei ni kabonganaan bwaai ake a kona n noraki ni kamataata te kimwareirei man te rairannano: Angan te ataei te bwai ae rawawata bwa e na taua inanon am tai ni karakina karakin temanna ae karaoa ae kairua ao n namakina te nanokawaki. Tuangiia ataei bwa te bwai arei titebo ma namakin aika aki raoiroi ake tao iai iroura ngkana ti karaoa te kaairua. Anaa te bwai are e rawawata mai iroun te ataei ao kaota am koaua bwa Tamara are i Karawa ao Iesu Kristo a kona ni buokira ni kanakoi namakin aika rawawata, man aki raoiroi ao ni buokira ngkana ti rairi nanora.

Aramwa 40:6–7, 11–14, 21–23

Imwin matera, tamneira e nakon te aba n tamnei ni karokoa te Mangauti ao te Motikitaeka.

• E bon ririki ae ti na titiraki bwa tera ae e na riki nakoira imwin te mate. Tera ae ko kona ni karaoia ni buokiia ami ataei ni karekei kaeka aika a kairaki iroun te tamnei? Ko kona ni korea mate, aonaaba n tamnei (bwaretaiti ao auti ni kaikain), mangauti, ao motikitaeka iaon beebwa aika a kaokoro. Buokia ataei bwa a na mataata n nanon taeka aikai. N ami tai ni wareka Alma 40:6–7, 11–14, 21–23, a kona ami ataei ni karinani taeka ni nneia ae riai n aron are a taekinaki n taian kibu.

• Ataei ake a ikawai riki a konaa ni karekei aia reke nakon titiraki man ukoran Aramwa 40:6–7, 11–14, 21–23. Tuangia ami ataei titiraki ake a kona n kaekaaki ni kiibu aikai, n aron “E na aera rabwatau ngkana I a manga kautaki?” Tuangia bwa ana kakaei kaekaaia inanon kiibu ake a kaineti ma ngaia.

  

  Maria ao Te Uea are E a Uti,, iroun Harry Anderson

• Iai ibuakoia ami ataei ae kinaa temanna ae e a tia ni mate? Tao kam kona n marooro iaon te aomata anne n te tai ae uarereke. Kaota am koaua bwa n te bong teuana ao te aomata anne— ao aomata ni kabane— a na bane ni mangauti ibukin are e karaoi Iesu Kristo. Ngkana e kainnanoaki, kabongana te iteraniba ibukin te waaki ni kakukurei ni kamatata bwa tera ae nanonaki n te mangauti.

Ibukin iango riki tabeua, taraa te beeba ni kaongora n te namwakaina aio n te Te Rao maekatiin.

Aio Natiu te Mwaane, iroun Elspeth Caitlin Young