Ibukin Kakabwaia n Inaomata,, iroun Scott M. Snow

Aokati 12–18: “Teimatoa n te Onimaki Iroun Kristo”

Aramwa 43–52

Ngke ti wareki taeka aikai ni moan mwakoron Aramwa 43—“Ao ngkai I a okira rongorongon taian buaka imarenaia Nibwaite ao Reimwanaite”—bon te bwai ae bwainaki bwa bukin tera e karin karakinan taian buaka Moomon ngkai e aki tau te tabo ae mwaawa iaon bwaatua (taraa Ana Taeka Moomon 1:5). E koaua bwa a rawata ara buaka ni boong aika kaitira, ma iai te bwai ae kakawaki n ana taeka ae raka riki nakon tii kabwarabwaraan te babaire ao te mate n te buaka. Ana taeka e katauraoira naba ibukin te buaka ae “ti bane n iria” (Anene n Taromauri,, nambwa. 250), te buaka ae ti kaitaraa ni katoabong ni kaitara ana kairoro te buakaka. Te buaka aei e bon koaua, ao mwiina e roota maiura ae akea tokina. N aroia Nibwaite, ti kaungaki n bukina ae tamaroa—“Atuara, ara aro, ma inaomatara, ma ara rau, buura, ma natira”— are e aranna Moronaai bwa “aia waaki Kiritian” (Aramwa 46:12, 16).

Iango ibukin Reiakinana n te Mweenga ao n te Taromauri

Aramwa 43–52

E kona ni buokai Iesu Kristo n au buaka n taamnei.

Ngkana ko wareka Aramwa 43–52, taraia bwa tera ae a karaoia Nibwaite are a karaoia bwa a na nakoraoi (ke n aki nakoraoi) iai. Ngkanne iangoia bwa ko na kanga ni kabongana te bwai ae ko a tia n reiakinna ae e na buokiko n tokanikai iaon am buaka n tamnei. Taua mwiin am iango inano:

• Aramwa 43:19: A katauraoia Nibwaite ma otangaia. (I kona ni kekeiaki ni katauraoai ma otanga n tamnei.)

• Aramwa 43:23–24: A ukora ana kairiiri te burabeti.

• Aramwa 44:1–4:

• Aramwa 45:1:

• Aramwa 46:11–20:

• Aramwa 48:7–9:

• Aramwa 49:3, 12–14:

Ko kona naba, n taraia bwa tera ae ko kan reiakinna man aia kekeiaki aia kairiribai Nibwaite. Iangoia raoi bwa e kanga Tatan ni buakaniko ni kawai naba aikanne:

• Aramwa 43:8: Taraemena e kauerakea te un irouia ana botanaomata bwa e aonga ni kakorakoraa mwaakana iaoia. (E kona ni kataai Tatan bwa n na un.)

• Aramwa 43:29:

• Aramwa 46:10:

• Aramwa 47:10–19:

Taraa naba Russell M. Nelson, “Butimwaai Taai Aika a na Roko ma Te Onimaki,” Riaona, Nobembwa 2020, 73–76; “A Mighty Fortress Is Our God,” Anene n Taromauri, nambwa. 68.

Minerva K. Teichert (1888–1976), Kamanoan aia Kaawa Nibwaite,1949–1951, te oera iaon te mitinaite, 36 x 48 te inti. Brigham Young University Miutiam ibukin Korobanna, 1969.

Aramwa 46:11–28; 48:7–17

“Teimatoa n te Onimaki iroun Kristo”

Ko tangiria ni kauarerekea mwaakan te kakaitara ni maium? Teuana kawaina bon iriiran ana reirei n Aramwa 48:17 n riki n “ai aron Moronaai.” Iangoia ni korei ni karinani taeka ake a kabwarabwara Moroni ngkai ko wareka Aramwa 46:11–28; 48:7–17. Tera ae ko reiakinna mairoun Moronaai ibukin “te [tei]matoa n te onimaki iroun Kristo”? (Aramwa 46:27).

Ko na kona n reiakinna bwa e kangaa Moronaai ni kaungai nanoia tabeman i nanon “te waaki ni Kiritian” (taraa Aramwa 46:11–22). Ko na kanga ni kabwarabwara te waaki anne? Tera ae ko kona ni karaoia n riki bwa kaaina? Ko na kanga ni kaungaiia tabeman bwa a na riki bwa kaaina naba?

Teuana te bwai ae karaoia Moronaai ni kaungai nanoia tabeman bon karaoan te buraeki n inaomata, are e katuruturui reirei ni kaungai nanoia Nibwaite (taraa kibu 12). Tera reirei man ara Ekaretia ae a katuruturua ara taan kairiiri ni boong aikai? Ko konaa n nooria n Ibukin Kakorakoraia Kairake: Te Kairi ibukin Karaoan Rinerine (bokinreirei, 2022), “Te Utu: Te Katanoata nakon te Aonaaba,” te Bootaki n Ataeinaine ao Kooram Nakoanibonga ae te Aaron boto ni iango, ke rongorongo man te maungatabu ni kabuta ae tibwa nako. Ko kona ni kakimototoa are a anga reirei iai nakon rongorongo aika a beebete ni karekea te buraeki n inaomata—te bwai ae na kauringko bwa ko na kokoaua nakon te Tia Kamaiu ao Ana euangkerio.

Taraa naba Gospel Topics, “Faith in Jesus,” topics.ChurchofJesusChrist.org.

Aramwa 47

Tatan e kataira ao e mwamwanaira teutana imwiin teutana.

E ataia Tatan bwa ko aki konaa n karaoa te bure ae bubura ke ni kakoauaa ana kewe. Ma ngaia are, e kabonganai keewe aika a karooa te nano ao kariiri aika a uarereke—are e iangoia bwa a na mwaiti aika ana kariaia—ni kairiiko nako man katanam ni maiu ae raoiroi.

Tara te baeten aei n Alma 47, ao n iangoa raoi aron Tatan are e kona ni karaoia ni mwamwaniko. Iangoi nonori aika a nano aikai mairoun Unimwaane Robert D. Hales:

“Te tia kamwane ae Amarakaai e kawaekoa Reaontaai bwa e na ‘ruo rikaaki’ ao ni kaitibo ma ngaia inanon te mwarua. Ma ngke e kitana te tano ae rietaata riki Reaontaai, e kaboitinaki ‘teutana imwiin teutana’ ni karokoa e mate, ao ana taanga ni buaka a mena inanon bain Amarakaai (taraa Aramwa 47). Man taian kakauntaeka ao taian bukibuki, tabeman aomata a anai nanora bwa ti na kitana aontano ae rietaata. Aontano aika a rietaata bon te tabo are e mena te ota iai. … Bon te tabo ae mano” (“Christian Courage: The Price of Discipleship,” Riaona, Nobembwa. 2008, 74).

Tera ae ko reiakinna man te witeo ae “Temptation Fades as We seek Christ in Every Thought” (Gospel Library) are e kona ni buokiko n totokoa te kariiri?

Taraa naba Neemia 6:3; 2 Nibwaai 26:22; 28:21–22.

Aramwa 50–51

Te katiteuanaaki e uota te kamanoaki.

E ngae ngke iai aia nangoa ni buaka ao ooia n totoko Nibwaite, a waekoa Reimwanaite n tautaekan aia kaawa aika a mwaiti (taraa Aramwa 51:26–27). E kanga n riki anne? Taratarai kaeka n am tai ni wareki mwakoro aikai (taraa riki Aramwa 51:1–12). Iangoia bwa tera kauring aika a na reke man te rongorongo aei ibukim ao am utu.

Ibukin iango riki tabeua, taraa te beeba ni kaongora n te namwakain aio n te Riaona ao Ibukin Kakorakoraia Kairake maekatiin.

Iango ibukin Reiakinaia Ataei

Aramwa 43:17–21; 48:7–8; 49:1–5; 50:1–6

I kona ni karekei katantan n tamnei inanon ana euangkerio Iesu Kristo.

• Kabongana “Mwakoro 31: Captain Moroni Defeats Zerahemnah” (Karaki man Ana Boki Moomon, 85–88) ni karaki nakoia am ataei taekan te buaka imarenaia Nibwaite ao Reimwanaite. Ngkai ko wareka taekan aia otanga Nibwaite n Aramwa 43: 19, ko kona ni kabotaua te otanga ni buaka are e kamanoi rabwatara ma bwaai are e a tia n anganira te Atua ni kamanoi tamneira. Tao ngkoe ma am ataei kam konaa n korea tamnein te ataei ao ni korea naba tamnein te otanga n te tamnei ibukin bwaai ni kabane ae a kona n aranna am ataei are e na kamanoira n taamnei.

• Kiibu aika a kabwarabwara te bwai ni katantan are a kateia Nibwaite: Alma 48:7–9; 49:1–9; 50:1–6. Imwiin warekan kiibu aikai ni bootaki, a kona am ataei ni kukurei ni katea aia bwai n katantan man bwaai n aron kaintekateka ao burangketi. Te witeo “Elder Stevenson on Fortifying Families” (Gospel Library) e kona ni buokiko ni marooroakina aron kamatoaan mweengam n taamnei.

Aramwa 46:11–16; 48:11–13, 16–17

I kona ni “kamatoaaki n te onimaki iroun Kristo” n ai aron Kaaben Moronaai.

• A konaa am ataei n tarai tamnei n te baaire aei n karakina karakinan te buraeki n inaomata (taraa Aramwa 46:11–16; “Chapter 32: Captain Moroni and the Title of Liberty,” Book of Mormon Stories, 89–90). Tera ae e tangiria Moronaai bwa a na uringnga aomata (taraa kibu 12)? Tera ae e tangirira Tamara are i Karawa bwa ti na ururingnga? Tao a konaa am ataei ni karaoa oin aia “buraeki n inaomata” ma kibuntaeka ke tamnei ake e na buokiia n uringii bwaai aikai.

• N reiakiniia am ataei bwa a na “teimatoa n te onimaki iroun Kiristo” n aron Moronaai (taraa Aramwa 48:13), ko konaa ni buokiia ni kunea ao n tei iaon te bwai ae matoa. Tera ae nanonaki ibukin te onimaki bwa e na “matoa”? Baane wareka Aramwa 48:11– 12 ni kakaea bwa tera ae karika matoan ana onimaki Moronaai iroun Kristo. Kam kona n anenea te anene n aron “I Will Be Valiant” (Aia Boki n Anene Ataei,,162). Tera ae ti na karaoia bwa ti aonga n “nene n te onimaki iroun Kristo?

Aramwa 47:4–19

Tatan e kaririira ao e keweira teutana imwiin teutana.

Ikotaki ni wareki kiibu man Aramwa 47:4–19. Tera ae e na kaman riki ngke arona bwa Amarakai e a kaman tuanga Reaontaai ana iango are e na karaoia mai moana? Tera ae e reireiniira iai kiibu aikai n aron Tatan ni kataia ni keweniira?

Buokiia ataei bwa a na karekea te nanomatoa. Tabeman ataei a kona n aki namakina te konabwai n reiakina te euangkerio i bon irouia. Teuana te kawai ni karikirakea nanomatoaia bon man kamoamoakiia ngkana a iri waaki ake a reiakinaki n te kiraati. Iaa ae ko kona ni karaoa nanon te iaongo aio ma waaki ni kakukurei ae kaotaki n te baaire aei?

Ibukin iango riki tabeua, taraa te beeba ni kaongora n te namwakaina aio n te Te Rao maekatiin.

Te Buraeki n Inaomata, iroun Larry Winborg.

© 2018 iroun Larry Conrad Winborg