Aramwa 43–44

Kaaben Moronaai ao Taraemena

Te buaka ao te berita n maeka inanon te rau

Taraemena bon te tia kairiiri n aia taanga n buaka Reimwanaite. E tangiria n tautaeka iaoia Nibwaite ao n karaoia bwa ana beku ibukiia ana botanaomata. E kairiia ana taanga n buaka Taraemena n ekinakoia Nibwaite.

Aramwa 43:3–8

Nibwaite a tangiria n kamanoi mwengaia, aia utu, ao aia aro. A ataia bwa ana aki kona n neboa te Uea ngkana Reimwanaite aika a tautaeka iaoia. A rineia Nibwaite bwa ana kaitaraia aia kairiribai.

Aramwa 43:9–10, 14-15

Te mwane ae arana Moronaai bon te kaaben n aia taanga n buaka Nibwaite. Moronaai e taraia raoi bwa a tauraoi n buaka ana taanga n buaka.

Aramwa 43:16–17

Ana tautia Moronaai a uoti aia bwai n buaka, ao Moronaai e anganiia otangan rabwataia ae korakora ao otangaia bwa kamanoaia.

Aramwa 43:18–19

Moronaai e kairiia ana taanga n buaka n kaitaraia Reimwanaite. Ma ngke Reimwanaite a noria Nibwaite ma otangan rabwataia ao otangaia, a maaku n kaitaraia. Reimwanaite a ti kunikainiia n onea aika manii ao n akea otangaia are ana mano iai.

Aramwa 43:19–21

A nako Reimwanaite. A kataia n karabaia n biri nakon abaia Nibwaite teuana. A taku bwa Moronaai e na aki ataa te tabo are a nako iai.

Aramwa 43:22

Ma ngke a nako Reimwanaite, e kanakoia ana taan kareke rongorongo Moronaai bwa ana rimwiia.

Aramwa 43:23

Ngkanne Moronaai e kanakoa ana rongorongo nakon te burabeti Aramwa. E tangira Aramwa bwa ena butia te Uea bwa tera ae a babarongaia Reimwanaite. Te Uea e tuanga Aramwa bwa a kakatauraoi Reimwanaite n ekanako te aba ae ngore ae aranaki bwa Maentaai. Moronaai e ongora nakon Aramwa. E kairiia ana taanga n buaka ao n kaitaraia Reimwanaite.

Aramwa 43:23–33

A buaka taanga n buaka. A korakora Reimwanaite ao a un. A maaku Nibwaite irouia Reimwanaite ao a tangiria n birinako. Ma e kauringiia Moronaai taekan aia utu ma aia onimaki, ngaia are a manga reitinako n buaka.

Aramwa 43:34–37, 43–48

Tenaan Nibwaite a tataro nakon te Uea ibukin buokaia. Te Uea e kaeka aia tataro ao e anganiia te mwaaka ae korakora. Ngkai a maaku Reimwanaite. A mwane ao aikoa kona n birinako. Ngke Moronaai e noria bwa a maaku Reimwanaite, e tuangiia ana tautia bwa ana katoka te buaka. Moronaai e aki tangiria n kamateia Reimwanaite.

Aramwa 43:49–53; 44:1–2

Moronaai e tuanga Taraemena bwa a kona n nako Reimwanaite ngkana a berita bwa ana aki manga buakaniia Nibwaite. Taraemena e rangi n un ao e kataia n reitinakoa te buaka, ma e bon aki kona n tokanikai iaoia ana tautia Moronaai. Ngkanne Taraemena ao ana taanga n buaka a berita bwa ana maeka ma te rau, ao Moronaai e kanakoia.

Aramwa 44:1–20