“Iakoba ao Tierem,” Karaki man Ana Boki Moomon (2023)
Iakobwa ao Tierem
Ana koaua te burabeti i aon Iesu Kristo
Iakoba bon te burabeti are noora Iesu Kristo. E tangiriia aomata bwa a na kakoaua iroun Iesu. E reirei Iakoba nakoia aomata bwa a na kawakin ana tua te Atua. E mwakuri korakora ibukin taetaekinan Iesu.
2 Nibwaai 11:2–3; Iakoba 1:1–8, 17–19
N te bong teuana, e a waaki n reireiniia aomata te mwaane ae arana Tierem. Ma e reirei Tierem bwa bon akea Iesu. E rangi ni bwakuaku ni marooro Tierem, ao a mwaiti Nibwaite ake a kakoaua te bwai are e taekinna. Ibukin ana waaki, ao a mwaiti aomata ake a toki man kakoauaan Iesu. E tangiria naba Tierem n katoka Iakobwa man kakoauaan Iesu.
E taku Tierem bwa bon akea temanna ae kona n ataa kanoan taai aika a na roko. E nanonna n aei bwa a bon aki kona n ataia raoi bwa bon iai Iesu ke akea, ibukina bwa e bon tuai roko Iesu i aon te aba. Ma e taekinna Iakoba bwa koroboki aika tabu ma burabeti a bane n reirei taekan Iesu. E kaotioti te Uea nakon Iakoba bwa e na roko Iesu i aon te aba.
E teimatoa Tierem n aki kakoaua. E tangiria bwa e na kaota te kanikina nakoina Iakobwa ae bon iai Iesu.
E taku Iakoba bwa e bon ataia Tierem bwa e na roko Iesu ao e aki bae ni kainnanoa te kanikina. Ma e taku Iakoba bwa e na katuaea Tierem te Atua ao ni kabwaka i aontano ni kaotia bwa e mwaaka te Atua ao bon iai Iesu.
E aki maan i mwiina, e roko te aoraki iroun Tierem ao ni bwaka nako aontano. I mwiin boong aika bati, e ataia bwa e a kaan ana tai ni mate. E tuangiia aomata bwa e a tia ni kamwaneaki iroun Tatan. E taekinna bwa e a tia ni kewea te Atua. E ataia raoi bwa bon iai Iesu. I mwiin aei ao e a mate Tierem. A wareki koroboki aika a tabu aomata ao ni kakoaua Iesu.