Aramwa 53; 56–57

Kairake ake kaain te Taanga n Buaka

Nati mmwane aika a onimakima te Atua

A buaka Nibwaite ma Reimwanaite ao a kainanoa buokaia. Taan Aentaai-Nibwaai-Riaai a tangiria n ibuobuoki. Ma a tia ni karaoa te berita ma te Uea bwa ana aki manga buaka. Uoua tenga nati mwane aika a kairake ake aki karaoa te berita aio. Ngaia are, natiia mmwane a berita bwa ana buaka n kamanoia aia utu. Nati mwane aikai a aranaki bwa tautia aika a kairake.

Aramwa 53: 8, 13–18, 22; 56:1–8

Tautia aika a kairake aikai a rinea te burabeti ae Ereman bwa ena kairiia. Bon te kurubu ae uarereke ni kabotauaki ma buburan aia taanga n buaka Reimwanaite. Ma Ereman e ataia bwa tautia aika a kairake aikai a kokoaua, a ninikoria, ao a kakaonimaki. Ma Ereman bwa aia tia kairiiri, a mwananga n buokiia Nibwaite.

Aramwa 53:19–22; 56:9–10, 17, 19

A kua tautia akea Nibwaite. Ma ngke a kaoti tautia aika a kairake aikai, ao a kukurei Nibwaite. Te taanga n buaka ae a kairake kaaina e anganiia te kaantaninga ao te korakora. N ikotaki, a katauraoia bwa ana buakaniia Reimwanaite. Aia karo tautia aika a kairake a ibuobuoki n uota te amwarake ao bwaai aika a kainnanoaki nakoia.

Aramwa 56:16–17, 19– 20, 22, 27

A tia Reimwanaite n anai aia kaawa aika a mwaiti ao n katikuia aia tautia inanona. Taan kairiiri irouia Nibwaite a tangiria bwa ana kanakoia Reimwanaite man teuana maibuakon aia kaawa. A karaoa aia kainibaire ao n tuangiia tautia aika a kairake bwa ana buokiia.

Aramwa 56:18–30

Aongkoa tautia aika a kairake aikai ana uota te amwarake nakoia Nibwaite ake a maeka n te kaawa are irarikiia. Ngke a noria Reimwanaite bwa te kurubu ae uarereke, a kitana aia kaawa ao a kaeia tautia aika a kairake aikai. A taku Reimwanaite bwa e na bebete tauakiia.

Aramwa 56:30–36

Tautia aika a kairake a birinako mairouia Reimwanaite. Ngkane aia taanga n buaka Nibwaite a kakioia Reimwanaite. A tangiria n karoko irouia tautia aika a kairake Reimwanaite imwain ae a roko Nibwaite irouia. A noria Nibwaite bwa a reke n te kangaanga tautia aika a kairake aikai ao a kabaitiia n mwaati bwa a na buokiia.

Aramwa 56:36–41

Imwiin tabeua te tai, tautia aika a kairake aikoa noriia Reimwanaite. A tabe n iangoia bwa tao a kaitiboo Nibwaite ma Reimwanaite ao a tabe n buaka.

Aramwa 56:42–43

E raraoma Ereman. E taku bwa a kataia Reimwanaite ni kamwaneia. E titirakiniia ana tauti aika a kairake aikai ngkana a kona n kaitaraia Reimwanaite.

Aramwa 56:43–44

Tautia aika a kairake aikai a uringa reiakinaia irouia tinaia. A reireinaki iroun tinaia bwa a na karekea te onimaki iroun te Atua ao n aki nanououa, bwa E na bon kawakiniia. Nati mwane aikai a kakoauaa te Atua ao a tangiria n kawakina aia berita n kamanoia aia utu. A tuanga Ereman bwa a tauraoi n nako n buaka.

Aramwa 56:46–48

Ereman e miimi n ninikoriaia. E kairiia n oki ni buakaniia Reimwanaite.

Aramwa 56:45, 49

Tautia aika a kairake a noriia Reimwanaite ma Nibwaite n buaka. A kua Nibwaite. A nang bon taenikai raoi ngke a tii kaoti naba kairake n tautia aikai.

Aramwa 56:49–52

Tautia aika a kairake a buaka ma korakoran te Atua. A maaku Reimwanaite ao a katoka te buaka. Tautia aika a kairake a tia n buokiia bwa a na tokanikai n te buaka!

Aramwa 56:52–54, 56

Imwiin te boo ni buaka, a mwaiti Nibwaite ma Reimwanaite aika bua maiuia. Ereman e raraoma miina iai ana tautia aika a kairake n mate naba. Ma imwiin te boo, Ereman e warekiia ana aomata. E rang kukurei n nooria bwa akea maibuakoia ana tautia aika a kairake ae mate. Te Atua e a tia ni kawakiniia.

Aramwa 56:55–56

A mwaiti riki nati mwane ake a iri buakoia tautia aika a kairake. A teimatoa n buokiia Nibwaite ni buaka. N boo ni buaka ake tabeua riki, a bane n ikoaki tautia aika a kairake, ma akea mai ibuakoia ae bua maiuna. A uringi bwaai ake a reiakinaki iroun tinaia. A onimakina te Atua, ao E kawakiniia.

Aramwa 57: 6, 19–27; 58:39–40