2 Nibwaai 4–5

Te Mweenga ae Boou n te Aba ni Berita

Nibwaite ao Reimwanaite

E a tabe n rikirake ni mwaiti kanoaia Riaai ao Tiera n te aba ni berita. Natiia a manga karikiia riki oin natiia. E a rikirake ni kara Riaai. I mwain matena, e anga ana kakabwaia nakoia kanoana. E tuangiia bwa ngkana a kawakina ana tua te Atua, ao a na bon buokaki iroun te Uea.

2 Nibwaai 4:3–12

I mwiin maten Riaai, e a kairiia aomata Nibwaai. E tuangiia bwa a na ongeaba iroun Uea. A rangi n un Reimwan ao Remuera. A tangiria n tiringa Nibwaai bwa aonga n onea mwiina ni kairiiri.

2 Nibwaai 4:13; 5:1–4

E tua te Uea nakon Nibwaai bwa e na mwaing nako ma ana utu ao naake a tangiria ni kan iriira te Uea. A mwananga inanon boong aika a bati ao ni kunea aia tabo ni maeka ae boou.

2 Nibwaai 5:1, 5–8

Naake a iri ma Nibwaai a bon aranaki bwa tenaan Nibwaite, ao naake a tiku a aranaki bwa Reimwanaite. A butiia Nibwaai tenaan Nibwaite bwa e na riki bwa aia tia kairiiri. A mwakuri korakora. A ununiki, a kaikawaiia aia nanai ni man, ao a katea naba te tembora ao aia kateitei riki tabeua. A reirei taekan te Uea taian ibonga ma taan reirei, ao a kimwareirei aomata.

2 Nibwaai 5: 9–11, 13–17, 26– 27