“Aine inanon te rereua,” Karaki man Ana Boki Moomon (2023)
Aine inanon te rereua
Mwananga ma te Uea
A mwananga inanon te reureua natin Itimaera aine ma aia utu. E bon matoatoa te mwananga. Inanon tabeua te tai, ao a mare ma natiia Riaai ao Tiera aika mwaane.
Te bong teuana, e a mate Itimaera. A rootaki n te nanokaawaki natina aine. E rangi ni korakora uringakin tamaia irouia. A raraoma naati aine aikai ngkana arona bwa a na mate naba ma aia utu inanon te rereua. A rangi n un irouia Nibwaai ma Riaai, ao n tangiria ni kan okira mwengaia are i Ierutarem.
E roko bwanaan te Uea n taetae nakoia natin Itimaera aine ao aia utu. A rairi nanoia, ao a kakabwaiaaki iroun te Uea.
A kariki aine aikai inanon te rereua. E karikiia riki uoman natina mwaane Tiera aika, Iakoba ao Iotebwa.
A buokaki aine aikai n aia tai ni borau iroun te Uea. E kakabwaiaia te uea bwa e na mwaiti ranin mammaia ibukiia aia ataei. E buokiia naba aine aikai bwa a na korakora inanon aia tai ni mwananga.
E taekinna te Uea bwa E na kairiia naati aine aika ma aia utu nakon te aba ni berita. E berita te Uea bwa e na karekei ni kabane kainnanoia inanon aia tai ni mwananga. E karaoiroa te amwarake are a karekea bwa e na tau ibukiia, ao E bon kairiia.
I mwiin waniua te ririki inanon te rereua, a roko utu aikai i mataniwiin te aba. E korakora kimwareireia aine ma aia utu. E rangi ni tamaroa te aba ae i etan te nama. A aranna bwa te Aba ni Mari ibukina bwa e mwaiti kai n amwarake ao ana kaerewe te maninbeeru i aona. E a tia te Uea ni katauraoi bwaai aikai ibukiia.