Mosiah 25–28; Aramwa 36

Aramwa te Ataei

Te Bitaki ae Moan te Korakora

Te Uea ae Motiaea e angan Aramwa te mwaaka ni kaira te Ekaretia i Taraemera. E reireiniia aomata Aramwa bwa a na raira nanoia ao n onimakina te Uea.

Motiaea 25:19–24; 26

Aramwa iai natina te mwane ae arana naba Aramwa. Aramwa te Ataei e bon aki kakoauai ana reirei tamana.

Motiaea 27:8

Iai natin Motiaea mwaane ake aki naba kakoaua te Uea. A bon iraorao ma Aramwa te Teei. Ngaiia ni kabane a tangiria bwa a na kitana te Ekaretia aomata. Aramwa ao natina Motiaea mwaane a kairiia aomata aika a mwaiti nakon karaoan bwaai ake a kaitaraa ana tua te Atua.

Motiaea 27:9–10; Aramwa 36:6

Te bong teuana, e a kanakoa ana anera te Uea bwa e na katoka aia waaki. E tua te anera nakoia bwa a na toki man kataan kamaunaakin te Ekaretia. A ruru ni maaku Aramwa ao natin Motiaea mwaane ao ni bwaka nako aontano.

Motiaea 27:11–18; Aramwa 36:6–9

E aki kona n taetae ao ni kakamwakuri inanon teniua te ngaina ao teniua te bong. E nanobuaka ibukin ana bure ake e a tia ni karaoia. E raraoma naba ibukia aomata ake e kairiia nako mai iroun te Uea.

Motiaea 27:19; Aramwa 36:10–16

E namakina te rawawata Aramwa ibukin ana bure. I mwiina ao e uringa ana reirei tamana i aon taean Iesu Kristo, Natin te Atua.

Aramwa 36:17

E tataro Aramwa nakon Iesu ibukin kabwaraan ana bure. I mwiin ana tataro, e mwaninga rawawatana. E ataia bwa a kabwaraaki ana bure iroun te Uea. E aki manga nanobuaka ibukin ana bure. Irarikin anne, e namakina te kukurei Aramwa.

Motiaea 27:24, 28–29; Aramwa 36:18–22

E oki korakoran Aramwa. Ngaia ao Natin Motiaea mwaane a baireia bwa a na rairi nanoia ao n kataia ni katoka te kanganga are a karikia. Man te tai anne a waaki ni beku ibukin te Uea ao ni buokiia aomata bwa a na rairii nanoia. A mwananga ni kabuta te aba are e tautaeka iai Motiaea ao n reireiniia aomata taekan Iesu.

Motiaea 27: 20–24, 32–37; Aramwa 36:23–26

Aramwa ao natin Motiaea mwaane a tangiria n tibwaa te kimwareirei are a karekea ni maiuia man ana reirei Iesu. A mwakuri korakora ni beku ibukin te Uea ao aomata. Natin Motiaea mwaane a rineia bwa a na mwananga n reireiniia Reimwanaite taekan Iesu. E rineia Aramwa bwa e na tiku ao n kateimatoa ana anga reirei nakoia Nibwaite.

Motiaea 27:32–37; 28:1–10; 29:42–43