“Te Toro te Aine ae te Nibwaite,” Karaki man Ana Boki Moomon (2023)
Te Toro te Aine ae te Nibwaite
Ibuobuoki ni kamanoia ana aomata
Te toro te aine e mwakuri ibukin temanna te tia kairiiri ae te Nibwaite ae arana Morianton. Morianton e karaoa te kakiriwe ibuakoia aomata. E ekaanako te kurubu n Nibwaite teuana ao ni kataia n taua abaia. Ngkanne e a manga baireia bwa e na nako meang ma ana botanaomata bwa ana tauii aba ikekei.
N te bong teuana, e a roko unin Morianton iroun ana toro te aine. E kakamakua ao e kaikoakia. E birinako te toro te aine aio nakon ana tabo Kaaben Moronaai. E tuanga Moronaai bwaai ake a buakaka are e karaoi Morianton. E kakoauaa Moronaai.
Te toro te aine aio e tuanga naba bwa Morianton e tangiria n mwananga n nako n tauii aaba ake i meang. E raraoma Moronaai. Ana reke n te kangaanga Nibwaite ngkana a reke aaba ake i meang iroun Morianton. E na bua inaomataia aomata iai.
Moronaai e kanakoa te taanga n buaka bwa ana katoka Morianton. A boo ana botanaomata Morianton ma te taanga n buaka aio ao a konaaki. A berita bwa ana kawakina te rau ao n okira abaia. Bukina bwa te toro te aine aio e buoka Moronaai ni kauringnga, ao e a mano aia kaawa Nibwaite.