Aramwa 51–52

Teaenikam

Kamanoaia ana botanaomata

E taetaenikawai Taeanikam nakon Kaaben Mooronaai n ana tabo

Teaenikam bon te tia kairiiri n ana taanga n buaka Kaaben Moronaai. E kataia n kamanoi aia kaawa Nibwaite mairouia Reimwanaite.

Aramwa 50:35; 52:19

Amarakaai ao tautia aika Reimwanaite ma aia bwai n buaka

Amarakaai bon te I-Nibwaite ae e riki bwa aia uea Reimwanaite. E tangiria n tautaeka iaoia naba Nibwaite. E ekinakoia Nibwaite ao e taui kaawa aika mwaiti.

Aramwa 47:1, 35; 48:1–4; 51:23–28

A mwaati aia taanga n buaka Nibwaite

Ana taanga n buaka Teaenikam a nako n kataia n katokiia ana taanga n buaka Amarakaai man ekinakoan aia kaawa Nibwaite.

Aramwa 51:28–30

a aitara taanga n buaka ngke e a bwakantaai

E bane te bongina n aitaraia taanga n buaka aikai. Teaenikam ma ana taanga n buaka a oro ma te korakora ma te rabakau ae korakora riki nakon ana taanga n buaka Amarakaai. Ma akea te taanga n buaka ae tokanikai. Ngke e a roo, taanga n buaka ni kauoua a katoka uniia bwa e aonga n reke motirawaia.

Aramwa 51:31—32

E tekateka Teaenikam ietan te ai

Ma e aki motirawa Teaenikam. Ngaia ma ana toro a karaba n nakon ana tabo Amarakaai.

Aramwa 51:33

Teaenikam e tei iaan ootan namwakaina n ana umwa n rianna Amarakaai

E karaurau n rinnako Teaenikam n ana umwa n rianna Amarakaai. E tiringa Amarakaai imwain ae kona n uti Amarakaai. Ngkanne Teaenikam e okirikaaki nakon ana tabo ao n tuangiia ana tautia bwa ana tauraoi n buaka.

Aramwa 51:33–36

A uti Reimwanaite ao a taara n maaku

Ngke a uti Reimwanaite, a kunea Amarakaai n mate. A noria naba bwa Teaenikam ma ana taanga n buaka a tauraoi n buaka ma ngaiia.

Aramwa 52:1

A birinako Reimwanaite mairouia ana taanga n buaka Teaenikam

A maaku Reimwanaite ao a birinako. E baireia Teaenikam bwa e na kakamakuia Reimwanaite aonga ni maaku n ekiinakoi riki aia kaawa Nibwaite. E reke ngkai ana tai Teaenikam n kamanoi riki aia kaawa Nibwaite. E mwakuri korakora ni kamanoia ana botanaomata. E kamanoi aia kaawa Nibwaite aika a mwaiti.

Aramwa 52:2–10