1 Nibwaai 8

Te Kai ni Kamaiu

Miin Riaai

N te tairaki teuana, e karekea te kaotioti Riaai mai iroun te Uea. E tuangiia ana utu taekan miina.

1 Nibwaai 8:2-4

Inanon miin Riaai, e noora te mwaane ae kunnikainna n te mainaina. E tuangaki iroun te mwaane anne bwa e na ririmwiina.

1 Nibwaai 8:5–6

E nooria Riaai bwa e bon mena inanon te tabo ae rootongitong ao n akea kaaina. A rianna inanon aoa aika bati. Ma e aki te roko n nako te rootongitong. Tokin te tai, e a tataro Riaai ibukin buokana.

1 Nibwaai 8:7–8

Ngke e a moti ana tataro Riaai, ao e a noora te tawaana ae bubura. Inanon te tawaana anne ao bon iai te kai ma uana ae mainaina. E taku Riaai n ana iango bwa te uaa aio e na bon anganna te kukurei, ngaia are e a kanna. E kaonaki nanona n te kimwareirei.

1 Nibwaai 8:9‒12

Te uaanikai e riao kangkangina nakon uaanikai nako. E bon rangi ni kangkang man karewerewe. E tangiria Riaai ni kan tibwaia ma ana utu. E ataia bwa e na bon anganiia naba te kukurei. Riaai e nooria Tiera, Taam, ao Nibwaai n teitei i etan te karaanga. A taraa n ae a bua. E weteiia Riaai ni bwanaana ae korakora. E tuangiia bwa a na nakoina ni katoonga uaan te kai.

1 Nibwaai 8:11–15

Tiera, Taam, ao Nibwaai a roko n te kai ao ni kana uaana. Riaai e kakaeia Reimwan ao Remuera. E tangiriia bwa a na kimwareirei naba man kanakin uaan te kai. Ma a bon aki roko ni kana uaan te kai.

1 Nibwaai 8:16–18

Riaai e noora naba te kai te biti are e toma nakon te aroka. E nooria aomata aika a mwaiti n nakonako iaon te kawai. E aki maan i mwiina, ao e a roko te bubu n nang ae roo. Te bubu n nang are e kamabubua kawaia aomata. Te kawai n roko n te aroka bon ti man kamatoatoakin baim n taua te kai te biti.

1 Nibwaai 8:19–24

Tabeman aomata a kitana te kawai ao ni bua. Temwaangina a waaki nako n taua te kai te biti.

1 Nibwaai 8:23–24

Ngke a roko n te aroka, ao a kana uaana.

1 Nibwaai 8:24

E tararake Riaai ao n noora te kateitei ae bubura are e a kaainaki irouia aomata aika a mwaiti. A kamamaeia ma ni kotokotoia aomata ake a kana uaan te kai. Tabeman ake a kana uaan te kai a namakina te mamaa imwiin kamaemaeakiia irouia aomata, ai ngaia are a kitana te aroka. A taotaonnako ma ni bua kawaia.

1 Nibwaai 8:25–28, 31–32

Ni miina, ao e nooria bwa a mwaiti riki aomata ake a taua ni kamatoa te kai te biti. A waaki nako teutana i mwiin teutana ni karokoa are a roko n te aroka. A katorobubua imatan te aroka ao ni kana uaana. A aki kan ongo irouia aomata ake n te kateitei. A rineia bwa na tiku n te aroka.

1 Nibwaai 8:30–33

Ngke e a uti Riaai, e raraoma irouia Reimwan ao Remuera. A bon aki kana uaan te kai inanon miina. Riaai e tangiriia Reimwan ao Remuera. E kaantaningaia bwa a na teimatoa n tena ma aia Uea. E kaoiia bwa a na kawakina ana tua te Atua.

1 Nibwaai 8:36–38